Mahin's World
YouTube blogim 5500 ta bo’ldi. Barchangizni hissangiz bor. Rahmat
🫶🏼
#book_review
Kitob do’kondan na yozuvchi va na kitob haqida ma’lumot bilmasdan turib sotib olib, joyida mutolaaga kirishish va o’sha asar qalbdan chuqur iz olishi - haqiqiy baxtlarning bir ko’rinishidir.
Hozir sizga gapirib beradigan asarim aynan shu tarzda yuragim parchasiga aylandi. O’zi bolalar adabiyoti. Otto ismli bolakay do’stlari bilan berkinmachoq o’ynayotgan mahal uni tezda topmasliklari uchun o’rmonning tubiga g’arq bo’ladi va o’zi bilan olgan kitobini o’qishga tutinadi. Kitobida 1,2,3 raqamli asli qirol, ammo jodugar bilan yashayotgan qizlar haqida edi.
Asar Ottoni hisobga olmasak 3 qismdan iborat. Birida 2-jahon urushidan oldin Gitlerga bo’ysunmagan nemislar, ikkinchisida ota-onasini yo’qotgan va bishop panohiga topshirilgan aka-uka, uchinchisida esa Yaponiya va Aqsh konflikti, yaponlarni lagerlarga joylashtirganida ularning uyiga qarab turgan amerikalik meksikanlar bor.
Ularni birlashtiradigan narsa - musiqa. Barchasini musiqaning sirli, nozik kuyi birlashtiradi. Uch qahramonimiz ham musiqa oshnosi. Musiqa bilan nafas oladiganlardir.
Asar shu darajada nozik va nafis yozilganki o’ziga ipsiz bog’lab qo’ya oladi. Yosh qahramonlarning hayotiga qayg’urtiradi, birga o’z kechinmalarida yashattiradi. Musiqaga oshufta insonlarga aylantiradi.
Asarni o’qing. Bolalar adabiyoti o’z beg’uborligi bilan o’zgacha. Siz ham shu samimiyat va beg’uborlik yomg’iriga g’arq bo’ling.
@mahinsworld
#book_review
Yil yakunlanyapti. Bu yil o’zbek tilida ilmiy-ommabop kitoblar tarjimasi sezilarli darajada ko’paydi (o’zim olib o’qishga harakat qildim, lekin hammasiga ham yetib ololmadim. Sotib olishni reja qilyapman). Yaqin kunlarda tugatgan ilmiy-ommabop kitobim hali tarjima qilinmagan.
Anne Applebaum - jurnalist hamda qator kitoblar muallifi - ning “Autocracy, Inc” kitobini yakunladim. Kitob hajmi o’rtadan kichikroq, o’qilishi qiyin ham emas. Lekin o’ta qiziq, foydali ma’lumotlarga to’la. O’qigan odam afsuslanmaydi.
Kitob boshlaganimizda Putin haqida qiziqarli ma’lumotlar - uning mer bo’lgan davrlari, pulni Yevropa orqali turli sxemalar orqali yuvgani, yollanma pr-kompaniyalarga duch kelamiz. Qiziq a? Atrofidagi rus milliarderlar, Xitoyning “partiyaga sodiq” biznes elitalari haqida faktlar kiritilgan.
Muallif 21-asr avtokratlari xalqaro netvork orqali o’zlarining hokimiyatlarini kuchaytirayotgani, korrupsiya, raqamlashtirish va globalizatsiya orqali ma’lumotlar urushi, turli internet botlardan foydalayotganini keltirib o’tgan. Avtokratlar bir-biri bilan uzviy bog’liq bo’lib, ular doim aloqada va mayda guruhlarda o’zaro qo’llab-quvvatlab turishadi.
Avtokratlar o’z xalqi pulini o’g’irlashi, ma’lumotlarni doimiy ravishda nazorat ostida ushlashi, inson huquqlarini bordek ko’rsatib aslida uni yuvishi kitobda ko’rsatib o’tilgan. Kitobni o’qir ekansiz har bir qatorini qalam bilan chizishga tushasiz. Ko’zingiz mosh donasidek ochila boshlaydi. Qator mamlakatlar misoli: Xitoy, Zimbabwe, Venezuela, Eron misollarida ko’rib chiqasiz. Mayda detallar, tarixiy faktlar bilan tanishasiz.
Siyosat, siyosat tarixi, avtokratlarga qiziqqanlarga tavsiya qilaman.
@mahinsworld
O’zinga nisbatan qattiqqo’l bo’lma. Qalbinga quloq sol.
@mahinsworld
Va biz Dekabrda ham Telbalarmiz
@mahinsworld
Bolalikni esladik, Potter olamiga xayolan qayta sayohat qildik. Ko’ring va fikringizni bildiring.
https://youtu.be/TZs06UIHP0U
#new_books
Qamoqxonalar, mehnat lagerlari, Gulaglar, urush mavzusi juda qiziqtirishini hamma biladi. Shu kitobni qanchar sotib olgim kelardi. O’zbekchasi rus adabiyoti klassikasi seriyasida chiqqan. Faqat to’liq holda emas. Mana endi “Arxipelag Gulag” menda ham bor. Yo’q, yig’lamayapman do’stlar
@mahinsworld
Rossiyada katta shov-shuvga aylandi oxirgi kunlar. Sababi qayta nashrda katta senzura qilinyapti ekan. Hamma eski nashrlarga o’zini urdi. Men ham toparga borib eng oxirgisini 260.000 ga olib keldim. Avval kutubxonadan olgandim. Sotib oldim endi. Rossiyada oxirgi yillar kitoblar juda senzuraga uchramoqda. Shunaqa gaplar.
@mahinsworld