KESHNEWS

Barchamiz marketing va reklama "qurbonlarimiz"
O‘zbekiston sharoitida chaqaloqlarni ona suti bilan emas, sun’iy mahsulotlar (smes va boshqa) bilan oziqlantirish holati qanday va buning sababi nimada?
@keshnews

Viloyat hokimi yarim tunda ham investorlarni qabul qilmoqda
Qashqadaryo viloyati hokimi Murotjon Azimov xitoylik investorlarni tun yarmidan og‘gan bo‘lsada qabul qilibdi.
Viloyatimiz rivoji uchun muhim bo‘lgan yirik loyihalar borasida muzokaralar olib borilgani xabar qilindi.
@keshnews

Qoidabuzar haydovchini to‘xtatish uchun o‘qolar quroldan foydalanilibdi
Ijtimoiy tarmoqlarda oq rangli Cobalt rusumli avtomobil bir nechta transport vositalariga shikast yetkazgani aks etgan video tarqalgan edi.
Ma’lum bo‘lishicha, 11-iyun kuni soat 21:34 larda 1982-yilda tug‘ilgan fuqaro Toshkent shahri Yakasaroy tumani Shota Rustaveli ko‘chasida yo‘l harakati qoidalarini qo‘pol ravishda buzgan holda harakatlangan.
Haydovchi IIO xodimlarining to‘xtash haqidagi qonuniy talabiga bo‘ysunmasdan, harakatni davom ettirib, bir nechta avtomashinalarga texnik shikast yetkazgan.
Vaziyatni bartaraf etish maqsadida xodimlar tomonidan ogohlantirishdan so‘ng avtomobil g‘ildiragiga o‘q uzilib, transport vositasi to‘xtatilgan.
Hozirda holat yuzasidan Toshkent shahar IIBB tomonidan tekshiruv ishlari olib borilmoqda. Qo‘shimcha ma’lumotlar keyinchalik beriladi.
@keshnews

Kadastr agentligi rahbariyati o'zgardi
Turdiyev Sadriddin Abdullayevich Kadastr agentligi direktori vazifasini bajaruvchi lavozimiga tayinlandi. S.Turdiyev shu paytga qadar prokuratura organlarida faoliyat yuritgan.
Shuningdek, Prezident Administratsiyasi rahbarining farmoyishi bilan:
➖
Fayzullayev Murat Muxtarovich — Kadastr agentligi direktorining birinchi o‘rinbosari lavozimiga;
➖
Xafizov Alisher Abduazizovich — Kadastr agentligi direktori o‘rinbosari lavozimiga;
➖
Mirmaqsudov Mirsaid Sadikovich — Kadastr agentligi direktori o‘rinbosari lavozimiga;
➖
Abdullayev To‘lqin Mansurovich — Kadastr agentligi direktori o‘rinbosari lavozimiga tayinlangan.
@keshnews

Shvetsiya va O‘zbekiston migratsiya sohasida bitim imzolabdi
"Paradigma" nashrining yozishicha, Bitim bo‘yicha pilot dastur amalga oshirilib, Shvetsiya mehnat bozori ehtiyojlari o‘rganiladi, shved tili va kasbiy tayyorgarlik dasturlari yo‘lga qo‘yiladi.
P.S. Shvedlar minglab qashqadaryolikni ko'rib, oxiri shu qarorga kelishganga o'xshaydi.
@keshnews

«Damas» haydovchisi 5 oyda 61,5 BALL to‘plabdi
Haydovchi jarima ball hisoblash boshlangandan buyon 119 marta kameraga tushgan va jami 61,5 jarima ball to‘plagan.
P.S. Men esa 1 ball to‘plab siqilib yuribman. Damaschilardan o'rganadigan joyimi deyman?!
@keshnews

25 nafar hokim yordamchisi rotatsiya qilinibdi
Shahrisabz shahar hokimi boshchiligida o'tgan yig‘ilishda Shahrisabz shahar “Inson” ijtimoiy xizmatlar markazi rahbari etib tayinlangan Malikov Mirshod Haydarovich tanishtirilibdi.
Shuningdek, tashkiliy masalalar doirasida hokim yordamchilari faoliyati samaradorligini yanada oshirish maqsadida 25 nafar hokim yordamchisi o‘rtasida kadrlar almashinuvi amalga oshirildi. 1 nafar hokim yordamchisi egallab turgan lavozimidan ozod etildi.
@keshnews

"Inson" ijtimoiy xizmatlar markaziga yangi direktor tayinlandi
Malikov Mirshod Xaydarovich — O‘zbekiston Respublikasi Prezidenti huzuridagi Ijtimoiy himoya milliy agentligi Qashqadaryo viloyati Shahrisabz shahar "Inson" ijtimoiy xizmatlar markazi direktori lavozimiga
tayinlanibdi
.
M.Malikov bunga qadar Kitob tumani G‘aznachilik xizmati bo‘limida ishlab kelayotgan edi.
@keshnews

Tico yuk mashinasi bilan to‘qnashibdi, haydovchi vafot etgan
Navoiy viloyatining Nurota tumanida Tico va Sinotruk rusumli yuk mashinasi ishtirokida sodir bo‘lgan YTH oqibatida bir kishi halok bo‘ldi. Hodisa 3-iyun kuni soat 08:30 lar atrofida Nurota tumani Tinchlik mahallasi hududidan o‘tuvchi D-191 Qizilqum halqa yo‘lining 86-kilometrida sodir bo‘lgan.
Ma’lumotlarga ko‘ra, Tico haydovchisi ikkinchi darajali yo‘ldan harakatlanib kelib, asosiy yo‘lda harakatlanayotgan Sinotruk yuk mashinasiga yo‘l bermasdan chiqqan. Oqibatda yengil avtomobil yuk mashinasi bilan to‘qnashgan.
YTH oqibatida Tico haydovchisi olgan jarohatlari oqibatida tuman shifoxonasida vafot etgan.
P.S. Yo‘l harakati qoidalariga doim amal qilinishi shart.
@keshnews

Koreya Respublikasi bilan ta’lim sohasidagi hamkorlik masalalari muhokama qilinibdi
Qarshi shahridagi Kasbiy ko‘nikmalar markazida Koreya Respublikasining
Korea–China Cultural Education Institute
rahbariyati bilan xalqaro hamkorlikni rivojlantirish masalalariga bag‘ishlangan uchrashuv bo‘lib o‘tdi.
Unda Qashqadaryo viloyati hokimining o‘rinbosari, institut rahbariyati hamda mas’ul vakillar ishtirok etib, ta’lim sohasidagi hamkorlikni kengaytirish, Koreya Respublikasining oliy ta’lim muassasalari bilan aloqalarni mustahkamlash, talabalar almashinuvi dasturlarini yo‘lga qo‘yish va malakali kadrlar tayyorlash istiqbollari yuzasidan fikr almashdilar.
Shuningdek, qo‘shma ta’lim loyihalarini amalga oshirish, yoshlar uchun yangi imkoniyatlar yaratish hamda o‘zaro manfaatli hamkorlikni rivojlantirish masalalari muhokama qilindi.
@keshnews