G'iyosiddin Yusuf
Боланинг ҳам иши бор
Боламизни чақирсак, дарров келиши керак. Бирор иш буюрсак, қўлидагини ташлаб, айтганимизни қилиши лозим. Кечикса, «Гапимни эшитмаяпсанми?» деб койиймиз.
Аммо у бизни чақирганда, кўпинча «Ҳозир», «Шошмай тур», «Кўрмаяпсанми, ишим бор» деймиз. Баъзан нима демоқчилигини эшитишга ҳам ҳафсала қилмаймиз.
Бола ўйнаб ўтирган бўлса, уни бекорчи деб ўйлашимиз мумкин. Ҳолбуки, у нимадир қуряпти, расм чизяпти, ўйинининг бир жойига келиб қолган. Бошлаганини тугатгиси бор. Биз эса бир чақиришда келмаганини ҳурматсизликка йўямиз.
Албатта, шошилинч ишлар бўлади. Лекин ҳар сафар ҳам шошилаётган бўлмаймиз-ку.
«Шуни тугатиб, кейин кела қол» десак ҳам бўлади. Ёки олдиндан: «Ўн дақиқадан кейин овқатланамиз, ўйинингни тугатиб ол» деб айтиб қўйишимиз мумкин.
#тарбия
@GiyosiddinYusuf
Бугун ҳамкоримиз — Бухоро шаҳридаги «Билол» мактаби ўқувчиларининг устоз Худойберди Тўхтабоевнинг «Қуёнлар салтанати» асарига ёзган тақриз-иншоларини текширяпман.
Ўқувчилар китобни шунчаки ўқиб қўймасдан, уни тушуниб, англаб ва хулоса қила олиши учун иншо ёздиришни йўлга қўйдик.
Шу билан бирга, тез кунларда ўзим мактабга бориб, болалар билан китоб юзасидан суҳбат ўтказаман, савол-жавоб қиламан, тест оламан, иншааллоҳ.
Мактаб ўқувчиларининг иншоларида қуйидаги кучли фикрлар намоён бўлган: мақсадга эришиш учун меҳнат билан бирга билим ҳам зарур; ўз фикрига ишониш яхши, аммо бошқаларни ҳам эшитиш керак; ҳақиқий дўст қийинчиликда ёнингда туради; севимли қаҳрамоннинг ҳам хатоларини кўра билиш лозим; ота-онанинг борлиги — қадрлаш керак бўлган неъмат. Айрим ўқувчилар бойликка қараб ўзгарадиган муносабатларни ҳам пайқашган.
Сиз ёки фарзандингиз бу китобни ўқиганми?
#Китоб
#болалар
#мактаб
@GiyosiddinYusuf
Фарзандларимизни мустақил фикрли ва масъулиятли қилиб улғайтиришимиз муҳим. Айниқса, ўғил болалар тарбиясида бунга эътиборли бўлиш лозим.
Бола мустақил фикрга эга бўлиши учун уни эшитиш, масъулиятли бўлиши учун эса унга ўзига муносиб ишни ишониб топшириш муҳим.
#тарбия
@GiyosiddinYusuf
Ўсмир қизларингизга рўзғор ишлари, эркак кишига қандай муомалада бўлиш ҳақида ўргатиб боринг.
Албатта, бунда биринчи навбатда аёлнинг ўзи намуна бўлиши керак.
Қизлар отаси, ака-укасига уйда қандай муносабатда бўлинганини кўриб, бўлажак турмуш ўртоғига қандай муомала қилишни ўрганади.
#тарбия
@GiyosiddinYusuf
|
@Bilol_akademiya
— ҳамкоримиз
… Бировдан бир яхшилик етса, Аллоҳнинг неъмати, тақдирдан деб биламиз. Бу инсон сабаб бўлмаса, бошқа биров сабаб бўлар эди деймиз. Аммо айни ўша одамдан бир озор, зарар етса, маломат қиламиз.
… Биров бор имкониятини ишга солиб бизга бир яхшилик қилиб, жўнгина раҳмат эшитади; бехосдан, бироз бепарволик билан берган озори учун бир умр унутилмайдиган гапларга эга чиқади.
… Одамларнинг яхшиликлари орамизни яқинлаштирмаслиги мумкин, аммо ёмонликлари узоқлаштиради.
… Бойга ҳадя бериш, яхшилик қилишга шошиламиз-у, камбағал-муҳтождан юз бурамиз…
Ўлчовларимиз ғалати эмасми?
@GiyosiddinYusuf
Sizni kutyapmiz, mehmonning hurmatini qilib kelarsiz.
😊
@GiyosiddinYusuf
«Dastxat kuni»
Qo’qonlik kitobxonlar, ertaga
19-oktyabr, soat 14:00
da Hilol Nashr do’konimizda sevimli mualliflaringiz bilan jonli uchrashuv bo’lib o’tadi!
🎉
Mehmonlarimiz:
➡️
Abdusattor Ikrom
➡️
G’iyosiddin Yusuf
➡️
Yorqin Xalil
➡️
Qamariddin Bekmuhammad
➡️
Muhammad Temur Azam
🎤
Sevimli mehmonlaringiz bilan jonli uchrashuv va savol berish imkoni
✍️
Kitoblaringizga dastxat olish imkoniyati
🤝
Samimiy suhbat va unutilmas taassurotlar
🤙
+998-90-939-29-27
📍
Manzil:
Qoʻqon shahri, Imom Buxoriy koʻchasi, 1-uy
✈️
@Hilolnashr_qoqon
⏰
Vaqt:
19-oktyabr, 14:00
❤️
Do’stlaringiz va oila a’zolaringiz bilan keling.
Болаларни виртуал ўйинлардан тийишнинг йўлларидан бири улар билан ўзингиз жисмоний ўйинлар ўйнашингиздир.
#тарбия
@GiyosiddinYusuf
📌
19 октябрь душанба куни 14:00. Қўқондаги дўконимизда «Дастхат куни» лойиҳаси ўтказилади. Абдусаттор Икром, Ёрқин Халил, Қамариддин Бекмуҳаммад, Ғиёсиддин Юсуф, Муҳаммад Темур Аъзам иштирок этади.
Болага мақсад қўйишни қандай ўргатиш керак?
#тарбия
@GiyosiddinYusuf