Iqtiboslar | Kitobdan
Итоат нима эканини биладиганлар,
омонат нима эканини биладиганлар учундир.
©️
Ikrom Sharif
@Lidernoma
#ШЕЪРИЯТ
ҚУДДУС
Эй самовий динларнинг дунёдаги бешиги,
Эй меърожга очилган самоларнинг эшиги!
Айни Масжидул Ақсо, айни тавҳид қуббаси,
Саҳобаи киромнинг намозда илк қибласи.
Эй жавҳари муборак улуғ Масжидул Ақсо,
Ор қиларди инсонлик сенга ибратла боқса.
Сен бошингдан ўтказдинг неча қонли жангларни,
Ҳатто йиғлатар эди у ваҳшат ҳарсангларни.
Бугун яна саҳнада Пайғамбар қотиллари,
Гўдакларни ўлдирган жиноятнинг тиллари.
Бугун яна Ғазода оналар қон йиғлаган,
Бу очиқ қатлиомдан бутун дунё кўз юмган.
Бугун чўққига чиқди зулмнинг зиёдаси,
Яна тахтада шулар, сионист пиёдаси.
Сен набийлардан Юсуф, Аллоҳнинг эркалари,
Сенга зулм қилганлар Юсуфнинг акалари.
Яна от солган мудом, салбчининг асллари,
Маданият ниқобли золимнинг насллари.
Эй бир ярим милярдлик дунё мусулмонлари,
Юз қизартирмадими шунча мазлум қонлари?!
Золимга қарши туриб, тупурсак ҳам етарди,
Салоҳиддин ҳолимиз кўрса алам ютарди?!
Эй нефтнинг қироллари, сарой хонадонлари,
Шу қадар ҳам арзонми Қудуснинг қурбонлари?!
Ким сочди устингизга ўликлар тупроғини,
Ё узиб қўйдингизми Қудусла дин боғини?!
Хаттоб ўғли Умарим адолатни севарди,
Сизни бу ҳолда кўрса саройларга кўмарди.
Эй маҳшарга ишонган дунё мусулмонлари,
Кўзингни оч, тик тургин, эй иймон ўғлонлари!
Ваҳий учун танлаган Роббанонинг халқимиз,
Наҳот Қиёмат қадар давом этар уйқумиз?!
Уммат уммат бўлолса, бир сафда тик туролса,
Ҳеч ғариб бўлармиди, ўктам Масжидул Ақсо?!
Эй самовий динларнинг дунёдаги бешиги,
Нима десалар десин, сенсан нажот эшиги!
©
Чингиз Нўъмон ўғли
©
Маҳбубий
©️
Аброр Мухтор Алий
📨
Постни яқинларингизга ҳам улашинг!
Расмий канал
👇
📱
@AbrorMuxtorAliy
Оилавий муносабатлардаги муаммоларнинг боши ёшларнинг турмушдан олдинги хато тасаввурларидадир — ёшлар муҳаббатни фақат ишқий муносабат, турмушни фақат фаровон ҳаёт, оилани эса фақат ўйин-кулгудан иборат бир гўша деб ўйлашади.
©️
Ikrom Sharif
@Lidernoma
«СССР пайтида ҳамма нарса арзон эди. Гугурт бир тийин бўлган», деган гапни кўп эшитганмиз.
Ўша даврларни кўрган бир устозимиз эса шундай деган эдилар:
«Ҳа, у пайтлар гугурт бир тийин эди. Лекин инсоннинг жони ҳам бир тийин эди, иймон-эътиқоди ҳам бир чақа эди…»
Мустақилликнинг қадри ҳам шундаки, у бизга фақат эркин давлат эмас, ўзлигимизни, тилимизни, тарихимизни ва эътиқодимизни эркин яшаш имконини берди.
Аллоҳ таоло бу неъматини бардавом, барқарор қилиб берган бўлсин. Юртимизни, элимизни ҳар турли фитналардан, фасодлардан асрасин. Бу неъмат муҳофазаси йўлидаги барчага Ўзи мададкор бўлсин!
©️
Ikrom Sharif
@Lidernoma
Haqiqiy mustaqillik
Amerikada quldorlik keng tarqalgan paytda, 1850-yillarda Garriyet Tabmen 700 dan ortiq insonni qullikdan xalos qiladi va ozodlik harakatining eng faol yetakchilaridan biriga aylanadi.
Undan “Qullarni qutqarish yo‘lidagi eng mashaqqatli ish nima?” deb so‘rashganda, u chuqur o‘ylanib: “Qulni uning qul emasligiga ishontirish”, deb javob bergan ekan.
1967-yil Boliviyada Che Gevara (Kuba ozodlik inqilobchisi) qo‘lga olingach, harbiylar uni sotib bergan mahalliy cho‘pondan so‘rashadi: “Axir u sizlarning haq-huquqingiz va ozodligingiz uchun kurashayotgan edi! Nega uni harbiylarga tutib berdingiz?” Cho‘pon esa xotirjam javob beradi: “U kelganidan beri otishma ovozidan echkilarim sut bermay qo‘ydi, tinchligimiz buzildi...”
Chetdan nazar solsangiz g‘alati, hatto achinarli ko‘rinadi, shunday emasmi?
Bu misollar 100% aniq tarixiy fakt bo‘lmasa-da, bitta buyuk haqiqatni ochib beradi: eng yomon qaramlik — jismoniy emas, ma’naviysi.
Bundan 35 yil oldin biz ham zindonda emasdik, lekin o‘z vatanimizda ma’nan qaram edik...
Bugun esa ko‘z o‘ngimizda, hatto bevosita ishtirokimizda erkin va kuchli davlat barpo etilmoqda. Bu yo‘lda halol mehnat qilayotgan, ma’naviy hurlik uchun intilayotgan har bir yurtdoshimizga Alloh madadkor bo‘lsin.
Mustaqilligimiz nafaqat chegaraviy, balki ham ma’naviy, ham abadiy bo‘lsin!
©️
Hasanov kundaligi
@Lidernoma
Vatanimiz mustaqilligining 35 yilligi barchaga muborak bo‘lsin!
Alloh yurtimizni tinch va osoyishta saqlasin, xalqimiz farovonligini bardavom aylasin!
«Эркакдаги энг жозибали жиҳат нима?» — деб сўрашса, мен шундай жавоб бераман:
Эмоционал етуклик, ғамхўрлик, муаммоларни ҳал қила олиш, зийраклик, вазминлик, ўз ўрнида юмор ҳисси ва «кўрамиз» деган ноаниқ жавобнинг йўқлиги.
©️
Ikrom Sharif
@Lidernoma
Жисм соғлом бўлса, озгина овқат ҳам етарли. Қалб салоҳиятли бўлса, озгина ҳикмат ҳам кифоя.
©️
Ikrom Sharif
@Lidernoma
#Iqtibos
Telbalikning birinchi darajasi — o‘zini dono deb hisoblash. Ikkinchisi — bu haqda gapirish. Uchinchisi esa — maslahatlarni rad etish.
©️
Benjamin Franklin
@Lidernoma