"HUDUDGAZ XORAZM" gaz ta'minoti filiali

#jarayon
Fargʻona tumanida ustuvor vazifalar ijrosiga kirishildi
Prezidentimiz raisligida yoqilgʻi-energetika tarmogʻidagi kelgusidagi ustuvor vazifalarga bagʻishlangan videoselektor yigʻilishida berilgan topshiriqlar ijrosi doirasida “Hududgaztaʼminot” AJ boshqaruvi raisi M.Xodjayev Fargʻona tumanida boʻlib, gaz taʼminoti tizimidagi mavjud holatni joyiga chiqqan holda oʻrgandi.
Oʻrganishlar davomida Jamiyat rahbari tumandagi gaz taqsimlash stansiyasi faoliyati bilan tanishib, tabiiy gazni avtomatlashtirilgan hisobga olish tizimi, gaz hisobidagi tafovutlarni qisqartirish, raqamlashtirish jarayonlarini jadallashtirish hamda zamonaviy texnik yechimlarni keng joriy etish masalalari yuzasidan masʼullarga aniq topshiriqlar berdi.
Shuningdek, aholi xonadonlarida tabiiy gaz taʼminoti holati oʻrganilib, isteʼmolchilarga gazni belgilangan bosimda va uzluksiz yetkazib berish, ichki gaz tarmoqlarining texnik holatini yaxshilash, qoʻshqator gaz quvurlarini bosqichma-bosqich bartaraf etish boʻyicha zarur vazifalar belgilandi. Boshqaruv raisi aholi bilan muloqot qilib, ularni qiynayotgan masalalarni tingladi hamda mavjud muammolarni qisqa muddatlarda bartaraf etish yuzasidan tegishli koʻrsatmalar berdi.
Fargʻona tumanida amalga oshirilayotgan tizimli ishlar Prezidentimiz tomonidan belgilangan topshiriqlar ijrosini taʼminlash, mavjud muammolarni manzilli hal etish, gaz taʼminoti tizimi samaradorligini oshirish hamda isteʼmolchilarni tabiiy gaz bilan barqaror va xavfsiz taʼminlashga xizmat qiladi.
💬
Facebook
|
👉
Telegram
|
▶️
YouTube
|
📷
Instagram
|
📱
X
|
🌐
hududgaz.uz

Xiva tumanining Juryon, Qumyop, Sho’rko’l, Xorvuz va Sayot mahallalari hamda Go’ja guzarini tabiiy gaz bilan ta’minlovchi gaz quvurida ta’mirlash ishlari olib borilishi sababli ertaga, 30-iyul kuni soat 09:00 dan 18:00 gacha ushbu hududlarga tabiiy gaz yetkazib berish vaqtincha to’xtatiladi.
Ta’mirlash ishalri tugatilgandan so’ng tabiiy gaz ta’minoti qayta tiklanadi.
“Hududgaz Xorazm” GTF matbuot xizmati

Tuproqqal'a tumanining Yangi Zamin va Shexlar mahallalarini tabiiy gaz bilan ta'minlovchi o'rta bosimli yer osti gaz quvurida ta'mirlash ishlari olib borilishi sababli ertaga, 30-iyul kuni soat 09:00 dan 12:00 gacha ushbu hududlarga tabiiy gaz yetkazib berish vaqtincha to'xtatiladi.
Ta’mirlash ishalri tugatilgandan so’ng tabiiy gaz ta’minoti qayta tiklanadi.
“Hududgaz Xorazm” GTF matbuot xizmati

"Ulli hovli"ga sayohat: Birdamlik va boy tarix uyg‘unligi
Xodimlarning mazmunli hordiq chiqarishi va boy tariximizni o‘rganish maqsadida
"Hududgaz Xorazm"
gaz ta’minoti filiali boshlang‘ich kasaba uyushma qo‘mitasi tashabbusi bilan xodimlar uchun tarixiy
"Ulli hovli"
majmuasiga sayohat uyushtirildi.
Qadimiy arxitektura namunalari va madaniy merosimizni o‘zida mujassam etgan mazkur maskanga tashrif jamoada katta taassurot qoldirdi.
Sayohat davomida xodimlar o‘tmishimiz bilan yaqindan tanishib, o‘zaro birdamlikni yanada mustahkamladilar. Ushbu unutilmas taassurotlarga boy tadbir xodimlarning kelgusidagi ish unumdorligini oshirishga xizmat qiladi.

Gurlanda gaz ta’minoti tizimi yangilanmoqda: tejamkorlik, xavfsizlik va raqamli nazorat
Kuz-qish mavsumiga puxta hozirlik ko‘rish, resurslardan oqilona foydalanish hamda har bir xonadonga tabiiy gazni bir me’yorda yetkazib berish bugungi kunda soha mutaxassislaridan yuksak mas’uliyat talab etmoqda.
Ushbu yo‘nalishda
"Gurlantumangaz" gaz ta’minoti bo‘limi
xodimlari tomonidan tumanda tabiiy gazni tejash, tarmoqlarni modernizatsiya qilish va xavfsizlikni ta’minlash borasida keng ko‘lamli amaliy ishlar izchil amalga oshirilmoqda.
Xususan, tumandagi barcha mahallalarda gaz ta’minoti barqarorligini oshirish va bosimni bir maromda ushlab turish maqsadida bosqichma-bosqich
ikki bosqichli tizimga o‘tish
ishlari olib borilmoqda. Tizim doirasida xonadonlarga zamonaviy gaz bosimi regulyatorlari o‘rnatilib, energiya yo‘qotishlarining oldi olinmoqda.
Shu bilan birga, mutaxassislar tomonidan joylarda xonadonma-xonadon yurib, ma’nan eskirgan va ko‘p gaz sarflaydigan moslamalardan voz kechish, ularning o‘rniga
zamonaviy tejamkor gaz jihozlarini
o‘rnatish afzalliklari bo‘yicha keng tushuntirish-tashviqot ishlari olib borilmoqda. Mahallalar kesimida o‘tkazilayotgan bu kabi muntazam targ‘ibot tadbirlari aholining gazdan xavfsiz va oqilona foydalanish madaniyatini oshirishga xizmat qilmoqda.
E’tiborli jihati, sohaga zamonaviy raqamli texnologiyalar ham samarali tatbiq etilmoqda. Chilangarlar o‘zlariga biriktirilgan gaz taqsimlash qurilmalarini (GTQ) maxsus
gaz analizatorlari
yordamida doimiy texnik ko‘rikdan o‘tkazmoqda. Jarayonda biron-bir gaz sizib chiqish holati aniqlansa, ma’lumotlar zudlik bilan zamonaviy
ArcGIS raqamli tizimiga
yuklanadi va nosozlik joyida operativ ravishda bartaraf etiladi. Bundan tashqari uzoq vaqt aloqasiz qolgan elektron hisoblagichlarning server bilan onlayn ma’lumot uzatish tizimi xam tiklanmoqda.
Olib borilayotgan bu kabi texnik va raqamli islohotlarning tub maqsadi — kelayotgan kuz-qish mavsumida ortiqcha gaz yo‘qotishlariga chek qo‘yish hamda iste’molchilarni xavfsiz va sifatli tabiiy gaz bilan uzluksiz ta’minlashdan iboratdir.
"Gurlantumangaz" gaz ta’minoti bo‘limi xodimlari tomonidan iste’molchilar xavfsizligi va qulayligini ta’minlashga qaratilgan amaliy chora-tadbirlar jadal davom ettirilmoqda.

Shovot tumanining Paxtakor, Arbob, Qunduz, Yangi O‘zbekiston, Arbek, Oqko‘l, Monoq, Ogahiy, To‘qmang‘it va Chig‘atoy mahallalarini tabiiy gaz bilan taʼminlovchi yuqori bosimli yer osti gaz quvurida aniqlangan gaz sizib chiqish holati bartaraf etilishi sababli ushbu hududlarga soat 17:00 gacha tabiiy gaz yetkazib berish vaqtincha to‘xtatildi.
Taʼmirlash tiklash ishlari tugatilgandan so‘ng tabiiy gaz taʼminoti qayta tiklanadi.

Ustuvor vazifalar belgilab olindi
Prezidentimiz raisligida yoqilgʻi-energetika tarmogʻidagi kelgusidagi ustuvor vazifalarga bagʻishlangan videoselektor yigʻilishida berilgan topshiriqqa muvofiq, “Hududgaztaʼminot” AJ Boshqaruvi raisi M. Xodjayevga Fargʻona viloyati biriktirildi. Mazkur topshiriqlar ijrosini taʼminlash maqsadida bugun Boshqaruv raisi rahbarligida videoselektor yigʻilishi oʻtkazildi.
Yigʻilishda Fargʻona viloyatida tabiiy va suyultirilgan gaz taʼminoti holati, gaz tarmoqlaridagi tafovutlar va yoʻqotishlarni qisqartirish, muammoli gaz hisoblagichlari, debitor qarzdorlikni undirish, suyultirilgan gazni xavfsiz va oʻz vaqtida yetkazib berish, jismoniy va yuridik shaxslarning murojaatlarini oʻz vaqtida koʻrib chiqish hamda kuz-qish mavsumiga tayyorgarlik ishlari muhokama qilindi.
Yigʻilish yakunida Prezidentimiz tomonidan belgilangan vazifalar ijrosini oʻz vaqtida va sifatli taʼminlash, mavjud muammolarni manzilli hal etish hamda gaz taʼminoti tizimi samaradorligini oshirish yuzasidan hududiy filiallar hamda shahar va tuman gaz taʼminoti boʻlimlari rahbarlariga tegishli topshiriqlar berildi.
💬
Facebook
|
👉
Telegram
|
▶️
YouTube
|
📷
Instagram
|
📱
X
|
🌐
hududgaz.uz

Shovot tumanining Guliston, Royat, Mevazor va Navro‘z mahallalarini tabiiy gaz bilan taʼminlovchi yuqori bosimli gaz quvurida aniqlangan gaz sizib chiqish holati bartaraf etilishi sababli ushbu hududlarga soat 13:00 dan 17:00 gacha tabiiy gaz yetkazib berish vaqtincha to‘xtatiladi.
Taʼmirlash ishlari tugatilgandan so‘ng tabiiy gaz taʼminoti qayta tiklanadi.

Urganch tumanida kuz-qish mavsumiga tayyorgarlik ishlari davom ettirilmoqda

Xiva tumanining Panomaksum mahallasini tabiiy gaz bilan ta’minlovchi gaz taqsimlash qurilmasida mukammal ta’mirlash ishlari olib borilishi sababli ertaga, 28-iyul kuni soat 08:00 dan 18:00 gacha ushbu hududga tabiiy gaz yetkazib berish vaqtincha to’xatatilishini ma’lum qilamiz.
Ta’mirlash ishalri tugatilgandan so’ng tabiiy gaz ta’minoti qayta tiklanadi.
“Hududgaz Xorazm” GTF matbuot xizmati