Ўзбекистон Математиклари

#13
“UK jurnal”… lekin ichiga qarasangiz boshqacha manzara
INTERNATIONAL JOURNAL OF EUROPEAN RESEARCH OUTPUT
http://ijero.co.uk/index.php/ijero/about
Nomiga qaraysiz — Angliya (.
co.uk
), jiddiy tuyuladi.
Taklifim ichiga kirib biroz vaqt ajrating.
Bir nechta g‘alati jihatlar ko‘zga tashlanadi:
— maqolalar geografiyasi juda tor
— haqiqiy xalqaro muhit sezilmaydi
— “global” nom bor, lekin real ilmiy raqobat ko‘rinmaydi
Eng qiziq tomoni — bunday jurnallar tashqaridan juda “to‘g‘ri” ko‘rinadi.
Sayt bor
✔️
ISSN bor
✔️
“Peer review” yozilgan
✔️
Lekin bu narsalar o‘zi yetarlimi?
Bugun muammo jurnalda emas.
Muammo — talabda.
Qanday oson yo‘l bo‘lsa, o‘sha yo‘l ishlaydi.
Davomi bor...
🚀
Ilm, Fikr, Harakat
👉
@botirov_golibjon

#12
“Texas” nomi, lekin gap sog‘liq haqida
Texas Journal of Medical Science (TJMS)
— nomiga qarasangiz jiddiy ilmiy nashrdek, lekin ichiga kirib ko‘rsangiz, real ilmiy muhit va qat’iy saralash sezilmaydi.
Shunga qaramay, ayrim
o‘zbekistonlik shifokorlar
aynan shunday jurnallardagi maqolalar bilan ilmiy daraja olayotgani kuzatilmoqda.
Bu endi faqat ilm masalasi emas.
Bu — sog‘liq masalasi.
Chunki ertaga qaror qabul qiladigan, davolash usulini belgilaydigan odam qanday ilmiy yo‘l bilan shakllangani juda muhim.
https://zienjournals.com/index.php/tjms/index
Davomi bor...
🚀
Ilm, Fikr, Harakat
👉
@botirov_golibjon

#11
Amerika nomi ostida: bir xil nom, ikki xil haqiqat
Bugun ilmiy nashrlar orasida nomlarning o‘xshashligi orqali ishonch uyg‘otish tendensiyasi kuchayib bormoqda. Masalan,
The American Journal of the Medical Sciences
— tarixga ega, xalqaro tan olingan nashr. Shu bilan birga, unga juda o‘xshash nomdagi
American Journal of Medicine and Medical Sciences
kabi jurnallar ham mavjud.
The American Journal of the Medical Sciences
:
https://www.amjmedsci.org/
American Journal of Medicine and Medical Sciences
:
http://www.sapub.org/journal/archive.aspx?journalid=1079&issueid=5411
E’tiborli jihati shundaki, American Journal of Medicine and Medical Sciences jurnalida o‘zbekistonlik mualliflarning maqolalari ham chop etilgan. Bu holat bunday nashrlarning bizning ilmiy muhitga ham kirib kelayotganini ko‘rsatadi.
Nomiga qarab baho berilsa — tizim aldanadi.
Sifatga qarab baho berilsa — ilm saqlanadi.
Davomi bor...
🚀
Ilm, Fikr, Harakat
👉
@botirov_golibjon

#9
Manzil — Ispaniya. Nom — “Central Asian”. Mazmun-chi?
Bir jurnalga ko‘zim tushdi:
Central Asian Journal of Innovations on Tourism Management and Finance.
https://cajitmf.casjournal.org/index.php/CAJITMF
Qiziq kombinatsiya:
Markaziy Osiyo haqida jurnal, lekin manzil — Ispaniya, Las Palmas.
Ochib ko‘rdim.
Ilmiy muhit qidirasiz — topolmaysiz.
Maqolalar esa juda tanish: uslub ham, mualliflar ham.
Yana bir detal:
“index” sifatida Google Scholar ko‘rsatilgan.
Bu endi ilmiy mezon emas-ku…
Bunday holatlarda eng katta savol shuki:
biz ilmiy maydonga chiqyapmizmi yoki shunchaki ko‘rinish yaratyapmiz?
Chunki tizim sekin o‘zgarib boryapti:
natija emas, raqam muhim bo‘lib qolyapti.
Maqola soni bor — demak ish bor.
Davomi bor...
🚀
Ilm, Fikr, Harakat
👉
@botirov_golibjon

#10
"Xalqaro jurnal" niqobi ostidagi muammolar
Bugun “xalqaro jurnal” degan tushuncha juda arzonlashib ketdi. Nomida Amerika, Yevropa yozilgan ko‘plab saytlarga kirib qarasangiz, ichida haqiqiy ilmiy raqobat emas, tayyor “maqola oqimi”ni ko‘rasiz. Eng xavflisi — shunday nashrlar orqali olingan natijalar ilmiy daraja va faoliyatni baholashda hisobga olinmoqda. Bu esa ilmni rivojlantirmaydi, balki uning shaklini saqlab, mazmunini yo‘qotadi. Agar bugun sifat va ishonchlilik mezonlari keskin kuchaytirilmasa, ertaga ilmiy tizimning o‘zi savol ostida qoladi.
Mana shunday jurnallardan biri sifatida quyidagi manbani ko‘rsatish mumkin:
https://internationalbulletins.com/intjour/index.php/ibet/index
Agar ilm shaklga aylanib qolsa — mazmun yo‘qoladi.
Davomi bor...
🚀
Ilm, Fikr, Harakat
👉
@botirov_golibjon

Ispaniya “xalqaro” jurnali… ichida yana o‘zimiz
Yana bir jurnalga ko‘zim tushdi. Nomiga qaraysiz — Ispaniya, “xalqaro”.
Lekin ichiga kirib maqolalarni ko‘rsangiz… yana o‘sha manzara.
https://sjii.es/index.php/journal/index
Asosan o‘zbek mualliflari. Bir xil uslub, bir xil PDFlar.
Shu yerda odam o‘ylab qoladi:
agar jurnal haqiqatan xalqaro bo‘lsa,
nega uni asosan biz to‘ldiryapmiz?
Yana bir ehtimoliy savol:
balki kimlardir tahrir hay’atiga kirib, ustama yoki boshqa manfaat ko‘rayotgandir?
Aniq aytish qiyin, lekin tashqaridan qaraganda hammasi juda g‘alati ko‘rinadi.
Eng achinarlisi —
shu jurnallarda chiqqan maqolalar ilmiy daraja olishda hisobga o‘tyapti.
Shu yerda asosiy muammo chiqadi:
ilmiy daraja vositaga aylanib qoldi, olimlikka yo‘l emas.
Ochiq aytganda, bu yo‘l bilan ilm rivojlanmaydi.
Faqat qog‘oz ko‘payadi xolos.
Davomi bor...
🚀
Ilm, Fikr, Harakat
👉
@botirov_golibjon

Ilm nega vositaga aylanib qoldi?
So‘nggi yillarda bitta savol tobora ko‘proq o‘ylantiryapti: nega bizda ilm asta-sekin o‘z mohiyatidan uzoqlashib, vositaga aylanib qolyapti?
Aslida ilm har doim yo‘l bo‘lgan. Olim bo‘lish — bu daraja olish emas, balki uzoq yillar davom etadigan izlanish, shubha, xatolar va yangidan boshlash jarayoni edi. Ilmiy daraja esa shu yo‘lda erishilgan natijaning bir belgisi, xolos.
Bugun esa ko‘p joyda bu tartib teskari bo‘lib qolgandek.
Ko‘pincha ilmiy daraja maqsad sifatida qo‘yilmoqda. Kimdir lavozim uchun oladi, kimdir maoshdagi ustama uchun, yana kimdir ijtimoiy maqom uchun. Natijada ilmning o‘zi emas, balki uning “natijasi” sifatida beriladigan hujjat muhim bo‘lib qolyapti.
Bu jarayonning tashqi belgisi ham ko‘rinib turibdi: maqolalar soni keskin oshdi, lekin ularning aksariyatida real ilmiy yangilik yoki chuqur tahlil yetishmaydi. Ayrim “xalqaro” jurnallar esa aynan shu ehtiyojdan foydalanib, tez va oson nashr qilishni taklif qilmoqda. Pul to‘laysiz — maqolangiz chiqadi. Natijada ilmiy faoliyat bozor mexanizmlariga bo‘ysunib qolayotgandek.
Eng xavfli tomoni esa
bu jarayonning ta’limga ta’siri. Yosh tadqiqotchilar va talabalar bugungi manzarani ko‘rib, ilmga boshqacha qarashni o‘rganmoqda. Ular uchun ilm — izlanish emas, balki tezroq daraja olish vositasiga aylanib qolish xavfi bor.
Xolbuki, ilmiy daraja — bu boshlanish bo‘lishi kerak edi. U insonni yanada chuqurroq izlanishga undashi, yangi savollar tug‘dirishi kerak edi. Biz esa ko‘p hollarda uni yakun sifatida qabul qilyapmiz.
Bu muammoning ildizi albatta murakkab: tizimdagi talablar, rag‘batlantirish mexanizmlari, baholash mezonlari — bularning barchasi o‘z ta’sirini ko‘rsatadi. Lekin bir haqiqat aniq: agar ilm vositaga aylanaversa, ertaga ilmning o‘zi qadrsizlanadi.
Eng yomoni — bizda darajali, lekin ilmiy tafakkuri shakllanmagan avlod paydo bo‘lishi mumkin.
Shuning uchun bugun savolni ochiq qo‘yish vaqti keldi:
biz ilmni rivojlantiryapmizmi yoki faqat uning tashqi belgilarini ko‘paytiryapmiz?
Bu savolga halol javob bermas ekanmiz, tizimni o‘zgartirish ham qiyin bo‘ladi.
Davomi bor...
🚀
Ilm, Fikr, Harakat
👉
@botirov_golibjon

#7
Soxta “xalqaro” jurnallar masalasi jiddiylashyapti…
Yana bir jurnalga ko‘zim tushdi:
Journal of Pedagogical Innovations and Practices (Zien Journals).
https://zienjournals.com/index.php/jpip/index
Ochib ko‘rsam — yana o‘sha manzara.
Maqolalar asosan o‘zbeklardan. PDF, bir xil uslub, bir xil oqim.
Lekin eng qiziq joyi boshqa:
tahrir hay’ati
222 kish
i ekan.
Shundan
206 nafari — o‘zbek
professorlari.
https://zienjournals.com/index.php/jpip/about/editorialTeam
Rostdan ham “xalqaro” jurnal shunaqa bo‘ladimi?
Eng achinarlisi —
shu jurnallarda chiqqan maqolalar ilmiy daraja olishda hisobga o‘tyapti.
Shu yerda o‘ylab qolasan odam:
ilm qilyapmizmi o‘zi?
Chunki asta-sekin bitta xavfli narsaga kelyapmiz:
ilmiy daraja — vositaga aylanib qolyapti, olimlikka yo‘l emas!
Davomi bor...
🚀
Ilm, Fikr, Harakat
👉
@botirov_golibjon

Yetakchi olimimiz Xitoydagi nufuzli anjumanda muvaffaqiyatli ishtirok etdi
Matematika instituti yetakchi ilmiy xodimi, taniqli matematik Karim Raximov Xitoyning Shenjen shahrida bo‘lib o‘tayotgan “Subtropical International Workshop on Dynamical Systems and Analytic Differential Equations” xalqaro ilmiy anjumanida qatnashdi.
Ushbu nufuzli tadbirda Karim Raximov
📌
“Measures of large entropy in holomorphic dynamics”
nomli ilmiy ma’ruza bilan chiqdi. Ma’ruza ishtirokchilar tomonidan katta qiziqish va e’tirofga sazovor bo‘ldi.
Bundan tashqari, olim anjuman davomida o‘zining hammualliflari – sohaning yetakchi mutaxassislari bilan dolzarb ilmiy masalalarni muhokama qildi. Ushbu samarali ilmiy almashinuvlar natijasida yangi ilmiy natijalar olindi, ular kelgusida nufuzli jurnallarda e’lon qilinishi kutilmoqda.
✅
Karim Raximovning ushbu ishtiroki O‘zbekiston matematika maktabining xalqaro maydondagi obro‘sini yana bir bor mustahkamladi.

#6
Soxta "xalqaro" jurnallar: e’tibor qaratilmasa, ertaga kech bo‘ladi
Yana bir “xalqaro jurnal”:
Galaxy International Interdisciplinary Research Journal
Manzil: Hindiston.
Qarasam…
ichida asosan kimlar?
o‘zbeklarning PDF maqolalari.
Savol oddiy:
agar jurnal “xalqaro” bo‘lsa, nega uni faqat biz to‘ldiryapmiz?
Eng achinarlisi —
shunday jurnallar ilmiy daraja olishda hisobga o‘tyapti.
Ya’ni:
pul to‘laysiz → maqola chiqadi → daraja olasiz.
Shu joyida hammasi oydin:
ilmiy daraja vositaga aylangan, olimlikka yo‘l emas.
Afsus…
biz ilm qurmayapmiz,
tizimli aldovni moliyalashtiryapmiz.
https://internationaljournals.co.in/index.php/giirj/index
Davomi bor...
🚀
Ilm, Fikr, Harakat
👉
@botirov_golibjon