Mr Abrarov
20 йиллик ишғол мобайнида босқинчи Ғарб давлатлари Афғонистонда бирорта мактаб ёки шифохона қуриб топширмади, шу мақсадда ажратилган маблағларни ўзларининг нодавлат ташкилотлари орқали еб юборди. Аммо ҳозир эса Толибонни қизларни мактаб таълимидан маҳрум қилишда айбламоқда.
Ўзбекистоннинг Афғонистон билан муомаласидан ўрнак олиш керак. Маломат қилмасдан имкон қадар икки томонлама манфаатли ҳамкорлик қилмоқда. Қўлидан келганича инсонпарварлик ёрдами бермоқда. Ғарб давлатлари ва жамияти эса доимгидек ёмонлашни билади холос. Ички ишига аралашма, улар ўзи яхши билади халқига қандай муомала қилишни.
Fayziddin Mo'min
©️
👉
@MrAbrorov
Assalomu alaykum do'stlar
Uzoq vaqtdan beri kanalga narsa qo'ymadim. Shunda ham kanaldan chiqib ketmaganiylarga rahmat!
Boriylarga shukur
✊
Maslahatikum
:
1-5 yosh bolalar uchun ideyal moshina. Germaniyaning Big bobby car brendi.
Kotta o'g'lim 2 yoshligida ogandim tepib tepib ishlatti keyin kichkina og'lim ishlatti undan keyin qizim ishlatti. Orada o'zimam uchardim juda baquvvat edi. Hozir ham qaysidir O'zbek oila istanbulda ishlatvotti))
14 yildan beri buzilmadi, hullas Das Auto
Olishni maslahat beraman!
Kichik Davlatlarning Amerika va Rossiya bilan murosa qilib, ehtiyotkorlik bilan muomala qilish sababini tushungandekman.
P/S. Prezidentlarga ham oson emas ekan
👉
@MrAbrorov
Rossiya millatchilari va ksenofobiyasi bilan o‘z botqog‘ida cho‘kaversin. Lekin bu fojiada faqat Rossiyani ayblash – ko’rlik. Qobiljonning o‘limi, millionlab bolalarning yetimdek ulg‘ayishi (Qobiljon ham yarim yetim ekan), tojik erkak va ayollarining Rossiya sovuqlarida xo‘rlanishiga Tojikistondagi avtoritar, oilaviy va talonchi boshqaruv eng bosh sabab.
Korrupsiya, o‘g‘rilik va tushkunlik odamlarni muhojirlikka haydaydi, muhojirlik esa ularni nafrat va zo‘ravonlik nishoniga aylantiradi. Bu zanjir tasodif emas.
Shu bois Qobiljon va unga o‘xshash millionlab bolalar taqdirida “Peshvoyi millat” – na ramziy, na bilvosita, balki asosiy aybdordir.
Ilyos Safarov
©️
👉
@MrAbrorov
Асли угандалик мусулмон бўлган Зоҳран Мамдани кеча ўтган сайлов натижасига кўра Ню-Йорк шаҳар мери (ҳокими) этиб сайланди. У сайловда ютмаслиги учун АҚШдаги Исроил лоббиси тиш-тирноғи билан ҳаракат қилса ҳам Мамдани 50% дан ортиқ овоз билан ғолиб бўлди.
Яна айтишларича, бу сайловда сайловчиларнинг қатнашиш кўрсаткичи охирги ўн йилликлардаги энг юқориси бўлган: кўпроқ ёшлар сайловга келган ва Зоҳран Мамданига овоз берган. Секин-секин АҚШда сионистларнинг таъсири сусайишни бошлади, шекилли.
Ўта ўнг қанот республикачилар ва табиийки, Трамп ҳам бундан қаттиқ ғазабда: қандай қилиб улар қўлламаган номзод сайловда ўтиб кетяпти?
Айтганча, айнан шу Мамдани сайловолди дастурида "Агар мен мер бўлганимда Бенямин Нетаняҳу Ню-Йоркка БМТ Бош Ассамблеясида қатнашиш учун келса, Халқаро Жиноят Суди қарорига амал қилиб уни ҳибсга оламан", деганди. Яъни, у ҳали лавозимига сайланмай туриб ўз ниятини очиқ-ойдин айтган, бунинг ортидан келадиган таҳдидлардан, эҳтимолий муваффақиятсизликлардан қўрқмаган. Ҳақиқий сиёсатчи шундай бўлиши керак, менимча. ("Тақийя" қилавермасдан).
Сионистлар ва Исроил лоббисини қўрқитган нарса ҳам Зоҳран Мамданининг шу баёноти эди.
Musannif Adham
©️
👉
@MrAbrorov
Albaniyada 1944-yilda hokimiyatga kommunistlar keladi. O‘sha paytda aholining 80 foizi musulmon bo‘lgan. Kommunistlar Islomga qarshi jiddiy kurash olib boradi. Imomlar qamaladi, dindorlarning ko‘pchiligi Turkiyaga hijrat qiladi. Natijada ko‘rsatkich 80 foiz musulmondan 52 foizga tushadi. Eng achinarlisi esa, hozirgi kunda dindor qatlam 1 foizga ham yetmas ekan.
P/S. O'zim Angliyada juda ko‘p albaniyaliklar bilan gaplashganman, afsuski ko‘rganlarim orasida birortasi ham dindor emas edi.
P/SS. Alhamdulillah, O‘zbekiston xalqi kommunistlardan keyin ham ancha dindorligini saqlab qolgan ekan.
👉
@MrAbrorov
Кеча Қатардаги араб-мусулмон дунёси лидерлари учрашуви, албатта тарихда қолади. Бу – замонавий тарихда мусулмон дунёсининг биринчи марта формал бирлиги рамзи ҳисобланади. Ҳали мусулмон дунёсининг ички шижоати, қатьияти ва якдиллиги жуда мўрт. Лекин, биринчи марта мусулмон дунёси бўлинмасдан, бир позицияда кўришди, бир позицияда бўлди.
*
20 асрнинг бошларида мутлақ аксарият мусулмон дунёси – ғарбнинг мустамлакаси эди. Асрнинг ўрталарида ва иккинчи ярмида араб-мусулмон дунёси учга бўлинган эди: АҚШ тарафдорлари, СССР тарафдорлари ва “учинчи йўл” вакиллари. Айниқса совуқ уруш араб-мусулмон дунёсини кучли бўлиб ташлади. Совуқ уруш тугагач, АҚШнинг минтақадаги асосий “арзандаси” Исроил ҳаддидан ошиб, оккупациянинг янги босқичига ўтти. Бунга “11-сентябр” ва ундан кейинги вазият жуда қўл келди.
*
2015 йилда ҳам араб лидерлари саммит ўтказди, ўшанда ҳам Миср “келинглар, араб НАТОсини тузайлик!” деди. Лекин, бу “араб НАТОси” Эронга қарши қаратилган бўлиши керак эди. Тарихда биринчи марта Саудия, Қатар, Миср, Туркия, Эрон, Покистон ва бошқа барча араб-мусулмон давлатлари ташқи тажовусга қарши бирлашиб бошлади. Бирон бир араб-мусулмон давлати бу учрашувда бошқача позицияда бўлмади. Ҳатто Исроил билан алоқалари анча қалин бўлган Озарбайжон ҳам “биз тажовускорликни қоралаймиз” дея, формал Исроилдан масофа сақлади.
*
Лекин бу бирлашув мантиқан тўлиқ бирлашув эмас. Чунки, Исроилга қарши чиқиш дегани – АҚШга қарши чиқиш дегани. Араб-мусулмон давлатлари Исроилга қарши чиқаяпти, лекин ҳали АҚШга қарши бора олгани йўқ. Исроил тўхтамайди. АҚШ ҳам Исроилни тўхтатмайди, қўллайверади. Демак, араб-мусулмон дунёси вақти келиб АҚШга қарши чиқиб бошлайди.
*
Ривоятларда айтилга вақтлар келиб қолди. Исроил ўзининг энг катта туғёнга кетган вақти – ҳозир. Демак, яқин ўн йилликларда энг катта урушлар бўлиш эҳтимоли ошиб боради. Дунё иккига бўлинади. Урушларнинг марказида мусулмон дунёси бўлади. Европа – Фаластин томонга ўтиб бормоқда. АҚШда ҳам христианлар ва исроилпарастлар иккига бўлинмоқда. Демак, энг катта бўлиниш АҚШда бўлади.
Kamoliddin Rabbimov
©️
👉
@MrAbrorov