محمد | Purple

اسمعوني ي حلوين هالوصفه هذي تصلح أنكم تسوونها قبل التمرين ، يعني تتبلون الدجاج وتخلونه و تروحون للتمرين ، من تردون تسونها وبعدها شاور وعقبها احلى استرخاء ع الوجبه
ركزوا معاي ع الرايق
المقادير:
صدور دجاج ع حسب احتياجك
ملعقه صغيره من هذولي (بابريكا حلوة + كمون + كزبرة اذا مو فيه عادي + بودرة ثوم + ملح + فلفل أسود )
معجون صلصة طماطم شويات بس
ع حسب كمية الدجاج يصير تحطون زبادي بالنسبه لي الـ ١٠٠ جرام دجاج يصير احط معاها ٢٥ ج زبادي وكذا
شوي زيت زيتون
معجون فلفل رومي اذا مو موجود عادي
كل م تخلونها تتبل اكثر كل م تصير الذ ، عاد كيفكم بطريقة التحضير ي حمس ولا شوي، انا امس شويتها و وريت المعضلين عندي بالإنستقرام كيف الطريقة من طقطق الى سلام عليكم
وعليكم بالعافية ولو سمحتوا غذوا عضلاتكم الحلوين

نصائح عامة في رمضان عشان م تنحاسون فيه وتتشتتون بين قيل و قال ، عملتها لكم بشكل مُختصر بدون اي حوسه زياده ، واللّه يجعلنا من صيامه وقيامه ع الوجه اللي يرضي ربنا علينا فيه يارب العالمين
🌙
💜
..

اسمعوا عشان تخلون هالطبق فخم اذا احد سألكم عنه بس قولوا لوه
🫴🏻
Yogurt bowl
🥣
وبيني وبينكم تروه زبادي يوناني ابو ١١ جرام بروتين + سكوب بروتين خلطتهم مع بعض واستخدمت نكهة ماني معلمكم عليها وحطيت فوقه فواكه و جرانولا وطلع من الذ م يكون ماشاءالله
البروتين ٤٠ جرام بالراحه وصلى الله وبارك

اوما ماشاءالله دامكم متفاعلين عليها كذا بخليها ، الله يسعدكم ويكبر عضلاتكم ي أجمل البشر
🤍
✨
..

السلام عليكم ورحمة الله وبركاته ادري انكم صابرين واجد علي ويمكن شفتوا احد يعطيكم وصفات غيري لكن بسوي نفسي م ادري واكمل كن م بوه الا انا اغذي عضلاتكم الحلوه
وصفة الوافل هي :
٤٠ جرام شوفان مطحون + ملعقة صغيرة بيكنج باودر + نفسها نشأ + بيضة + قطرات فانيليا + ٤٠ جرام زبادي يوناني زيزو فات + ٣ ملي زيت زيتون + سُكر ستافيا + ١٥ ملي حليب
كلهم اخلطوهم ع بعضهم بعدها حطوهم في آلة الوافل مع بخة زيت وخلوها لين م تستوي، و ع بال م تجهز حضروا الصوص الخورافي اللي طحت عليه وهو
٣٠ جرام بروتين شوكولاته + ١٠ جرام بودرة كاكاو + ١٥ ملي حليب ع ٣ دفعات يعني تحطون ١٥ ملي وتخلطونه وتعيدونها مره ثانيه + ١٥ ملي ومرهه ثالثه ويطلع لكم القوام الرهيب
وبس والله شلونكم انتم اذا عضلاتكم مو بخير لا سمح الله اعطوها من ذا الصوص وكما جرت العادة اشكروني بعدين لا تسحبون علي مثل م انا صامل معكم زي المثبته
🤍

اهلين ي حلوين ، بس أبي اعلمكم ع وصفة اسويها اذا علاقتي متوتره مع السيده شُوفان
اعرفكم ع مُصلحة ذات البين أم 35 ج بروتين وهي : حلا الشُوفان بنكة التشيزكيك
🍰
الطريقه
40 ج شوفان مطحون + سكوب بروتين باودر فانيلا + 50 ملي حليب قليل الدسم+ 50 ج زبادي يوناني زيرو فات + 40 ج جبن كريمي
من تجهز خلوها بالثلاجة اقل شيء نص ساعة وعادي تخلونها كم يوم قدام لو تبونها لتجهيز الوجبات ، و ع عضلاتكم بالف عافية ي رب
🤍