Muhammadali

🤐
Arsenal 2:1 Chelsi | O‘yin haqida
Shu mavzu bo’yicha
📺
Setanta Sports Uzbekistan
YouTube kanalida yangi video joylandi.
📱
Havola:
https://youtu.be/MzWZaZdPohc
📺
@setanta_uzb
#Football
#SetantaSportsUzbekistan

🔥
"Mestalya"da qaynayotgan qozon: "Valensiya" inqirozi "Barselona" mashinasiga qarshi! Bugun bizni nafaqat maydonda, balki tribunada ham olovli kechadigan g'aroyib o'yin kutyapti. Gap shundaki, "Valensiya" muxlislari rahbariyatning transfer siyosati va natijalardan…

🔥
"Mestalya"da qaynayotgan qozon: "Valensiya" inqirozi "Barselona" mashinasiga qarshi!
Bugun bizni nafaqat maydonda, balki tribunada ham olovli kechadigan g'aroyib o'yin kutyapti. Gap shundaki, "Valensiya" muxlislari rahbariyatning transfer siyosati va natijalardan shu qadar g'azabdaki, bugungi uchrashuvning dastlabki 19 daqiqasini ommaviy boykot qilishmoqchi! Klub direktori Ron Gurley moliyaviy feyr-pley cheklovlarini sabab qilib, kelasi yili yangi stadionga ko'chilgach hammasi yaxshi bo'lishini va'da qilyapti, biroq bu gaplar muxlislarni tinchlantirgani yo'q. Dastlabki 3 turda atigi 1 ochko olgan Karlos Korberan jamoasi juda og'ir ahvolda. Transferlar oynasi yopilishida Xarvi Elliottdek top-ijrochi ijaraga olingani yaxshi yangilik, ammo Gido Rodriges, Umar Sodiq, Luis Rioxa kabi yetti nafar asosiy futbolchining jarohati bugun jamoaga juda qimmatga tushishi mumkin.
Buning fonida Xansi Flikning "Barselona"si haqiqiy yirtqichdek harakat qilmoqda. To'g'ri, uzoq kutilgan Xulian Alvares transferi barbod bo'ldi (uning o'rniga tajribali Gabriel Jezus olib kelindi), lekin jamoa usiz ham dastlabki 3 turda naq 12 ta gol urib tashladi! Ayniqsa, markaziy hujumchiga aylanib olgan Rafinyani to'xtatib bo'lmayapti — u uchala uchrashuvda ham o'z nomiga gol yozdirib qo'ydi. Mehmonlar tarkibida faqat Frenki de Yong va Runi jarohatda. Lamin Yamalning maydonga tushishi kichik jarohat sabab so'roq ostida turibdi. Garchi yigitchaning o'zi o'ynashga yonib turgan bo'lsa ham, Flik uni ehtiyot qilishi ehtimoli katta.
O'tgan mavsumning so'nggi (hech narsa hal qilmaydigan) turida "Valensiya" 3:1 hisobida zafar quchib, "Barsa"ga qarshi 12 o'yinlik qora seriyasiga barham bergan edi. Ammo bungacha aynan Flik "ko'rshapalaklar"ni 7:1, 6:0 va 5:0 hisoblarida ayamay yanchib tashlaganini hech kim unutgani yo'q. Bugungi formalar va imkoniyatlarni solishtirganda ham, kataloniyaliklarning yana bir yirik g'alabasi eng mantiqiy ssenariy bo'lib turibdi.
Bu qaynoq o'yinni doimgidek,
📺
Setanta Sports Football
YouTube kanali orqali soat 19:10 da birgalikda, jonli efirda kuzatamiz! Barchangizni ajoyib futbol oqshomida kutib qolaman.
📱
Havola:
youtube.com/@setantasportsfootball
Muhammadali

🔥
La Ligada markaziy o'yin: "Betis" – "Real Madrid"
Joze Mourinyo boshchiligida ajoyib formaga kirib borayotgan "Real Madrid" bugun Sevilyada o'zi uchun ancha noqulay raqib hisoblangan "Betis" mehmoni bo'ladi.
Madridliklar mavsum startini zo'r o'tkazishmoqda. Oxirgi ikki turda "Real Sosyedad" va "Malaga" darvozasiga 4 tadan gol urildi. Kilian Mbappe xet-trik qayd etgan bo'lsa, Bellingem yana o'zining super o'yinini namoyish qilyapti. Mourinyoning kayfiyati a'lo, garchi oldinda ChL doirasida "Inter"ga qarshi muammoli o'yin (Gyuler, Silva va Kamavinganing diskvalifikatsiyasi tufayli markazda faqat Valverde qoladi) kutib turgan bo'lsa-da, "O'ziga xos" murabbiy butun e'tiborini hozircha faqat "Betis"ga qaratgan. Jarohatlanganlar ro'yxati esa o'zgarishsiz: Militao, Mendi, Rodrigo, Chuameni va Endrik bugun jamoaga yordam bera olmaydi. Qizig'i, qaydnomaga La Ligadagi super goli bilan e'tiborga tushgan 19 yoshli yosh iqtidor Serxio Martines ham kiritilgan.
Manuel Pellegrini boshqarayotgan "Betis" esa mavsumni ikkita 1:0 hisobidagi g'alaba bilan boshlab, o'tgan turda kutilmaganda "Levante"dan naq 5 ta gol o'tkazib yubordi (2:5). "Muhandis" buni futbolning o'ziga xosligi deb, xotirjam qabul qildi. Sababi, ularni ham tez orada Chempionlar ligasining "Lill"ga qarshi muhim o'yini kutyapti. E'tiborli tomoni, jamoaga uzoq kutilgan Dani Sebalos qaytdi, biroq u mashg'ulotlarga endi qo'shilgani sababli bugun sobiq klubiga qarshi o'ynay olmaydi. Shuningdek, Abde, Lo Chelso kabi futbolchilar ham qaydnomadan tashqarida.
Tarixiy statistikaga qaraydigan bo'lsak, "Real" oxirgi yillarda Sevilyada juda qiynalmoqda — "Betis" maydonidagi so'nggi g'alaba 2021/2022-yilgi mavsumda kuzatilgan. "Real" yaqqol favorit qilib ko'rsatayotgan bo'lsa-da, bu yerda "Betis"ning kuchiga biroz yetarlicha baho berilmayotgandek tuyulmoqda.
Bu qiziqarli to'qnashuvni doimgidek
📺
Setanta Sports Football
YouTube kanali orqali birgalikda, jonli efirda kuzatamiz! Men sharhda sizlar bilan birga bo'laman. Chiroyli o'yin va sifatli translyatsiyani o'tkazib yubormang!
📱
Havola:
youtube.com/live/5igovKN8Dvs
Muhammadali

▶️
UCHRASHUV BOSHLANDI
✅
"Barselona"
⚡️
"Rayo Valyekano"
Havola:
youtube.com/live/-0Cx94QFMV8
🎧
Sharhda:
Muhammadali Muhammadkarimov
📺
@setanta_uzb
#Football
#LL
#Matchday
#YouTube