RTA Pashto - ملي راډیو تلویزیون
د افغانستان ملي راډیو تلویزیون د هېواد، سیمې او نړۍ د تازه او دقیقو پېښو کره مرجع
https://youtu.be/dkZKC5w-Ewg?si=7iH-BtGaSSdcdcSq
د کرنې، اوبولګولو او مالدارۍ وزارت د کرنې او مالدارۍ مرستیال مولوي صدراعظم عثماني د ملګرو ملتونو د مخدره توکو او جرمونو پر ضد دفتر (UNODC) له استازو سره په کتنه کې له نړیوالې ټولنې غوښتي، چې د افغانستان په اړه د مخدره توکو پر وړاندې د مبارزې ژمنې عملي کړي
نوموړي زیاته کړې، چې د اسلامي امارت له راتګ سره د کوکنارو کرکېله صفر ته راټیټه شوې، خو نړیواله ټولنه لا هم د بزګرانو لپاره د بدیل معیشت او بنسټیزو کرنیزو فرصتونو برابرولو کې پاتې راغلې ده.
د (UNODC) استازو هم د بزګرانو د ملاتړ اړتیا تایید کړه او ژمنه یې وکړه، چې د کرنیزو محصولاتو لپاره به بازار موندنه او بدیل فرصتونه رامنځته کړي.
#مليتلویزیون
لنډ خبرونه؛
د اسلامي امارت زعیم عالیقدر امیرالمؤمنین حفطهالله تعالی د عامې روغتیا وزیر مولوي نورجلال جلالي په ملتیا کندهار کې له میرویس روغتون څخه لیدنه کړې.
#مليتلویزیون
مسیر؛
د سیاسي چارو شنونکی ادریس محمدي ځاځی وایي، چې د اسلامي امارت څلور کلنې لاستهراوړنې د شلو کلونو په پرتله بېسارې دي.
#مليتلویزیون
د ترانسپورټ او هوايي چلند وزارت د هوا پېژندنې ریاست نن (یکشنبه، د چنګاښ ۱۵مه) د هېواد په ۱۷ ولایتونو کې د تېز باران، تالندې برېښنا، تېزو بادونو او سیلابونو راوتلو اټکل کړی.
یادو ولایتونو کې بدخشان، نورستان، کونړ، ننګرهار، لغمان، کابل، کاپیسا، پنجشېر، پروان، لوګر، غزني، بامیان، میدان وردګ، زابل، پکتیا، خوست او پکتیکا شامل دي.
#مليتلویزیون
د هجرت درد | مستند
سېشنبه ماښام ۷:۳۰ دقیقې له مليتلویزیون او زموږ له ټولنیزو رسنیو څخه!
#مليتلویزیون
نن یکشنبه د کابل په بازارونو کې افغانۍ د ځینو بهرنیو اسعارو پر وړاندې په دې ډول بدلېږي.
⬇️
#مليتلویزیون
د امر بالمعروف، نهی عن المنکر او شکایتونو اورېدلو وزارت وایي، چې محتسبینو یې د لوګر ولایت په خوښي ولسوالۍ کې د یوې نجلۍ په بدو کې د ورکړې مخه نیولې ده.
د یاد وزارت په وینا؛ دغه نجلۍ د قضیې د خلاصون په موخه د مقتول کورنۍ ته ورکول کېده.
#مليتلویزیون
د کډوالو او بېرته راستنېدونکو چارو وزارت وایي، چې تېره ورځ (شنبه، د چنګاښ ۱۴مه) د پاکستان له زندانونو ۲۰ افغانان ازاد او هېواد ته راستانه شول.
د یاد وزارت په وینا؛ ازاد شوي افغانان د قانوني اسنادو د لرلو سربېره نیول شوي وو.
#مليتلویزیون
د بهرنیو اسعارو په ځانګړي ډول د امریکایي ډالرو پر وړاندې د افغانۍ ارزښت د پام وړ لوړ شوی دی.
د افغانستان بانک د اسعارو بیو د جدول له مخې، نن (یکشنبه، د چنګاښ ۱۵مه) یو امریکایي ډالر د کابل په بازارونو کې په شاوخوا ۶۹ افغانۍ بدلېږي.
د یادونې ده، چې څو ورځې وړاندې یو امریکایي ډالر په شاوخوا ۷۰ افغانۍ بدلېده.
.
#مليتلويزيون
د ننګرهار ولایت په ګوشتې، لعلپورې، نازیانو، مومندرې او ښېوې ولسوالیو کې د شدیدو بارانونو او سېلابونه له امله خلکو ته درانه ځاني او مالي زیانونه اووښتي.
د دغو اورښتونو او سېلابونو له امله دوه ماشومانو ژوند بایللی، ۵ زره جریبه کرنیزې ځمکې سربېره ۲۸۰ کورونه هم تخریب شوي دي.
#مليتلویزیون