Eng zo‘r ko‘rgazma metodlar.
Вазирлар Маҳкамасининг 823-сон қарори мезонларини қўллашда лавозим ва фан хусусиятларининг ҳуқуқий таҳлили
Ўзбекистон Республикаси Вазирлар Маҳкамасининг 2019 йил 30 сентябрдаги 823-сон қарори билан тасдиқланган Низом асосида умумий ўрта таълим муассасалари ходимлари фаолиятини баҳолаш мезонларини қўллашда ҳуқуқни қўллаш амалиёти мазкур нормаларнинг мазмун-моҳиятини тўғри талқин қилишни талаб этади. Хусусан, бошланғич ва юқори синфларда аралаш дарс ўтувчи фан ўқитувчилари (чет тили, мусиқа, жисмоний тарбия ва бошқалар) фаолиятини баҳолашда Низомнинг 2- ва 3-позицияларини тўғри фарқлаш муҳим ҳуқуқий аҳамиятга эга.
Лавозим ва фан хусусиятлари бўйича мезонларнинг бўлиниши
Низомнинг баҳолаш мезонлари олимпиада ва танловларда ўқувчиларнинг иштироки учун максимал 25 баллик тизимни иккита алоҳида субъектлар доирасига ажратади:
2-позиция:
Фан олимпиадаси ва танловларнинг туман (шаҳар) босқичи натижалари асосида баҳоланади. Бу мезон юқори синф ўқувчиларига дарс берувчи педагогларга нисбатан қўлланилади.
3-позиция:
Танлов ва бошқа тадбирларда бошланғич синф ўқувчиларининг мактаб миқёсидаги иштироки натижалари асосида баҳоланади.
Мазкур 3-позициянинг тегишли изоҳида (сноска) ушбу мезон
«фақат бошланғич синф ўқитувчилари фаолиятини баҳолашда қўлланилиши»
қатъий белгиланган.
Ҳуқуқий статус ва нормаларни буквал талқин қилиш тартиби
Ўзбекистон Республикасининг «Норматив-ҳуқуқий ҳужжатлар тўғрисида»ги Қонуни талабларига мувофиқ, қонунчилик матни ундаги сўзлар ва ибораларнинг тўғридан-тўғри (буквал) маъносидан келиб чиқиб талқин қилиниши шарт.
Мактаб штат жадвали ва Вазирлар Маҳкамаси ҳужжатлари таснифига кўра:
«Бошланғич синф ўқитувчиси»
— бу 1-4 синфларда барча фанларни комплекс (интеграциялашган) тарзда ўтувчи алоҳида лавозим (штат бирлиги) ҳисобланади.
«Чет тили (инглиз тили) ўқитувчиси»
— бу фан ўқитувчиси (мутахассис) лавозимидир. Ходим 1-синфга ёки 11-синфга дарс ўтишидан қатъий назар, унинг ҳуқуқий мақоми фан ўқитувчиси сифатида қолади.
Шу сабабли, вазирлик методик бўлимларининг тавсиялари қонунчилик техникасига тўлиқ мос келади: 3-позициядаги баҳолаш мезони фақат «Бошланғич синф ўқитувчиси» лавозимидаги ходимларга тегишли бўлиб, у аралаш ёки фақат қуйи синфларда дарс ўтувчи фан ўқитувчиларига (жумладан, инглиз тили ўқитувчиларига) нисбатан татбиқ этилмайди.
Фан ўқитувчилари фаолиятини баҳолашнинг қонуний механизми
Аралаш синфларда дарс ўтувчи фан ўқитувчилари фаолиятини баҳолашда мактаб ички ишчи гуруҳлари қуйидаги ҳуқуқий механизмларга амал қилишлари лозим:
Олимпиада ва танловлар йўналиши (2-позиция):
Фан ўқитувчисининг ушбу йўналишдаги балли фақат 5-11 синф ўқувчиларининг туман (шаҳар) босқичидаги расмий натижалари (мусобақа, олимпиада, кўрик-танлов буйруқлари ва сертификатлари) асосида шакллантирилади. Бошланғич синфлардаги ички мактаб тадбирлари бу бандда инобатга олинмайди.
Ўзлаштириш сифати кўрсаткичи (1-позиция):
Мазкур бандда ходимнинг иккала синф тоифасидаги (1-4 ва 5-11 синфлар) фаолияти тўлиқ қамраб олинади. Низомнинг
*
изоҳи қоидасига кўра, ходимнинг ҳар бир йўналишдаги фан сифати (чораклик «4» ва «5» баҳолар фоизи) алоҳида ҳисобланиб, якунда ўртача арифметик балл чиқарилиши ва умумий баҳолаш варақасига киритилиши мажбурийдир.
Юридик хулоса
Амалдаги Низом талаблари ижросини таъминлашда мактаб ишчи гуруҳлари сноска (изоҳ) қоидаларининг императив (мажбурий) характерига риоя этишлари шарт. Фан ўқитувчиларининг олимпиада йўналишидаги баллари қатъий равишда 2-позиция мезонлари асосида, ўзлаштириш сифати эса иккала синф тоифасининг ўртача кўрсаткичи сифатида ҳисобланиши қонун ҳужжатларининг асл мазмунига тўлиқ мувофиқ келади.
#Биласизми
?
🔰
Янги ишга кираётган педагог 1 йил давомида ўқитувчи-стажёр сифатида фаолият юритиб, шу муддатда сертификат олиши керак
Ўзбекистон Республикаси Президентининг 2023 йил 26 майдаги ПФ-79-сон Фармонида 2024 йил 1 январдан бошлаб умумий ўрта таълим муассасаларининг педагогик касбларига биринчи марта ишга қабул қилинаётган талабгорларни касбий сертификатлаш тизими жорий этилиши белгиланган.
Бунда педагогик касбларга биринчи марта ишга қабул қилинадиган олий маълумотли талабгорлар стажёр-ўқитувчи сифатида фаолият юритади ва улар ишга қабул қилинган вақтдан бошлаб бир йил муддат давомида касбий сертификатга эга бўлиши талаб этилади.
Шунингдек, стажёр-ўқитувчиларга улар касбий сертификат олгунига қадар олий маълумотли (тоифасиз) ўқитувчининг базавий тариф ставкаси қўлланилиши қайд этилган.
⚡️
METODBIRLASHMA RAHBARIGA 10% USTAMA QUYIDAGI QILGAN ISHLARI UCHUN BERILADI.
Vazirlar Mahkamasining 823-sonli qarori bo‘yicha umumtaʼlim muassasasining fan yo‘nalishlari bo‘yicha metodbirlashma rahbarlariga 10% ustama berish mumkinligi ko‘rsatib o‘tilgan.
Xo‘sh, bu ustamalar qaysi mezon asosida belgilanadi? Ushbu mezon Maktabgacha va maktab ta’limi vazirligining 2023-yil 22-avgustdagi 02-02/1-1347-sonli xatida belgilab berilgan.
Unga ko‘ra metodbirlashma rahbarlari quyidagi ishlarni bajarishlari kerak bo‘ladi.
Metodbirlashma rahbari tomonidan metodbirlashma aʼzolari uchun kamida 3 va undan ortiq metodik tadbir (o‘quv-seminar, mahorat darslari, fanga doir qo‘shimcha maʼlumotlar, yangiliklar muhokamasi yuzasidan davra suhbati va hokazo) tashkil etilgan bo‘lishi;
Metodbirlashma rahbari tomonidan metodbirlashma aʼzolariga taʼlim-tarbiya jarayonida foydalanish uchun chorakda 1 ta pedagogik texnologiya yoki o‘quvchilarning fanni o‘zlashtirishdagi bo‘shliqlarini to‘ldirish usullari tavsiya etilgan boʼlishi;
Metodbirlashma rahbari tomonidan umumta’lim muassasasida boshqa fan metodbirlashmalari bilan fanlararo integratsiyani kuchaytirish va STEAM yondashuvni samarali tashkil etish masalasi chorakda bir marta muhokama qilinishi;
Metodbirlashma rahbari tomonidan umumtaʼlim muassasasida metodbirlashmaga a’zo bo’lgan o‘qituvchilarning barchasi “Ochiq dars”lar tashkil etishini nazorat qilishi;
Metodbirlashma rahbari tomonidan metodbirlashma yig‘ilishini chorakda bir marta o‘tkazilgan bo‘lishi kerak.
Qilingan ishlar yuzasidan metodbirlashma rahbari maktabda tuzilgan ishchi guruhga bir varoqdan oshmagan holda qisqa ma’lumot va ikki dona fotolavha taqdim etishi kerak bo‘ladi. Ishchi guruh qilingan ishlarni 100 ballik tizimda ballaydi va eng kamida 61 ball to‘plangan taqdirda 10% ustama belgilaydi.
Ushbu baholash mezonlarining to‘liq matni.
ESLATMA: sinf rahbarlari metodbirlashmasi rahbariga 10% li ustama to‘lanmaydi. Chunki, ustama faqatgina fan yo‘nalishidagi metodbirlashma rahbariga to‘lanadi.
🚨
1-SINFGA QABUL BOSHLANMOQDA!
2026-2027-o‘quv yili uchun maktabga qabul jarayonlariga start berilmoqda.
🗓
Qabul qachondan?
20-iyundan boshlab arizalar qabul qilinadi.
Bu yil respublika bo‘yicha 795 mingdan ortiq bolani maktabga qabul qilish rejalashtirilgan.
👶
Kimlar qabul qilinadi?
2019-yil 1-yanvardan 31-dekabrga qadar tug‘ilgan bolalar.
💻
Qabul bosqichlari:
1-bosqich: Mikrohudud doirasida.
2-bosqich: Maktablardagi bo‘sh o‘rinlarga qarab mikrohududdan tashqari.
⌨️
Arizani qanday topshirish kerak?
Hujjatlar mutlaqo onlayn shaklda, quyidagi platformalar orqali yuboriladi:
🔎
my.maktab.uz
🔎
my.gov.uz
(Yagona interaktiv davlat xizmatlari portali)
💡
Ota-onalar diqqatiga: Arizalarni kechiktirmasdan, belgilangan muddatlarda topshirishni unutmang!
🟢
Bizni ijtimoiy tarmoqlarda kuzatib boring:
📱
Telegram|
📱
Facebook|
🌐
Web-sayt|
📱
You Tube|