ارواپوهنه اؤ فلسفه

دا هم د غریب سړي نښه ده، چې جیب کې له پیسو د نورو د کاروبار له کارتونو ډک وي.
🙏🏻
😁
#همکار

که غواړې په ژوند کې بریالی شې، نو دا اصول خپل کړه/زده کړې…
۱. پر وخت ویده کېدل او پر وخت راویښېدل: د ښه ژوند بنسټ ښه ورځنی نظم دی.
څوک چې د خپل وخت ارزښت وپېژني او سم یې وکاروي، د بریا نیمه لاره یې وهلې ده.
۲. د لمانځه پابندي
لمونځ یوازې عبادت نه دی، بلکې د زړه سکون هم دی.
څوک چې له الله تعالی سره خپله اړیکه ټینګه کړي، د ستونزو پر مهال هم پر خپل دریځ قوي پاتې کېږي.
۳. د نن کار نن ترسره کول
د کار سبا ته پرېښودل د بریا له سترو خنډونو څخه دی.
کوچني کارونه پر خپل وخت بشپړول، د لویو بریاوو بنسټ جوړوي.
۴. لږ خبرې کول، ډېر اورېدل
هوښیار خلک هر وخت نه غږېږي، بلکې زده کړه کوي.
د نورو خبرو ته غوږ نیول، هم پوهه زیاتوي او هم تجربه.
۵. د خپلې روغتیا ساتنه
ناجوړه روغتیا لوی خوبونه نه شي پوره کولای.
هره ورځ لږ ورزش او سالمه غذا کولی شي ژوند مو بدل کړي.
۶. له بې‌ګټې ملګرو او منفي خلکو څخه لرې اوسېدل
هر هغه څوک چې دې ملګري وو او رښتنې وو نو هغه غوره دی ځینو ته ښه ملګري تر خپلوانو هم ښه وي او ځینو ته خپلوان له ملګرو ښه وي، خپل وخت له هغو خلکو سره تېر کړه چې تا غوره انسان جوړوي.
۷. هره ورځ یو څه نوي زده کول
کله چې زده کړه ودرېږي، پرمختګ هم درېږي.
هره ورځ یوه نوې خبره زده کړه، که څه هم کوچنۍ وي.
مطالعه وکړه خلکو خبرو ته غوږ ونیسه یو څه زده کړه چې هرې خوا وي.
۸. شکر ادا کول
لومړی د هغه څه قدر وکړه چې الله درکړي دي.
الله تعالی د شکر ایستونکو نعمتونه نور هم زیاتوي.
۹. خپل هدف ته پام ساتل
دا مهمه نه ده چې خلک څه وایي.
مهمه دا ده چې ته کوم لوري ته روان یې او څه هدف لرې.
۱۰. هېڅکله هیله مه بایله
ناکامي د لارې پای نه دی، بلکې یو درس/تجربه دی.
ډېر خلک له بریا څخه یوازې یوه هڅه مخکې لاس په سر کېږي.
یاد ولره!
بریالي خلک کومه بېله مخلوق نه دي، هغوی یوازې عادي کارونه په غیرمعمولي ثبات، دوام او ژمنتیا ترسره کوي.
نو تا هم قوي یې خپل هڅه وکړه.
ژباړه همکار

مخکې له دې چې له چا سره بحث ته داخل شئ، له ځانه وپوښتئ: ایا دا کس له فکري پلوه دومره بالغ دی چې د بېلابېلو نظرونو درک او منلای شي؟
که نه وي، نو بیا بحث کول پرته له دې چې ستاسو وخت ضایع کړي، هېڅ بله ګټه نه لري
ژباړه همکار

مېرمن، حکومت او د تېلو بیې
یوه کمزوری مېړه له خپلې چاغې مېرمنې سره ویده و، د خوب پر مهال مېرمن خپله یوه پښه د مېړه پر بدن کېښوده، مېړه څو دقیقې زغم وکړ، خو بیا یې وویل: شهزادګۍ صاحبې! یوه پوښتنه وکړم.
مېرمن وویل: هو، وایه ګرانه
مېړه وویل: ستا په نظر، سړی که یو دم مړ شي ښه ده، که ورو ورو په کړاوونو کې ساه ورکړي؟
مېرمن وویل: یقیناً یو دم چې مړ شي ښه ده.
مېړه وخندل او ویې ویل: نو بیا مهرباني وکړه، خپله بله پښه هم راباندې کېږده، چې کار مې یو ځل خلاص شي!
زما مطلب له کیسې دا وو: له حکومته هم همدا غوښتنه ده چې د تېلو بیې دې هره ورځ لږې لږې نه لوړوي، که لوړول غواړي، نو په یوه ورځ دې یې یو ځل لوړې کړي.
ځکه خلک هره ورځ په لږ لږ ګرانۍ ځورول، د دې پر ځای چې یو ځل یې کار خلاص کړي، ډېر خوندور به وي!
#همکار

عربانو به ویل: له درېیو شیانو څخه ځان وساتئ
د پاک لمن او باوقاره انسان له مینې څخه، د ډارن له برید څخه او د هغه چا له خبرو څخه چې تل چوپ پاتې کېږي.
ژباړه همکار

د نورو د حقونو خوړلو عادت لرونکي خلک هېڅکله هم رښتینی سکون نه شي موندلی، ځکه د هغوی په زړه کې حرص ځای نیولی وي او قناعت ترې وتلی وي.
ژباړه همکار

https://t.me/pashtowrites1

همکار خوستی چینلونه لاندي.
👇
👇

کله چې د سقراط د اعدام وخت راورسېد، خپله مېرمن یې ولیده چې ژړل یې، ورته نږدې شو او ویې پوښتل:ګراني، څه شي دې ژړوي؟
مېرمن یې په ژړا کې وویل:په ظالمانه ډول به ووژل شې.
سقراط وویل: یعنې که په عادلانه ډول وژل کېدم، نو بیا به دې ژړل نه؟
مېرمن یې وویل: زما مطلب دا دی چې ته بې‌ګناه وژل کېږې.
سقراط وویل: نو ته غوښتل چې زه ګناهکار وای؟
مېرمن یې د هغه له غېږې ځان خلاص کړ او ویې ویل: خدای دې تر خاورو لاندې کړه، ته خو د مرګ پر وخت هم له فلسفې او منطق نه لاس نه اخلې!
🥴
ژباړه همکار

سړي کولی شي د شپې په ۲ بجو ویده شي او د سهار په ۶ بجو راویښ شي، کار وکړي،
پورونه ادا کړې، یوازینۍ ملګرې له لاسه ورکړي چې مینه یې ورسره لرله،
کورنۍ ستونزې ولري، او نورې ډېرې ستونزې وزغمي…
خو بیا هم د موسکا په کولو سره خپل ژوند ته دوام ورکړي او باور ولري چې یوه ورځ به هر څه سم کړي او همدا سړیتوب دی.
#همکار