مأتم ام البنين (؏)
من هذا الرابط وتنزلون بالقصائد تحصلون قصائد القاسم ابن الإمام الكاظم ع
👇🏻
👇🏻
👇🏻
👇🏻
https://t.me/um_ali313/21230
قصيدة ثقيلة للزهراء ع
من ديوان
#مواجع_الزهراء_جزء_الأول
{ مستهل القصيدة }
كصيرة ايام امي ومــا ردتها
خلف الباب معصورة شفتها
سمعت تصيح فضه
ابنــي البـاب رضـّـه
صاحت فضه لحكيني اسمعتها
•───✧◐◐✧───•
سمعت تصيح محسن راح وسفه
چنت احسب واعد ليامه لهفه
يفضه ساعديني الوكعه كلفـه
معروف اليطيح يصيح ولفــه
ماصاحت علي بهاي
كــالت فضه ويـاي
وصية جدي هي المانعتها
كصيرة ايام امي وماردتها
•───✧◐◐✧───•
شلون ايــام مرت عـذبنـي
صغيرونه عـليهن لَوعـنـي
وحيده صبحت من صغرسني
اون وونين روحي مـا كفنـي
احط سجادة امي
اصلي واشكي همي
واشم ريحة حنان الضيعتها
كصيرة ايام امي وماردتها
•───✧◐◐✧───•
ماريد العمر عكب الحنينه
اشوف الدار يازهره حزينه
بعدنه بعازتج وتفاركينــه
مجروح الحسن دمعه بعينه
حسين يصيح يمـه
حجرتج بقت ظلمه
احا يا فركت امي الي عشتها
كصيرة ايام امي وما ردتها
•───✧◐◐✧───•
آه وآه لمــن فــاركتـنـي
ظلمة الدار يايمه وعمتني
هاي الوالده امي العودتني
بسوالفها وحجيها فرحتني
امي شمعة البيت
راحت وانا ظليت
ولا لحظه لأمي فاركتـها
كصيره ايام امي وماردتها
•───✧◐◐✧───•
الموت الكاتبه النا الله شمحلاه
مو موت العدو وبالغدر نـلكـاه
الهجم عالدار بيده الحطب خلاه
الف لعنه عليه كلنه لعناه
أخذ امي من اديه
وهاي اصعب رزيه
جروح الزاچيه بيدي اضمدتها
كصيره ايـام امي ومــا ردتها
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫
لايجوز حذف اشكال الذمه من القصيدة
https://t.me/ertlgaaz
#ابوذيـة
تون زهرت حياتي يوجعنها
وانه ادري اليوجعنها يوجعنها
اظلن يم كبرها يو اجي عنها
وانه ادري بزينب تريد الزجيه
اللهـم_عجـل_لوليـك_الفـرج
لطميه شور للسيده الجليله فاطمة الزهراء عليها السلام
=============
يازهراء يازهراء يازهراء
يازهراء يازهراء يازهراء
===
ضلعج المكسور هدم حيلي
انحب بحسره واصيحن ويلي
يمه من فركاج ذاب دليلي
شنهي عنده الباب بس توميلي
يا زهراء يا زهراء يا زهراء
===
الباب شبت نار بين اهدومها
شكد صعب امي الزجيه ويومها
كون يومي يصير كبل علومها
لو يسوم الموت غالي سومها
يا زهراء يا زهراء يا زهراء
===
الباب والحايط كضاهه بعصرته
بضلوع ام الحسن وتلكته
طاح ابنها يسيل دمه شافته
صاحت بحسره يفضه وشالته
يا زهراء يا زهراء يا زهراء
===
ليش ماندبته حماي الحمه
وطاحت الزهره الزجيه فاطمه
سطره فوك الخد ومدمعها دمه
حنت وانت بروح مالمه
يا زهراء يا زهراء يا زهراء
===
بجت املاك السمه من فرفحت
طاحت على الكاع والركبه التوت
وين حيدر ماحضرهه من انولت
اشلون عدوانك عليها ادافعت
يا زهراء يا زهراء يا زهراء
==
تمت بحمد الله تعالى بقلمي شاعرة وخادمة اهل البيت عليهم السلام ملا زينب الطويرجاوي ١ ١١ ٢٦ ٠ ٢
https://t.me/ertlgaaz
قصيدة للزهراء ليلة الجمعه
من ديوان
#مواجع_الزهراء_جزء_الثاني
{ مستهل القصيدة }
كون مثل الناس اسوي اقرايه
بليلة الجمعه وتجي النعـايـه
•───✧◐◐◐✧───•
كون مثل الناس اون لمي وانوح
والطم اعله اضلوعي والچمها الجروح
اليفكد امه كون وياها يروح
ولا يظل اعليها شاده رايـه
•───✧◐◐◐✧───•
تحضر النسوان كون بهل المسه
الميته بنت المصطفى وخير النسه
والعزه المنصوب كون اترئسه
لمي كون انه اصبح الملايــه
•───✧◐◐◐✧───•
واقره الها امصابها وكسر الضلع
وحال ابوي اعليها شفته المنفجع
وحال اخوتي النفس منهم منكطع
حزام اشدلي والطم الها هوايه
•───✧◐◐◐✧───•
اون ونات الحبايب لـو مشــن
انه وحده وامي وحده بهل وطن
وشافت انواع المصايب والمحن
والبقه من الضيم اكمله ويايه
•───✧◐◐◐✧───•
وينها التسمعني تبچي لمحنتي
انه زينب والمصايب سلوتي
راحه ماشفت بحياتي ودنيتـي
من الصغر متعني ضيمي عنايه
•───✧◐◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫
لايجوز حذف اشكال الذمه من القصيدة
https://t.me/ertlgaaz
قصيدة بين السيدة زينب والزهراء ع
لها عدة اطوار كتبتُها للمله ام مرتضى التميمي لمجلسهم الخاص في حسينية العقيلة زينب بالبصرة
{ مستهل القصيدة }
يازينب يازينب .. هذا اخر يوم وياچ يازينب
يازينب يازينب .. يمه انطيني يمناچ يازينب
•───✧◐◐◐✧───•
كعدت زينب يمها وضلت تحچي وياها
لزمت چفها ونحبت والمدمع غطاها
يايمه الدنيه اخلافچ لا ما نهواها
كعداتي اوياچ مااكدر يمه اتخطاها
لاترحين .. لاترحين .. غيابچ عالبزر يصعب لاترحين
•───✧◐◐◐✧───•
ترد اعليها الزهره وتكلها سمعيني
عندي وياچ اوصيه وحفظيها ياعيني
من بعدي تشوفين الهم يايمه ذكريني
وكعداتچ كلها تروح يازينب عن عيني
يايمه .. يايمه .. راح تشوفين الأغرب يايمه
•───✧◐◐◐✧───•
راح تشوفين بالطف كلشي الماشايفته
وراح ايمر بيچ موقف يبنيتي انه اطلبته
تشمين حسين بصدره وتحبي بركبته
ادري الموقف ياذيچ الأخ ايودع اخته
نفذيها .. نفذيها .. وصيه وامرچ يتطلب نفذيها
•───✧◐◐◐✧───•
حسين يطيح بكاعة وادوس اعليه خيل
مهره يردلچ خالي فازعلچ بالويل
تهجم خيل اعليكم وتصيحون الويل
تحتارين أبأمرچ ومايبقالچ حيل
والخيمه .. والخيمه .. بيها النيران تلهب والخيمه
•───✧◐◐◐✧───•
وحيدچ راح اتضلين اومايمچ والي
مطشر بالحومه تشوفينه احسينچ غالي
وخنصر من ايده الضايع يمرد دلالي
وانتي بذيچ الساعه دمعچ من دم هالي
يبنيتي .. يبنيتي ..محد مثلچ يتعذب يبنيتي
•───✧◐◐◐✧───•
وهاي اعباتي اخذيها للطف يمه اوياچ
هناك يحركون الخيمه وهاي تصير اغطاچ
اوداعچ كاسر كلبي يريد يضل احذاچ
يبنيتي بالعاشر ادعي الله اليرعاچ
محروسه .. محروسه .. يازينب من الرب محروسه
•───✧◐◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫
لايجوز حذف اشكال الذمه من القصيدة
https://t.me/ertlgaaz
قصيدة جنوبيه للزهراء ع
من ديوان
#مواجع_الزهراء_جزء_أول
{ مستهل القصيدة }
ويازينب _ شدي اعصابتچ زين
هذا اول ضلع وانتي تشوفين
•───✧◐◐✧───•
تحضري للطم والنوح والونه
هذا اول مصاب اوياچ اشوفنه
ومن امچ يزينب كطعي الظنه
{ واصواب البين - اتحضريله }
•───✧◐◐✧───•
شدي اعصابتچ وتحزمي للبين
يغداره الدنيه وتاخذ الزين
وكسرتلي ضلع والثاني بحسين
{ وبعينج يمه - اتشوفينه
}
•───✧◐◐✧───•
ييمه اوصيچ يازينب وصيه
لو شفتي اخوچ اعله الوطيه
بوسي بالنحر شمي اليه
{ اوصيتي عليچ - تنفذيها }
•───✧◐◐✧───•
عندي اوياچ كلمه ورايده احچيها
لرض الغاضريه من تروحيها
وامتونچ يزينب حيل شديها
{ كل هضمه البيچ - نحس بيها }
•───✧◐◐✧───•
مثل ماصار بيه يصير بحوالچ
حرك الباب بيه وانتي بذيالچ
ومن نار الخيم متشتته اطفالچ
{ كل ضيم اهناك - اتشوفينه }
•───✧◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫
لايجوز حذف اشكال الذمه من القصيدة
https://t.me/ertlgaaz
نعي للسيدة الزهراء ع
#جديد
😭
💔
زينب تودع الزاچيه اليوم
حزنت عليها وسود الهدوم
والكلب من الصار مالوم
•───✧◐◐◐✧───•
من الدمع ناكع شليلي
ومهدوم عكبج صار حيلي
من فركتچ مانمت ليلي
•───✧◐◐◐✧───•
تكلچن زينب
هم وحده مثلي مفاركة امها
وتحتار عدمن تشكي همها
لو جار الوكت بيها وهضمها
•───✧◐◐◐✧───•
ذكرن سوالفها وحچيها
وكولن بعد لا مانجيها
شالت بليل امودعيها
•───✧◐◐◐✧───•
اليوم زينب حالها شلون
تبچي على امها وعميه العيون
واليله نعش امها يدفنون
•───✧◐◐◐✧───•
يدفنون الهوى بنفاس زينب
حكها على امها ام عون تنحب
دمعتها دمه من عيونها تصب
•───✧◐◐◐✧───•
كلچن حبايب ساعدنها
من شالت ام البيت عنها
ماهده من النوح ونها
•───✧◐◐◐✧───•
تكووول …
المن بعد احچي اسراري
ظلمة عكبها اصبحت داري
اون بحزن ليلي ونهاري
•───✧◐◐◐✧───•
عله ام المحنه اليوم اونن
وكل لحضه لسوالفها احنن
نسير بعد ونروح عدمن
احوووي يم حسن يمه
•───✧◐◐◐✧───•
حنينات لوكعدن سويه
تسولف وي امها البنيه
محلاها وكت المغربيه
•───✧◐◐◐✧───•
تشكي الهضم لو مر عليها
تسولف العدها وتصغي ليها
تشيل التعب عنها وتجيها
•───✧◐◐◐✧───•
بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫
لايجوز حذف اشكال الذمه من القصيدة
https://t.me/ertlgaaz
#الزهراء
ع
ثگيل بحق الزهراء عليها السلام وتقرا بأطوار مختلفة
ما الله قاسملچ بعد.... اتنصبين للمحسن مهد
يم الحسن مات الولد.... يم الحسن مات الولد
.........
كلشي بالقسمه وقسمتچ يم حسن
ايموت بزرچ حتى لو بطنچ وطن
اتمد اديها ابحقد عمده اهل الفتن
حنى تنفجعين على طول الزمن
وهذا الظلم ماعنده حد/من هسه يالزهره استعد
يم الحسن مات الولد.... يم الحسن مات الولد
امكيفه بوليدچ يحره الجايلچ
وگالچ سميه محسن والدچ
لاچن ابليس اليكرهچ حاسدچ
بالذبح انتي وضناچ امواعدچ
وامواعدچ هذا الوعد/ياخذ اوليدچ للابد
يم الحسن مات الولد.... يم الحسن مات الولد
اي يبعد الروح مالوليتي
ابو سادس مات ماطلگيتي
لچن شفتي الموت وانطگيتي
والتهيتي ابروحچ او ونيتي
والمحسن ايمام اوسجد/للباري متكسر صعد
يم الحسن مات الولد.... يم الحسن مات الولد
ايگول يشبه حيدره واخوانه
اوبيه شبه من النبي مولانه
محسن ازغيرون ياخوّانه
شاهد الباب وچهب نيرانه
ومن طاح عالغبره انربد/وعن امه هليله ابتعد
يم الحسن مات الولد.... يم الحسن مات الولد
اتفارگيتو وبعد لا ما تلتقون
هاي غصة اوخيبت كل الضنون
الخوف يازهراء خافنه المنون
يلحگ اعليچ وتغمضين العيون
وفگدچ على اعيالچ اشد/انتي ام مو اي أحد
يم الحسن مات الولد.... يم الحسن مات الولد
ام علي رضا الشريفي الحسيني
الفاتحة لروح والدي خضير بن زوينة
https://t.me/ertlgaaz
{
صلوات افتتاحيه مجلس
}
#جديد_حصريآ
🔥
#الشاعرة_العلوية_فضيلة_الموسوي
#ديوان_بين_الباب_والمصاب_الجزءالاول
أجيـــنة بمـــجلسج ياقـرة العين
ونــــدري بيج مــــوجودة يزهره
ورفعنا الأيـــد كلنا ونطلب امراد
ونصلي اعلى النبي الهادي ونقره
{
صلوووات
}
✧ــــــــــــــ ✦◈ ✦◈✦ ــــــــــــ✧
هنـــيئا للحــــضر والـــجاي هليوم
بـــــالمجلس يــــــواسيها الـزچية
ونكلها وياج راح نون على حسين
ونبـــــدي بـــــالصلاة هاي الــعزية
{
صلووووات
}
✧ــــــــــــــ ✦◈ ✦◈✦ ــــــــــــ✧
بيــــــكم يـــــا أهـــل بـــيت النبــوة
نتمســــك لحـــد مـــــايوصل الموت
وعليكـــم نبچــــي ونـــــعلي الونات
ونصلي اعلى الرسول بعالي الصوت
{
صلوووات
}
✧ــــــــــــــ ✦◈ ✦◈✦ ــــــــــــ✧
تمت
خادمه أهل البيت العلويه فضيله هاشم الموسوي
ماذكرناه في عشره أيام رأته العقيله في يوم واحد
🚫
لا أجيز حذف الاسم وغير مبري الذمه من يتلاعب بالقصائد
🚫
العمل مهدات لمولاي صاحب الزمان عج لا يجوز حذف اشكال الذمة من القصيدة
https://t.me/ertlgaaz