Fakt va Fikr
https://youtube.com/live/SyHGB95rWNc?feature=share
Бугун, 2026 йил 11 Кузак (сентябрь) куни Би-Би-Си радиоси Ўзбек хизматининг Ютюб-ўзанида ўзбекистонлик Исмат Хушевнинг интервьюси эълон қилинди. Унда Исмат Хушев, хусусан, шундай деган:
“Ўзбекистондан чиқиб кетганимдан кейин биринчи марта Ўзбекистонга Мирзиёев даврида эмас, Каримов даврида бориб келганман. Ўшанда АҚШда яшайдиган ўзбекистонлик сиёсатшунос Тошпўлат Йўлдошевнинг маслаҳати билан Ўзбекистон элчихонаси орқали Каримов ҳукуматига алоқага чиқиб: “Ислом Каримов ҳақида аноним мақолалар ёзаётган Усмон Ҳақназаровнинг кимлиги ҳақида ҳукуматга маълумот бермоқчиман”, дедим. Тошпўулат Йўлдошевнинг айтганидек, шундай дейишим биланоқ элчихона Ўзбекистонга боришим учун билет олиб берди. Ўзбекистонга келганимдан кейин МХХдаги бошқарма бошлиғи 30 январь куни, яъни Ислом Каримовнинг туғилган кунида президент билан учраштиришни ваъда қилди. Лекин марҳум Шукрулла Мирсаидовнинг уйига борганим учун Каримовнинг ғазаби тутиб, мени яна бадарға қилди. Ўзбекистонга чинакам қайтишим Шавкат Мирзиёев даврида содир бўлди.
Президент Ислом Каримов Ўзбекистонда қийноқлар борлигини билар эди, ўзига таниш судланувчиларни неча йилга қамашни судлар эмас, унинг ўзи ҳал қилар эди. Масалан, ўша пайтдаги Олий суд раиси Убайдулла Мингбоев: “Исмат Хушевни неча йилга “кесиш”ни билмаяпмиз, чунки ундан айб топа олмадик”, деганида, Ислом Каримов: “Яхшилаб урмадингизларми?”, деган. Суд раиси эса: “Урдик, тепдик, қовурғаларини синдирдик”, деб айтган. Буни менга Убайдулла Мингбоевнинг ўзи айтиб берган. Хуллас, Ислом Каримов Ўзбекистон терговхоналари ва қамоқхоналарида қийноқлар борлигини билган. Лекин шундай бўлса-да, яъни Ислом Каримов мени урдиртириб, қовурғаларимни синдиртирган бўлса-да, мен барибир уни яхши кўраман. Қовурғаларимнинг синдиртирилганига Ислом Каримовнинг золимлиги эмас, ўзимнинг аҳмоқлигим сабаб бўлган”.
@faktvafikr2021
Исмат Хушев: “ИСЛОМ КАРИМОВ ҚОВУРҒАЛАРИМНИ СИНДИРТИРГАН БЎЛСА-ДА, УНИ ЯХШИ КЎРАМАН”.
https://youtu.be/SzUakjprglY
Ўзини "Исроилда ишлаб юрган қозоғистонлик қозоқ", деб таништириб, Исроил давлатини ва яҳудийларни кўкларга кўтариб мақтаб юрган мана шу йигит ҳақиқатдан ҳам қозоқ, деб ўйлайсизми? Ёки қозоқни "ёқиб" олган қозоғистонлик яҳудийми? Нима бўлган тақдирда ҳам, бу йигит ошқозони овқатга, киссаси - пулга тўлиб юргани учун, Фаластиндаги мусулмонларнинг қирғин қилинаётганига тупуриб қўйган бири.
@faktvafikr2021
1998 йил 15 Кузак (сентябрь). Қуддус шаҳри. King David меҳмонхонасининг анжуманлар саройи. Ўзбекистон президенти Ислом Каримов ва Исроил Бош вазири Бинямин Нетанияҳу жами 9 шартномадан иборат келишувларни имзоламоқда. Имзоланган ҳужжатлар ичида савдо-иқтисодий ҳамкорлик (Trade and Economic Cooperation), техник ҳамкорлик (Technical Cooperation), қишлоқ хўжалиги (Agriculture), экология (Ecology), тиббиёт ва соғлиқни сақлаш (Medicine and Healthcare), солиқ (Tax), божхона (Custom), ташқи савдо хатарларининг олдини олиш (Foreign Trade Risks) ва номи ҳозиргача ҳеч қаерда очиқ ёзилмайдиган яна бир соҳада бир-бирига елкадош бўлиш тўғрисидаги келишувлар бор.
Нетаняҳу ва Каримов ўртасида 1998 йилнинг кузида имзоланган тўққизинчи келишув мамзуни ҳозиргача Исроил ҳукумати томонидан ҳам, Ўзбекистон ҳукумати томонидан ҳам очиқланмаган. Айрим таҳминларга кўра, тўққизинчи келишув МОССАД ва МХХ ўртасида тузилган бўлиб, унда Ўзбекистонда диндор мусулмонларга террорчи “тамағаси”ни уриб, уларни оммавий қатағон қилиш ишларини бошлаш, аксиляҳудий кайфиятдаги ўзбекларнинг рўйхатини Исроил махсус хизматларига мунтазам етказиб туриш, Ислом динига ва мусулмонларга қарши бошқа турдаги таъқибларни жадаллаштириш кўзда тутилган.
Бу бир таҳмин бўлса-да, у қуруқ гап эмаслигига мантиқий далил бор: орадан роппа-роса беш ой ўтиб, яъни 1999 йилнинг 16 февраль куни Тошкентда портлашлар содир бўлди, ундан кейин Ўзбекистонда диндорларни “пачка”лаб қамаш бошланди. Қизиғи шунда-ки, кейинчалик ўша порталашлар ҳақида “Қашқирлар галаси” (“Волчья стая”) китобини ёзган исроиллик ёзувчи Олег Ёқубов Тель-Авивдан Тошкентга “тасодифан” мазкур портлашлардан икки кун олдин, яъни 14 февральда, етиб келган. Буни ёзувчи ўша китобнинг ўзида ёзган.
Ислом Каримов мусулмонларни сўювчи қассоб эканлиги 1999 йилнинг февралидан сўнг маълум бўлган эди. 1998 йил 15 Кузак (сентябрь) куни Қуддус шаҳридаги King David меҳмонхонасининг анжуманлар саройида имзоланган келишувга қўл қўйган иккинчи одамнинг – Бинямин Нетаняҳунинг ҳудди шундай қассоб эканлиги эса 2023 йилнинг кузидан кейин ошкор бўлди.
@faktvafikr2021
ИККИ ҚАССОБ ЎРТАСИДА ТУЗИЛГАН ВА ОММАГА ОШКОР ҚИЛИНМАГАН КЕЛИШУВ
Булунғурлик қизни «тирилтиришибди». У Face IDси ишлаётганини тасдиқлабди.
@burgutuzb
Ижтимоий тармоқларда Самарқанд вилояти Булунғур туманида яшовчи бир қиз мурожаати пайдо бўлди. У бир неча йилдан бери давлат органларига ўлмаганини, яъни тирик эканини исботлашга уринмоқда. Бу асло кўчма маънодаги гап эмас.
25 ёшли қиз 2022 йил август ойида Булунғур тумани туғруқхонасида фарзандли бўлганини айтди. Афсуски, чақалоқ вафот этган. Бироқ унинг сўзларига кўра, шифокорлар хато туфайли маълумотлар базасига нафақат боланинг вафоти ҳақидаги маълумотни, балки онанинг ҳам вафот этгани ҳақидаги маълумотни киритган. У ўзининг «вафот этгани» ҳақида фақат кейинги йили, яна туғруқхонага борганида хабар топган. Унга: “Фуқаро, сиз маълумотлар базасида йўқсиз, вафот этган деб қайд этилгансиз”, деб хабар беришган.
Қизнинг эри туғруқхонага бориб, масалани аниқлаштирган. Унинг айтишича, шифокор хатога йўл қўйилганини тан олган ва кичик бир тилхат ёзиб берган: маълумотлар тиббиёт муассасасининг айби билан нотўғри киритилган. Ҳужжат шаҳарга олиб борилган ва шундан сўнг оила иккинчи фарзандининг туғилганлик ҳақидаги гувоҳномасини расмийлаштиришга муваффақ бўлган. Шунга қараганда, масала ҳал бўлгандек эди. Аммо мамлакатимизда кўпинча бўлганидек, бу фақат бошланиши эди.
Аёл барча маълумотлар ҳақиқатан ҳам тузатилган-тўғриланмаганини текширишни сўраган. Face ID орқали текширув ўтказилганда эса тизим ҳанузгача: «Фуқаро тирик эмас», деган хабарни чиқараверган. Унинг шикоятларига амалдорлар ҳар сафар барчасини тузатиб қўйишларини айтишган. Бироқ уч йил ўтиб, қиз кредит расмийлаштиришга қарор қилганида ва паспортни тақдим этганида, Face ID яна ўша натижани кўрсатган — фуқаро вафот этган деб қайд этилган.
У бир нечта давлат идораларига мурожаат қилди. Ҳар ерда унга ҳужжатлари жойида эканини айтишди. Аммо Face ID орқали ҳар қандай текширув вақтида тизим бу инсон тирик эмаслигини кўрсатаверди. Унинг айтишича, MyGov иловасида ҳам: «Фуқаро тирик эмас, у вафот этган», деган маълумот кўрсатилмоқда. Қиз Адлия вазирлиги ва Соғлиқни сақлаш вазирлигига қўнғироқ қилган, аммо ҳанузгача жавоб олмаган.
Ҳикоянинг энг абсурд қисми давлат тузилмаларининг ишонч телефонларидан бирига қилинган қўнғироқ вақтида содир бўлган. У ерда унга: «Фуқаро, кечирасиз, аммо агар сиз вафот этган деб қайд этилган бўлсангиз, мен сизнинг аризангизни қабул қила олмайман», — деб жавоб беришган.
Яъни, тизим учун у вафот этган, шунинг учун ўзининг «вафоти» ҳақида шикоят ҳам қила олмайди. Натижада классик бюрократик доира юзага келган: хатони тузатиш учун ариза бериш керак, аммо тизим ариза берувчини вафот этган деб ҳисоблагани учун унинг аризасини қабул қилмайди. Аёл масъул идоралардан ниҳоят бу муаммога эътибор қаратишларини ва у бир неча йилдан бери давлат ҳамда банк хизматларидан нормал фойдалана олмаётганига сабаб бўлаётган хатони тузатишларини сўрамоқда.
Ижтимоий тармоқлардан олинди.
@faktvafikr2021