Ethiopian Islamic Affairs Supreme Council

የኢትዮጵያ እስልምና ጉዳዮች ጠቅላይ ምክር ቤት የ«ቢላል ሱፐር አፕ» እና የ«ኢ.አር.ፒ ሲስተም» በወቅፍ ተረከበ
••••••••••••••••••••••••••••••••••••••••••••••••••••••••••
ጥቅምት 23/ 2019 ዓ.ል| ጁማደል አወል 22/1448 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••••••••••••••••
​አዲስ አበባ |
​የኢትዮጵያ እስልምና ጉዳዮች ጠቅላይ ምክር ቤት የ«ቢላል ሱፐር አፕ» እና የ«ኢ.አር.ፒ (ERP) ሲስተም» ባለቤትነት መብትን ከአዲስ አበባ አድቫንስድ ኢንፎርሜሽን ቴክኖሎጂ ድርጅት በወቅፉ (ስጦታ) ተረከበ።
​ወቅፉን የጠቅላይ ምክር ቤቱ የአስተዳደራዊ ጉዳዮችና ተቋማዊ ልህቀት ምክትል ፕሬዝዳንት ኡስታዝ ተምኪን አብዱላሂ ከአዲስ አበባ አድቫንስድ ኢንፎርሜሽን ቴክኖሎጂ ድርጅት ባለቤትና ዋና ሥራ አስኪያጅ ሃጂ መሐመድ አደን (አብዲወሌ) ተረክበዋል።
ጠቅላይ ምክር ቤቱ ለቴክኖሎጂ ውጤቱ ምንም አይነት ክፍያ ሳይፈጽም ሙሉ ህጋዊ ባለቤትነት የተረከበ ሲሆን አዲስ አበባ አድቫንስድ ኢንፎርሜሽን ቴክኖሎጂ ለጠቅላይ ምክር ቤቱ ባለሙያዎች ነፃ የስልጠና ድጋፍ እንደሚያደርግም ተብራርቷል።
በወቅፍ የተበረከቱት የቴክኖሎጂ ውጤቶች የጠቅላይ ምክር ቤቱንና የክልል መጅሊሶችን አሰራር በማዘመን ህዝበ ሙስሊሙ የተሻለ አገልግሎት እንዲያገኝ የሚያስችሉ ይሆናል።
የጠቅላይ ምክር ቤቱ የአስተዳደራዊ ጉዳዮችና ተቋማዊ ልህቀት ምክትል ፕሬዝዳንት ኡስታዝ ተምኪን አብዱላሂ ከፍተኛ ወጪ የሚጠይቀውን የቴክኖሎጂ ውጤት በወቅፍ ላበረከተው ድርጅት በጠቅላይ ምክር ቤቱ ስም ምስጋናቸውን አቅርበዋል።
ዑስታዝ ተምኪን አያይዘው የቴክኖሊጂው ትልቁ አላማ ተቋሙን አሁን ካለንበት የዲጂታል ዘመን ጋር በማዋሃድ ተቋማዊ ልህቀትን ማጎልበት እንደሆነም ገልጸዋል።
​በርክክብ ስነ ስርዓቱ ላይ የጠቅላይ ምክር ቤቱ የልማትና ማህበራዊ ጉዳይ ዘርፍ ምክትል ፕሬዝዳንት ሸይኽ ሐሚድ ሙሣ፣ የሥራ አስፈጻሚ አባላት፣ ከፍተኛ የስራ ኃላፊዎች እና ባለሙያዎች ተገኝተዋል።
•••••••••••••••••••••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም |
t.me/eiasc1
ትዊተር |
https://x.com/eiasc1

የታላቁ ንጉስ ነጃሺ መስጂድና ኢስላማዊ ማዕከል ግንባታ በ1ዓመት ከመንፈቅ አንደሚጠናቀቅ የሀገር በቀል ባለሀብቶች ተወካይ ኢንጂነር ዘሀራ አብዱልሀዲ ገለጹ።
•••••••••••••••••••••••••••••••••••••••••••••••••••••
ጥቅምት 23/2019 ዓ.ል| ጁማደል አወል 22/1448 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••••••••
አዲስ አበባ |
የነጃሺ መስጂድና ኢስላማዊ ማዕከል ግንባታ በኢትዮጵያውያን ባለሀብቶች አማካኝነት እንዲገነባ በተወሰነው ስምምነት መሠረት ዛሬ የስራ ማስጀመሪያ መርሃ ግብር ተካሄዷል።
በግንባታ ማስጀመሪያ መርሃ ግብር ላይ የተገኙት የጠቅላይ ምክር ቤቱ ፕሬዝዳንት የክቡር ሸይኽ ሀጂ ኢብራሂም ቱፋ ባስተላለፉት መልዕክት የታላቁ ንጉስ ነጃሺ መስጂድና ኢስላማዊ ማዕከል ግንባታ መዘግየት የሁሉም ጥያቄ መሆኑን አንስተው ጠቅላይ ምክር ቤቱ ከ3 መቶ ሚሊዮን ብር በላይ ወጪ በማድረግ የቁፋሮ የአፈር መንሸራረት መከላከያ (ሾሪንግ) ስራ መስራቱን አስረድተዋል።
ጠቅላይ ምክር ቤቱ ግንባታውን ለሀገር አልሚ ባለሀብቶች ክፍት ባደረገ አጭር ጊዜ ውስጥ ባለሀብቶቹ ግንባታውን እውን ለማድረግ ፈቃደኛ በመሆን ታልቅ ኃላፊነት መውሰድ መቻላቸውንም የጠቀሱት ፕሬዝደነትቱ ግንባታውን በተያዘለት ቀነ ገደብ በማጠናቀቅ ለምረቃት እንዲበቃ ተቋማዊ ኃላፊነት እንደሚወጡን ገልጸዋል።
በግንባታ የማረጀመር መረሀ ግብር ላይ ንግግር ያደረጉት
የሚድሮክ ኢንቨስትመንት ግሩፕ ባለቤት ሸይኽ ሙሐመድ ሑሴን አል ዓሙዲን የፕሮጀክት ተወካይ ኢንጂነር ዘሀራ አብዱልሀዲ አስገዳጅ ሁኔታዎች ካልገጠሙ በስተቀር ግንባታውን በ1 ዓመት ከ6 ወር ደረጃውን በጠበቀ ሁኔታ ተገንብቶ ለጠቅላይ ምክር ቤቱ እንደሚያስረክቡ አረጋግጠዋል።
የአዲስ አበባ እስልምና ጉዳዮች ከፍተኛ ምክር ቤት ፕሬዝዳንት ሸይኽ ሱልጧን አማን የታላቁ ንጉስ ነጃሺ መስጂድና ኢስላማዊ ማዕከል ግንባታ ለከተማዋ ከፍተኛ እሴት እንደሚሆን ገልጸው በሀገር ውስጥ ባለሀብቶች መገንባቱ ደግሞ ፋይዳውንም የላቀ ያደርገዋል ብለዋል።
በግንባታ ማስጀመሪያ መረሃ ግብሩ ላይ የጠቅላይ ምክር ቤቱ ስራ አስፈጻሚ አባላት፣ ከፍተኛ የስራ ኃላፊዎች እንዲሁም ግንባታውን የሚያከናውኑት ድርጅቶች የስራ ኃላፊዎች ተገኝተዋል።
••••••••••••••••••••••••••••••••••••••
የኢት/እ/ጉ/ጠ ምክር ቤት ሕዝብ ግንኙነትና ሚዲያን ይከታተሉ | Follow us፡
ፌስቡክ | Ethiopian Islamic Affairs Supreme Council
ቴሌግራም |
t.me/eiasc1
ትዊተር |
https://x.com/eiasc1

የክቡር ዶክተር  ሼይኽ  ሀጂ ኢብራሂም ቱፋ  የሰላም ሚኒስቴር ሚኒስትር  ክቡር አቶ ሙሳ አደምን በቢሯቸው ተቀብለው አነጋገሩ።
••••••••••••••••••••••••••••••••••••••••••••••••••••••••••
ጥቅምት 23/ 2019 ዓ.ል| ጁማደል  አወል  22/1448 ዓ.ሒ
بِسْمِ ٱللَّهِ ٱلرَّحْمَٰنِ ٱلرَّحِيمِ
•••••••••••••••••••••••••••••••••••••••••••••••••••••••••••••
​አዲስ  አበባ |
የኢትዮጵያ  እስልምና  ጉዳዮች  ጠቅላይ  ምክር ቤት  ፕረዚዳንት  የክቡር ዶክተር  ሼይኽ  ሀጂ ኢብራሂም ቱፋ  የሰላም ሚኒስቴር ሚኒስትር  ክቡር አቶ ሙሳ አደምን በቢሯቸው ተቀብለው አነጋገሩ።
ክቡር   ሚኒስትሩ  ከጠቅላይ ምክር ቤቱ መሪዎች እና የሥራ አሥፈፃሚ ኮሚቴ አባላት ጋር ትውውቅ እና ውይይት አድርገዋል።
የኢትዮጵያ እስልምና ጉዳዮች ጠቅላይ ምክር ቤት ፕሬዚዳንት የክቡር ዶክተር  ሼይኽ  ሐጂ ኢብራሂም ቱፋ የሙስሊሙን አንድነት እና ሀገራዊ ሰላምን ለማጠናከር ጠቅላይ ምክር ቤቱ የተለያዩ ሥራዎችን እየሠራ እንደሚገኝ  ተናግረዋል።
በቀጣይም ጠቅላይ ምክር ቤቱ   ከሚኒስቴር   መስሪያ ቤቱ ጋር በጋራ በሆኑ የሰላም ና የልማት ሥራዎች ላይ   ተቀናጅቶ  እንደሚሰራም ለክቡር  ሚኒስትሩ አረጋግጠውላቸዋል።
የኢፌዲሪ   የሰላም ሚኒስትር  ሚኒስትር  ክቡር  ሙሳ አደም  በበኩላቸው  ለችግሮች መፍቻ የሚኾን ባሕል እና ልምድ ያላት ኢትዮጵያ ዜጎች በሰላም እጦት ምክንያት ለችግር መዳረግ የለባቸውም ብለዋል።
ዜጎች በሰላም እጦት ምክንያት ለችግር እንዳይዳረጉ የሃይማኖት ተቋማት ሚና የላቀ በመኾኑ ለሰላም ትኩረት ሰጥተው እንዲሠሩ ጠይቀዋል።
ዛሬ በጠቅላይ ምክር ቤቱ በተደረገው ትውውቅ እና ውይይት ላይ  የጠቅላይ  ምክር ቤቱ   ምክትል  ፕረዚዳንቶች  ፣የሰላም ሚኒስቴር የሰላም ግንባታ እና ብሔራዊ መግባባት ዘርፍ ሚኒስትር ዲኤታ ክቡር ዶክተር  ከይረዲን ተዘራ  ፣
የኢትዮጵያ   ሃይማኖት ተቋማት ጉባኤ ዋና ጸሐፊ ሊቀ ትጉኃን ታጋይና  የሚኒስቴር  መስሪያ ቤት  ከፍተኜ  የስራ  ኅላፊዎች  ተሳታፊ  ሆነዋል።
•••••••••••••••••••••••••••••••••••
የኢት/እ/ጉ/ጠ ምክር ቤት ሕዝብ ግንኙነት
ይከታተሉን | Follow us፡
ፌስቡክ | Ethiopian Islamic Affairs Supreme Council
ቴሌግራም |
t.me/eiasc1
ትዊተር |
https://x.com/eiasc1