Konspektor
📝
Конспектор - бу саҳифа сиз азизлар учун диний, ҳаётий ва фалсафий фикрларни бир ерга жамлайди. Унда инсон руҳияти, ҳаёт маъноси, вақт ва муҳаббат каби чуқур мавзулар ёритиб борилади.
👥
Обуна бўлиб қўйишни унутманг!
Konspektor
pinned «
🚀
Do‘stlar, kanalimizni birgalikda ko‘taraylik! Mana shu havolaga kirib, ПРОГОЛОСОВАТЬ tugmasini bosing
🔥
👇
https://t.me/boost/konspektor Sizning ovozingiz kanalimiz uchun katta qo‘llab-quvvatlash!
🙌
❤️
»
🚀
Do‘stlar, kanalimizni birgalikda ko‘taraylik!
Mana shu havolaga kirib, ПРОГОЛОСОВАТЬ tugmasini bosing
🔥
👇
https://t.me/boost/konspektor
Sizning ovozingiz kanalimiz uchun katta qo‘llab-quvvatlash!
🙌
❤️
20та звёздочка реакция топлай оламизами босамиза реакция
Кани обуначилар шу звёздочка реаксияларни босиб ташлаймиза канча куп болса шунча каналмиз ривожи йулида фойдали болади
Ҳаётимизда "кетишлар" кўп...
Биз ҳамиша қайлардандир кетдик...
Онамиз бағридаги ошёндан кетдик-номи "туғилиш" бўлди!
Бизни ўраган этакдан кетдик- номи "улғайиш" бўлди!
Боғчадан, мактабдан, университетдан кетдик-ниҳояти номи "етуклик" бўлди...
Уйланаркансиз, ортингиздаги нигорон она кўзларини ранжитмай, ўз уйингиз томон кетдингиз- номи "уйланиш" бўлди...
Қизларда ҳам шундай...
Улар тамоман жуда кўп нарсаларга кўникиши шарт бўлган ўзга бир хонадонга кетишади...
Ва ҳамма бунинг номини "тақдир йўриғига кўниш" деб атайди...
Кетаверасиз, кетаверамиз то бу кетишлар сўнгги "ўлиш" бўлгунча...
Кетганларнинг ортидан асоратлар қолади...
Яхши излар, яхши сўзлар, бизни эслаганда ёришиб кетадиган қадрдон юзлар-ҳамиша ортимизда қолсин...
Яна яхши дуолар ҳам...
Умму Зайнаб
@konspektor
Қадим замонда бир одам уйланибди. Биринчи куни онаси ва хотини билан дастурхон атрофида ўтириб, янги келинчак бўлгани учун аёлига таомнинг катта қисмини алоҳида эътибор, мулозамат билан узатди. Арзимаган бир қисмини эса ўта беэътиборлик билан онасининг олдига дақ этиб қўйди. Хотини донишманд аёл эди. Ҳозироқ уни талоқ қилишини сўраб туриб олди. Эр сабабини сўраган эди:
— Қон тортади, сиздан бола кўриб, шу она каби хор бўлишни истамайман, — деб жавоб берди аёл.
Минг афсуски, айрим аёллар эри тарафидан қайнонасидан кўра кўпроқ иззат кўрсалар, ўзларича ғолиблик нашъасини сурадилар. Билмайдиларки, ҳар ким экканини ўради. Емоқнинг қусмоғи ҳам бор. Алқисса, аёл талоғини олиб, эридан ажрашди. Вақт ўтиб Аллоҳ унга бошқа бир яхши эрни насиб этди. Йиллар ўтди, бола-чақали бўлди.
Бир куни туя устидаги кажава ичида борарди. Болалари атрофида парвона бўлиб, хизматига шай турардилар. Йўлда бир карвонга дуч келдилар. Карвон ортида абгор аҳволдаги ёши катта бир киши ялангоёқ пиёда борарди. Унга ҳеч ким эътибор бермас эди. Болаларига ўша одамнинг олдига олиб боришларини сўради. Олиб боришгач, ҳалиги одамга деди:
— Мени танидингизми? Мен сизнинг собиқ хотинингиз бўламан. Сизга қон тортади, ҳар ким экканини ўради, демаганмидим? Кўряпсизми, болаларим мени қандай иззат-ҳурмат билан олиб юришибди. Энди ўзингизнинг аҳволингизга бир қаранг. Бунинг сабабини биласизми? Сиз онангизни хорлаган эдингиз. Мана энди жазойингизни оляпсиз...
@konspektor
8 тоифа билан ўтирган кишининг 8 хислати ортади:
- Бойлар билан ўтирган кишининг дунёга ҳою ҳаваси ортади;
- Камбағаллар билан ўтирган кишининг шукри зиёда бўлади;
- Амирлар билан ўтирган кишининг кибри ортади;
- Аёллар билан ўтирган кишининг уларга майли ортади;
- Болалар билан ўтирган кишининг ўйин-кулгуга майли ортади;
- Гуноҳкор (осийлар) билан ўтирган кишининг журъати ортади;
- Солиҳлар билан ўтирган кишининг ибодатга ҳаваси ортади;
- Олимлар билан ўтирган кишининг илми ва тақвоси зиёда бўлади.
@konspektor
Бахтли бўлишни ўзингдан бошла..
Бир куни донишманд одам сайр қилиб юриб, йўлида бир одамни учратиб қолибди.
У оғир ва машаққатли меҳнатдан чарчаган,ҳолдан тойган экан.
Шунда донишманд:
- Ўзингни бунча қийнамасанг, дебди.
- Ҳа, тўғри, ишим ва меҳнатим оғир. Аммо мен болаларим ва невараларим бахтли бўлиши учун ҳаракат қилаяпман.
Отам шундай қилган, отамнинг отаси ҳам шундай қилган, отамнинг отасининг отаси ҳам оғир меҳнат қилган.
- Яхши, аммо айтчи, санаганларингдан кимдир бахтли бўлганми?
- Йўқ, келажакда фарзандаларимиз бахтли бўлади, насиб...
- Ҳамма гап шунда. Сен ўзинг бахтли бўлмасанг, фарзандларинг ҳам бахтнинг нималигини билмай ўтади.
Бахтли бўлишни ўзингдан бошла, уларга ўрнак бўл, ҳар недан бахт топишни бил, шу сенинг фарзандларингга энг катта совғанг бўлади - деган экан....
@konspektor
Беш маҳал намоз ўқийдиган одам бир кунда:
40 маротаба “Бисмиллаҳ”
40 маротаба “Фотиҳа сураси”
80 маротаба “Ар-Раҳмон”
80 маротаба “Ар-Роҳим”
213 маротаба “Аллоҳу Акбар”
120 маротаба “Субҳана Робби Ал-Азийм”
240 маротаба “Субҳана Робби Ал-Аъло”
15 маротаба “Субҳанака” яъни “Сано дуоси”
40 маротаба “Самъи Аллоҳу лиман ҳамидаҳ”
40 маротаба “Роббана лакал ҳамд”
40 маротаба “Омийн (Эй Аллоҳ дуоимни қабул қил)”
33 маротаба “Зам сура”
21 маротаба “Ташаҳҳуд” ўқиб Пайғамбаримизга саловат
21 маротаба “Ташаҳҳуд” ўқиб Шаҳодат калимаси
26 маротаба Фаришталарга ва мўминларга салом
13 маротаба “Аллоҳумма антас Салам”
13 маротаба “Роббана атина” дуоси
13 маротаба “Роббана иғфирлий” дуоси
15 маротаба “Аллоҳумма солли ва салим” дуоси
15 маротаба “Аллоҳумма барик” саловати
15 маротаба “Шайтон”дан паноҳ тилайди.
@konspektor
"Ўғлимнинг муҳтарам ўқитувчиси!
…Мен ўғлимга ҳаётни бўяб-бежаб кўрсатишингизни истамайман. У ҳаётда ҳамма ҳам адолатли ва самимий бўлавермаслигини билиши шарт.
Сиз унга ҳаётда аблаҳлар ҳам қаҳрамонларга айлантирилиши мумкинлигини, уқувсиз ва такаббур раҳбарларга ҳам содиқ ходимлар учраши мумкинлигини тушунтиришдан қўрқманг.
Унга уқтирингки, модомики душманлари бор экан, демак дўстлари ҳам бўлади.
Биламан, бунга анча вақт сарфланади, лекин имконингиз бўлса, унга ноҳалол йўл билан топилган ўн доллардан кўра, ҳалол йўл билан топилган бир доллар кўпроқ фойда келтиришини ўргатинг.
Шундай таълим берингки, у ғалаба нашидасини суриш учун олдин ютқазиш аламини тотиб кўриш кераклигини англасин.
Қўлингиздан келса, унинг табиатига ҳасад чанг солмаслигининг чорасини кўринг.
Унга мақтанчоқ одамлар устидан ғалаба қозониш жуда ҳам осон бўлишини ҳис этишга шароит яратинг. Яна имконингиз бўлса, уни китобларга ошно қилинг…
Шундай таълим берингки, у жасур, кучли, темир иродали йигит бўлиб улғайиш билан бирга, кўкдаги қушлардан, қирлар узра очилган гуллардан ва бу гуллардан бол йиғиб юрган асаларилардан, қўйингчи табиатнинг бетакрор гўзалликларидан таъсирлана оладиган нозик қалбга ҳам эга бўлсин.
Шундай ўқитингки, у ҳаётдаги энг майда ҳолатлар юзасидан ҳам мулоҳаза қилиб кўришни ўргансин.
Мен унинг шу кичик ёшиданоқ ҳаётда қаллоблик қилиб ғалабага эришгандан кўра, ҳалоллик туфайли омадсизликка учраш афзал эканини англаб етишини истайман.
Уни атрофдагилар ҳар қанча ўз йўриқларига юргизишга уринишмасин, ўз шахсий фикрларида собит тура олишга ҳам ўргатасиз, деган умиддаман.
Уни юмшоқ феъллилар билан – юмшоқ, қаҳрлилар билан қаҳрли бўлишга ўргатинг.
Ўғлимга моҳиятни англамасдан туриб, ғалаба қозонганлар тарафига ўтиб кетадиган оломонга эргашмасликни уқтиришга ҳаракат қилинг.
Уни ҳаммани эшитишга ва ҳар бир эшитганларини мулоҳаза қилиб, ҳақиқатни ажратиб олишга ўргатинг.
Ўргата олсангиз, маҳзун вақтда кулиш кераклигига ўргатинг.
Вақти келганда кўз ёши тўка билишни ва бунинг ҳеч уятли эмаслигини ўргатинг.
Унга ўзига ортиқча зеб бермаслик кераклигини ўргатинг.
Зарурат бўлганида ўз ақли ва танасидаги мушаклар кучини энг қиммат нархда сотиши мумкин-у, лекин ўлса ҳам юраги, руҳи, виждонини сотишга ҳаққи йўқлигини англатинг.
Унга жасур бўлиш учун энг аввало сабрли бўлиш лозимлигини уқтиринг. Ўтда қаттиқ тобланган пўлатгина юқори сифатга эга бўлишини тушунтиринг.
Унда ўзига ишонч ҳиссини шакллантиринг, шундагина у бошқаларга ҳам ишонч билан муносабатда бўлади.
У билан юмшоқ, лекин ортиқча мулойимликсиз муомала қилинг.
…Биламан, Сиздан истаётганларимни бажариш осон иш эмас, лекин, ҳар ҳолда сўраганларим орасидан қўлингиздан нима келишини ажратиб олсангиз ҳам бўлади.
У ажойиб бола, яхши бола — менинг ўғлим!.. Балки у ҳам келажакда дунёнинг етакчи лидерларидан бўлар…
Сизга чексиз ҳурмат ва ишонч билан Абрам Линкольн,
1855 йил".
АҚШнинг ўн олтинчи президенти Абрам Линкольннинг беш ёшли ўғли Уильямнинг ўқитувчисига ёзган мактуби
@konspektor