Magnit
Hammaga salom! bu Abdullajon!
Do‘stlar Youtube ko‘rsatuvimiz montaj jarayoni tugallanib qoldi, bu safar biroz kuttirdim, sababi jiddiyroq mavzu tanlaganman.
Lekin sizga e’lon qilmoqchi bo‘lgan narsam boshqa narsa aslida.
— Ijodim rivojlanishi uchun jamoa tuzishim kerak ekanligini tushunib yetganman. Shu sababli ham o‘tgan yili ssenariy mualliflari bilan ishlashni boshlagan edim, natijalar yaxshi bo‘lgan, roliklar muntazam chiqa boshlagan edi, reelsda ham bu o‘z ta’sirini ko‘rsatgan, ammo shaxsiy masalalar tufayli jamoa kutilmaganda tarqab ketdi.
Endi esa qaytadan yana jamoa yig‘ish rejasi bor menda.Bu albatta avvaliga online rejimda bo‘ladi, ammo keyinchalik loyiha kattalashaversa bir joyda ishlash imkoniyatimiz bo‘ladi.
— Orangizda kimda-kim ssenarist bo‘lsa, Youtube loyihalar uchun ssenariylar yoza olaman, reels uchun ham g‘oyalarim bor desa
@abdullastation
Telegram profiliga yozing. Portfoliolar bo‘lsa undan-da a’lo bo‘lar edi, sababi siz qilgan ishning natijasi menga juda ham qiziq va kim bilan ishlayotganimni o‘zim ham anglar edim.
Agarda o‘zingiz ssenarist bo‘lmasangiz shunday tanishlarga yuborishingiz mumkin, albatta ko‘rib chiqaman. Rahmat
Shahar shovqini tufayli qushlarning sayrashi butunlay o‘zgargan. Sodda qilib aytganda, qushlar mashinalardan balandroq sayrashga urinishmoqda.
Xo‘sh buni nimasi muammo deb o‘ylayolgandirsiz?
—Gap shundaki, sayrash orqali qushlar o‘z juftlarini jalb qilishadi va aynan shu yo‘l bilan o‘z turdoshlarini potensial xavf signalini berishadi. Qushlar berilayotgan signalning kuchidan xavf, romantika, xotirjamlik darajalarini aniqlashadi.
Haqiqiy muammo esa shu yerda boshlanadi:
— agarda qushlar sayrashining chastotasi o‘zgarsa, signallarni ilg‘ash qiyinroq bo‘lib qoladi yoki umuman tushunilmaydi.
Bu esa o‘z navbatdagi qushlarning ko‘payishini qisqartiradi, borib-borib yo‘q bo‘lib ketishi xavfini oshiradi.
O‘zingiz tasavvur qilib ko‘ring, ko‘rkam yigit yoki qiz sizni oldingizga sekin kelsa-yu, qoching dom yonyapti desa, nima bo‘layotganini anglay olmay qolasiz.
Muammo Parijda 2003-yilda aniqlangan. Olimlar poytaxt hamda qishloq hududlardagi qushlarning sayrashini taqqoslashganda, shaharda sayrayotgan qushlar 400gs balandroq tovush chiqarayotgani aniqlangan.
Shu paytdan boshlab shahar velosipedlar yo‘laklari soni ko‘paygan, shovqinni yutuvchi qoplamalar, mashina signallari ovozi ham pasaytirilgan.
Ammo samaradorlik borasida ish bergan yagona usul bu koronavirus lokdaunidir. O‘sha yillarda San-Fransisko taxminan 7 detsibelga pasayib, mahalliy qushlar pastroq sayray boshladi.
Bundan ayon bo‘ladiki muvozanatni joyiga qaytarishning yagona usuli, bu odamlarni uyiga qamash.
Balki Tanos haq bo‘lgandir?
@magnitofficial
Men kutgan kunlar keldiyooov:
Gamer neyron tarmoqlar yordamida bir necha kun ichida "Butun sayyora bo‘ylab harakatlanish mumkin bo‘lgan GTA"ni yig‘ib chiqdi.
Albatta gameplay xuddi GTAdek emas, chunki xarita Google Earth ilovasiga bog‘langan, sodda qilib aytganda shu ilova ko‘rsatadigan xarita bo‘yicha harakatlanasiz.
Ammo:
- Yerning istalgan nuqtasini tanlab, darhol o‘ynashni boshlash mumkin;
- Ko‘chalarda politsiyachilar izg‘ib yuribdi, ta’qib uyushtirish va qidiruv e’lonlarini olish mumkin;
- Qamoqqa olingandan so‘ng, qahramon yaqin atrofdagi uchastkada yoki kasalxonada qayta tiriladi;
- Avtomobildagi radio siz turgan hududdagi haqiqiy stansiyalarga moslashadi.
Men hali O‘zbekistonda yurib ko‘rmadim, sinab ko‘ring
👉🏻
havola
@magnitofficial
Men bunday yangilikka tayyor emasdim:
Sport zali jinsiy quvvatga ta’sir qilishi mumkin ekan.
Bir umr sport sog‘lik garovi deb kelgan tushunchamiz qayerda qoldi?
Hozir tushuntiraman:
— Gap shundaki, sport zallarida murakkab mashqlarni bajarayotganingizda barcha mushaklaringiz ishlaydi. O‘zingiz bilmagan holda noto‘g‘ri texnika amalga oshirib qo‘ysangiz esa og‘irlikning bir qismi tozning tubiga tushishi mumkin.
Uning surunkali zo‘riqishi ereksiyaning buzilishi va og‘riq sezgilari bilan bog‘liq bo‘ladi.
Endi bo‘lsa, sizni qiziqtirayotgan savol:
Bunday holatga tushmaslik uchun qaysi mashqlarni qilmagan ma’qul?
1. Og‘irlik bilan o‘tirib-turish
2. Turnik orqali tanani ko‘tarish.
3. Qorin bo‘shlig‘i bosimi yuqori bo‘lgan press mashqlari
Quyidagilarni e’tiborga olish muhim:
• Noto‘g‘ri nafas olish (haddan tashqari kechikish va doimiy zo‘riqish) chanoq tubiga bosimni kuchaytiradi;
• Bu mushaklarni nafaqat taranglashtirishni, balki bo‘shashtirishni ham bilish kerak;
• cho‘zilish va nafas olish mashqlari bunday holatlarda yordam beradi.
Sport zaliga chiqmaslik uchun bahona kerakmidi? Mana oling, sizga koinotdan tuhfa
@magnitofficial
👨🏻🔬
🔬
“Ilmiy-ommabop blog yuritish: nimadan boshlash kerak?” “Magnit” ilmiy-ommabop sahifasi muallifi Abdullajon Yusupovdan ushbu mavzuda amaliy va foydali ma’ruza tinglaysiz. Ma’ruza davomida siz blog yuritishni boshlash uchun zarur bo‘lgan metodlar, yondashuvlar…
Okeanda birinchi akula paydo bo‘lganida, Yer yuzida hali birorta ham daraxt yo‘q edi.
Akulalar taxminan 450 million yil avval paydo bo‘lgan. Daraxtlar esa — 350 million.
Ular Saturn halqalaridan ham qadimiyroq hisoblanib, xatto Dinozavrlardan yoshi ham katta.
Dinozavrlar paydo bo‘lib, sayyorani egallab olishga ulgurishdi va... halok bo‘lishgan.
Olam 5 marta ommaviy qirilib ketgan, sayyoradagi hayotning 96 foizi yo‘q bo‘lib ketgan ersada akulalar hamon biz bilan.
Evolyutsiya tushunchasi esa akulalarga deyarli ta’sir qilmagan, ya'ni o'zgarishsiz qolmoqda.
Akulalar bu sizning do'stlaringizga o'xshaydi, milliard yillardan beri bor,
ammo sira o'zgarmaydi, o'smaydi, rivojlanmaydi
😄
@magnitofficial
🃏
Tasavvur qiling:
do'stlaringiz bilan qarta (karta) o'ynash uchun ularni shunchaki aralashtirdingiz. Siz aynan shu daqiqada koinot tarixida hech qachon bo'lmagan va ehtimol hech qachon takrorlanmaydigan ishni qilgan bo'lasiz.
Ishonish qiyin, lekin buni oddiy tilda tushuntirib berishim mumkin.
— Oddiy qarta qutisida 52 ta karta bo'ladi. Siz ularni aralashtirganingizda, kartalar turli ketma-ketlikda joylashadi. Ularning jami nechta xil kombinatsiyada joylashishi mumkinligini topish uchun matematikada 52 faktorial (52!) degan tushunchadan foydalaniladi. u — 1 dan to 52 gacha bo'lgan barcha sonlarni bir-biriga ko'paytirib chiqish kerak degani (1 × 2 × 3 × ... × 52)
Natijada esa o'ta ulkan 8 raqami uning ortidan 67 ta 0 soni kelib chiqadi.
Xo'sh, bu son qanchalik katta?
Buni his qilish uchun, bu sonlarni atrofdagi eng katta narsalar bilan solishtira olamiz:
— Yerdagi barcha atomlar soni: taxminan 1 va orqasida
50 ta nol (10⁵⁰).
Qarta kombinatsiyalaridan ancha kam!;
— Koinotdagi barcha kuzatish mumkin bo'lgan yulduzlar soni: 1 va orqasida
24 ta nol
— Dunyo yaralgandan (Katta portlashdan) beri o'tgan vaqt esa soniyalarda hisoblaydigan bo'lsak, atigi 4 va orqasida
17 ta nolga
teng.
Agar Yer yuzida yashagan barcha insonlar Koinot paydo bo'lgan kundan boshlab, tinmasdan har soniyada qartani bitta yangi usulda aralashtirib kelganda ham... biz shu paytgacha barcha mumkin bo'lgan holatlarning trilliondan bir qismiga ham yetib bormagan bo'lardik.
Oddiy qarta aralashtirishda shuncha sir bor ekan deb o'ylamgan ham edingiz-a?
@magnitofficial
Yaxshi xabar olib keldim.
Robotlar qiyomatigacha hali ancha bor)
@magnitofficial