Rustam Qoriyev | Ingliz tili

Shunday kichik bolalarni ingliz tilida gapirishi ko'rsam faxrlanaman.

🔥
Kelajak liderlari bilan uchrashuv — eng katta ilhom manbai!
Kecha Navoiy viloyatida Ibrat Debate a’zolari bilan bo’lgan suhbatdan juda katta energiya oldim.
Ayniqsa, yangi kadrlarni kashf qilish, ularning salohiyatini ko’rish, o’z loyihalarini amalga oshirishida mentor bo’lish va til o’rganish yo’lida ularga turtki berish insonga o’zgacha zavq bag’ishlaydi.
Bugun bir yoshga ishonch bersangiz, ertaga u butun bir jamiyatga ta’sir qiladigan liderga aylanishi mumkin.
Ibrat Debate safida ana shunday fikrlaydigan, tashabbuskor va o’z ustida ishlashga tayyor yoshlarni ko’rib, O’zbekiston kelajagiga bo’lgan ishonchim yanada ortdi.
🚀
Endi navbat Samarqandga!
Samarqand yoshlari, sizlar bilan uchrashuvni sabrsizlik bilan kutyapman. Keling, birgalikda katta maqsadlar, yangi g’oyalar va kuchli loyihalar haqida suhbatlashamiz.
Rustam Qoriyev

Hayotni tubdan o‘zgartiradigan 11 oltin qoida
Muvaffaqiyat — bu tasodif emas. U — har kuni qabul qilinadigan to‘g‘ri qarorlar va tizimli odatlamizning natijasidir. Agar hayotingizda haqiqiy o‘sishni, ichki xotirjamlikni va yutuqlarni xohlasangiz, quyidagi qoidalarni shunchaki o‘qib o‘tmasdan, hayotingizning bir qismiga aylantiring:
1. Doim aniq maqsad qo‘ying
Maqsadsiz hayot — manzilsiz kemaga o‘xshaydi. Katta maqsadlarni belgilang va ularni har kungi mayda, tizimli qadamlarga bo‘ling. G‘alabaga ulkan sakrashlar bilan emas, har kungi kichik odimlar bilan erishiladi.
2. Sog‘lom uyqu — energiyangiz poydevori
Muvaffaqiyat ortidan quvib, o‘zingizni charchatib qo‘ymang. Sog‘lom va yetarli uyqu sizning miya faoliyatingiz, intizomingiz va kun davomida to‘g‘ri qarorlar qabul qilishingiz uchun eng muhim omildir.
3. Nima yeyayotganingizga e’tibor bering
"Siz — nima yesangiz, o‘shasiz". Sog‘lom va o‘z vaqtida ovqatlanish nafaqat jismoniy, balki ruhiy holatingizga ham to‘g‘ridan-to‘g‘ri ta’sir qiladi. Tanangizga sifatli yonilg‘i bering.
4. Sog‘lom munosabatlar o‘rnating
Atrofingizdagilarni past sanash, kimdandir xafa bo‘lish, gina saqlash yoki hasad qilish — faqat sizning energiyangizni so‘radi. Salbiy tuyg‘ularni shunchaki qo‘yib yuboring. Hayotning ajoyib bir qonuni bor:
Siz o‘zingiz xohlagan narsaga, atrofingizdagi insonlarning maqsadlariga erishishiga yordam berish orqali erishasiz.
Yaxshilik ulashing.
5. Sportni kundalik odatga aylantiring
Jismoniy faollik — iroda va intizomni toblaydi. Zero, sog‘ tanda — sog‘lom aql. Tanangiz kuchli bo‘lsa, fikrlaringiz ham tiniq va keskir bo‘ladi.
6. Maqsadli kitob o‘qing
Shunchaki sahifalarni varaqlash emas, aynan sizning bugungi muammolaringizga yechim bo‘ladigan, dunyoqarashingizni kengaytiradigan va professional o‘sishingizga xizmat qiladigan kitoblarni tanlab oqing.
7. O‘z kasbingizning ustasi bo‘ling
Zamon shiddat bilan o‘zgaryapti. Doimo o‘z sohangizda yangi hunar, yangi texnologiya va metodlarni o‘zlashtiring. Chuqur bilim va kuchli kasbiy mahorat sizni har qanday vaziyatda raqobatbardosh qiladi.
8. Xorijiy tillarni o‘rganing
Til bilish — chegaralarni buzish demakdir. Dunyo miqyosidagi ma’lumotlar, eng so‘nggi tadqiqotlar va global tajribalardan birinchilardan bo‘lib boxabar bo‘lish uchun xorijiy tillarni o‘rganishni keyinga qoldirmang.
9. Sadaqa bering va qarindoshlar holidan xabar oling
(Sila-i rahm)
Muvaffaqiyat faqat moddiy boylikda emas. Baraka — ulashishda va yaqinlaringizning duosidadir. Sadaqa berish va qarindoshlik rishtalarini mustahkamlash qalbni tozalaydi va yo‘lingizni ochadi.
10. O‘zingizga investitsiya kiriting
Eng yuqori dividend (foyda) keltiradigan investitsiya — bu o‘z ustingizda ishlash, ta’lim olish va shaxsiy rivojlanishingiz uchun tikilgan sarmoyadir. Bilimga tikilgan pul hech qachon kuymaydi.
11. Atrofingizni kuchlilar bilan o‘rang
Siz — atrofingizdagi eng ko‘p muloqot qiladigan 5 ta insonning o‘rtachasisiz. Sizni ortga tortadigan emas, aksincha, oldinga undaydigan, maqsadi bor, energiyasi yuqori insonlar bilan birga bo‘ling.
Rustam Qoriyev

🔥
BIR SOATLIK DEBAT BA’ZAN BIR YILLIK O’QISHDAN HAM KO’PROQ NARSA O’RGATADI!
Bugun Qoraqalpog’istonning Nukus shahrida o’tkazilgan Yoshlar Tashabbuslari Marafonida shaxsan o’zim debat klubida ishtirok etdim.
Meni eng hayratlantirgani — yoshlarning fikrlashi, dalillar keltira olishi va o’z nuqtai nazarini madaniyat bilan himoya qila bilishi bo’ldi.
Til o’rganish faqat so’z yodlash emas.
Liderlik faqat lavozim emas.
Muvaffaqiyat esa faqat natija emas.
Bularning barchasi fikrlashdan boshlanadi.
Debat insonni tinglashga, tahlil qilishga, savol berishga va eng muhimi — o’z fikrini aniq ifodalashga o’rgatadi.
Bugun Nukusdagi yoshlar orasida kelajak liderlari, diplomatlari, tadbirkorlari va olimlarini ko’rdim.
Aziz yoshlar, fikrlashdan qo’rqmang.
Savol berishdan uyalmang.
O’z ustingizda ishlashdan to’xtamang.
Kelajak uni kutayotganlarga emas, unga tayyorlanayotganlarga tegishli.
Rustam Qoriyev

✨
Qurbon Hayiti Muborak bo‘lsin!
Bugun mehr-oqibat, saxovat va shukronalik yanada kuchayadigan ulug‘ ayyomdir.
Har bir xonadonga tinchlik, baraka va quvonch kirib kelsin.
🤲
Yaqinlaringiz bilan birga sog‘lik, baxt va xotirjamlikda yana ko‘plab hayitlarga yeting.
Qilgan duolaringiz, ezgu niyatlaringiz va amal qilgan yaxshiliklaringiz qabul bo‘lsin.
Hayit ayyomi qalblarimizga mehr, jamiyatimizga birlik, yoshlarimizga esa ulkan orzu va ilhom olib kelsin.
🌙
Qurbon Hayiti barchamizga muborak bo‘lsin!
Rustam Qoriyev

Sizning bugungi fikrlaringiz — ertangi taqdiringizdir!
🌟
Ko‘pincha hayotimizdagi muvaffaqiyatsizliklar yoki yutuqlarni tasodif deb o‘ylaymiz. Aslida esa hammasi zanjirsimon bog‘langan judayam oddiy qonuniyatga asoslanadi:
💭
Fikrlariningizni kuzating
— chunki ular vaqti kelib so‘zlaringizga aylanadi.
🗣️
So‘zlaringizni kuzating
— chunki ular tez orada harakatlaringizga aylanadi.
🏃‍♂️
Harakatlaringizni kuzating
— chunki muntazam takrorlangan harakatlar odatga aylanadi.
🔄
Odatlaringizni kuzating
— chunki sizning odatlaringiz xarakteringizni shakllantiradi.
👤
Xarakteringizni kuzating
— chunki aynan u sizning qismatingiz va taqdiringizni belgilaydi.
Xulosa:
Agar hayotingizni o‘zgartirmoqchi bo‘lsangiz, ishni taqdirdan nolib o‘tirishdan emas, hozir ayni damda miyangizda aylanayotgan fikrlarni nazorat qilishdan boshlang.
🧠
✨
👇
Sizningcha, inson o‘z odatlarini o‘zgartira oladimi? Fikringizni izohlarda qoldiring!
Rustam Qoriyev

“Xato degan narsa yo‘q. Har bir voqea bizga nimanidir o‘rgatish uchun berilgan ne’matdir.”
Bolaligimizda yiqilishdan qo‘rqmasdik. Har bir yiqilish — saboq, har bir urinish — o‘sish edi. Yurishni o‘rganayotgan paytimizda hech qachon:
“Balki men yurish uchun emasdirman”, deb o‘ylamaganmiz.
Biz yana turardik.
Yana urinardik.
Yana harakat qilardik.
Chunki o‘sha paytda ichimizda bir kuch bor edi:
o‘zimizga bo‘lgan sof ishonch.
Bugun esa ko‘pchilik bir marta yiqilib, o‘zini yutqazgandek his qiladi. Aslida esa muvaffaqiyat — yiqilmaslik emas, har safar yana turishni bilishdir.
Farzand yurishni ming marta yiqilib o‘rganadi.
Inson ham buyuklikka shunday yetadi.
O‘zingizga ishoning.
Siz o‘ylagandan ham kuchlisiz.
Rustam Qoriyev

Ko‘p insonlar muvaffaqqiyatni qulaylik ichidan qidiradi.
Lekin katta natijalar — vaqtinchalik noqulayliklarga sabr qilganlarga keladi.
Ba’zan uyquni qisqartirasiz.
Ba’zan dam olishdan voz kechasiz.
Ba’zan sizni hech kim tushunmaydi.
Ammo aynan shu “komfortdan chiqilgan kunlar”
insonni kuchli, intizomli va katta maqsadlarga loyiq qiladi.
Bugungi qiyinchilik — ertangi darajangizni qurayotgan jarayon.
Rustam Qoriyev