Kosonsoy.uz | rasmiy kanal

Ўзбекистонда Қишлоқ хўжалиги фанлар академияси ташкил этилади
Президентнинг қишлоқ хўжалиги соҳаси ходимлари билан мулоқотида Ўзбекистонда Қишлоқ
хўжалиги фанлар академияси ташкил этилиши
эълон қилинди.
«Мен бир гапни такрор айтишдан чарчамайман. Илм ва изланиш бўлмаган соҳада ривожланиш ҳам, юксалиш ҳам, тараққиёт ҳам бўлмайди», — деди давлатимиз раҳбари.
Бугун аграр соҳада 22 та илмий марказ, 260 та лаборатория, уларда жуда катта салоҳиятга эга юзлаб олим ва илмий ходимлар фаолият юритмоқда.
Мазкур салоҳиятдан тўлиқ фойдаланиш учун «илм-фан – таълим – ишлаб чиқариш» интеграциясини таъминлайдиган Қишлоқ хўжалиги фанлар академияси ташкил этилиши эълон қилинди. Ушбу академия қишлоқ хўжалигидаги фундаментал ва амалий тадқиқотларни ривожлантиришга масъул бўлади.
Ўтган йилда 4 та институт негизида Қишлоқ хўжалиги кадрларининг малакасини ошириш институти ташкил этилган эди. Ушбу институтда йилига 8 мингдан ортиқ соҳа вакиллари, хусусан, фермер, деҳқон ва кластерлар ходимлари замонавий агротехнологиялардан фойдаланишга ўқитилади.
Мутасаддиларга Голландия, Испания, Италия, Туркия ва Хитойдан малакали агрономларни олиб келиб, деҳқон ва фермерларни янгиликларга доимий ўқитиб борадиган тизим қилиш топширилди.
Бундан ташқари, пахта-ғалла йўналишидаги энг илғор 200 нафар фермер, мева-сабзавот йўналишидаги энг миришкор 200 нафар боғбон ва деҳқон, қишлоқ хўжалиги йўналишидаги энг фаол 100 нафар экспортчи Хитой, Туркия, Голландия, Франция каби давлатларга юборилиб, ўқитилади. Ушбу 500 нафар фермер, боғбон ва экспортчиларнинг йўлкира ва меҳмонхона харажати тўлиқ қоплаб берилади.

🔰
Фермерларга ғалла ва пахта учун янги субсидия ва имтиёзлар белгиланди
◽️
Президент Шавкат Мирзиёев Қишлоқ хўжалиги соҳаси ходимлари куни муносабати билан соҳа вакиллари билан мулоқотда фермерларни қўллаб-қувватлаш чоралари ҳақида маълум қилди.
🔹
Энди ўз маблағи ҳисобига ғалла етиштирган фермерларга ҳосилининг 10 фоизи миқдорида субсидия берилади.
🔹
Пахта етиштириш учун фермерларга ҳар гектарга ажратиладиган маблағ 17,5 млн сўмга кўпайтирилади.
🔹
2026 йилда деҳқон ва фермерларни қўллаб-қувватлаш учун 35 триллион сўм ажратилади.
🔹
Пахтачиликда механизациялаш даражасини ошириш мақсадида 800 та терим машинаси, 450 та кўп функцияли сеялка ва 3 минг плёнка йиғадиган машина олиб келинади.
🔹
Ғаллачиликда ҳам сувсизлик ва иссиққа чидамли янги навлар яратиш, илмий институтларни модернизация қилиш ишлари давом эттирилади.
Шунингдек, пахта ва ғалла етиштирувчи фермерлар рейтинг асосида қўллаб-қувватланади, кредит ва имтиёзли ставкалар рейтинг юқори бўлганлар учун янада пасайтирилади: пахта учун 8%, ғалла учун 10%.

#янги_китоблар
"ЗУЛМАТ ИЧРА НУР"
Ҳамшаҳримиз Мамлакатхон Баҳодированинг "Зулмат ичра нур" деб номланган навбатдаги китоби нашрдан чиқди.
"Заковат" нашриёт уйи босмахонасида Ўзбекистон Журналистлар уюшмаси аъзоси, Косонсой тарих музейи мудири М. Акрамов муҳаррирлигида чоп этилган 350 саҳифадан иборат китобдан ўрин олган ҳикояларда турли инсонлар тақдирлари, ҳаётнинг оғриқли ва сабоқли воқеалари бадиий бўёқларда акс этган. Ҳар бир ҳикоя ўқувчини ўйга толдириб, қалбини титратиши, шубҳасиздир.
Бу муаллифнинг учинчи китоби. Мамлакатхон опа нафақада. Тўрт нафар фарзанднинг маслаҳатгўй онаси, ўн нафар набира ва бир нафар эваранинг меҳрибон бувижониси.
👉
Telegram
|
Facebook
|
Instagram
|
Youtube

🇺🇿
10-dekabr — Davlat madhiyamiz tasdiqlangan kun!
Bugun 1-DMTT jamoasi va tarbiyalanuvchi bolalar bilan yuragimizni yana bir bor faxr, g‘urur va Vatanga bo‘lgan muhabbat hislari qamrab oldi.
Biz kichkina qo‘llar, beg‘ubor qalblar, katta orzular bilan
“MADHIYAM – FAXRIM” nomli videorolikni tayyorladik.
Bu madhiyada — bobolarimiz shon-shuhrati,
ona yurtning beqiyos go‘zalligi,
bugungi tinchlikning qadr-qimmati,
ertangi kunning yorug‘ umidlari mujassam.
Bizning bog‘cha bolalarimiz madhiyani kuylarkan,
nafaqat so‘zlarni, balki Vatan muhabbatini ham qalblariga joylaydilar.
Bugun ular kichik, ammo yuraklari ulug‘ —
ertaga esa shu yurtning bunyodkor farzandlari!
🇺🇿
Madhiyamiz yangragan har bir lahza — faxrimizdir!
Biz esa shu faxrni tarbiyalayotgan jamoamiz — 1-DMTT oilasi bilan birga ekanimizdan baxtiyormiz!

🔰
Prezident Shavkat Mirziyoyev
Qishloq xo‘jaligi sohasi xodimlari kuni munosabati bilan soha vakillari bilan muloqot
o‘tkazmoqda.
◽️
So‘zining avvalida davlatimiz rahbari
fidokorona va mashaqqatli mehnati bilan noz-ne’mat yetishtirib, el dasturxoniga qut-baraka olib kirayotgan
barcha
dehqon, fermer, bog‘bon, chorvador, suvchi, agronom va mexanizatorlarga
o‘zining chuqur hurmat-ehtiromini bildirdi.
“
Sizlarning
nafaqat qishloq xo‘jaligi, balki iqtisodiyotni yuksaltirish, aholi turmushini yaxshilash, oziq-ovqat xavfsizligi borasidagi beqiyos ishlaringiz
har qancha tahsinga sazovor
”,
– dedi davlatimiz rahbari.
Bu yil iqtisodiyotning barcha tarmoqlarida yutuqlarga boy va barakali yil bo‘lgani ta’kidlandi. Ayniqsa, xalqimizning
3,5 milliondan ziyod vakili mehnat qilayotgan qishloq xo‘jaligida katta marralarga erishildi.

🔰
Bugun Prezident Shavkat Mirziyoyev Ko‘ksaroy qarorgohida
qishloq xo‘jaligi xodimlari bilan uchrashuv o‘tkazadi hamda ulardan bir guruhiga davlat mukofotlarini topshiradi. Yig‘ilishda sohadagi islohotlar natijadorligi va kelgusi yil uchun ustuvor vazifalar muhokama qilinadi.

🇺🇿
10 декабр – Ўзбекистон Республикаси давлат мадҳияси қабул қилинган кун
🌩️
Ўзбекистон Республикаси Давлат мадҳиясининг матни ва мусиқаси Ўзбекистон Республикасининг 1992 йил 10 декабрдаги 768-ХII-сонли “Ўзбекистон Республикасининг Давлат мадҳияси тўғрисида”ги Қонуни билан тасдиқланган.
Қонунда мадҳиямиз давлат суверенитетининг рамзи, унга катта эҳтиром билан қараш ҳар бир юртдошимизнинг ватанпарварлик бурчидир деб белгилаб қўйилган.
Ўзбекистон фуқаролари, шунингдек, мамлакатимизда яшаб турган бошқа шахслар ҳам мадҳиямизни ҳурмат қилиши шартлиги алоҳида таъкидланган.
🔝
Мадҳия
Мутал Бурхонов
мусиқаси,
Абдулла Орипов
шеъри асосида яратилган.
🔝
Видеолавҳада Мутал Бурҳонов ва Абдулла Орипов мадҳия яратилиш жараёнида.
👉
Telegram
|
Facebook
|
Instagram
|
Youtube

☁️
🌨️
Наманганда 10 декабрь куни кечаси ва эрталаб айрим жойларда ёмғир ёғиб, туман тушиши мумкин
▫️
Республика Гидрометеорология маркази 10 декабрь, чоршанба
куни кузатиладиган об-ҳаво ҳақида маълумот берди.
▫️
Наманган вилоятида
ҳаво ўзгариб туради, кечаси ва эрталаб айрим жойларда ёмғир ёғиб, туман тушиши мумкин. Шарқдан секундига 5-10 метр тезликда шамол эсади. Кечаси 0-5 даража совуқ, кундузи 0-5 даража илиқ бўлади.
▫️
Республикамизнинг тоғолди ва тоғли ҳудудларида
ҳаво ўзгариб туради, вақти-вақти билан ёғингарчилик бўлади (ёмғир, қор ёғади), туман тушиши мумкин. Шарқдан секундига 7-12 метр тезликда шамол эсади. Ҳаво ҳарорати кечаси ва кундузи 2-7 даража совуқ бўлади.

🔰
Prezident Shavkat Mirziyoyev
avtomobil yoʻllari sohasida amalga oshirilayotgan ishlar va kelgusi rejalar yuzasidan
taqdimot
bilan tanishdi.
👉
Telegram
|
Facebook
|
Instagram
|
Youtube

#Миллий_қадрият
🇺🇿
Миллий анъана ва қадриятлар – ўзбек халқи маънавиятининг ажралмас фазилатидир
◽️
Миллийлик — бу халқнинг ўзига хослиги, тарихи, урф-одатлари ва қадриятларининг йиғиндиси бўлиб, инсоннинг юрагида яшайдиган, авлоддан-авлодга ўтадиган бебаҳо меросдир.
👉
Telegram
|
Facebook
|
Instagram
|
Youtube