قصص💜✨
طمأنينة لقلبك:
🍃
🤍
...
-يسلمج الله يا يمه ويسعدج ويوفقكم وان شاء الله الذريه الصالحه ديري بالج على نفسج اني هم ما يصير اجي يوميه
-ان شاء الله عمه
ريام:: وصلت للباب وهي تنصح بيه كبل لا تطلع وصتني
لو اروح لبيت عمي لو ادك على جهاد يجي يمي سديت
الباب وراها ورجعت لبيتي دنيا مغرب اذن وياما كملت صلاتي ودخل. جهاد
جهاد:: تقبل الله مدامتي
ريام:: ههههه منا ومنك صالح الأعمال
جهاد:: عمتي غير حركت الموبايل عليه خفت بيج شي
-ليش توه ما صار جثير من راحت
جهاد:: شمدريني تكول لا تخليها وحدها وتستحي تروح لبيت اهلك
ريام:: كمت شلت المسجد واسولفله ... اي غير عمه
تكول العروس الا تطلع سبعتها لازم ما تظل وحدها
-هههههههه والله عمتي عليها سوالف لو تشوفين
وسام وحسين تكول مسوي جريمه حتى سلامهم
ثجيل وحسين كل شويه وكال ضحكت علينه شبسرعه
اخذت بنتنه يردون ارجعج لو تتذبح الناس كلها ما انطيج
ريام:: اي شوف خاف تكول ما عدها احد عندي صلاوات
كومه اخوه يسدون عين الشمس لا تفكر تغثني تره ارجع
-تعالي
-مدلي ايده حطيت ايدي بيده وهو جرني كعدني بحضنه
جهاد:: ريام لا تفكرين بيوم ازعلج لو اغثج انتي عزيزة خالي
وغاليتي اني البارحه الليل كله اتأمل وجهج ما مصدك ريام
الجانت تفتر وتلعب جدامي ريام البنت الي جت تبجي بحضني لان ما عدها احد يمشط شعرها ما انسى هذا الموقف من جيتي تبجين لان تاخرتي على مدرستج
وماكو احد يمشط شعرج ولازم المشط والقراصه بيدج
وكعدتي بحضني امشط شعراتج تدرين بذيج اللحظه عرفت
شكد اعزج واغليج بوقتها جان عمرج 10اسنين من وكتها
واني اذا اشوف بدله اتمنى اخذها الج شكو شغلات بنات
احب اشتريهن بس جان خالي ما يقبل لحد ما كبرتي يوم
عن يوم دخلين گلبي ويشهد الله نيتي ونظرتي الج بصافي
نيه ولا يوم نظرت الج بغير نظره لحد ما يوم الي شفتج بيها
بدون الثام بيت خالي محمد وراها بالبستان كمت من ارجع
احط راسي على المخده وصورة وجهج ما تروح من بالي
ويوم شفت نفسي بعد ما اكدر جيت وحجيت وطلبتج من خالي احبج وحگ راية ابو الحسنين عيونج سبتني اسبايه
ريام:: ما اعرف كلامه خلاني فراشه واطير بنفس الوقت
خجلانه سحبني لحضنه حاضني بقوه حضن الامان والحنيه
هذا الامان الي جنت مفتقدته تعامله وياي كم بنته مو مرته
دك عليه معاذ حتى نروح يمهم نتعشه رتبت نفسي وطلعنه
لبيت اهله سلمنه وكعدنه نتعشه جهاد توه حط ايده بالاكل
ودك موبايله سحبه ايده من الاكل و رد توه كال الوو وفز
كام وعاف الاكل طلع يركض واخوته لحكو واحنه غير نخمشت گلوبنه ظلينه ننتظر فزينه كلنه من دخل زياد يركض جيه عليه ينفت كوه يحجي وكف يمنه وكال
زياد:: سرريع ريام محفظة جهاد سرريع
-ركضت للبيت اخذتها من الميز ورجعت انطيتها اله
درت على البنات اسال بيهم بلجي زياد كاللهن شكو وصدمتني تبارك من كالت....
-فرات مضروب بسجينه......
يتبع......
وره الغده كلها راحت تنام الظهر او مثل ما تسميها جديتي
تجياله ظلينه اني وفاطمه وتبارك نفتر ما جتنه النومه والجو
حار وحايرين شنسوي وفاطمه طول الوكت حاير ليش عمتي امنه ما جت واني وتبارك وحده ادحك على الثانيه نريد نروح يم ريام وفاطمه ما تقبل وكضتها عليها عيب ما عيب
فاطمه:: اوو وجع شبيجن وين رايحات تره راحو ينامون
ما تنخمدن تنامن وانتي تبارك مددي لا تظلين تفترين
تبارك:: ما نعسانه دخلي نروح يمهم والله ذيج الساع كعدو ما لحكو ينعسون بس تره جهاد ضاج من امل
فاطمه:: امل؟ عمتج امل لا تقللين ادب بعدين عيب افهمن خما زمايل عرسان شكو ترحن يمهم اكعدن واسكتن اني وين وانتن وين اني حايره بعمتي بس لا زعلت
مروى:: جاي تسولف ودك موبايلها وهي مثل العجز تربعت
وفتحت السماعه وتسولف ويا جهاد واحنه كعدنه گبالها
جهاد:: شنوو نايمات كاعدات
فاطمه:: لا والله كاعدات تعرف خواتك ما ينامن الظهريات
جهاد:: عجل جيبهن وتعالي كاعدين وحدنه تعالن نتونس
فاطمه:: لا مو عدنه شغل وعمتي هسه تكعد نسوي عصريه
جهاد:: شبيج يابه مرتي ضايجه تعالن يمها احس ما اكتلها
ريام:: دحكت عليه رافعتله حجابي وهو سد الموبايل يضحك عليه واني كل ما يكولي سالفه اكوله اني ما ردت
اتزوج انت لعبة بعقلي اخلي يفور جن البنات وهو بس
دخلت تبارك بلا حجاب كام وهي كبل لا يصلها حطت الشال
عود على راسها سحبها من شعرها عود يهدد بس هي ولا يمها دخلن كعدنه جنت حاطه حلويات وعصاير ادحك على
فاطمة الوحيده مستحيه من كعدتها يمنه بس جهاد ظل يشاقيها وكل شويه يفتحلها نستله وهي ذيج الساعه اتذكرت عود هي زعلانه على اخوتها دارت عليه وكالتله
فاطمه:: اني اكوول تهتم بيه تره ما نسيت شلون البارحة
تصيحون عليه شوف هذا الموبايل واخذه لا بحجة عندي
موبايل تخابروني ترزعلون بيه شنو صغيره اني تحجون عليه
جهاد:: افااا هاي فطومه الورده بس صدك ولج تبارك
والله اذا انوب اسمعج صاعده على السطح رجليج اكسرهن وشنو هل ضحكه تكول برنو ويطگ فضيحه انتي
تبارك:: سويت نفسي فقيره حتى لا يزيدها تكحزت وكعدت
گباله.. يابه تره مو اني هاي مهى وجنة السيد خما اكوللها
لا تضحكين وهي سالفته اتضحك قابل افشلها وما اضحك
جهاد:: خويا بلا لواته غير صوتج ترس اذني ولج ابيتي وبنص الغرفه صوتج وصل عجل الكاعد بالجول شلون شاده سماعه بزردومج تدرين معاذ يكول كاعدين وصوتهن بنصنه
ريام:: ادري عدهم اذانات فرس دخلوهن يفرحن حتى الضحكه حرام بعدين انتو شكد ما حاطين بالكم يمهن
جهاد:: اي اي برري مدام برري والله شوفن انتن الاربعه
اذا يوم اسمع صوتجن طالع حظجن اطيحه عيب بابا وين
كاعدات وبهيج مناسبات ممنوع تصعدن على السطح.
ريام:: ظل يرزل بينه بحجة ينصحنه بس تونسنه ساعه
نضحك ساعه نحش اني والبنات اذن عصر كام جهاد
يصلي واحنه بعدنه على نفس كعدتنه ما خلينه بشر
يعتب علينه ما ضحكنه عليه وغبناه صلى وجيه لكانه
بعدنه نسولف وكف فوك روسنه ويحجي علينه حتى نصلي
جهاد:: ما تخلصن يابه ما يجوز الغيبه شعليجن يعني
عايفات صلاتجن وحايرات بفلانه شلبست وشأكلت
ريام:: اني ولا حجيت هسه اكوم اصلي بس اكمل نستلتي
جهاد:: اي الحكي اكلي لا النستله الطير كومي صلي وعوفي الاكل لاحكه عليه ويلا انتن الاربعه خمس دقايق
اريدجن متوضيات واكفات كبالي اتصلن ما فالحات بس بالغيبه
-كمنا كلنه ومروى بحجة توضه بيتهم واهناك تصلي لان
مجازه وتستحي من جهاد وهو ما لح عليهن شلت الصينيه
وتوضيت وصليت جاي انعزل بالمطبخ وندك الباب راح جهاد يفتح سمعت صوت عمتي امنه عفت البيدي وطلعت
تلگيتها يمه احس صار سنه ما شايفتها تعودت عليهم كلش
امنه:: هلا يمه هلا
-هلا عمري عمه شلونج
امنه:: يمه والله البيت خله علينه اني وعمج حتى الريوك
ما تريكنه وكوه يمه تحملت كتلهم اروح اشوف بنيتي واجي
-كل الهلا بيج عمه والله اني هم من الصبح وعيني على
الباب كل شويه اكول لجهاد شو ما جت عمتي امنه
جهاد:: راح تخلينها واكفه بالباب تفضلي عمه
ريام:: من فرحتي نسيت والله تفضلي دخلنه كعدنه
وجهاد عافنه كال يروح يشوف الولد جبت حلويات
وعصير وكعدنه نسولف اني وياها وهي تنصح بيه
امنه:: يمه تحملي اسمعي وعبري لا تظلين تهتمين
عمتج اكو من يوزها ويلعب بعقلها وهي مكيفه شعلينه
اهم شي بيتج وزلمتج زين شتريدين منها ويمه اريدج
نبهه على ملابس زلمتج اكلته شربته وبيتج اربعه وعشرين
ساعه نظيف وهذا الشي ما يحتاج اوصيج بي بس ميخالف
انبهج لا تخلين على نفسج زله خوش يمه واني مازال الله
منطيني عمر وصحه ما اعوفج والله الليل ما نمته خايفه
عليج بس اصبر بروحي اكول بنيتي سباعيه وجهاد خوش
زلمه وداعتج حتى عمج ضايج وراج بس يستحي يجيكم
- عمه والله حتى اني ولا عبالك البارحه طلعت من يمكم
ولا يظل بالج عمه جهاد حيل زين وعمتي اتحملها لخاطره
امنه:: اي عفية يمه حرمه جبيره هم حسبيها امج يلا يمه
هسه تغرب الدنيا واروح اشوف خياتج عود بالليل يچنچ
ريام:: كل الهلا بيهن عمه سلميلي على عمي والولد
#part
20
واتحدى البعد يجبرني يوم انساك
وعمت عين الصدف غيرك تشوفني
رغم بعد المسافه وانت ترس العين
والناس الشفتهم ماجزوا جفني
بخيالي شكد صور ماخذلك ولقطات.
من اشتاق كلش هو يسعفني...
ـــــــــــــــــــــــــــ♛ــــــــــــــــــــــــــــ
♕فاطمه ♕
وره ما زفو جهاد لغرفته رجعنا كلنه لبيت ابوي عمامي كلها
كل من اخذ عائلته ورجع لبيته ما بقى غير عمتي امل وبيت
السيد فرحانه بيهم بس شنو تعبت تعب ما صاير طبيت اسبح حتى اريح جسمي وحتى عقلي احسه تعب كملت
وطلعت جاي امشط وابالي وين راحن البنات وتذكرت عمتي
ما شفتها لا هي ولا بناتها ريتاج من وره العشا بعد ما شفتها
لبست حجابي وطلعت اسمع صوت البنات بالسطح صعدت
لكيتهن فارشات وناس بسد ناس ويتمضحكن عجبتني لمتنهن وهبه لازم تبارك عود تقنع بيها حتى تصير ضرتها
هبه:: وعلي يونسج فد حنين وزلمه حوك
تبارك:: خلي الج عيني شبيهم ولدنه لا ما حبيتها منج
زينب:: زين ننطيكم مره وناخذ منكم ها شكلتي
رقية:: ما يحتاج جتي فاطمه تعالي فطوم شتكولين
-جيت كعدت يمهن اضحك على سوالفهن جريت مخده
وكعدت يمهن ظلمه ما ينشافن زين وين يلا ركزت بمهى
موجوده كتلهن.. شكو شجاي تسولفن و وين وصلتن
هبه:: اني السولفلج خيه اريدن اختج لزوجي ابو بيتي
واختج قافله كل ما حجينه وكالت وشبيهم ولدنه اظن
والله العالم اختج مخيله على واحد هل ما ترضي بينه
-هههههههه
فاطمه:: هههههههه اي عجل صدك شبيهم يمه ولدنه
شو طول وجمال وهيبه واحدهم يعادل الف زلمه
رقية:: بنات اني وامي العرس كله انخطط حتى المهر حددنا وعجبتنه ابنيه ونريدها وبلي تردونه احنه حاضرين
مهى:: هههههههه الله اي منو هي عاد
تبارك:: يارررب صابرين صدك دخذو بنت عمي والله خلصونه منها فد بنيه اجعليها زمال النهار كله يكربون
على ظهرها وما تحجي فد بنت مطيعه و وفيه مثل...
-سكتت ما كملت والبنات على ضحكة وحده اريدهن يسكتن عزاا بعيني هسه يجونه ولجنن اششش مو فوك
السطح شو كومن ننزل انتن مو مال كعده فوك السطح
هبه:: والحسين بس ارجع اسولف الـ ليث عليها اكول
فد لكيتلك مره هههههههه بس اخاف يكتلني هههههههه
-هههههههه
فاطمة:: غير لو يسكتن خو زينب تمدد على ظهرها من الضحك موبايلي بحضني دك شلته عرفته واحد من الولد
معاذ:: فاااطمه نعلل شنو هللصووت فضحتنه
-هاي عليمن نعل انيي
-خزيتنه بيتت فرات وصوت ضحكجن يمنه وين كاعدات
فاطمه:: بالسطح عيب عليك تره غير فرحانات
معاذ:: وروح ذاك العزيز اذا اجي اكسر حلوكجن وسكتي
هاي بنت... صوتها ليمي سهله سهله يلااااا نزلن نزلن
-بعدني ما سادته واتصل جهاد عزاا بعيني حتى العريس سمعنا خفت اجاوب اذا معاذ بس يهدد هذا يطيح حظنه
البنات من شافن الاتصالات صارت بفلس سكتن ورجع
جهاد دك اخذت موبايلي وكفت على صفحه وجاوبت
وجاني صوته العذب الرنان..
جهاد:: هذاااا شنووو ولجن وين كاعدات بنااات الـ...
استغفرالله فاطمه فاطمه وحگ هو الله اجي اطيح
حظكم كاعدات بالسطوح وصوت ضحكت تباررك بأذني بس حكجن اخوتج مكورنين هااا اهااا اني اشدلي ومعاذذ يشدله بنااات الاوادم الا بالسطحححح
-غير لو ينطي مجال ابرر ردت عود اهدي كتله تره هذن
بنات السيد رادن يكعدن وتره مو صوتنه شببييك جهاد
جهاد:: لا لا شبيه عمي شبيه شوفي هسه هسه تنزلن ومعتب هاا معتب اذا ما لحمت سرگي باب السطح اخليجن بس بالحلم تشوفنه انتنن مال اسطووح يلااا انزلن
-اريد اسده اسمع ريام تكوله
-شنو ملتمات وعايفتني
جهاد:: تريدين اغرددلج انتي همم وين موليه غيرر عرروس
فاطمه:: سديته گبل لا يرجع عليه ورجعت يمهن لكيت
هبه هم تخابر وتضحك وصوت الولد امر من جهاد اشرتلها
حتى ننزل ما رضن سدته وتمددت ولا يمها اسحيت اكوللها
كلهن تمددن ونامن بس اني جفى النوم عيوني بيدي موبايلي دحكت الساعه 2 كمت افتر بالسطح نفوف هوى بارد بسبب البستان جان اكو بسد سياج السطح بلوكه صعدت عليها رغم اشوف بس قليل من صعدت على البلوكه
لا صرت اشوف طبيعي ارتجيت على السياج وادحك على بيوت هدوء بس صوت الشجر والطيور صافن ومواقف فرات براسي مرات اعذره اني الي رفضته بس تعلمت على
تعامله بلطف وحنيه صارت عيني على بيته اكو اثنين واكفين جفلت عرفته واخد منهم فرات سحب الي بصفه وكعده
رن موبايل بنفس اللحظه دحكت رقم فرات نزلت كعدت على بلوكه وجسمي يرجف شلون نسيت ضوه البلوجكتر على بيتنا دك اكثر من مره يلا رديت جاني صوته
فرات:: احمم الوو
-... ال.. الوو
فرات:: شكو صاعده على سطح تره اليوم سويتنها بلا ملح صدك مو مال واحد ينطيجن مجال شكو فاطمه
شكو واكفه موو تشوفين العامود بسدكم والضوه
مشتغلل روحي ناميي شكووو كاعده شافج ليث شسوي هسه والله لا حول ولاقوة الابالله لا توايجين
رحممممه للانبياااء تره اليوم حررركتي گلبي وزياده
-رديت بزعل كتله
-شبيكم اليوم عليه كلها ياهو الزعل وعاط عليه تره مو بس
اني كلهن موجودات وضحكن وراحن للزفه لو بس اني تقهروني وعلى كد ايدكم بس ترزلون بيه مكفخه الكم
زعلت وسديته بوجهه قهروني اخلص من اخوتي يجيني فرات ذبيت الموبايل وتمددت بسد مهى جريت الغطى ونمت....
✿مروى✿
كعدنه من الصبح لان عدنه خطار لكينه فاطمه كاعده گبل
الكل واكفه تسوي ريوك للزلم وكفت اشتغل وياها ومهى
خطيه ما قصرت من البارحه وهي ما كعدت تساعدنه
كملنه تحضير الريوك وطب معاذ عبالنه ياخذ الاكل صد على مهى وهي حتى ما اهتمت رادت تطلع من المطبخ وصاح بيها
معاذ:: هييي شبيج ناكلج
مهى:: شتريد وليش تحاجيني هاا ترضى اخوتي يحاجون وحده من خواتك وبعدين لا تكول هيي
عندي اسم ما عنده شغل عمل غيري عوفني يا اخي
معاذ:: عابت هل السان جنج امج ما واحد يسلم منها
-لا تغلط على امي ما اسمحلك
معاذ:: كافيي عاد امشي اخوج بالباب ينتظرج
فاطمه:: يااا ليش مستعجلين خليها تتريك من بعد بيتهم
معاذ:: والله حجينا ابتلينه هذا ابن خالج ما يتفاهم
-راحت مهى بدون ما تناقش لبست عبايتها وطلعت ضجنه
هسه لو متريكه بس نعرف هاي سوالف امها وست رحاب
قليل تشتغل من انخطب لهسه يلا حايره بروحها اخذ معاذ
الريوك واحنه هم صبينه للنسوان نسوان عمامي من الصبح يمنه بحجت يباركن للعرسان للعشره يلا طلعو العرسان من بيتهم طلعنه بالحوش نستقبلهم وتلكتهم فاطمه بالهلاهل وجهاد يخزرها ولا يمها بس دخلو الاستقبال ام ليث هم هلهلت وجهاد عيونه بالكاع ما رفع
عينه ويتشكر منها كلنه عينه على امي وايدنه على گلبنه
لا ما تسلم على ريام على الاقل جدام الخطار بس ما فاد
جت وحضنت جهاد وسلمت من بعيد على ريام وسلمو
فاطمة وره ما حظرت ريوگهم اترخصت من ام ليث
فاطمه:: من رخصتج خاله ومن رخصت الموجودين
عرسانه تفضلو حتى تتريكون بالغرفه ينتظرونك عريسنا
جهاد:: من رخصتج خاله ام ليث وجيتج هاي هي الي كملت فرحتنا وانت تدرين مقامج من مقام الوالده
ام ليث:: بعد عيني يا يمه فدوه لطولك شايفين الخير
بجاه الحسين ويوم ان شاء الله اشوفكم و ابنك بحضنك
جهاد:: ههههه الله يسلمج خاله ان شاء الله يوم للولد
وتفرحين بيهم
-بعد گلبي اخذو راحتكم
مروى:؛ طلعو واني لحكت فاطمه اساعدها بس اختنا حتى
غداها جهز واكفه جاي تصب جاي واني وصاح جهاد علينه
جهاد:: ما تجووون فااطمه
فاطمه:؛ هاا هاا رايد شي عيوني
جهاد:: ما تجن تاكلن شنو وحدنه نتريك
فاطمه:: يبوو جهاد هو ظل ريوك بس غير
انتو عرسان تريگ الف عافيه يروحي انت
ريام:: عوفها جهاد فاطمه يلا حايره تسهر وتتريك ويا بنات السيد هي خواتك خلي نتريك وحدنه شكو تصيحهن
-هههههههه
فاطمه:: هههههه عود زعلانه غير انتي العروس بس تره
اني ولا سهرت السهرن تبارك ومهى ازعلي عليهن
مروى:: اي والله صار عدهن صديقات غيرج اني وفاطمه
ما نبدلج وانوب صرتي ابنيتنا وجنتنا شعدنه غيرج عمري
ريام:: شووف هذن الخوات الكفوو ارضي بس عليهن
جهاد:: هاي هي تأمرين اكلي يابه حتى نروح انشوف خطارنه
ريام:: غير تستأذن مني يجوز ما اقبل
-لا بالله
ريام:: وداعت جدك عبدالله جهاد لازم تحسسني اني مسيطره لا تشمت البنات بيه على الاقل جاملني جدامهن
جهاد:: خوش يابه يلا الف عافيه انتي خليج ويا خواتج
واني هم اروح اشوف خطار واخوتي شيسون ما يسون
مروى: طلع جهاد وكعدنه نسولف ويا ريام ويانه طبيعيه
ولا عبالك عروس بس من جن البنات استحت وطول
الوكت وعينها على الباب تنتظر عمتي الي صدك استغربنه
ما جت لا هي لا البنات شويه وترخصو بيت السيد وشكد
رادو منهم يبقون على الغده ما قبلو وكالو على عرس حسين يجون ودعناهن ورجعنا ما بقى عدنه بس عمتي
امل الي طول الوكت كاعده وتذب بحجيها وتوز بأمي
كاعدين كلنه ودخل ابوي و الولد ريام جانت كاعده بسد
جده فرحه يسولف من دخل ابوي ارتبكت وكفت كوه سلمت وهو ما ادري ليش حتى ما يدحك عليها بس سلم
عكس امي كعد جهاد ضايج مدري شبي واستلمه زياد گاله
زياد:: يابه شتشوف جهاد مو وجهه طالع علزواج
معاذ:: ولك ما لحك دصبر على الاقل اسبوع
زياد:: لا لا هذا خما علاج اسبوع يلا يبين تأثيره
-هم صدك لا عاد جهاد امبين عليه صدك محلوو
زياد:: اگوول مرت اخووي عجبج البيت كله مني
تره افلوسي كلهن حطيتهن على صبغ بيتكم
ريام:: حلو عاشت ايدك
زياد:: والفلوس جاي اكولج صرفت فلوسي اشرلي لزلمتج يبحبح منا منا اني هم طالب وراي مصاريف
جهاد:: سوده بوجهك لو ما اني دفعت الفلوس
زياد:: لا ما يصير مو جدام العروس تفشلنه بيني خير
مروى:: ظلو يتشاقون وگبل الغده راحو جهاد وريام لبيتهم
لان تريكو متأخرين ما رادو اكل صبينا الغده وكعدنا ناكل
-ضحكت ام گلب ما تكدر تظل زعلانه وصلنه نص الطريق
وشغل فرات أغنية وكفو السيارت يم منطقه مفتوحه
ونزلو الشباب كلهم وكامو يدبجون نزل فرات اخذولهم
شويه وصاح بيهم زلمه جبير بالعمر رجعو صعدو وفرات
بس صعد شغل اغنيه ام ثوب احمر نص اردان مالت قاسم
السلطان ويغني وياها ومندمج اني ومهى اثنين دحكنه على فاطمة لابسه فستلن احمر وهي عرفت يقصدها والله خدودها صارن حمر وادحك صوته حلو يدحك بالمرايه ويغني رفع صوته من المطرب كال
يالحلو يالحنطاوي.. طولك مدفع نمساوي
كلبك مستشفى اليرموك وبها طبيب يداوي
يام ثوب احمر يابنيه يام خدوده الوردية
ادعي من الله اتانيني وبلجي تحنين عليه
سكت وظل بس الأغنية من وصل يم هذا الكلام رجع يغني
ويا المطرب وصوت الأغنية عالي بحيث كل من يمر سمع
يغني وكن يقصد الي يكوله وعيونه ما نزلت من المرايه
خاصه من گال
فرات:: يا حليوه هونج هونج بس ردنه نكول
شونج لو حبيتينه نص ياونج بعد الروح و ريه
فاطمه مدنكه وخجلانه وهو ولا يمه رايح مسلطن
وصلنا للبيت ونزلنه ركض حتى نشوف عروستنا ريام
♔ريام♔
بعد الموقف شجعت روحي لازم انسي واعيش حالي حال
البنات وكلام جهاد يدك براسي اني متلي ذنب ومو منبوذه
واحط ابالي بس سعادتي راح اتزوج ونكون عائله مثل باقي
الناس واعيش ويا انسان يحبني واكفه جدام المرايه بدلتي
شعور ملخبط توتر وخوف ونفس الوقت فرحانه اني راح
يصير عندي عائله زوج وبالمستقبل اصير ام فاطمه الي
ما اعرف شحجي على وكفتها الي من اول ايام تجهيزاتي
وياي اخت وصديقه ولا عمتي الا يجوز لو امي موجوده
ما تكفلي وتفرحلي هيج خلصت مكياج والحجاب اني
ردته لبسني العبايه من وصلو دخل جهاد ما ظلينه اخذني
وطلعنه وساعدني اصعد السياره صعدت عمتي وجهاد
من الطرف الثاني واني شكد ما مخطين وجهي اختنكت
ماصدكت وصلنه ساعدني انزل وصوت الهلاهل وجكليت
كل شويه تنركع براسي خرب حظي جتني البجيه انوب بس
وخرن البركع عموني بالبخاخ مالت الاعراس وكعدنا ادحك
كل شويه وجت وحده وطگتني لعب حتى روحي نسيت نفسي عروس ايدي بيد جهاد اريد احجي هو ما مهتم تالي
نبتت اضفري بأصبعه دار عليه نزل راسه قريب مني وكال
جهاد:: خرب يومج ولج شبيج
-راح اظل كاعده اهناي لليل
دحك عليه وضحك ما افتهمت قصدك السخيف
جهاد:: ميخالف اذا عاجبج نروح لبيتنا هسه
ريام:: توه ردت احجي لان فتحت عيوني عرفت قصده
وهو جر ايدي ودار وجهه و يهمس درت وجهي على
الناس يمه شو هذا هيج يفكر شويه وكام طلع واني
ظليت افكر شلون انهزم لو انام واخلي لو افكر اقفل
الباب عليه يمكن ما ظلت فكره براسي ما فكرت بيها
جت فاطمه تضحك وياها بنات اول مره اشوفهن گالت
فاطمه:: عروستنا هاي بنات سيد محمد اكيد عرفتي
حسين وزياد دائما يسولفون بيهم ومن البارحه هم خطارنه
ريام:: هلا بيج حبيبتي
هبه:: الف مبروك ان شاء الله الذريه الصالحه
-حبيبتي شكراً يوم الكم ان شاء الله
رقيه:: حددي يوماً النه تنزوج نخلف
ريام:: هههه الي ما متزوجه تتزوج والمتزوجه تخلف
فاطمه:: هههههههه خوش دعاء
ريام:: سلمن وراح واني جلبت بفاطمه تعبت من الكعده
لوره المغرب يلا كومني للبيت والبنات الحيواناات بس
دخلني وسمعن بالعشا انهزمن وعافني بس فاطمه ظلت
كعدت على الجربايه شكد حلو مرتبين الغرفه التهيت
ويا فاطمه نسيت السالفة وهي وكلامها الطيب بس خربتها
عمتي سهام ونسرين وغيرهن دخلن عود يسلمن وتفاجئت
من حجيهن ولا يستحهن عود وحده من عمات جهاد حجيها فشك كله بالخط العريض والله خلتني ارجف كل شويه وتغمزلي وتذب حجايه اخذتها عمتي سهام وطلعن
فاطمه:: ما عليج بيهن هذا الحجي كله جذب لا تفكرين
بحجيهن هاي ليلة العمر وجهاد يحبج فكري بس بهاي
ماكو واحد يأذي الي يحبه والزواج مو شي يخوف انسي
هذن رادن يخربن عليج ديري بالج تسمعين منهن خوش
ريام:: هزيت راسي وظلت فاطمه تنصح ساعه اقتنع ساعه
الخوف يسيطر عليه رتبت مكياجي ونزعتني الحجاب واني
بس افكر اذا اريد انهزم شلون الحك البس حجابي وبدلتي
شلون امشي بيها افكار غبيه بس مقتنعه بيها كل الي بالي
الذهب الابسته ابيعه واعيش بي وبعدين اجي ارضي جهاد
ونرجع أصدقاء فزيت على صوت الدفوف واصواتهم طلعت
فاطمه واني وكفت استعداد عبالك توترت دكت الدف بگلبي
اسمعهم من يدكون بالدف ويصلون على النبي شعور غريب
يرددون...
اللهم صلي على المصطفى نبي الرساله وبحر الصفا
اللهم صلي على الهاشمي نبي الرساله ابا القاسمِ
اللهم صلي على المصطفى نبي الرساله وبحر الصفا
-دخل جهاد وسد الباب وهمه بعدهم ينشدون شوي وراحو
اني ظليت على وكفتي وهو واكف ويدحك مبتسم تقدم
وكف گبالي وعيونه تحجي فرحته حتى اني نسيت نفسي
نزع شماغه وخلاه على راسي وسحبني باس راسي من فوك
الشماغ وهمس..
-يا احلا من شافت عيني يا طفلتي المدلله الي بقيت
سنين انتظر تكبر وتعذبت لحد ما لكيتها ما مصدك
روحي بيوم الكل صدك موتج گلبي ما رضى يصدكهم
لان بنته وسلطانته اميرته المدلله ما تعوفه ريام
وكفتج گبال عيني وبدلة العرس اشبه بحلم او معجزه
شفتي رغم كل هاي المشاكل صرتي الي مرتي وحبيبتي الله يقدرني واسعدج ولا يرحمني من وجودج
-دنكت خجلانه من كلامه وگلبي فرشات وهو حس عليه
جهاد:: تعالي نصلي البسي شي على رأسج وهذا باب الحمام توضي وتعالي انتظر نبدي حياتنا برضى الله
-هزيت راسي واخذت الملابس الي حظرتهن فاطمه ودخلت
كوه ذبيت البدله ولبست الملابس وتوضيت وطلعت حايره
ومستحيه بس هو زين ما رفع عينه عليه سحب العبايه من
الزاويه وجان اكو شال هم لفيت راسي وهو وكفت جان فارش المساجد وكفت وراه وصلينه احس ارتاحيت من
سمعته يدعي كام وكمت اني كوه عليه ذبيت العبايه
واشجع روحي بكلام فاطمه وعمتي كعدت على الجربايه
وهو كعد بسدي لزم ايدي وبدا يسولفلي على ايام گبل
ورجع يسولفلي على حبه الي سحب راسي باسه......
جانت ليله من العمر مع انسان حنون وعيشني حب وحنانه
خلاني انسى كل الخوف احتواني بكلماته وتعامله الراقي
وصرت مرت جهاد حاطه راسي على ايده ونمت واني الفرح
والابتسامه على وجهي نوم بعد شعور بالامان والحب...
يتبع......
تبارك:: خرب حظج ولج شتخلفون بزازين هو انتي جمالج
كافي انةب ماخذه سيد واحلا واحد باخوته وين امج تدعيلي يصير عندي هيج عايله واهم شي يطلع سيد
-هههههههه
هبه:: شمدريج دعاء امي هو الي انطاني رجال
-عجل دعائي وهو هذا ما يجيبه بس دعاء ليلة القدر
-هههههههه
رقية:: هههههههه والله عليج سوالف عمي ناخذج لحيدر
تبارك:: دحكي المن انطتني هذا جنه فرات شكله حلو بس
اذا تعصب يشوفج الموت ويرجعج للحياة لا اريده رومنسي
زينب:: هههههههه يااا وين اكو سيد و رومانسي وين لكيتيها
تبارك:: لا تسدين نفسي خلنه اندحك خرب احلاهم اخوي
مهى:: هااا سكتت تبارك والله اخوتي احلا الشباب كلها
فاطمه:: دمشن امشن ننزل فضحتنه واكفات وتتخيرن
بالشباب ولا واحد حلو بيهم يلا ننزل احسن ما نترزل
-نزلنه وكعدنهويا العجز لكيناهن كل وحده منهن متذكره
ايام عرسها وطبعاً عمتي ابتسام استلمتهن تسولف على
زواجها وشلون جدي ما راضي وعمي احمد مكاون الكل
وماخذها كل شويه وكالت حارب الدنيا واخذني ههههه
حتى بناتها شكد ما تحجي بيها حافظاتها للسالفه ظلينه
لل12 ونص اخذت موبايل جديتي ودكيت على فرات
-الووو ها جده
مهى:: هاي اني مهى
فرات: هلا گلبي كولي
-يعمري انت اني بيت عمي احمد تجي ترجعني امي ورحاب
من زمان رجعنه واني جيت ويا البنات وهسه اريد ارجع
-يلا اگفي بالباب جايج
مهى:: سديته ورحت اخذت عبايتي وكفت انتظر فرات
انفتح الباب واني عبالي اخوي جريت الباب وصار معاذ
بوجهي رجعت وره وهو دخل محد بالحوش كلها دخلت
تنام صفن بوجهي مستغرب وكفتي واني لابسه العبايه
معاذ:: شكوو واكفه اهناي شنو مطروده
-ما عليك اريد ارد لبيتنه
-انتي شبيج السانج ليش هيج صاير والله اكسر راسج
-معاذ عوفني مو كل ما تشوفني تغلط عوفني يا اخيي
معاذ:: خوه تكسر اعضامج لا تكولين اخي لا اطيح حظج وحظ خوتج وتره صابر وطول خلگي وياج بس..
-لا بس ولا شي يلا روح مناي لا يطلع احد يشوفك واكف
يمي لا تجيبلي سالفه ما ناقصه اني وين ظل فرات
توه راد يحجي وطلعت فاطمه شافتني محتركه من العصبيه
وهو بس يريد يكاون دفعته حتى يروح لبيت جهاد كوه راح
وهي رجعت يمي تحجي عليه لان اكاونه واني اغلط عليه
فاطمه:: ولج السانج شبيج هاي تظلون هيج كل ما تتشاوفون تتعاركون مو عيب تغلطين عليه يصير هيج
-فهمي لا يحاجيني يقبل هسه اخوتي يحاجون وحده منجن
فاطمه:: ديلا عمي يلا اني احاجي هسه تسوي اخوتها ملائكه وانتي وين تريدين تظلي باتي وهو باجر العرس
-لا ارجع علمود ملابس هم غير مره عود يجوز باجر ابات
-براحتج حياتي
مهى:: ظلينه نسولف تاخر فرات شكد رادت ادخل للبيت
ما رضيت دك الباب فتحته صار بوجهي فرات مبتسم طلعت
ما انتبه لفاطمه ولا رفع عينه عليها هي سلمت عليه وگالت
فاطمه:: فرات شلون صارت ايدك
فرات:: يلا بويا امشي
افتهمته ما يريد يحاجيها طبت و سدت الباب بقوه رفع عينه على الباب متفاجئ وعرفها انقهر وزعلت ظل واكف الا اني
سحبته حتى نمشي وكل كل شوية يلتفت وكفنه بنص الساحه اريده بس يمشي يمسح بوجهه انقهر عليها من تصرفه وگال
فرات:: اني ليش هيج سويت هذا تصرف مهاوي ترجعين تشوفينه اني اكفلج بالباب شوفيها وتعاي
مهى:: مو اخوها ينتظرها تره ظلت واكفه من وراي
فرات:: يلا امشي
-بس وصلني وراح لبيته بداخلي احجي ادري شبسرعه تندمت شو اني جاي ادوس ابطن معاذ ما اتندم انت شبيك
❀ريتاج❀
كعدتنه امي من الفجريات نظفنه بيتنه وريام بعدها الجذابه
الليل كله انام واكعد الكاها تحجي ويا جهاد وتكول لعب بعقلها احلف عليها هي الي لعبة بعقله ولا جهاد يحب ويتزوج ادحك عليها شلون نايمه برائه انوب من حفت حواجبها غير صارت تموت ما تحملت چطيت عليه احبب
بخدوها وهي كعدت تضرب بيه حتى اعوفها واني اكرص بخديداتها...
-يماااا شلوون اخدود يمه فدوه وفداوي
ريام:؛ ولج عوفينيي يا خبله اخخ مو هيجج
-عسللل والله عسللل احلا عروس بالدنيا
ريام::طيحتي حظ العروس وانتي تخلين بيها عروس
ريتاج:: والله مو صوجج غير احبج وكزكزت عليج
ريام:: هههههههه ولج ما نايمه هسه تجيني فاطمه
-رفعتلها حجابي اركص بي ليش عيني ما نايمه
-انجبي هو اصلا كل عروس ما تنام تظل تفكر بمستقبلها
رباب:: قصدج تظل تتغزل بزوجها هههههههه
ريتاج:: ههههههه
ريام:: انجبن
ريتاج:: جهاد خفت عليك اوويي
رباب:: غير متت خوف لو صاير عليك شي امووت ما اتحمل
ريام:: جذابات ما كلت هيج ولن تره ازعل وين عمتي
ريتاج:: هههههههه استحت عافتنه وانهزمت وامي صاحت
بينه لل9 ونص راحن امي وريام وفاطمه للصالون ويا وسام
واحنه كملنا تعزيلات وجيه حسين اخذ الجنط وانطاهن
لزياد ودوهن لبيتهم واحنه اخذنه ملابسنه مالت العرس
بجطنه نبدل وره الغده لبسنه فساتين عاديه ورحنه للبيت
خالي طبينه للبيت وصوت الأغاني ومن بداية الشارع ينسمع عفنه غراضنه على صفحه وكفنه نركص ونصفگ
وجتنا عمتي سهام تحجي ترزل بينه لان نركص گالت
سهام:: يمه شكو تمركصن ادبچن هذا ركص شنو
ريتاج:: وشنو الفرق يا عمه بس لخاطرج تأمرين انتي
-عفية يمه يلا تونسن بنياتي
-راحت عمتي ولزمنه الدبچه دحكت بنات السيد واكفات
عفت الدبجه وكفت يمهن حبيتهن سلمت وكفت احاجيهن
شنو مخلصات دراسه لو بعدجن
هبه:: اني ثاني مرحله كليه
زينب:: اني هاي السنه اتخرج
-وانت رقرق
رقية:: هههههههه لا اني ثالث مرحله
-اووو كلجن اكبر مني انوب بنات السيد بعد وه مروه نحترم
زينب:: ماكو فرق حبيبتي اكول شوكت تجي العروس
:-والله ما ادري بس هنه حجزهن ب11 والزفه كالو العصر
رقية:: تروحن بالزفه لو ما يقبلون
-طبعاً نروح هو احلا شي بالعرس الزفه تصير تعالن ويانه
هبه:: خلي اخابر ليث واكوله نروح وياكم شتكولن بنات
زينب:: اي كوليله بس عايني مو تلحين ويزعل والحسين
يذبحج لان كاعد ويا الزلم راسلي بالاول اذا قبل نروح
- ضحكت ما مهتمه ودكت عليه وكفت على صفحة
هي حلوه وكصيرونه ملابسهن شكد حلوه ولا حاطات
قطرة مكياج ظلينه نسولف وصاحونه علمود الغده
غدونه من وكت تغدينه واني عفت كل شي وركضت
ابدل وارتب بنفسي وره شويه كلهن التمن بغرفة البنات
حتى زينب خواتها ومحد منه حط مكياج شكد جان بنفسي
بس احترمت روحي وحتى هم لا يحجون على روحتنا للزفه
كملت وطلعت بالحوش واكفين الولد ويا عمتي سهام شكد
يضوجن خالاتي حتى لو من غير ام بس يبقن عمات لا وكفن
صفكن لا دبجن على الاقل تلكن ابن اخوج بهلهوله طب
جهاد يبدل ويا فرات ومعاذ وزلمه شاب ما عرفته مشى وهو
يحجي على ولد لان سادين باب بيته الخارجي وهو طب وسام جلبت بي اريد حتى اتأكد منه انروح لو لا وهو بس يريد يتلفت مني
وسام:: شبييج ولج ومو مناي الولد
-انت وعدتني نروح بالزفه
-شكو شكو رايحات كلها زلم اكعدن هنه نجيبها ونجي
بعدين مو عيب عليجن تحظرن زفت اختج يلا ولي
-هااا هاا عيب عجل وانت اكو واحد يزف اخته و اكوو...
وسام:: يمعوددده اوديج بس خليني اروح
-يلا روح
عافني وطب لبيت جهاد واني ركض اخذت عبايتي والبنات
كلها التمت يمي فرحة من البنات وافق اخوهن يجن
سألت مروى على كوستر دائماً يأجرونها كالت
مروى:: خيه ما قبل جهاد وفرات كايل بسيارتهم ومو كلها
تروح عاد احنه هسه سألت زياد كال توزعن بسيارات الولد
مهى:: منو تجي وياي راح اروح ويا فرات
ريتاج:: اني اجي تجن بنات
مروى:: اني ورحاب نروح ويا معاذ ويانه خاله سهام
رباب:: واني وتبارك ويا حامد ويانه خاله امل وواحد من الولد
ريتاج:: عجل وانتن بنات تعالن ويانه
زينب:: لا خيه دخيلج اخوي ليث يودينه كوه اقتنع
مروى:: اهم شي تجن هسه تشوفن شلون تتونسن
رقيه:: ان شاء الله متشوقه والله كلش
ريتاج:: واكفين ننتظر صاحو بينه حتى نصعد صعدنه اني
ومهى بسيارة فرات وگبالنه سيارة العريس واكفه ننتظر
يطلع مروى وتبارك بس طلع ودكنها بهلهلوله وهو يخزر بيهن بعده ما حاجي وجت عمتي ابتسام وهلهلته وطشت
جلكيت وهو مثل التفاجئ دنك على رجلها وجدام الكل
حبه وهي جرته تحبب بي وتباركله وصار الهلاهل بفلس
ما تعرف منو يهلهل صاح بيهم خالي حتى يمشون صعدو
واشتغلت الاغاني والهورنات فرات مشغل اغنيه عريس وربعه يزفونه هو وسام الي كاعد يمه ولا عبالك بنت عمهم
العروس احنه ماخذات راحتنه نصفك والمكان جبير ردت
اطلع ايدي من الجام بس ما يفتح قافله من يمه الدكمه
ردت من مهى بعدين خفنه يعيطون بينه سكتنه وصلنه
الصالون ما رضو ننزل ظلينه كاعدات بالسياره بين ما طلعو
العروس غير طارت روحي بس اريد اشوفها بس وين مغطينها والعبايه فوكاها مدري شلون تمشي لازم بيدها جهاد صعدو العروس ومدري شبيهم ننتظر بفرات ووسام
واكفين ويا جهاد وفاطمه مدري شبيهم عافوهم وسام وجيه يضحك صعد هو من جوه لجوه يضحك شفت فرات
وفاطمه جو صعدت فاطمه وضربت الباب بقوة كسرته
وهو بس صعد فرات امبين كابه بينهم للستار دار علينه وكال..
فرات:: بنت الاوادم هو هيج تركعين الباب
فاطمه:: بكيفي محد طلب منك تجيبني وياك
فرات:: فااطمه ورب الكعبة اذا لا حول ولاقوة الابالله
فاطمه:: واذا شنو هاا هسه انت شنو اني حاجيت اخوي واحجي بكيفي ليش تدخل بيناتنه هاا
فرات:: يعني حظرت جنابج موگفه الزفه لان ما عاجبج
تصعدين وياي شنسويلج ناكلج وهاي البنات وياج بعد شكوو
-سكتت فاطمه وتمسح بدموعها خلتنه واحد صافن بوجه
الثاني مدري شبيه ودحكت فرات عيني بالمرايه يدحك عليها
فرات:: احم عمي ماكو شي يستاهل تبجين عليه هسه ليش تخربين فرحتج باخوج امسحي دموعج يابه خلي نشغللكم
شي شتكول وسام هو كل يوم معرس جهاد خلي نفرح بي
وسام:: حجيك ذهب ابو علاوي ديلا يا خويا عليش زعلانه
مهى:: يلا فطوم لا تظلين زعلانه واحنه ننتظر فرحتج
وتالي تكضينها بجي لخاطر جهاد وريام ما يستاهلون
نفرح بيهم عمري انتي امسحي دموعج وفرات شغل أغاني
فرات:: تدللن