Aziz | Kreativ Marketing 🚀

- Ravshanda 2 ta proekt ekan, sanda 5 ta demak san ko’proq pul topasan? To’g’rimi?)
Marketing / SMM agentligiga tashqaridan qaragan inson proektni berayotgan puliga emas soniga qarab mutaxassisga baho berish, urfga aylandi, manimcha..
Aksariyat holatlarda aynan shunaqa dialog “mehmoni” bo’lib qovoman..
Aslida qanday?
- Aslida, bitta proektdan har oy 8000$ kotaradigan do’stimiz bor
- 8 kishilik jamoa, 10 ta proekt qilib 2200$ sof foyda qilayotganini ham ko’rdik
Maqsadlar noto’g’ri, kitoblar boshqa…
🥲
🤝

Subordinatsiya - onasini emsin!
Mijoz bilan iliq munosabat va o‘rinli hazil ishlash uchun foydali.
Ammo haddan tashqari erkin gaplashish, loyihaga aloqasi bo‘lmagan mavzularga o‘tish va mijoz bilan to‘g‘ridan-to‘g‘ri kelishuvlar qilish jamoada subordinatsiyani buzadi.
Project Manager shunchaki mijoz bilan gaplashib turadigan odam emas.
U vazifalarni taqsimlaydi, muddatlarni nazorat qiladi, mijozning talablarini jamoaga to‘g‘ri yetkazadi va yakuniy natija uchun javob beradi.
“Project Manager nega kerak?” yoki “Sen kerak emassan” degan mazmundagi hazillar esa faqat bir insonni emas, butun boshqaruv tizimini qadrsizlantiradi.
Hozir buning amaliy natijasini ko‘ryapmiz: aksiya uchun kerak bo‘lgan muhim video hali tayyor emas, mijoz esa videoning holatini Project Managerdan emas, operatorni bevosita qidirib so‘ramoqda. Demak, kommunikatsiya tartibi va javobgarlik chegarasi buzilgan.
Agar har bir xodim mijoz bilan alohida gaplashsa:
— vazifani kim olgani noaniq bo‘lib qoladi
— muddat nazoratsiz qoladi;
— mijoz kimga murojaat qilishni bilmaydi;
— kechikish yuz bersa, javobgar topilmaydi;
— Project Managerning boshqaruv vakolati yo‘qoladi.
Shuning uchun keyingi ish jarayonida mijozning barcha topshiriqlari va o‘zgarishlari
Marketolog
/ Project Manager orqali muvofiqlashtirilishi kerak.
Operator va montajchi o‘z yo‘nalishi bo‘yicha ishlaydi, lekin muddat, vazifa va yakuniy topshirish jarayonini Project Manager nazorat qiladi.
Muallif:
https://t.me/ganihanov

5 oyda 100+ hamkor va 35 k targetsiz obunachilar Jamoamizning birinchi proektlaridan bo’lgan Sirly brendini qanday ko’targanimizni batafsil tushuntirib bermoqchiman Qiziq bo’lsa
🔥
qoldiring

5 oyda 100+ hamkor va 35 k targetsiz obunachilar
Jamoamizning birinchi proektlaridan bo’lgan Sirly brendini qanday ko’targanimizni batafsil tushuntirib bermoqchiman
Qiziq bo’lsa
🔥
qoldiring

Adam kirillchada yozadilar
Man 1991 yil tasdiqlangan lotin-o’zbek tilida
Keyingi avlod bo’lsa 2026 yil qabul qilingan o’zbek-turkiy tilda
P.S: Ada siz mani tushunmisiz degan gapga alifbo sababchi bo’ldi

Eh Andijon..

Tunda o’zinga bergan va’dalaring ertalab esingdan chiqmasin!
Quyosh botkach, ishlarimiz bitarkan, uydagilar uxlaydi, telefondan charchaymiz, uni o’chirib bir chetga qo’yarkanmiz, Asl o’zimiz bilan birga-bir qolamiz…
shu zahoti kun davomida qilgan yaxshi-yu, yomon ishlarimizni birma-bir tahlil qilamiz
Har bitta ishni ko’plab tamoyillar orqali o’ylab chiqamiz, din’iy, moliyaviy, sotsial - hamma filtrdan o’tadi
Va shu payt eng adekvat izohlar paydo bo’ladi
- Mana bu inson 3 marta vaqtida kelmadi, demak keyingi safar dakki beramiz yoki hayotdan “delete” qilamiz
- Ertalab onamga qattiqroq gapirdim, turiboq ko’ngillarini olib qo’yish kerak
- Ovqatni kech yedim, uxlash qiyin, semirib ketaman, yo zal boshlash kerak yoki kamroq ovqatlanish
Tan oling, sizda ham “kompyuter” shunday ishlaydi
Boshini yostiqqa qo’yishi bilan uxlaydigan insonlarga chin dildan havas qilaman.
David Fincher-ning 1999 yilda olgan Fight Club filmida shunday gapni eslab qolgandim:
"Bu sening hayoting va u har daqiqa tugab bormoqda."

🗣️
2025 yil biznes egalari:
- Nimaga videolarimizga sun’iy intellekt qo’shmayammiz?
Hamma qo’shvotdiku!
________
👀
2026 yil biznes egalari:
- Nimaga bu videoni sun’iy intellekt orqali qildila?
Rostakasim odamla bilan video olila!

#shanbalik

Pepsi O’zbekiston Terma Jamoasiga qarshi?!
Internetda hozir juda qiziq holat aylanmoqda.
Tarqalayotgan ma’lumotlarga ko‘ra, Pepsi Uzbekistan O‘zbekiston terma jamoasi futbolchilari — O‘tkir Yusupov, Husayn Norchayev va Diyor Xolmatov bilan reklama bo‘yicha kelishuv qilgan. Keyinchalik esa tomonlar o‘rtasida kelishmovchilik yuzaga kelib, masala sudgacha yetib borgani aytilmoqda.
Eng qiziq joyi boshqa.
Pepsi o‘zi yillar davomida futbolni marketingining eng katta qismlaridan biriga aylantirgan brend. 2026-yilda kompaniya hatto futbol muxlislari uchun alohida
Pepsi Football Nation
global platformasini ishga tushirdi. Ya’ni brendning asosiy kommunikatsiyasi:
futbol, muxlislar, emotsiya va birdamlik
.
Lekin agar futbolchilar bilan bog‘liq sud haqidagi ma’lumot rost bo‘lsa, marketing nuqtayi nazaridan juda g‘alati paradoks paydo bo‘ladi:
reklamada — “biz futbol bilan birgamiz”
real hayotda — futbolchilar bilan sudlashuv?
Bu yerda masala Pepsi haq yoki futbolchilar haq ekanida ham emas. Shartnoma bo‘lsa, albatta uning o‘z majburiyatlari bor.
Lekin katta brendlar uchun yana bitta narsa bor —
reputatsiya
.
Ba’zida sudda yutishingiz mumkin, lekin auditoriya ko‘zida yutqazishingiz mumkin.
Ayniqsa gap O‘zbekiston terma jamoasi futbolchilari haqida ketayotgan bo‘lsa.
Shuning uchun bu voqeada meni eng ko‘p qiziqtirayotgan savol:
Pepsi uchun shartnomadagi pul muhimroqmi yoki O‘zbekiston futbol muxlislarining brendga bo‘lgan munosabati?