محَطة كَلام “
شفت وحدة تگول قبل فترة زعلت من شخص وآني أصلاً مابية حيل أتحمل بعد، گمت وحظرته من كل مكان، ومثل عادتي أعوف فد مجال أو طريق للشخص حتى إذا حاول يرجع يلگاه، وفعلاً هذا اللي صار البارحة هذا الشخص حاچاني من الطريق العفته إله، وگالي
✨
هو آني يعني ما أستاهل العتاب؟
✨
تگول بقيت واكفة كدام الرسالة وما أعرف شأرد، ورغم إني چنت كلش زعلانه منه، بس من قريت هالجملة حسيت روحي ظلمته صدگ، وبلشت آني اللي أعتذرله لمجرد جملة صغيرة ف الفكرة وين؟ إنه اعترف بغلطه، وطلب العتاب بمكان الهجران، وهذا اللي خلى موقفي كلش ضعيف كدامه.. ف اكو كلمات صدگ تگدر تطيب الخاطر وتنسي
🩵
.
ويا هالأيام تعلمت..
أصعب شي بهالزمن مو تحمي نفسك
الأصعب هو تحمي نفسك بدون لتقسّي گلبك
تحط حدود بدون لتصير شخص قاسي
وتبعد عن الناس اللي تأذيك بدون لتكرههم
وتتعلم من الأذى بدون لتخلي كلشي يغير جمال روحك
فالگلب الطيب مو معناه تسمح للناس يتجاوزون حدودك
مثل ما وضع الحدود مو يعني انت تتخلى عن رحمتك
يمكن لهذا السبب صارت الگلوب الطيبة نادرة
لأن هواي ناس يعرفون شلون يحمون نفسهم
بس القليل اللي گدروا يسوونها بدون لا يفقدون أجمل شي بيهم
أحياناً التحدي مو إنُ احنا نتغير..
التحدي هو نبقى مثل ما إحنا بس بوعي أكثر
أفضل نسخة من الحياة
هي
الحياة الخاصة
محد يدري منو أصدقائك
وشنو وضعك العاطفي
وين تروح أو شوكت ويا منو
مشاكلك، ماضيك، حاضرك
وانطباعاتك مالتك وحدك
وأنتَ وحدك تختار وتحدد
وي منو تشارك هذا الشي
حرية إنك تخوض التجارب
وتكبر وتغير رأيك
وتبني شخصيتك بدون أحكام
هي وحدة من أفضل الحريات
اللي لازم نجبر نفسنا نمارسها
🩵
.
اني مو شَخص يركض وره العلاقات المؤقته
دائماً احب الوضوح يا ابيض يا اسود
أحب دائرة الامان دائماً واحب يكون هالأمان
موجود بعلاقتي بـ أي شخص واكون مطمئنه
دائماً انك راح تكون موجود مهما صار وياي
إللّي هوهَ مهما صار بيناتنه فـ احنه باقين
بس سالفة إنك تتقرب شويه وتبعد شويه
هالألعاب النفسيه لا تلعبها وياي
✨
.
وبالنهاية ..
تكتشف انه النجاحات والانجازات
تكون قيمتها بالمشاركة
شخص تشاركه النتيجة
نتيجة طريقك الطويل وتعبك
ونَفَسك اللي انكطع اثناء ركضك
بين منعطفات الحياة واللي تريده منك
وبين اهدافك وعائلتك والاشياء المفروضة عليك
تبقى تدور حضنك تلتم بيه
جنت أسوي حلا وأفكر
أني رغم غلطاتك ويايّ وأذيتك ما عفتك
أتمسكت لدرجة أي شخص حيمر
بحياتك مراح يتمسك بيك هيجي
"محد حبك وأتقبلك بكل غلطاتك مثلي"