JAHONGIR MUHAMMAD (USA, Original)
PROFESSOR ZARIFBOY IBODULLAYEV:
OTA-ONANING IKKI QASRI
👨👩👧
Har bir ota-ona farzandi uchun “qasr” quradi
Kimdir bu qasrni
🤍
mehr bilan quradi
— tushunish
— qo‘llab-quvvatlash
— sevgi bilan
Natijada farzand
🌱
ishonchli
🌱
xotirjam
🌱
baxtli bo‘lib ulg‘ayadi
Boshqalar esa
😠
qahr bilan quradi
— baqiriq
— bosim
— qo‘rquv bilan
Natijada esa
💔
ichki qo‘rquv
💔
ishonchsizlik
💔
yopiq xarakter paydo bo‘ladi
🧠
Farzand — siz qurayotgan qasr ichida yashaydi
Qaysi qasrni tanlaysiz?
🤍
💬
Sizningcha tarbiyada eng muhimi nima?
Izohlarda yozib qoldiring
👇
Murojat uchun
@Professor_admiin
+998900434499
+998773759991
+998919344499
Instagram
|
Facebook
|
Telegram
|
YouTube
|
asab.uz
Ikki safardan beri Sirojiddin Odilov ishi boʻyicha oʻtayotgan sud majlislarida shaxsan qatnashyapman. Mahkama tafsilotlari bilan
Vaqt.uz
platformasi orqali batafsil tanishib borishingiz mumkin. Biroq men jarayonda guvohi boʻlganim — bitta muhim huquqiy jihatga alohida e’tibor qaratmoqchiman.
Ish hujjatlari va koʻrsatmalardan koʻrinib turibdiki, Odilovga qarshi sudga jalb qilingan jabrlanuvchilarning bir nechasi u qamoqqa olinganidan soʻng tergovchilarning tashabbusi bilan topilgan va ishga qoʻshilgan. Buni jabrlanuvchilarning oʻzlari ham suddagi koʻrsatmalarida ochiq-oydin aytib o’tishdi.
Nazarimda, bu kabi holatlar Prezident Shavkat Mirziyoyevning “Sud-tergov faoliyatida shaxsning huquq va erkinliklarini himoya qilish kafolatlarini yanada kuchaytirish chora-tadbirlari toʻgʻrisida”gi Farmoni 4-bandiga toʻgʻridan-toʻgʻri zid. Zero, unda surishtiruv va dastlabki tergov organlari xodimlari tomonidan shaxsni gʻayriqonuniy harakatlar sodir etishga undash (provokatsiya qilish) hamda bunday harakatlar oqibatida sodir etilgan jinoyat uchun uni ayblash qat’iyan taqiqlanishi belgilangan.
Shuningdek, Jinoyat-prosessual kodeksining 88-moddasida ham fuqarolarni gʻayriqonuniy harakatlarga undash va sun’iy ravishda ayblov dalillarini toʻplashga yoʻl qoʻyilmasligi aniq koʻrsatilgan.
Albatta, ushbu holatga huquqshunoslar va soha mutaxassislari xolis va professional baho berishlari kerak. Biroq tergov amaliyotida shaxslarni ayblash uchun “soxta jabrlanuvchilar”ni izlab topish va ushbu usuldan foydalanish holatlariga butkul chek qoʻyish vaqti allaqachon kelgan.
Oxirgi paytlarda bu kabi nohaqliklar haqida tez-tez gapirilmoqda va bu, afsuski, sud tizimi yuziga jiddiy dogʻ bo’lib tushdi. Oliy sud raisi Robaxon Mahmudova esa tizimdagi yangi faoliyatini aynan mana shu dog’ni yuvish — shaxslarni javobgar qilishda “soxta jabrlanuvchilar”dan foydalanish amaliyotiga butkul barham berishdan boshlashi kerak.
@haqiqatdailyos
Ниҳоят... Аммо бундан яхшиси келмайди! Хомтама бўлманг, гап тизимда!
🔴
«Rayxon» миллий таомлари асосчиси, собиқ имом Одилхон Исмоилов 8 йилга қамалди
Тошкентда бир неча йил имом-хатиб бўлиб ишлаган, кейинчалик тадбиркорлик билан шуғулланган Одилхон Исмоилов 8 йилга озодликдан маҳрум қилинди. У ва яна 6 нафар шахс катта миқдордаги маблағларни талон-торож қилиш ҳамда ҳужжатларни сохталаштириш билан боғлиқ жиноятларда айбдор деб топилди.
Жиноят ишлари бўйича Поп туман суди ҳукмига кўра, «Rayxon oilaviy milliy taomlari» таъсисчиси Одилхон Исмоиловга 8 йиллик қамоқ жазоси тайинланган. Унинг қамоқда ўтказган вақти ҳисобга олиниб, ўташ учун 7 йил 11 ой 28 кун жазо қолдирилган.
Иш бўйича жами 7 нафар судланувчи Жиноят кодексининг ўзлаштириш ёки растрата йўли билан талон-торож қилиш, мансаб сохтакорлиги, ҳужжатларни эгаллаш ёки яшириш ҳамда қалбаки ҳужжат тайёрлаш ва улардан фойдаланишга оид моддалари билан айбдор деб топилган. Қолган 6 нафар шахсга ҳам қилмишига қараб турли муддатларга озодликдан маҳрум қилиш жазоси берилган.
Суд жиноят оқибатида етказилган моддий зарарни судланганлардан солидар тартибда — биргаликда ундиришни белгилаган.
Бу иш ҳақида дастлаб 2026 йил январь ойида хабар берилган эди. Ўшанда Олий суд Одилхон Исмоилов ва бошқа фигурантларга нисбатан анча кенг — ўзлаштириш ва растрата, сохта тадбиркорлик, солиқдан бўйин товлаш, савдо қоидаларини бузиш, мансаб сохтакорлиги ва қалбаки ҳужжатлар билан боғлиқ жами 8 та модда бўйича айбловлар қўйилганини маълум қилган эди. Исмоилов ва яна бир неча фигурант қамоққа олинган, бир шахсга гаров эҳтиёт чораси қўлланганди.
Якуний ҳукм ҳақидаги ахборотдан кўринишича, суд Одилхон Исмоилов ва бошқаларни 167, 209, 227 ва 228-моддалардаги жиноятлар бўйича айбдор деб топган. Яъни дастлабки айбловда тилга олинган сохта тадбиркорлик, солиқдан бўйин товлаш ва савдо қоидаларини бузишга оид айбловлар якуний ҳукм ҳақидаги расмий хабарда қайд этилмаган.
Маълумот учун, Одилхон Исмоилов диний доираларда «Одилхон қори» номи билан танилган. У 2010 йилдан Тошкент шаҳар бош имом-хатиби ўринбосари, 2011–2018 йилларда Шайхонтоҳур тумани бош имом-хатиби ва «Шайх Зайниддин» жоме масжиди имом-хатиби бўлиб ишлаган.
Кейин «Вақф» хайрия жамоат фондида фаолият юритган ва «Хўжа Аламбардор» масжиди имом-хатиби лавозимида ҳам ишлаган.
Бироқ ишнинг энг муҳим тафсилотлари — айнан қанча маблағ талон-торож қилингани, схема қандай ишлагани, қайси ташкилот ёки шахсларга зарар етказилгани ва суд ундиришни белгилаган умумий зарар миқдори Олий суд тарқатган қисқа расмий ахборотда очиқланмаган.
Telegram
|
Instagram
|
You Tube
|
Facebook
|
X
🔴
Уч ой олдин Ўзбекистонда чопон кийдириб кутиб олинган ака-ука Тейтлар АҚШда қўлга олинди
✔️
Бир нечта давлатда оғир жиноятлар бўйича тергов ва суд жараёнларига жалб қилинган бу шахсларни Ўзбекистонга ким таклиф қилиб, шундай эҳтиром кўрсатган, деган саволга ҳамон жавоб берилгани йўқ!
Апрель ойида Ўзбекистонга келиб, миллий чопон кийдирилиб, тантанали кутиб олинган можароли блогерлар Эндрю ва Тристан Тейт 18 июль куни Майамида АҚШ маршаллари томонидан қўлга олинди.
Бунга Буюк Британияда уларга нисбатан қўйилган янги айбловлар ва экстрадиция талаби сабаб бўлган. Британия полицияси маълумотига кўра, ака-укаларга нисбатан 38 та янги айблов тасдиқланган ва аввалгилари билан бирга уларнинг умумий сони 59 тага етган. Шундан 42 таси Эндрю Тейтга, 17 таси Тристан Тейтга тегишли. Айбловлар орасида зўрлаш, одам савдоси, жинсий эксплуатация, зўравонлик ҳамда тақиқланган материаллар билан боғлиқ жиноятлар бор.
Уч ой олдин — апрель бошида Тейтлар Ўзбекистонда эди. Тошкентда уларни миллий либосдаги санъаткорлар иштирокида кутиб олишган, чопон ва дўппи кийдиришган. Кейин улар Самарқандда ҳам кўриниш берган. Бу ҳолат жамоатчиликда қатор саволларни уйғотганди. Аммо ташрифни айнан ким ташкил қилгани, улар кимнинг таклифи билан келгани ва дабдабали кутиб олиш ортида қайси ташкилот тургани очиқланмаган. Расмий доиралардан бу муҳокааларга муносабат билдирилмаганди.
Эндрю Тейт собиқ профессионал кикбоксчи бўлишидан ташқари, катта аудитория тўплаган интернет инфлюенсер ҳисобланади. У ва укаси илгари вебкам-бизнес билан шуғулланганини ўзлари ҳам очиқ гапирган. Тейтнинг ёпиқ War Room тармоғида ҳатто «Pimping Hoes Degree» — қисқача «PhD» деб номланган курс бўлгани журналистик суриштирувларда ҳужжатлар ва ёзишмалар асосида очиб берилган. Унда аёлларни муносабатлар орқали назоратга олиш ва улардан даромад олишга қаратилган ёндашувлар тарғиб қилингани ҳақида хабар берилган.
Тейтларнинг ҳуқуқий муаммолари фақат Британия билан чекланмайди. Руминияда ҳам уларга нисбатан одам савдоси ва бошқа оғир жиноятлар билан боғлиқ ишлар давом этмоқда. 2022 йилдан бери давом этаётган бу жараёнларда ака-укалар айбловларни мунтазам рад этиб келган.
Энди Британия уларни АҚШдан экстрадиция қилишга уринмоқда. АҚШ суди экстрадиция масаласини кўриб чиқиши кутилмоқда. Ҳозирча ака-ука Тейтларга нисбатан янги айбловлар бўйича якуний суд ҳукми чиқмаган ва улар қонун бўйича судда айби исботланмагунча айбсиз ҳисобланади.
Telegram
|
Instagram
|
You Tube
|
Facebook
|
X
https://www.youtube.com/watch?v=gGVLghdqeO8
Panturkizm Moskvada milliy xavfsizlikka tahdid sifatida qabul qilinadi va unga qarshi kurash har doim Rossiyaning Markaziy Osiyodagi siyosatining muhim elementi bo'lib kelgan va shunday bo'lib qolmoqda. Nikolay Kuzmin, siyosatshunos