مرزوق البريك | الثروة الرقمية
إحصائية اليوم
أمس نزل من أنثروبيك نموذج جديد اسمه Opus 5.5، وأعلنوا معه رقمين
أسرع من سابقه بأكثر من ٣٠٪
وتكلفة تشغيله أقل بـ ٤٠٪
الرقمين هذي تهم اللي يشغّل أدوات على الذكاء، لأن كل طلب يمر على النموذج له تكلفة
بس فيه نقطة ثالثة ذكروها، وهي اللي تفرق مع أي واحد يكتب محتوى
قالوا إن النموذج صار يلتزم بقواعد الكتابة اللي تعطيه
طيب ليش هذي مهمة؟
لأن أكثر شكوى من النصوص اللي يكتبها الذكاء إنها تبان مكتوبة بذكاء
وأغلب الناس يحاولون يصلحونها بعد ما يطلع النص
والأسهل إنك تحددها قبل
قبل ما تطلب أي نص، أعطه قواعدك
اكتب هالقواعد مرة وحدة، واحفظها في ملاحظاتك
وكل ما فتحت محادثة جديدة، الصقها في أول رسالة قبل أي طلب
جرّبها اليوم على نص واحد، وقارن الناتج باللي كنت تطلع منه قبل
نصيحة لأي أحد يجهز يطلق منتج
لا تحكم على منتجك من مبيعات أول يوم
أغلب الناس ما يشترون الشي الجديد أول ما ينزل
حسب إحصاءات إطلاق المنتجات،
تقريبا ١٥٪ بس يشترون في البداية
و
قريب النص يستنون
يستنون يشوفون أحد جرّب قبلهم، ويسمعون وش قال
فلو أطلقت وجاك خمسة مشترين بس، لا تزعل ولا توقف
هالخمسة أهم ناس عندك في هالمرحلة
لأنهم هم اللي بيقولون للباقين إن المنتج يستاهل
طيب وش تسوي معهم؟
تعطيهم كم يوم يجربون المنتج على راحتهم
بعدها تكلمهم وتسألهم عن تجربتهم، وتسألهم
وش الشي اللي يتمنون يتحسن
السؤال هذا بالذات يخليهم يتكلمون بصراحة، لأنهم يحسون إنك تبي رأيهم
وبعد ما تاخذ إذنهم، تقدر تعرض كلامهم لكل واحد متردد
وشي ثاني قبل الإطلاق نفسه
لا تنشر الرابط فجأة لناس ما سمعوا عن منتجك قبل
خذ كم يوم تتكلم فيها عن المشكلة اللي يحلها، وعن تجربتك معها
عشان يوم تفتح الرابط، يكونون فاهمين وش تبيع ومنتظرين
والخطة كاملة يوم بيوم شرحناها في
رحلة المنتجات الرقمية
althrwadi.com
أكثر جملة تجي لصاحب أي منتج
غالي
وأغلبنا يرد عليها بطريقة وحدة، ينزّل السعر
بس قبل ما تنزّل، جرّب تسأل نفسك سؤال ثاني
هل الزائر أصلاً فهم كيف يشتغل منتجك؟
خلني أوضح الفكرة
لما تكتب عن منتجك، أغلبنا يكتب اسمه ووش يعطيك
دورة تعلّمك التسويق
ملف يساعدك تنظّم شغلك
نظام للمحتوى
وهذا كلام صحيح، بس ما فيه شي يخلي الواحد يفهم كيف بيوصل للنتيجة
والمشتري اللي قدامك غالباً دفع قبل كذا وما وصل لشي
فهو ما عاد يصدق الوعد، صار يدور على الطريقة
لو قلت له: نظام للمحتوى
هو يسمع كلام عام، ويقرر إنه غالي
لكن لو قلت له
النظام ثلاث مراحل، الأولى تبني فيها بنك أفكار ما يخلص، والثانية توزّع الأفكار على أيامك حسب وقتك الفاضي، والثالثة خطة لليوم اللي تنقطع فيه عشان ترجع بسرعة
الحين هو يشوف الطريق كامل
وصار يقدر يحكم على القيمة لأنه فهم وش بيصير بالضبط
وهنا ينتهي الاعتراض من نفسه، بدون ما تنزّل ريال واحد
الفرق اللي أحاول أوصله
لما يقول غالي، هو مو دايم يتكلم عن الرقم
كثير منهم ما فهم كيف يشتغل الشي اللي تبيعه، فما قدر يقدّره
جرّب هالتمرين اليوم
افتح صفحة منتجك، وشوف هل فيها جزء يشرح المراحل خطوة خطوة
لو ما فيها، اكتبها بأبسط شكل
قل بالضبط: هذا الشي يشتغل كذا، ثم كذا، ثم كذا
وراقب الردود اللي تجيك بعدها
وقفة صغيرة قبل ما ننام
كلنا صار لنا موقف وقفنا فيه قدام شي نبي نشتريه، وفي آخر لحظة تراجعنا
سعره واضح، والكلام عنه حلو، ومع ذلك ما كملنا
وبعد كم يوم ننسى الموضوع كله
أنا صار لي كثير، وأغلب المرات ما كان السعر هو السبب الحقيقي
كان فيه شي ناقص ما قدرت أحدده وقتها، بس كان يخليني ما أثق إني بستفيد فعلاً
واللي انتبهت له لاحقاً إن السبب يتكرر
الشي اللي تردد فيه غالباً ما كان واضح لك كيف بيشتغل معك أنت بالذات
تحسه يناسب ناس ثانيين، أو تحس إنك بتشتريه وبيقعد عندك بلا استخدام
خلونا نعرف السبب الحقيقي عند أغلبنا
وهذا ملف فيه ثلاثين برومت جاهز للتصميم بالذكاء الاصطناعي
كل برومت تنسخه زي ما هو، تغير فيه اللي يخصك وترسله
فيه فرق بين إنك تعرف كيف تسوّي منتج، وبين إنك تعرف كيف تبيعه
وأغلبنا يتوقّف عند الأول
تجلس أسابيع تبني وتتقن وتراجع، وتطلع بشي تفتخر فيه فعلاً، وبعدين تجي اللحظة اللي تحط فيها منتجك قدام الناس، وتكتشف إن اللي تعبت عليه ما وصل
المشكلة مو في منتجك
المشكلة إنك انتقلت من مهارة تعرفها، لمهارة ثانية ما أحد علّمك إياها
كتابة صفحة البيع مهارة مستقلة تماماً عن صناعة المنتج
والتسعير مهارة ثالثة، ما لها علاقة بالاثنتين
وهذا اللي اشتغلنا عليه في الرحلة
نزل درسين جديدين يغطّون هالجزء بالضبط، كيف تكتب صفحة تخلي الزائر يفهم قيمتك في ثواني، وكيف تحط سعر مبني على أساس واضح، لا على تخمين ولا مقارنة بغيرك
ومعهم أداة جديدة في المكتبة تبني لك صفحة البيع كاملة، تقترح السعر المناسب، وتختبر لك الصفحة قبل لا تنشرها
يعني تعرف وين الخلل قبل ما يشوفه العميل، لا بعدين
وأضفنا كتاب جديد عن بناء الجمهور من الصفر
مو نظريات مترجمة، تجربة حقيقية بخطوات عاشها صاحبها بنفسه، لأن اللي عنده جمهور منتجه يوصل أسرع بكثير
وفي جانب المنصة نفسها
صار كل عضو يشوف تاريخ اشتراكه بوضوح، ويوصله تنبيه قبل ما ينتهي بمدة كافية
شي بسيط بس يريّح، تعرف وضعك بدون ما تسأل ولا تحسب بنفسك
ومعها تحسينات تقنية في السيرفر تخلي كل شي أسرع وأثبت
أشياء ما تشوفها، بس تحسّها وأنت تستخدم المنصة
الفكرة اللي أبي توصلك اليوم
منتجك الجاهز ما ينقصه شغل أكثر
ينقصه الجزء اللي بعده، كيف يوصل وكيف يُقنع وبكم يُباع
وهذا بالضبط اللي صار متاح لك من أمس
أدوات الذكاء الاصطناعي وصلت لمرحلة تخوّف
بنيت أداة كاملة بنفسي، بدون برمجة، تطلّع لي عنوان وسيناريو ووصف وتاقات لأي فيديو مترابطة عشان يتصدّر
صوّرت الطريقة كاملة في الفيديو
https://youtu.be/tX1blUZM5L0?si=IzLNVFK9PExf4xLQ
المنتجات الرقمية في 2026
❌
الأنظمة الرقمية في 2026
✅
ايش المقصود في نظام رقمي ؟ هذا المشروع
منتشر في المحتوى الأجنبي بشكل رهيب
شوف الفيديو
رحلة هذا الشهر في المنصة (المنتجات الرقمية من إلى أول عملية بيع )
وصلنا الدرس الرابع مع الأعضاء واللي شفت هو نبذة عن درس واحد من الرحلة
طبعاً بعد الدخول كل الرحلات والأدوات تفتح لك حياك الله
👇🏻
althrwadi.com