Таасирдүү сөздөр 🍃
Аср сүрөсү — Курандагы 103-сүрө. Бул сүрө Меккеде түшкөн жана 3 аяттан турат. Кыска болгону менен мааниси абдан терең. Ислам аалымдары бул сүрөнү адам жашоосунун негизги формуласы деп айтышат.
Арабча тексти
وَالْعَصْرِ
إِنَّ الْإِنسَانَ لَفِي خُسْرٍ
إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ
Кыргызча мааниси
Аср (заман) менен ант!
Чынында адам баласы зыянда.
Бирок төмөнкү адамдардан башкасы:
- ыйман келтиргендер
- жакшы иштерди кылгандар
- бири-бирине чындыкты насаат кылгандар
- бири-бирине сабырды насаат кылгандар.
Бул сүрөдө адам кутулуусу үчүн 4 шарт айтылат:
Ыйман – Аллахка ишенүү.
Жакшы амал – жакшы иштерди кылуу.
Чындыкты айтууну насаат кылуу – адамдарды туура жолго чакыруу.
Сабыр – кыйынчылыкта чыдамдуу болуу.
Белгилүү аалым Имам аш-Шафии мындай деген:
“Эгер адамдар Курандан Аср сүрөсүн гана ойлонуп түшүнүшсө, ал алардын жашоосу үчүн жетиштүү болмок.”
Демек, бул сүрө адам өмүрүн текке кетирбеши керек экенин эскертет.
Ассаламу алейкум уа рахматулохи уа баракатуху! Жума маарек болсун, мусулман бир туугандарым.
😊
✨
🕋
🕌
📿
Аллах Таала кылган ибадаттарыбызды, кармаган орозобузду, дуба-тилектерибизди кабыл кылып, күнөөлөрүбүздү кечирсин.
🤲
Рамазан айындагы акыркы жума...
😔
Оо, Аллахым, кийинки Рамазан айына да эсен-аман жетүүнү насип кыл.
🤲
Ыйык Курани Карим түшүрүлө баштаган Кадыр түндүн так датасы шарият коюучу – Алла Таала тарабынан ачык билдирилген эмес. Ал эми пайгамбарыбыздын (с.а.в.) Кадыр түндү орозонун так сандарынан (21, 23, 25, 27, 29) издөө боюнча айтканы белгилүү. Бул хадиске таянсак, маарек түн орозонун соңку 10 күндүгүндө катылганы маалым болду. Айрым риваяттар жана көпчүлүк аалымдардын (жумхур-и улама) көз карашында, орозонун 26 сынан 27 сине оогон кечте Кадыр түн болуу ыктымалдыгы өтө жогору. Дал ушуну назарга туткан дүйнө мусулмандары, өзгөчө ала-тоолук мусулмандар ыйык Рамазандын 27 сине оогон түнү Кадыр кечин тосуп келишет.
Демек, кубаттуу көз карашка ылайык, 2026-жылдагы Кадыр түн 16-марттан 17-мартка оогон түнү белгиленет.
Кадыр түн – Курани Карим түшүрүлгөн түн.
Касиеттүү кадыр түндүн керемет өзгөчөлүктөрү менен соопторунун бир башаты — ушул түндө Курани Каримдин пайгамбарыбызга (с.а.в.) түшүрүлө баштаганы. Курани Карим — Алаах Таала тарабынан адамзатка берилген түбөлүктүү керемет китеп. Курани Каримдин тендешсиздиги, кереметтиги өксүбөстөн, убакыт өткөн сайын даана байкалып, кыяматка чейин уланат.
Адамдын жүрөгү Курани Карим аркылуу ачылып, Курандын терең жана бийик маанилери менен күч кубатка толот. Куран аркылуу акыл нурданып, зээн курчуйт. Курандан насип буйурбаган адамдын жүрөгү ойрондолуп, чалдыбары чыккан ээн үйгө окшойт. Ошондуктан, Курани Каримди сүйөлү, окуйлу, угалы, үйрөнөлү жана үйрөтөлү. Үйрөнүүгө, окууга жана окутууга үндөп, ушул жолдо башкаларга жардам берели. Касиеттүү ыйык Рамазан айында буларга айрыкча көңүл буралы. Дегеле Куран айаттарынын терең маани мазмунун жана жол-жоболорун көңүл койуп үйрөнүп билгенге аракет жасап, Курани Каримди жакшы түшүнгөн илим дүүлөрдөн мүмкүн болушунча сурап үйрөнөлү.
Кадыр сүрөсү жана анын мааниси.
«Биз ал (Куранды) кадыр түнүндөтүшүрдүк. Кадыр түндүн эмне экенин сен билесиңби? Кадыр түн миң айдан да жакшы. Ал түндө Жараткан (Аллахтын) уруксаты менен периштелер жана Рух (Жебреил периште) ар бир (маанилүү) иш үчүн түшүшөт.Ал түн таң агарып атканга дейре салам (амандык) менен толтура». (Кадыр сүрөсү)