GO'ZAL DUOLAR IJOBATI

🌿
Дедим: Дуо кўп-ку, ижобат қани?
🌿
Деди: Гуноҳ кўп-ку, хижолат қани?
🌿
Дедим: Дардларим кўп-ку, шифо қани?
🌿
Деди: Сабр оз-ку, розилик қани?
🌿
Дедим: Ризқим танг-ку, барака қани?
🌿
Деди: Шукр кам-ку, қаноат қани?
🌿
Дедим: Қалбим ғамгин-ку, сурур қани?
🌿
Деди: Зикр кам-ку, ҳузур қани?
🌿
Дедим: Нега йўлларим очилмайди?
🌿
Деди: Тавба эшигини қанча қоқдинг?
🌿
Дедим: Жаннатни истайман.
🌿
Деди: Унинг учун амал қани?
✨
Баъзан биз натижани кутамиз, аммо ўзимиздан ҳисоб сўрашни унутиб қўямиз. Дуо билан бирга тавба, шукр, сабр ва солиҳ амал ҳам бўлса, Аллоҳнинг раҳматига умид янада зиёда бўлади.
🤲
🌷
📖
«Албатта, Аллоҳ тавба қилувчиларни ва покланувчиларни яхши кўради.» (Бақара, 222)
🌹

🤲
🌷
Бисмиллаҳир Роҳманир Роҳийм...
Буюк Роббимиз Аллоҳ таолога ҳамду санолар бўлсин. Суюкли Пайғамбаримиз Муҳаммад соллаллоҳу алайҳи васалламга, аҳли байтлари ва саҳобаларига чексиз салавот ва саломлар бўлсин.
🌿
Ё Раҳмон, Ё Раҳим Аллоҳим Сен қийинчилик билан бирга енгилликни ҳам ваъда қилган Зотсан. Қалби ғамга тўлган барча бандаларингга тасалли бергин. Кўзлардаги ёшларни қувончга, дардларни шифога, мушкулотларни осонликка айлантиргин.
🌸
Ё Роббим
Бизларга сабрли қалб,офиятли хает, мустаҳкам иймон ва чиройли таваккул насиб этгин. Қалбимиз чарчаган пайтларда Ўз раҳматинг билан қувват бергин. Ҳар бир синов ортидан яхшиликлар, ҳар бир оғирлик ортидан кенгликлар ато этгин.
🤲
Аллоҳим
Дуоларимизни биздан қабул қилгин, гуноҳларимизни мағфират этгин, дунё ва охиратдаги барча хайрли неъматларингдан бизларни насибадор қилгин. Бизни раҳматинг ва ҳидоятингдан маҳрум этмагин Ё Роб
🤲
Аллоҳумма солли ва саллим ъала набиййина Муҳаммад.
🌺
Aмин, ё Роббал оламийн.
🌿

📖
"Албатта, қийинчилик билан бирга енгиллик бордир." (Шарҳ сураси, 6-оят)
Бу оят ҳар бир мўмин учун умид эшигидир. Аллоҳ таоло қийинчиликни яратган бўлса, унинг ортидан енгилликни ҳам тайёрлаб қўйган. Баъзан инсон оғир кунларни бошидан кечиради, кўнгли синади, кўзлари ёшга тўлади. Аммо Роббимиз ваъда қилмоқда: қийинчилик абадий эмас, унинг ортидан албатта енгиллик келади.
🌿
Ҳар бир кўз ёшининг ортида табассум бор.
🌿
Ҳар бир синовнинг ортида ҳикмат бор.
🌿
Ҳар бир сабрнинг ортида ажр бор.
🌿
Ҳар бир қийинчиликнинг ортида енгиллик бор.
Шунинг учун қалбингиз қанчалик чарчаган бўлмасин, умидни қўйиб юборманг. Аллоҳнинг раҳмати кенг, Унинг ваъдаси ҳақдир.

📖
"Ким Аллоҳга таваккул қилса, У унга кифоя қилур." (Талоқ сураси, 3-оят)
Бу оят мўмин қалби учун энг катта тасаллилардан биридир. Инсон баъзан ўзини ёлғиз ҳис қилади, ечим тополмайди, келажагидан хавотир олади. Аммо Аллоҳ таоло бизга шу буюк ҳақиқатни эслатади: агар банда чин дилдан Роббисига суянса, Унинг ҳукмига рози бўлиб, сабабларни қилиб таваккул қилса, Аллоҳ унга етарлидир.
🌿
Одамлар тарк этиши мумкин, Аллоҳ тарк этмайди.
🌿
Сабаблар тугаши мумкин, Аллоҳнинг қудрати тугамайди.
🌿
Эшиклар ёпилиши мумкин, Аллоҳнинг раҳмати ёпилмайди.
🌿
Йўллар беркилишидек туюлиши мумкин, аммо Аллоҳ чиқиш йўлини яратади.
Таваккул — қўл қовуштириб ўтириш эмас, балки ҳаракат қилиб, натижани Аллоҳга топширишдир. Ким Роббисига суянса, у ҳеч қачон ҳақиқий маънода ёлғиз қолмайди.

🫀
Калбимизга озука
📿
📿
“Субҳаналлоҳ”,
📿
“Алҳамдулиллаҳ”,
📿
“Аллоҳу Акбар”,
📿
“Ла илаҳа иллаллоҳ”,
📿
Яа Рахмон, Яа Ғаффор, Яа Латиф...
📿
“Ла илаҳа иллаллоҳ”
📿
“Аллоҳумма соли ъала Саййидина Муҳаммад"
📿
“Астагфируллоҳ аллазий лаа илаҳа илла Ҳувал Ҳаиййул Қоййум ва атубу илайҳ”

📖
"Мени эслангиз, Мен ҳам сизларни эслайман." (Бақара сураси, 152-оят)
Бу оят Аллоҳ таолонинг бандаларига бўлган беқиёс меҳри ва марҳаматини намоён этади. Инсон Роббисини зикр қилса, Уни қалбида улуғласа, Унга шукр қилса ва дуо билан юзланса, Аллоҳ таоло ҳам уни раҳмати, мағфирати ва ёрдами билан эслайди.
🌿
Аллоҳни эслаш — қалбларга оромдир.
🌿
Аллоҳни эслаш — ғамларни енгиллатади.
🌿
Аллоҳни эслаш — ризққа барака олиб келади.
🌿
Аллоҳни эслаш — инсонни Роббисига яқинлаштиради.
Дунёдаги энг катта шарафлардан бири — банданинг Аллоҳни эслаши ва Аллоҳ таолонинг ҳам ўша бандасини эслашидир.
🤲
Аллоҳим, Сенинг зикрингни қалбларимиздан айирмагин. Тилларимизни Ўзингни ёд этиш билан нам қилгин. Бизларни Сенга шукр қилувчи, Сенинг неъматларингни қадрловчи ва ҳар бир ҳолатда Сенга суянувчи бандаларингдан қилгин.
Ё Роббим, қалбларимизга хотиржамлик, хонадонларимизга барака, ҳаётимизга ҳидоят ва раҳматингни ёғдиргин. Бизларни бир лаҳза ҳам Ўзингнинг зикрингдан ғофил қилмагин.
🤲
Амин, ё Роббал ъаламийн.