ISOLATION || عُزلة
أوقات الفراق مبيبقاش في آخر مكالمة ولا آخر خناقة الفراق الحقيقي بيبدأ قبلها بكتير لما تلاحظ ان الكلام قل وان الاهتمام بقى مجهود وانك بقيت بتحسب كل كلمة قبل ما تقولها عشان متبانش تقيل وساعتها بتعرف ان العلاقة بدأت تخلص من جواها قبل ما حد فيكم يعترف بده
أنا بحب الضغط
بحب الشغل اللي يخليني أحس إني بتقدم
بحب الأيام اللي بنام فيها قليل بس أنام وأنا عامل حاجة تستاهل
بحب التحدي اللي يخليني أقع وأقوم لوحدي وأعرف أنا قادر على إيه
أنا مش بدور على حياة سهلة
أنا بدور على حياة لما أبص ورا أقول إني استاهلت كل خطوة فيها
لأن بالنسبة لي الحياة السهلة مملة
والطريق الصعب هو اللي بيصنع نسخة أقوى مني
أوقات الإنسان بيتعب مش من اللي حصل لكن من كتر ما اضطر يمثل إنه عادي يضحك عادي ويرد عادي وينزل ويكمل يومه عادي وهو من جواه نفسه حد واحد بس يبصله ويقوله أنا عارف إنك مش بخير من غير ما يطلب منه يشرح
أصعب حاجة إنك تبقى فاكر إنك اتخطيت وبعدها موقف صغير أو كلمة أو أغنية ترجعك لنقطة قديمة وتحس إن كل اللي بنيته وقع بس الحقيقة إنك مرجعتش لنفس المكان إنت بس لمست جرح قديم وده فرق كبير لأن التعافي مش خط مستقيم
هييجي وقت وتفهم إنك ضيعت طاقة كبيرة في ناس مكنتش محتاجة منك كل ده وإنك كنت بتحاول تثبت قيمتك لناس مكنتش ناوية تشوفها من الأساس وساعتها هتعرف إن أكبر راحة مش إنهم يندموا عليك أكبر راحة إن رأيهم فيك مبقاش يفرق معاك أصلا
فيه ناس مكانتش وحشة بس كانت مؤذية ليك ودي من أصعب الحاجات لأنك بتفضل محتار تكرههم ولا تفتكر الحلو اللي كان بينهم وبينك وفي الآخر بتفهم إن مش لازم حد يكون وحش عشان تبعد عنه كفاية إن وجوده بقى بياخد منك أكتر ما بيديك
فيه وقت بتفهم فيه إنك مكنتش محتاج حد يحبك قد ما كنت محتاج حد يحس بيك من غير ما تفضل تشرح نفسك كل مرة وإن أكتر حاجة بتتعب القلب مش قلة الناس حواليه لكن إنه يبقى وسط ناس كتير ومحدش فيهم واخد باله هو ساكت ليه
بصي اللي انتي فيه غالبا مش هوس قد ما هو تعلق قوي واتقطع فجأة فطبيعي تحسي بوجع وتفكير زيادة طول ما مشاعرك لسه موجودة
بس متحاوليش تكلميه عشان تثبتي إنك لسه عايزاه لو هو جاد فعلًا فالموضوع واضح ييجي من الباب ويتكلم مع أهلك
خلي الحكم على أفعاله مش كلامه ومتعلقيش نفسك بوعود أو احتمالات
ودلوقتي ركزي ترجعي لأكلك ونومك وشغلك وابعدي عن متابعة أخباره لأن ده بيزود التعلق أكتر
━━━━━━━━━━━━━━━
لو عندك أي مشكلة أو حابة تفضفضي أو محتاجة رأي من غير أحكام ابعتيلي من هنا
🔗
https://29627919131869.sarhne.com
بصي المشكلة إنك مش حاسة إنك شريكة مهمة في حياته وإن الموبايل وكلام أمه واخدين مساحة أكبر من علاقتكم
اتكلمي معاه بهدوء واتفقوا على وقت ثابت ليكم من غير موبايل وعلى إن قرارات بيتكم تبقى بينكم وإن الزعيق وقت الكلام ميبقاش مقبول
لو بدأ يحاول ويتغير فعلا يبقى ادي العلاقة فرصة ولو مفيش أي استجابة يبقى الأفضل تدخلوا استشاري أسري أو شخص حكيم ومحايد
واحترام أمه طبيعي لكن مش على حساب استقرار بيته وعلاقته بيكي
━━━━━━━━━━━━━━━
لو عندك أي مشكلة أو حابة تفضفضي أو محتاجة رأي من غير أحكام ابعتيلي من هنا وهقرأ رسالتك بنفسي
🔗
https://29627919131869.sarhne.com