الطريق من دمشق إلى بيروت
( الكلام واضح واللبيب من الإشارة.... )
الرجل ما قال ( نتمنى ) بل قال ( يجب ) والفرق عميق بين الكلمتين
"هذا الأمر يجب أن يعود، ويجب أن يعود اليوم قبل بكرا"
وزير النقل السوري يتحدث عن مساعي إعادة تسهيل حركة التنقل بين سوريا ولبنان، والعودة إلى الآلية التي كانت متّبعة قبل عام 2011
وأوضح خلال لقاء إعلامي مصوّر أن دخول مواطني البلدين كان يتم باستخدام الهوية، ولمدة تصل إلى 6 أشهر، من دون قيود أو إجراءات إضافية
وقال: "قبل 2011 كان المواطن اللبناني يدخل إلى سوريا عن طريق الهوية، وبدون أي قيد أو شرط ولفترة 6 أشهر، ومن دون ما حدا يسأله شو عم تعمل وتشتغل"
وأضاف: "والمواطن السوري كان يدخل إلى لبنان عن طريق الهوية أيضاً، ولفترة 6 أشهر بدون أي قيد أو شرط، وبدون ما حدا يسأله لوين رايح"
وأشار إلى العمل مع الجهات المعنية لمعالجة العقبات التي ظهرت خلال السنوات الماضية
مؤكداً: "نعمل مع المعنيين لتلافي العقبات اللي هي طارئة نتيجة الفترة السابقة، وإزالتها والعودة إلى الوضع الذي كان عليه قبل عام 2011 وأفضل".
سفر طيران فرنسا وترانسافيا سيستأنفوا الرحلات إلى بيروت هذا الأسبوع
سفر طيران فرنسا وشركته الصغيرة بأسعار منخفضة ترانسافيا على وشك إعادة إطلاق الرحلات إلى بيروت هذا الأسبوع، مما يعيد الاتصالات المباشرة مع باريس بعد شهور من الإيقاف وسط النزاع الإقليمي.
العودة تعني خطوة أخرى في استعادة الخطوط الجوية الدولية إلى لبنان بعد شهور من الاضطراب، حيث عادت العديد من شركة الطيران الأجنبية بحرص إلى المنطقة بمجرد أن تتجاوز الظروف.
( شروط دخول السوري إلى لبنان وتصريح وزير النقل السوري للاعلام اللبناني واضح وصريح برسالته!!)
🌹
تحية احترام وتقدير لمعالي وزير النقل السيد يعرب بدر الرجل وجه رسالة مختصرة للجانب اللبناني بطريقة تحمل شرط واضح بين السطور
🌹
الرجل قال قبل 2011 المسافر السوري كان يدخل لبنان على الهوية وياخد ست شهور بدون وجود أية شروط واللبناني بيدخل سورية بنفس الطريقة
🌹
باختصار شديد علينا أن نعود إلى ماقبل عام 2011 كمان كنا نقطة انتهى
( يعني الرجل يعتبر كلامه مصدر رسمي كونه صاحب منصب حكومي وبيحكي بلسان الحكومة وصل رسالته بطريقة غير مباشرة وعلى مايبدوا الجانب السوري مارح يفتح معابر الدبوسية والعريضة ويوافق على مرور الشاحنات الترانزيت إلى لبنان من العراق الا اذا لبنان نفذت الشروط السورية بدون لف ودوران وكذب ودجل الوزير صحيح طريقة كلامه كانت هادية ودبلوماسية بس فيها رسالة بين السطور واضحة بدكم شغل واقتصاد وبزنس بتسمعوا كلمة الجانب السوري وبتنفذوا المطلوب)
( كيف وضع طريق الأردن وشلون وضع مطار عمان ياترحال عمان ؟!)
✅
مستمرين بخدمة ترحال عمان بتقديم خدمات التوصيل والاستقبال من وإلى مطار الملكة علياء بشكل يومي وعلى مدار الساعة
✅
الحمد لله طريق الشام عمان وضعه ممتاز هاد الاسبوع صدرت موافقات مواعيد مقابلات السفارة وسجلنا تأمين دخول للأردن ل36 موعد مقابلة سفارة
✅
بالنسبة لموافقات العلاج المرضي يوم الثلاثاء صدرت قائمة مؤلفة من 12 اسم وبقية الاسماء 9 يوم الأحد بإذن الله تعالى بتصدر موافقاتهم
✅
فيما يخص الموافقات السياحية رح يكون دخولها أيام الاثنين والأربعاء بإذن الله تعالى وزيارة الأقارب السبت والاحد
✅
طبعاً يلي مسافر من مطار عمان بنصدرله موافقة ترفيق ترانزيت بكفالة ترحال عمان مع تقديم خدمة النقل من دمشق إلى مطار عمان
✅
أما بالنسبة للمسافرين القادمين من افريقيا ويلي عليهم منع دخول لبنان بيحسنوا يقطعوا على مطار عمان ويحصلوا على موافقات عبور ترانزيت بكفالة ترحال عمان ويكملوا طريقهم على الشام
خدمة ترحال عمان 00963999213539
حالة مطار دمشق وآخر الأخبار والمستجدات:
✅
اليوم وامبارح حركة المغادرة أعلى من الإستقبال بمطار دمشق ومافي زحمة كتير بالصالات
✅
الطيارة يلي راحت ورجعت على كوبنهاجن سافرت امبارح على فيينا وراحت ورجعت بسلامة بدون أية مشاكل
✅
اليوم شركة فلاي دار اخدت رخصة المشغل الثالث بسورية وصارت المشغل التالت بسورية رح تبلش اول رحلاتها بآخر شهر أكتوبر
✅
اليوم مطار حلب ومطار دمشق انتهى من استكمال كامل معايير الجودة والسلامة الفنية المطابقة للمعايير العالمية وهاد يعني انو هل الشتوية في هبوط بالضباب بدون ماترجع الطيارة من مكان ما اجت
✅
يعني تم رسمياً انتهاء أعمال معايرة أنظمة الملاحة الجوية في مطاري
#دمشق
و
#حلب
الدوليين
✅
طبعاً يعتبر إنجاز هذه الأعمال خطوة مهمة نحو تعزيز سلامة واستمرارية العمليات الجوية، ورفع القدرة التشغيلية للمطارين واستيعاب المزيد من الرحلات والنواقل الجوية، بما يدعم توسيع شبكة الوجهات وتعزيز الربط الجوي لسوريا مع المحيط الإقليمي والدولي.
✅
نفذنا اليوم بخدمة ترحال مطار دمشق 9 استقبالات مطار و13 برنامج توصيل من العاصمة دمشق إلى المطار
خدمة ترحال مطار دمشق 00963999213539
دربكم أخضر توصلوا بخير وسلامه بأمان الله ورعايته
ابومحمد وأبو عائشة بطريق الرجعة على الشام تيسير رب العالمين
وزير الخارجية أسعد الشيباني ينشر صورته مع الرئيس أحمد الشرع بعد حضورهما اجتماعات الجمعية العامة للأمم المتحدة بدورتها الـ81، معلقا:
كانت رحلة متعبة، لكنها تهون في خدمة أهلنا وشعبنا ولأجل سوريا التي نطمح إليها
تحياتي للجميع ( القصة مجاكرة موضوع الحدود)
الله يمسيكم بأنوار النبي هلأ لحتى تركنت بعد مانشف دمي بسفرة اليوم بعد ما تبهدلنا بزحمة الحدود ولكن بدي احكي كلمتين ورزقي ورزق كل زملائي السائقين على رب العالمين
✅
نحنا يلي عم نشتغل على الخط والناس المسافرين مالنا علاقة بحركات المجاكرة والمكايدة
📌
باختصار اليوم بلبنان في 3 تيارات بتنظر لسورية بشكل مختلف
🌹
الفريق الأول بده يشيل كل القيود على السوريين ومستعد يمد ايده لسورية ويشتغلوا سوا منشان كمان يستفيدوا وسوريا توافق على التصدير من الموانئ اللبنانية
⚪
الفريق التاني غيران ومقهور وميت من غيظه شلون كل العالم انفتح على سوريا لأنه بيشوف حاله أعلى بمرتبه من السوري لذلك بيحاول يناور بشكل استفزازي ليثبت وجوده يعني كل ماطلع قرار لمصلحة السوريين بيحاول يناور ويلتف عليه بفرض عراقيل جديدة متل قرار ( منع السيارات) بعد العصر يعني بده يحارب الناس برزقها
🟢
الفريق التالت بده بس السوريين يتركوا لبنان ويرجعوا على بلدهم وماعنده مشكلة ترجع العلاقات مع سوريا وتلتغى شروط الدخول من الجهتين
🔴
الفكرة انو امبارح كان في ملتقى اقتصادي سوري لبناني للتقارب بين البلدين وفتح علاقات جديدة وكان حضران وزراء من سورية بتصور يلي صار اليوم على الحدود رد واضح على مؤتمر امبارح انو في طرف ماله رضيان مابتنفهم غير هيك بصراحة
⚫
يعني انت شو بدك فيني إذا سافرت بعد 4 العصر إذا بدي وصل مسافر طيارته بالليل ؟!
🔵
فتحوا الحدود 24 ساعة للكل وتركوا الناس تسافر والسائقين تشتغل وتسعى وراء شغلها وحلوا أموركم بين بعضكم
🟢
يعني بدكم سوريا تسمحلكم بالترانزيت وتبيعكم كهرباء وتعطيكم امتيازات خاصة وانتو عم تعاملوا السوريين بهي الطريقة على الحدود بتصور هاد الشيء مرفوض
ربي يمسيكم بأنوار النبي وأخيراً وصلنا على بيروت
أما شو مشوار اليوم كله تعب وبهدلة وتعتير الله يصطفل فيهن قال عملوا تسهيلات قال ضحكوا على العالم شكيتهم لواحد احد
4 ساعات بالحدود انتظار لختمنا ومشينا عجقة عجقة عجقة فوق مابتتصوروا يعني تقولوا مكايدة القصة عملوا فوتة السيارات السورية من 8 الصبحيات إلى 4 العصريات!
والشوفير كان يعطوه ٧٢ ساعة صاروا بس ٢٤ ساعة وبيجي واحد رأسه مربع بيقلك تسهيلات حسبي الله ونعم الوكيل احسن شي
«وقل اعملوا فسيرى الله عملكم ورسوله والمؤمنون»
( صدق الله العظيم)
آية قرآنية دونها فخامة الرئيس احمد الشرع في سجل زوار الأمين العام للأمم المتحدة
صباح الخير
انطلاق أول رحلة مباشرة للخطوط الجوية السورية، من مطار فيينا الدولي إلى مطار دمشق الدولي، وعلى متنها أكثر من 80 راكباً سورياً، وذلك ضمن خطة الشركة لتوسيع شبكة رحلاتها الدولية وتعزيز الربط الجوي بين سوريا وأوروبا، بعد توقف نحو 14 عاماً.