JONDOR TUMAN HOKIMLIGI AXBOROT XIZMATI

Milliy qadriyatlar ifodasi
Milliy libos har bir xalqning tarixi, madaniyati va urf-odatlarini aks ettiradi. O‘zbek milliy liboslari o‘zining go‘zalligi, rang-barangligi va nafis naqshlari bilan ajralib turadi. Ayollar atlas va adrasdan tikilgan ko‘ylaklar, do‘ppi va taqinchoqlar taqadilar. Erkaklar esa chopon, do‘ppi va belbog‘ kiyadilar.
Milliy liboslar nafaqat bayramlarda, balki turli tantanali tadbirlarda ham kiyiladi. Ular xalqimizning boy merosini namoyon etadi va milliy qadriyatlarimizni asrab-avaylashga xizmat qiladi.
Shuning uchun milliy liboslarimizni hurmat qilish va ularni kelajak avlodlarga yetkazish har birimizning burchimizdir.
https://t.me/jondortuman

MUAMMOLAR ESHITILDI, YECHIMLAR BELGILANDI
Bugun, 12-iyun kuni Jondor tuman hokimi Jamshid Xudoyev navbatdagi sayyor qabulni o‘tkazdi.
Aholi bilan ochiq muloqotni kuchaytirish, fuqarolarni qiynab kelayotgan masalalarni joyida o‘rganish hamda ularga yechim toppish maqsadida o`tkazilgan qabulda fuqarolar tomonidan uy-joy masalalari, imtiyozli va tijorat kreditlari ajratilishi, moddiy yordam tayinlash, tomorqa yerlariga oid muammolar, bandlikni ta’minlash, shuningdek, oliy ta’lim muassasalarida tahsil olayotgan farzandlarining kontrakt to‘lovlarini amalga oshirish bo‘yicha amaliy ko‘mak so‘rab murojaatlar bildirildi.
Har bir murojaat atroflicha o‘rganilib, amaldagi qonunchilik talablari asosida ko‘rib chiqildi. Tezkor hal etilishi mumkin bo‘lgan masalalar yuzasidan joyida tegishli choralar belgilandi, qo‘shimcha o‘rganish va vaqt talab etadigan murojaatlar bo‘yicha esa mas’ul tashkilotlar rahbarlariga aniq vazifalar yuklatildi.
https://t.me/jondortuman

Buxoro viloyati Bolalar ko‘p tarmoqli tibbiyot markazi yetakchi mutaxassislari Jondor tumanida keng qamrovli chuqurlashtirilgan tibbiy ko‘rik o‘tkazadi!
🔹
🩺
Bolalar salomatligini mustahkamlash, kasalliklarni erta aniqlash va oldini olish maqsadida Buxoro viloyati Bolalar ko‘p tarmoqli tibbiyot markazining malakali shifokorlari tomonidan Jondor tumanida bolalar uchun bepul chuqurlashtirilgan tibbiy ko‘rik tashkil etilmoqda.
👨‍⚕️
Tibbiy ko‘rik markazning tajribali va yuqori malakali mutaxassislari tomonidan zamonaviy tibbiy yondashuvlar asosida amalga oshiriladi.
📅
Sana: 15–16 iyun
🕘
Vaqti: 09:00 – 17:00
🟢
Quyidagi yo‘nalishlar bo‘yicha mutaxassislar qabul olib boradi:
• Kardiorevmatolog
• Nevrolog
• Travmatolog-ortaped
• Pediatr
• Urolog
• Okulist
• LOR shifokori
📍
Manzil:
Jondor tumani Bolalar markaziy poliklinikasi.
👨‍👩‍👧‍👦
Barcha ota-onalarni farzandlari salomatligiga befarq bo‘lmaslikka va ushbu imkoniyatdan unumli foydalanishga chaqiramiz!
Sog‘lom bola — sog‘lom kelajak garovi!

Tuman tibbiyot birlashmasida siyosiy-ma’rifat soatlari yuqori saviyada tashkil etilmoqda
Jondor tuman tibbiyot birlashmasiga qarashli bo‘limlar, oilaviy poliklinikalar hamda KTMPlarda o‘tkazib kelinayotgan siyosiy-ma’rifat soatlari yaxshi an’anaga aylanib bormoqda.
Ushbu tadbirlar davomida hafta mobaynida mamlakatimizda ro‘y bergan muhim voqealar, yangilanib borayotgan Prezident qaror va farmonlari, ularning mazmun-mohiyati hamda ijrosi yuzasidan ma’lumotlar yetkazilmoqda. Shuningdek, sog‘liqni saqlash tizimida amalga oshirilayotgan islohotlar, aholiga ko‘rsatilayotgan bepul va sifatli tibbiy xizmatlar, bemorlar manfaati yo‘lida olib borilayotgan ishlar haqida ham atroflicha fikr almashilmoqda.
Siyosiy-ma’rifat soatida yurtimiz futbolchilari tarixiy yutuqqa erishib, jahon chempionati yo‘llanmasini qo‘lga kiritgani munosabati bilan qizg‘in muhokamalar bo‘lib o‘tdi. Bu quvonchli voqea barcha ishtirokchilarda milliy g‘urur va vatanparvarlik tuyg‘ularini yanada mustahkamladi.
https://t.me/jondortuman

MILLIY LIBOS – MILLAT KO‘RKI
Milliy libos — millat ko‘rki degan ibora juda chuqur ma’noga ega.
Do‘ppi — bosh kiyimimiz faxri. Chust, Marg‘ilon yoki Shahrisabz do‘ppilari bo‘lsin, ularning har bir nusxasida o‘ziga xos «til» va ma’no bor.Libos nafaqat kiyim, balki xalqning tarixi, qadriyatlari, madaniyati va nafosatini o‘zida aks ettiruvchi ko‘zgudir.
Jondor tuman hokimligi xodimlari «Milliy libos — millat ko‘rki» chellenji asosida ishni boshladilar.
https://t.me/jondortuman

#kun_hikmati
Haqiqiy inson hamisha ilm va hunar olishga intiladi. Ilm bir daraxt bo‘lsa, odob uning mevasidir. Odobsiz olim mevasiz daraxtdir.
https://t.me/jondortuman

G‘alla-2026
Xalq deputatlari Jondor tumani Kengashi kotibiyati bosh mutaxassislari J.Norov va R.Murodov, tuman IIB xodimi A.Bo‘ronov hamda viloyat FVV xodimi S.Saidovlar hamkorligida Jondor tumanidagi “Pahlavon” mahallasida olib borilayotgan g‘alla yig‘im-terimi ishlari bilan tanishdilar.
O‘rganish davomida hududda g‘alla hosilini qisqa muddatlarda va sifatli yig‘ib olish bo‘yicha amalga oshirilayotgan ishlar ko‘zdan kechirildi. Jumladan, o‘rim-yig‘im jarayonida ishtirok etayotgan texnika va mexanizmlarning texnik holati, mehnat xavfsizligi talablariga rioya etilishi, yong‘in xavfsizligi choralarining tashkil etilganligi hamda ishchilar uchun yaratilgan shart-sharoitlar atroflicha o‘rganildi.
Mutasaddilar tomonidan o‘rim-yig‘im ishlarini uyushqoqlik bilan tashkil etish, hosilni nobudgarchiliksiz yig‘ib olish, texnika vositalaridan samarali foydalanish hamda yong‘in xavfsizligi qoidalariga qat’iy amal qilish yuzasidan tegishli tavsiya va tushuntirishlar berildi.
https://t.me/jondortuman

Prezident Shavkat Mirziyoyev baliqchilik tarmogʻini rivojlantirish va qoʻllab-quvvatlashga qaratilgan takliflar
taqdimoti
bilan tanishdi.
—
Президент Шавкат Мирзиёев ознакомился
с презентацией
предложений по развитию и поддержке рыбной отрасли.
#Mirziyoyev
#taqdimot
#qishloqxujaligi
#baliqchilik
Prezident.uz
|
Facebook
|
Instagram
|
YouTube
|
X

Dolzarb 90 kun loyihasi
Jondor tuman “Kelajak” markazida
yozgi ta’til davri hamda 39-umumta’lim maktabda tashkil etilgan yozgi oromgohlarda o‘quvchilar bilan mazmunli tadbirlar olib borilmoqda. Tadbir davomida ishtirokchilar matematika, ingliz tili hamda robototexnika yo‘nalishlari bo‘yicha o‘z bilim va ko‘nikmalarini sinovdan o‘tkazdilar. Interaktiv topshiriqlar va zamonaviy texnologiyalar yordamida tashkil etilgan musobaqalar o‘quvchilarda katta qiziqish uyg‘otdi.
Musobaqalar yakuniga ko‘ra, matematika va ingliz tili fanlari bo‘yicha yuqori natijalarga erishgan o‘quvchilar munosib taqdirlanib, esdalik sovg‘alari bilan rag‘batlantirildi.
“Bilimga intilgan yoshlar — Yangi O‘zbekistonning ishonchli kelajagidir!”
https://t.me/jondortuman

2026-yil 11-iyun kuni Jondor tuman axborot - kutubxona markazi xodimlari bilan "Biz giyohvandlikka qarshimiz !" nomli chorlov tashkil qilindi.Chorlovning asosiy maqsadi aholi o'rtasida sog'lom turmush tarzini targ'ib qilish ,giyohvandlikning zararli oqibatlari haqida tushuncha berib yoshlarni turli salbiy illatlardan asrash.