Hanafiy Fakulteti 🇺🇿 🇯🇴

Шайх Салоҳ ҳазратлари фиқҳга оид саволларга онлайн жавоб бермоқдалар. Савол-жавоб машғулотлари Рамазон ойи давомида якшанба кунидан пайшанба кунигача, Макка вақти билан соат 16:00 дан 18:00 гача ўтказилмоқда.
Савол-жавобларни қуйидаги ҳавола орқали тўғридан-тўғри кузатишингиз мумкин.
Сизни қийнаётган баъзи фиқҳий саволлар бўлса, қуйидаги профильга ўзбек тилида овозли ёки ёзма шаклда юборишингиз мумкин.
@iordaniya_wise_hanafiy_fakulteti
Hanafiyfakulteti

Иордания университети энг қадимий ва энг нуфузли давлат университети ҳисобланади. Амманда жойлашган асосий кампуси ва Ақабада филиали мавжуд. Университет жаҳон рейтингларида юқори ўринларда туриб, Иорданияда 1-ўринни эгаллайди. Бу ерда ўн минглаб маҳаллий ва халқаро талабалар таҳсил олади.
📖
Шариат факультети
Шариат факультети Иордания ва бутун араб оламидаги энг кучли исломий таълим марказларидан бири саналади. Факультетда:
Фиқҳ ва усул ал-фиқҳ
Қуръон ва тафсир
Ҳадис илмлари
Ақида ва даъват
йўналишлари бўйича бакалавр, магистр ва PhD дастурлари мавжуд.
Кўплаб машҳур уламолар ва муфтийлар шу факультет битирувчилари ҳисобланади.
🗣
Араб тили факультети
Араб тили ва адабиёти факультети араб тилини чуқур илмий асосда ўргатувчи етакчи марказлардан бири. Бу ерда:
Араб грамматикаси ва сарф-наҳв
Араб адабиёти
Балоғат ва тилшунослик
Араб тилини чет элликларга ўқитиш
йўналишлари бўйича таълим берилади.
Кўплаб хорижий талабалар, жумладан Марказий Осиёдан ҳам талабалар шу ерда таҳсил олмоқда
@hanafiyfakulteti

🇺🇿
ИОРДАНИЯДА АЖДОДЛАРИМИЗ МЕРОСИ АСОСИДА ИЛМИЙ ДАРСЛАР
Иордания университети масжидида буюк аждодимиз Бурҳон уш-шариъа Маҳмуд ибн Аҳмад Маҳбубий ҳазратларининг машҳур «Виқоя» асаридан илмий дарслар ўтказилмоқда.
Дарсларни Ҳанафий факультети декани, профессор Салоҳ Абулҳажж ҳазратлари ҳар ҳафтанинг чоршанба куни олиб борадилар. Дарслар Иорданиянинг илк вақфий телеканали — «ادع» орқали ҳам намойиш этилмоқда.
Айни пайтда асарнинг намоз масалалари бўлимига етиб келинган. Ушбу асарда Имом Марғинонийнинг «Ҳидоя» китобида баён этилган масалалар ӯрганилган.

🇯🇴
Iordaniyadagi
“XALQARO ISLOM ILMLARI UNIVERSITETI”
Hanafiy fiqhi fakulteti
Online
💻
bakalavr bosqichida ta'lim olishni istagan talaba nomzodlarini
oʻqishga taklif qiladi:
🎉
📚
Oʻquv rejasiga butun dunyo tan oladigan mo'tamad kitoblar darslik sifatida kiritilgan
🗓
Darslarni haftada shanba yoki yakshanba kuni bo‘ladi.
Qabul shartlari :
🔸
17 yoshdan yuqori
🔸
Arab tilidan mutoalasi shaklangan va eshitib tushunish koʻnikmalari bo'lishi shart.
Universitet tomonidan beriladigan diplom O‘zbekistonda nastrifikatsiya orqali tan olinadi.
🤝
Shuningdek, ikki davlat o‘rtasida ta’lim sohasida rasmiy hamkorlik kelishuvlar mavjud.
Batafsil ma'lumot
👇🏻
📲
:
t.me/hanafiy_kulliyasi
@zafar_abdugaffor

Barcha bakalavr diplomiga ega bo‘lganlar (diniy bolishi shart emas ) uchun imkoniyat:
💯
Hanafiy fiqhi boʻyicha
"Oliy Diplom"
yoʻnalishiga qabul boshlandi.
Kontrakt toʻlovi: yillik
1400 AQSh dollari
⭐️
Qulayliklari:
Ta'lim muddati 1 yil
⚡️
Bu bosqichdan soʻng hanafiy fiqhi mutaxassisligi boʻyicha magistraturaga oʻqishga kirish imkoniyati
📚
Fiqh, Aqida Tasavvuf ilmi, fatvo berish
masalalarini yetuk mutaxassislardan ta’lim olish.
⚠️
Talabgorlarga qoʻyiladigan shartlar:
✅
Bakalavr bosiqchini tugatgan boʻlishi;
✅
Arab tilini bilishi C1 darajada (mutolaa, tinglab tushunish ko'nikmalari bilan birga, nahv va sarf kabi ilmlarni puxta egallagan boʻlishi kerak).
Murojaat uchun:
📲
@zafar_Abdugaffor

Ўрта махсус ислом билим юртлари талабалари Ҳанафий факультетини 2 йилда битиришлари мумкин
Аввал хабар берилганидек, Ўзбекистон мусулмонлари идораси таълим муассасалари қошидаги ва Бутунжаҳон ислом илмлари университети ўртасида англашув
меморандуми имзоланган
эди. Ушбу меморандум доирасида мадраса талабаларининг дипломлари Иорданиядаги Бутунжаҳон ислом илмлари университетида тан олиниб, ўқиб бўлинган фанларини мажбурий фанлар ичидан тушириб юбориш белгиланган эди.
Бир неча кун олдин ушбу меморандумнинг амалий натижаси ўлароқ, бир қанча мадраса битирувчиларининг дипломлари қабул қилиниб 60 соатга яқин фанлари тушириб юборилди. Энди, бу талабалар факультетда ўқилиши мажбурий бўлган 50 дан зиёд фанни ўқимасдан , уларнинг қариб ярмини ўқиб, Ҳанафий факультетини 2 йил ичида битиришлари мумкин бўлади.
Бу қулайлик билан, улар магистратура босқичига ҳам эрта қабул қилинишлари, Иорданиядаги илмий мажлислардан катта фойда олишлари мумкин.
Hanafiyfakulteti

#xabar
#anjuman
🤝
🇺🇿
ЎЗБЕКИСТОН ДЕЛЕГАЦИЯСИ ИОРДАНИЯДА ИККИ ТОМОНЛАМА МУЗОКАРАЛАР ЎТКАЗАДИ
🗣
Шу йилнинг 24–28 ноябрь кунлари Ўзбекистон мусулмонлари идораси раиси, муфтий Шайх Нуриддин Холиқназар ҳазратлари бошчилигидаги делегация Иордания Ҳошимийлар Подшоҳлигида диний-маърифий соҳадаги ҳамкорликни ривожлантириш бўйича хизмат сафарида бўлади.
💬
Ўзбекистон делегацияси Иордания бош муфтийси ва Фатво маркази раҳбари Аҳмад Ҳасанот ҳазратлари, Вақф, ислом ишлари ва муқаддас қадамжолар вазири Муҳаммад Халояла жаноблари, Подшоҳ Абдуллоҳ II номидаги Имомлар тайёрлаш ва малакасини ошириш институти раҳбари доктор Абдусаттор Қудо, Иордания халқаро ислом илмлари университети раҳбарияти ва бир қатор соҳага дахлдор мутасаддилар билан икки томонлама музокаралар ўтказиши режалаштирилган.
✅
Сафар давомида қуйидаги вазифалар амалга оширилади:
⏺
- меморандумлар ва қўшма дастурларда белгиланган вазифаларни амалиётга жорий этиш;
⏺
- Иордания Фатво маркази ва Ўзбекистон мусулмонлари идораси Фатво маркази ўртасида ҳамкорликни йўлга қўйиш ва шаръий масалаларга жавоблар тайёрлаш юзасидан мулоқотлар қилиш;
⏺
- Подшоҳ Абдуллоҳ II номидаги Имомлар тайёрлаш ва малакасини ошириш маркази ва шу каби касб-маҳоратни ошириш курсларида диний соҳа ходимлари сонини ошириш;
⏺
- иорданиялик олимлар асарларини ўзбек тилига таржима қилиш;
⏺
- илмий марказлар, таълим муассасалари билан алоқаларни йўлга қўйиш, устоз ва талабалар алмашинувини муҳокама қилиш;
⏺
- Иорданиянинг вақф мулкчилиги, масжидларни бошқариш, қадамжоларни сақлаш тажрибасини ўрганиш ва ўзаро зиёрат туризмини ривожлантириш;
⏺
- бошқа соҳага дахлдор мутасадди идоралар билан ҳамкорлик масалаларини йўлга қўйиш.
✅
Ўзбекистон мусулмонлари идораси Матбуот хизмати
🌐
MUSLIM.UZ
GA
📲
OBUNA BO'LING
✅
VA
ULASHING
🗣
▶️
YouTube
|
📷
Instagram
|
🔵
Facebook

Давра сўнггида билдирилган фикрлар, ташаккур ва дуолардан парча.
Эслатиб ўтамиз, дарслар Ўзбекистон Республикаси Дин ишлари бўйича қўмитаси ҳамда Малака ошириш институти шафелигида масофадан туриб ташкил қилинди. Дарсда Диний-маърифий соҳада малака ошириш ва қайта тайёрлаш институтининг Наманган ва Самарқанд филиалларидан ҳам имомлар, диний соҳа вакиллари иштирок этишди.
Hanafiyfakulteti

Дин ишлари бўйича қўмита ҳузуридаги Диний-маърифий соҳада малака ошириш ва қайта тайёрлаш институтида «Ҳанафий мазҳабида ҳадислардан ҳукм олиш услублари» ўқув курсидан бўлиб ўтган тўрт ҳафталик дарслар ўз ниҳоясига етди
Иорданиядаги Бутунжаҳон ислом илмлари университети (WICE) Профессори Салоҳ Абулҳажж дарс бериб келаётган, Диний-маърифий соҳада малака ошириш ва қайта тайёрлаш институти ташкил этган ҳанафий мазҳабида ҳадислардан ҳукм олишга доир ўқув курси муваффақият билан якунланди. Тўрт ҳафта давомида Ўзбекистондан имомлар, диний соҳа вакиллари қатнашган бу дарсларда ҳадисларнинг мазҳабдаги ўрни, уларни тўғри тушуниш масалалари кенг муҳокама қилинди. Имом-хатибларнинг бир неча фиқҳий саволларига жавоб берилди.
Аввалги уч дарсда ҳадисларга амал қилишнинг назарий масалалари баён этилган бўлса, охирги дарсда ҳадисларга тааллуқли бўлган, турли саволларга сабаб бўладиган 17 та ҳукм танлаб олиниб, бирма-бир бу ҳукмларга алоқадор ҳадислар ўрганиб чиқилди. Давра сўнггида келажакда бундай дарслар давом эттирилиши борасида режалар қилиниб, дуои хайрлар қилинди.
Hanafiyfakulteti

Иорданиядаги Бутунжаҳон ислом илмлари университети (WICE) Профессори Салоҳ Абулҳажж Ўзбекистон Республикаси Дин ишлари бўйича қўмитаси ҳузуридаги Диний-маърифий соҳада малака ошириш ва қайта тайёрлаш институтидаги ўқув давраларида дарслар ўтади
Институтдаги малака ошириш ўқувларида қатнашаётган имом-хатиблар ва имом ноиблари учун Проф. Салоҳ Абулҳажж бир неча ўқув давралари, жумладан, «Ҳанафий мазҳабида ҳадислардан ҳукм олиш услублари» курсидан таълим бериши йўлга қўйилмоқда. Бу давра орқали ҳадислардан ҳукм олишда мазҳабнинг қоидалари, Имом Аъзам Абу Ҳанифанинг ҳадисдаги даражаси ҳақида маърузалар ўқилади. Бунга қўшимча равишда, назарий қисмдан сўнг, амалий қисм — айрим ҳадисларнинг татбиқига тўхталиб ўтилади ва ихтилофли масалалар бирма-бир кўриб чиқилиши режа қилинган.
Ушбу давралар Ўзбекистон ва Иордания ўртасидаги икки томонлама ҳамкорлик ривожланишининг янги босқичга чиққанини кўрсатиб, имом-хатиблар учун катта тажриба мактаби бўлиши мақсад қилинган.
Hanafiyfakulteti