Mirsaidov || Shaxsiy sahifa

#mehr
Odamiylik o‘lmasin...
Telegram
|
Instagram
|
Facebook

#kutubxona
Qaysi viloyatda kutubxonalar soni ko‘proq?
1-yanvar holati bo‘yicha berilgan ma’lumotga ko‘ra, O‘zbekistonda faoliyat yuritayotgan kutubxonalar soni — 17 763 ta.
Batafsil
:
https://oyina.uz/uz/posts/33854
Telegram
|
Instagram
|
Facebook

#shogirdlar
Odatda, kimningdir muvaffaqiyatini ko‘rib yoki eshitib ko‘pchilikda zig‘ircha bo‘lsa ham hasad tuyg‘usi o‘tadi. Inson fitrati shunaqa. Lekin faqat ustozgina shogirdining yutuqlaridan chin dildan, samimiy, beg‘araz tarzda xursand bo‘ladi. Chunki shogirdining har bir muvaffaqiyatini ustoz o‘ziniki deb biladi.
Mana shunday ijobiy fikrlar ustozni osmon qadar sururga, baxt-u shodlikka to‘ldiradi. Ilohim, yaxshi shogirdlar bor bo‘lsin, ularning yutug‘-u muvaffaqiyatlari bardavom bo‘lsin. Buni ko‘rib, eshitib ustozlarning baxti to‘kis bo‘laversin.
Telegram
|
Instagram
|
Facebook

#alifbo_islohoti
O‘, G‘, Sh va Ch harflari o‘zgarmoqda. Ng harfi esa alifbodan butunlay chiqarib tashlanmoqda
“Lotin yozuviga asoslangan o‘zbek alifbosini joriy etish to‘g‘risida”gi O‘zbekiston Respublikasi Qonuniga o‘zgartirish kiritish haqida”gi qonun loyihasi
Qonunchilik palatasi deputatlari tomonidan qabul qilindi va Senatga yuborildi.
Qonun bilan lotin yozuviga asoslangan o‘zbek alifbosi 26 ta harf va 3 ta harflar birikmasi o‘rniga 28 ta harf va 1 ta tutuq belgisidan tashkil topishi nazarda tutilmoqda. Alifbodagi o‘zgarishlar quyidagicha:
Gʻ gʻ → Ğ ğ
Oʻ oʻ → Ö ö
Sh sh → Ş ş
Ch ch → Ç ç
ng harfi esa alifbodan olib tashlandi.
O‘zgarishlar kuchga kirishi uchun qonun Senat tomonidan ma’qullanib, prezident tomonidan imzolanishi kerak bo‘ladi.
Telegram
|
Instagram
|
Facebook

#alifbo_islohoti
O‘, G‘, Sh va Ch harflari o‘zgarmoqda. Ng harfi esa alifbodan butunlay chiqarib tashlanmoqda
“Lotin yozuviga asoslangan o‘zbek alifbosini joriy etish to‘g‘risida”gi O‘zbekiston Respublikasi Qonuniga o‘zgartirish kiritish haqida”gi qonun loyihasi
Qonunchilik palatasi deputatlari tomonidan qabul qilindi va Senatga yuborildi.
Qonun bilan lotin yozuviga asoslangan o‘zbek alifbosi 26 ta harf va 3 ta harflar birikmasi o‘rniga 28 ta harf va 1 ta tutuq belgisidan tashkil topishi, shuningdek, ayrim harflarning qo‘llanilishiga aniqlik kiritilishi nazarda tutilmoqda.
Telegram
|
Instagram
|
Facebook

#kutubxona
Yangi Toshkentda Markaziy Osiyoda yagona sun’iy intellektli kutubxona qurilmoqda
Binoda kitob qidirish va yetkazib berish jarayonlari to‘liq interaktiv formatda — sun’iy intellekt va maxsus "Telelift" tizimi orqali, inson omilisiz, bor-yo‘g‘i 2–3 daqiqada amalga oshiriladi.
Telegram
|
Instagram
|
Facebook

#taʼlim
O‘zbekistonda 16 yoshgacha bo‘lganlarga ijtimoiy tarmoqlar taqiqlanishi mumkin
Maktabgacha va maktab ta’limi vaziri E’zozxon Karimovaning
ma’lum qilishicha,
bu bo‘yicha qonun loyihasi ishlab chiqilib, jamoatchilik muhokamasiga qo‘yiladi.
Telegram
|
Instagram
|
Facebook

#taʼlim
Pedagog podkastning Sodiq school rahbari Hasanxo‘ja Muhammadsodiq mehmon bo‘lgan sonini ko‘rib chiqdim. Poskastning bu sondagi mavzusi —
"Qanday qilib kuchli maktablarga ishga joylashish mumkin?"
Podkast davomida Hasanxo‘ja aka xodimga imkoniyat berish, unga ishonch bildirish masalasida juda zo‘r keyslarni aytibdi. Ularni tinglash jarayonida o‘z tajribamdan o‘tgan voqelikni, ya’ni maktabga xodimlarni ishga qabul qilish bilan bog‘liq 3 ta holatni eslab, shularni kanalga esdalik uchun yozib qo‘yishni lozim topdim. Bular quyidagilar:
1. Robototexnika kursi uchun layoqatli xodim topolmaganmiz. Ko‘p o‘ylovlardan keyin Texnologiya fani ustoziga ishonib topshirganmiz. Hali u vaqtda Nufar ustozda Robototexnika kursi bo‘yicha mukammal fundament bo‘lmagan. Lekin bildirilgan ishonchni oqlab, o‘z ustida ishlab robototexnika bo‘yicha viloyatdagi TOP ustozlardan biriga aylandi.
2. Ingliz tili ustozlarni ishga qabul qilish 3 bosqichda saralash tarzida o‘tgan. So‘nggi 3-bosqich saralashi boshlanishi oldidan avvalgi 2 ta bosqichda ishtirok etmagan bir ustoz qabulimizga kirgandi. Suhbatdan keyin avvalgi 2 ta bosqichda ishtirok etmagan bo‘lsa-da Ruhshona ustozni 3-bosqich saralashiga kiritganmiz. Hozirda bu ustoz ham maktabning tayanchiga aylangan ustozlardan biri hisoblanadi.
3. SAT fanini esa matematika ustozga ishonib topshirganmiz. Vaholanki, ustozning o‘sha vaqtda ingliz tilisi professional darajada emas edi. Surayyo ustoz ham o‘z ustida ishlab, tez orada IELTS sertifikatini qo‘lga kiritdi. Postga ilova qilingan rasm ham Surayyo ustoz bilan bo‘lgan yozishmalarimiz hisoblanadi.
Hasanxo‘ja aka aytganidek, rahbarlikning eng muhim xususiyatlaridan biri layoqati bor insonga muhim vazifani ishonib topshira olish ko‘nikmasi hisoblanadi. Professional xodimning eng muhim xususiyati esa bildirilgan ishonchni oqlay olishidir. Ana shunda jamoada haqiqiy kreativ muhit shakllanadi.
Telegram
|
Instagram
|
Facebook

#futbol
Chempionatdagi debyut o‘yinimizni ham o‘tkazib oldik. Natija haqida aytmasam ham ko‘pchilik yaxshi biladi. Shuning uchun bu postda natija haqida emas, bugungi kunning diqqatimni tortgan voqealari haqida yozmoqchiman:
1. Debyut golimiz. Abbosbekning goli. Tarixiy gol.
2. O‘n sakkiz yoshli Bexruzbek Karimovning shedevr zarbasi. Yangi talant. Bo‘lajak yulduz.
3. O‘zbekistonlik yosh muxlisning ko‘z yoshlari va uni ovutishga uringan kolumbiyalik muxlislar. Futbol qalblarni yaqinlashtiradi.
4. O‘yindan keyin futbolchilarimizning kiyim alishtirish xonasini tozalab, mezbon davlat — Meksikaga bildirgan tashakkuri. Respekt!
5. O‘yin davomida Abduqodir Xusanov bilan bexosdan to‘qnashib ketib jarohat olgan operatorning holidan shifoxonaga borib hol-ahvol so‘ralgani, operatorga Abduqodirning imzosi tushirilgan terma jamoa formasining sovg‘a qilinishi. Yashasin insoniylik!
6. Amir Temir va uning navkarlari obrazidagi o‘zbekistonlik muxlislar bilan suratga tushgan FIFA prezidenti Janni Infantino. Kun rasmi.
Telegram
|
Instagram
|
Facebook

#futbol
Yaqin soatlarda futbol bo‘yicha Jahon chempionati — 2026 musobaqasiga start beriladi. Ochilish o‘yinida mezbon davlatlardan biri Meksika o‘z maydonida Janubiy Afrika davlati terma jamoasini qabul qiladi.
Orada ancha vaqt futbol mavzusidan uzoqlashib qolgandim. Bu yilgi chempionatga O‘zbekiston ham chiqishi yana futbol olamiga sayr qilishimga sabab bo‘lyapti. To‘g‘risini aytsam, esimni tanib, katta qiziqish bilan ko‘rgan Jahon chempionatim 2010-yilgi chempionat bo‘lgan. Janubiy Afrika va Meksika o‘yini bilan boshlangan ochilish o‘yini, Ravshan Ermatovning hakamlik o‘yinlari, Ispaniya chempionligi. Xullas, cheksiz nostalgiya.
O‘zbekistonning chempionat guruh bosqichidagi o‘yinlaridan ko‘p narsa kutmayapman. Faqatgina chiroyli o‘yin kutyapman, xolos. Futbolchilarimiz chiroyli o‘yin ko‘rsatib, TOP-5 likdagi ligalarga transfer qilinishini xohlayman. Bu safargi chempionatda yorqin g‘alabalarimiz bo‘lmasligi mumkin va bu noodatiy hol ham emas. Zero, futbolchilarimiz 35 yillik o‘zbek xalqi umidlarini ro‘yobga chiqarib, tarix yaratib bo‘lishdi. Bundan buyog‘iga ham omad yor bo‘lsin futbolchilarimizga.
Telegram
|
Instagram
|
Facebook