فريق فطرة

هي "برشامة" ولا "سُم قاتل"!!
بدون مقدمات ضحكك على الدين… أخطر مما تتخيّل!
المشكلة مش في “الكوميديا” نفسها…
المشكلة لما يبقى الدين هو مادة الضحك!
لما الثواب والعقاب يبقوا إيفيهات،
ولما الفتوى تبقى مادة للسخرية،
ولما المسجد وهيبته يتحولوا لخلفية مشاهد هزلية…
هنا لازم نقف.
الشيطان مش لازم يخلّيك تكره الدين مباشرة…
أحيانًا يكفيه إنه يخليك “تستخف” بيه.
تضحك… ثم يذهب من قلبك التعظيم.
تخيل مثلا كام شاب في الشارع هيقول "انا تبت واتقبلت امبارح " او "مش ابن حنبل اللي قال دا ابن عمي" او غيرها من الافيهات اللي في الفيلم
وربنا سبحانه حكى عن ناس كانوا يقولون:
﴿إِنَّمَا كُنَّا نَخُوضُ وَنَلْعَبُ﴾
فجاء الرد الصادم:
﴿قُلْ أَبِاللَّهِ وَآيَاتِهِ وَرَسُولِهِ كُنتُمْ تَسْتَهْزِئُونَ ۝ لَا تَعْتَذِرُوا قَدْ كَفَرْتُمْ بَعْدَ إِيمَانِكُمْ﴾
تأمل…
هم اعتبروها “هزار”!
لكن ربنا سبحانه ما اعتبرهاش هزار.
قال بعض السلف:
“الاستهزاء بالله وآياته ورسوله كفرٌ، سواء كان جادًّا أو هازلًا.” انت متخيل الورطة!
الدين مش مساحة للتسلية.
والقلب اللي يعتاد الضحك على شعائر الله… مع الوقت يفقد هيبة الحلال والحرام. ﴿ذلِكَ وَمَن يُعَظِّم شَعائِرَ اللَّهِ فَإِنَّها مِن تَقوَى القُلوبِ﴾
مش كل حاجة ينفع نقول عليها:
“يا عم ده فيلم!”
لأن اللي بيتكرر على السمع والبصر… بينزل على القلب بالتدريج.
احفظ قلبك.
واعرف إن تعظيم الدين من تعظيم الله.
ولو فعلاً بتحب ربنا…
ما ترضاش تشوف دينه بيتحول لمادة ضحك عشان الناس تتسلى.

هي المشكلة مش افيه ولا اتنين اترموا عشان يضحكوا الناس، هي المشكلة في عقلية الي بيكتب والي بيمثل، رسالتهم بتوصل ازاي؛ الافيهات في الأفلام مش عفوية، بالعكس، مدروسة ومعمولة بطريقة منظمة عشان تخلي الفيلم يضحك.
يعني فيه حد قعد يكتب افيهات واضح فيها الاستهانة بثوابت دينية، زي الخوف من النار في الآخرة، ومكانة العلماء، واتراجعت مرة واتنين واتصورت ومحدش عنده مشكلة...
كده المشكلة أكبر...
أصل تخيل ده الي بيقول؛ لكن الي بيسمع أسوأ، لأن كل الكلام البشع الي بيتقال، اتغلف بغلاف ضحك، عشان يتبلع؛ أصل محدش هييجي في وشك يقولك أنا مبخافش من النار، لكن لما يتعمل افيه بيضحك، كله هيسمع، وكله هيضحك...
الفكرة بقى إن الدنيا مش ضيقة اوي كده؛ ايه حكاية كل ما حد يعوز يظهر ولا يعمل فرقعة يخبط في الدين؟ للدرجة دي انت فاضي وضعيف ومعندكش حاجة تقولها؟
انت متخيل الشاب الي هيسمع فيديو لشيخ بيتكلم عن الآخرة والجنة والنار عشان يقرب لربنا، يطلع له الفيديو الي وراه بيتريق على الشيخ وعلى الجنة والنار؟
شكل مثالي لخطوات الشيطان...
التدرج يبدأ كده، ومن بعدها هاجي أقول الإمام فلان ابن فلان بيقول، ألاقي الناس بتضحك، ومن بعدها كل هيبة لأي عالم تروح، كل قيمة تروح، والمجتمع يتدمر.
الثوابت متتميعش؛ الحدود اتعملت عشان نلتزم بيها؛ كن دومًا معول بناء لا هدم، لعل الله أن يستعملنا ويردنا إليه مردًّا جميلًا.

لا تنسى الدعاء في هذا اليوم المبارك
اعمل منشن لشخص تحبه وتذكره بدعوة في التعليقات
https://www.facebook.com/100064958581049/posts/pfbid027n4JiXQKBhn8eE2J2QNqQrptdax8ntaMftQGEeEAKwg2FySG5dtCcV3amiWTLDq1l/
#فطرة

أيام أكل وشرب وذكر لله عزوجل
أكثروا من الدعاء
#فطرة

عيدكم مبارك
كل عام وأنتم بخير وصحة وعافية
#فطرة

الفوائدوالتعليقات
❤
🕊