Feruza Madrakhimova

#Jarayon
Ayni damda rektor universitet qoshidagi Akademik litsey hududi bilan tanishmoqda. Hududda bo’sh turgan ayrim joylar bo’yicha tegishli ko’rsatmalar berilmoqda.
©️
UrDU Matbuot xizmati
🌐
Sayt
|
Telegram
|
Facebook
|
Instagram
|
Ln
|
YouTube

“Rektor olimpiadasi” g‘oliblari munosib taqdirlandi
Bugun Urganch davlat universiteti, universitet qoshidagi Akademik litsey hamda Xorazm viloyati Maktabgacha va maktab ta’limi boshqarmasi hamkorligida umumta’lim maktablarining
9-sinf o‘quvchilari o‘rtasida matematika fani bo‘yicha “Rektor olimpiadasi”
o‘tkazildi.
UrDU rektori Feruza Madrahimova ushbu olimpiadaning
taqdirlash marosimida ishtirok etish uchun universitet Akademik litseyida
bo‘ldi. Rektor o‘z nutqida intellektual olimpiadalar yoshlarning bilimga bo‘lgan qiziqishini oshirish, iqtidorli o‘quvchilarni aniqlash va qo‘llab-quvvatlashdagi ahamiyati haqida to‘xtalib,
g‘oliblikni qo‘lga kiritgan o‘quvchilar, ularning ustozlari hamda ota-onalarini samimiy tabrikladi.
Tadbir davomida “Rektor olimpiadasi” g‘oliblari, shuningdek, xalqaro va respublika miqyosidagi tanlovlarda faol ishtirok etib kelayotgan akademik litsey o‘quvchilari hamda ularning ustozlari munosib taqdirlandi.
©️
UrDU Matbuot xizmati
🌐
Sayt |
Telegram
| Facebook
| Instagram
| Ln
| YouTube

#Mehnat_yarmarkasi
|
#UrDU
|
#Videoreportaj
Bugun Urganch davlat universitetida bo‘sh ish o‘rinlari mehnat yarmarkasi tashkil etildi.
Yarmarkada viloyatdagi 337 ta tashkilot tomonidan 1452 ta bo‘sh ish o‘rni taqdim etildi. Tadbir bitiruvchilar uchun munosib ish topish, ish beruvchilar bilan bevosita muloqot qilish hamda kelajak kasbiy faoliyatini belgilashda muhim imkoniyat yaratdi.
©️
UrDU Matbuot xizmati
🌐
Sayt |
Telegram
| Facebook
| Instagram
| Ln
| YouTube

Rektor Tabiiy va qishloq xo'jaligi fanlari fakulteti jamoasi bilan uchrashdi
Bugun Urganch davlat universiteti rektori Feruza Madrahimovaning navbatdagi uchrashuvi Tabiiy va qishloq xo‘jaligi fanlari fakulteti jamoasi bilan tashkil etildi.
Uchrashuv avvalida fakultet dekani S. Sadullayev tomonidan
fakultet faoliyatiga oid batafsil hisobot taqdim etildi.
Hisobotda ta’lim sifati, ilmiy faoliyat hamda xalqaro hamkorlik yo‘nalishlarida amalga oshirilayotgan ishlar, erishilgan natijalar va istiqboldagi ustuvor vazifalar keng yoritildi.
Muloqot davomida rektor tomonidan
kafedralar kesimida ilmiy salohiyat tahlil qilinib,
ilmiy ishlarini himoyaga tayyorlayotgan tadqiqotchilar hamda ilmiy unvon va darajaga intilayotgan professor-o‘qituvchilar bilan ochiq suhbat o‘tkazildi. Ularning
ilmiy izlanishlarini har tomonlama qo‘llab-quvvatlashga doim tayyor
ekani alohida ta’kidlandi.
Ayni paytda fakultet tarkibida 7 ta kafedra faoliyat yuritib, ularda 149 nafar professor-o‘qituvchi mehnat qilmoqda. Fakultetning ilmiy salohiyati 55 foizni tashkil etadi.
Uchrashuv davomida rektor tomonidan fakultet imkoniyatlaridan kelib chiqib,
qishloq xo‘jaligi sohalariga ixtisoslashtirilgan ilmiy kengash tashkil etish
, shuningdek, universitet ilmiy salohiyatini yanada oshirish maqsadida
zamonaviy ilmiy laboratoriyalar tashkil etish tashabbusi
ni ilgari surildi. Shu bilan birga, darslik va o‘quv qo‘llanmalar nashrini ko‘paytirish zarurligi qayd etildi.
Uchrashuv yakunida professor-o‘qituvchilarning taklif va tashabbuslari tinglanib, mavjud muammolarni tizimli hal etish, ta’lim va ilm-fan integratsiyasini kuchaytirish hamda fakultet faoliyatini yangi bosqichga olib chiqishga qaratilgan aniq amaliy chora-tadbirlar belgilab olindi.
©️
UrDU Matbuot xizmati
🌐
Sayt |
Telegram
| Facebook
| Instagram
| Ln
| YouTube

#Mehnat_yarmarkasi
|
#UrDU
Bugun Urganch davlat universitetida
bo’sh ish o’rinlari mehnat yarmarkasi
tashkil etildi.
Yarmarkaning ochilish marosimida
Xorazm viloyati prokurori o‘rinbosari Xudaybergan Norqobilov
hamda
universitet rektori Feruza Madrahimova
soʻzga chiqib, yoshlarni bandligini ta’minlash, bitiruvchilarni mehnat bozoriga samarali integratsiya qilish hamda talabalarni munosib ish o‘rinlari bilan ta’minlash borasida amalga oshirilayotgan ishlar haqida soʻz yuritishdi. Bitiruvchilarni mazkur yarmarka imkoniyatlaridan unumli foydalanishga chaqirishdi.
Mehnat yarmarkasida
viloyatdagi 337 ta tashkilot tomonidan 1452 ta bo‘sh ish o‘rinlari
bilan ishtirok etdi.
Yarmarka yoshlar bandligini ta’minlash, ularning kasbiy yo‘naltirilishini kuchaytirish hamda ta’lim muassasasi va ish beruvchilar o‘rtasidagi hamkorlikni mustahkamlashga xizmat qildi.
©️
UrDU Matbuot xizmati
🌐
Sayt |
Telegram
| Facebook
| Instagram
| Ln
| YouTube

Termizdagi Xorazmlik talabalar F.Madrahimova bilan
Yaqinda Urganch davlat universiteti rektori Feruza Madrahimova Surxondaryoga xizmat safari chog’ida Termiz davlat universitetida tahsil olayotgan Xorazmlik talabalar bilan uchrashib, muloqot qildi. Rektor talabalarga o’qishlarini bitirgach, to’xtab qolmay magistraturani, doktoranturani davom ettirishlari lozimligi, bu borada ilmni maqsad qilgan yoshlar uchun Urganch davlat universitetining eshiklari hamisha ochiqligini ta’kidlab o’tdi.
©️
UrDU Matbuot xizmati
🌐
Sayt |
Telegram
| Facebook
| Instagram
| Ln
| YouTube

#Xalqaro_hamkorlik
🇦🇿
Ozarbayjon OTMlari bilan hamkorlik aloqalari kengaytiriladi
Bugun Urganch davlat universitetiga
“BZT-Turon” akademiyasi prezidenti, Ozarbayjon Milliy Fanlar Akademiyasi katta ilmiy xodimi, Dublin universitetining Ozarbayjon bo‘yicha rektori Farahila Shukurova
boshchiligidagi delegatsiya tashrif buyurdi. Mehmonlarni universitet rektori Feruza Madrahimova qabul qildi.
Muzokaralar chog‘ida oliy ta’lim muassasalari va ilmiy tashkilotlar o‘rtasidagi hamkorlikni yanada kengaytirish masalalari muhokama qilindi. Xususan, Urganch davlat universiteti hamda
Ozarbayjonning yetakchi oliy ta’lim muassasalari va ilmiy markazlari
o‘rtasida aloqalar geografiyasini kengaytirish zarurligi ta’kidlandi.
Kelgusida hamkorlikni rivojlantirish, hamkorlikda
ilmiy konferensiyalar o‘tkazish, ilmiy maqolalar chop etish, xalqaro loyihalarda hamkorlik qilish
, shuningdek,
talabalar va professor-o‘qituvchilar almashinuvi
ni yo‘lga qo‘yish masalalari muhokama qilindi.
©️
UrDU Matbuot xizmati
🌐
Sayt |
Telegram
| Facebook
| Instagram
| Ln
| YouTube

Rektor Jaloliddin Manguberdi merosiga bag‘ishlangan anjumanda qatnashdi
Jaloliddin Manguberdi nomidagi harbiy-akademik litseyda
“Jaloliddin Manguberdi merosi va yoshlarni harbiy-vatanparvarlik ruhida tarbiyalashning zamonaviy yondashuvlari”
mavzusida respublika ilmiy-amaliy anjumani yuqori saviyada tashkil etildi.
Mazkur anjumanda
Urganch davlat universiteti rektori Feruza Madrahimova
o‘z ma’ruzasi bilan ishtirok etib, yoshlarni vatanparvarlik ruhida tarbiyalash, tarixiy merosni asrab-avaylash hamda zamonaviy ta’lim jarayonlariga ilg‘or yondashuvlarni joriy etish masalalariga alohida to‘xtalib o‘tdi.
Konferensiya davomida Jaloliddin Manguberdi merosining bugungi avlod tarbiyasidagi o‘rni, harbiy ta’lim tizimida innovatsion texnologiyalarni joriy etish, chaqiriqqacha boshlang‘ich tayyorgarlikni rivojlantirish kabi dolzarb masalalar atroflicha tahlil qilindi.
©️
UrDU Matbuot xizmati
🌐
Sayt |
Telegram
| Facebook
| Instagram
| Ln
| YouTube

Universitet oshxonalarida xizmat ko’rsatish yangilandi
Xabar berganimizdek, o’tgan haftada Urganch davlat universiteti rektori F.Madrahimova hududdagi barcha oshxonalarda xizmat ko’rsatish faoliyatini tanqidiy tahlil qilib, o’z tavsiyalarini bergan edi.
Shunga asosan, bugun universitetda
oshxonalarning ish faoliyati, xizmat ko’rsatish tartibi va sanitariya gigiyena holatlari tubdan yangilanmoqda.
Amalga oshirilgan ushbu xayrli ishlar natijasida mazkur maskanlar bugun talabalar hamda professor-o‘qituvchilar uchun
yanada fayzli, shinam va qulay maskan
ga aylandi. Tayyorlanadigan mahsulotlar va oziq-ovqatlar narxi
talabalar uchun moslashtirilib arzonlashtirildi,
narx-navo holatlarini universitet
Kasaba uyushmasi tomonidan muntazam nazorat qilish yo’lga qo’yildi.
Agar Sizda universitetimiz hududidagi oshxonalarda xizmat ko’rsatish bo’yicha muammolar bo’lsa
@URDU_OSHXONA_BOT
manziliga
murojaat qilishingiz mumkin.
✅
Universitetda
oshxonalar faoliyatini takomillashtirish va kengaytish ishlari muntazam davom etadi.
©️
UrDU Matbuot xizmati
🌐
Sayt |
Telegram
| Facebook
| Instagram
| Ln
| YouTube

#Navbatdagi_yig’ilish
Bugun Urganch davlat universiteti rektori Feruza Madrahimova boshchiligida prorektorlar, fakultet dekanlari, tegishli bo‘lim boshliqlari va mas’ullar ishtirokida kengaytirilgan yig‘ilish bo‘lib o‘tdi.
Yig‘ilishda dastlab universitetning
xalqaro faoliyatini tartibga solish masalalari
atroflicha muhokama qilindi. Xususan, xorijiy tajriba almashish, malaka oshirish va stajirovka dasturlariga yuboriladigan professor-o‘qituvchilarni
saralash mezonlari yuzasidan ishlab chiqilgan Nizom bo’yicha batafsil tushuntirishlar berildi.
Shuningdek, xorijda bilim va tajriba orttirib qaytgan mutaxassislarning o‘z tajribalarini hamkasblari bilan bo‘lish,
seminar va mahorat darslari tashkil etishi
lozimligi qayd etildi.
Shuningdek, yig‘ilishning navbatdagi muhim masala universitetning
ma’naviy-ma’rifiy faoliyat tizimi orqali
talabalar va professor-o‘qituvchilar o‘rtasida odob-axloq qoidalariga rioya etilishi, sog’lom ma’naviy muhit va o’zaro muomala madaniyatini yuksaltirish masalalari muhokama qilindi.
Yig‘ilish yakunida ko‘tarilgan barcha masalalar yuzasidan tegishli vazifalar belgilab berilib, ularning ijrosini ta’minlash bo‘yicha aniq topshiriqlar berildi.
©️
UrDU Matbuot xizmati
🌐
Sayt |
Telegram
| Facebook
| Instagram
| Ln
| YouTube