Икки-нур:Qurʼon va Hadis

Пайғамбаримиз
🤍
айтдилар:
⏮️
Жума куни ва жума кечаси менга салавот айтишни кўпайтиринглар»
Ким менга бир марта салавот айтса, Аллоҳ унга ўн марта саловот айтади
⏭️
Яъни ҳар бир салавот учун Аллоҳ унга ўн баравар савоб беради.
Саловотни қандай айтиш мумкин?
Узун шаклда:
⏮️
Аллоҳумма солли ъала Муҳаммадин ва ъала аали Муҳаммадин кама соллайта ъала Иброҳима ва ъала аали Иброҳима ва барик ъала Муҳаммадин ва ъала аали Муҳаммадин кама баракта ъала Иброҳима ва ъала аали Иброҳима фил ъаламийн. Иннака ҳамидун мажид
⏭️
Қисқа шаклда: «Соллаллоҳу алайҳи ва саллам»
Эслатма: Салавот доимо Аллоҳ учун ихлос билан, Пайғамбарга муҳаббат ифода қилиш учун ва охират ажру савобидан насибадор бўлиш учун айтилади.
🔵
@quron_vahadis

🌸
Аёл кишидан фарзанд дунёга келтиргандан кейин келадиган қонга ~Нифос дейилади.
⭕️
Нифос холатида аёл кишига намоз ўқиш, рўза тутиш, ҳамда яқинлик қилиш ЖОИЗ БЎЛМАЙДИ.
📌
Хайзни энг кўп муддвти аксар Уламолар наздида~40 кун.
📌
Лекин баъзи аёлларда туғишдан сўнг фақат бир ёки уч кун қон келиб тўхтаб қолади,ўша холатда ҳам 40 кун кутадими?
⛔️
Йўқ, баъзи аёллар бор, туққандан кейин мутлақо қон келмайди, улар ғусл қилиб намоз, рўза ибодатларини қилаверадилар.
📌
Қайси аёлдан 40 кун давомида озми кўпми қон келиб турса демак,
40 чи куни ғусл қилиб ҳар намозга янги тахорат олиб намоз,рўзаларни давом эттираверади.
⭕️
Демак нифосни кўпини муддати~40 кун
❌
Озини муддати йўқ, қачон қон тўхтаб қолса, ўша соатдан ғусл қилиб ибодатларда давом этаверади.
🌸
Ҳар болани эмизганда бисмиллаҳ деб Аллоҳдан фарзанди хаққига дуо қилишни унитмаслик керак.
Ва яна унутманкки Онани ҳис туйғулари, ақли, фаросати, поклиги, тақвоси болага сут орқали сингиб боради.
Кейин қийналмай десангиз болангизга сут орқали тақвони сингдиринг

Хаққа эргашиш осон эмас, чунки унинг натижаси арзон мукофот эмас.
Хаққа эргашиш, унда собит туриш, уни ўрганишлик ортидан келади.
Динга вақт ажратмасангиз, умрингизнинг бир бўлагини унга бермасангиз, борингиз билан дунёга шўнғиб яшасангиз, ҳаёлингизда нима еб-ичаман, нима кийаман, қандай уйда яшайман бўлса, унда сиз фақат дунёда яшайсиз, охиратда эса бундайларга ҳаёт йўқ.
Охиратда яхши манзилга кириш учун бугун унинг ғами бўлиши керак сизда.
Охират диёрида нима еб-ичаман, нима кияман, қаерда яшайман деган ғами бўлмаганга охиратда ҳаёт йўқ.
Кўзингизни очиб, тафаккурингизни ишлатинг.
Етти қават осмоннинг фақат бир қаватини кўриб турибсиз, сиз кўрмаган яна олтита қавати бор. Сиз ернинг устки қатламида турибсиз, сиз кўрмаган унинг яна олтита қатлами бор.
Улар нега бу даражада буюкликда яратилди?
Улар кўр кўзларга нур улашиш учун, кар қулоқларга маърифат етказиш учун, онгларга тафаккур эшигини очиш учун яратилди.
Эй, ўзини мусулмон деб билган инсон, ўйланинг ва ҳаракатни бошланг.
60–70 йилга уй қураётганда, 600 миллиард йилдан кўпроқ яшайдиган уйингизни ҳам қуриб бораётганингизни унутманг.
Тилингиздан чиқаётган сўзлар билан, тўғрилик ёки эгрилигингиз билан, содиқ ёки ёлғончилигингиз билан, ҳалол ёки ҳаром ишлар билан шуғулланаётганингизда сизга охиратда уйлар қурилмоқда.
Бугун бошқани алдаб, эртага содиқлар кирадиган жойга кираман деб ўйлайсизми?
Ҳаёти дунёда нафсингизга қулдай хизмат қилиб, охиратда Аллоҳга қул бўлганлар қаторида туриб мукофотлар кутасизми?
Бугун ҳатто ҳижобнинг шартларини инкор қилган аёллар эртага Қиёматда Аллоҳ буюргандек сатр либосига ўраниб ўтган Хадичалар билан бирга тураман деб ўйлайсизми?
Бугун қош-кўзини бўяб, ойнаи жаҳонда: «Ё Расулуллоҳ, сизни соғиндик», деб миллионлаб эркакларнинг кўзини қувнатиб, тебраниб, тўлғониб турган аёллар…
Эртага маҳшарда уйларини лозим тутган пайғамбарингиз аёллари сафида тураман деб ўйлайсизми?
Бугун рўмоллар устидан дўппи қўндириб юрган “муслималар” эртага ҳисоб куни, ҳатто тобутдаги жасадини бирор эркак кўришини истамаган Фотималар билан бирга бўламан деб ўзингизни алдаяпсизми?
Эссиз умр, эссиз илм, эссиз сизга берилган фурсат.
Динни ниқоб қилиб, қалблар дунёга тўймайди.
Бутун дунёга танилиб, Аллоҳ даргоҳида хор бўлишини унутган бечора “муслималар”.
Ўзингизни хўп алдадингиз, қалбингизга савол беринг:
Мана шу қилмишларимдан Аллоҳ розими мендан, денгчи.
Агар зарра имон қолган бўлса, қўлингизни тавбага кўтарасиз.
«Аллоҳим, мен ёлғончини кечир», деб фарёд урасиз.
Одамларга панд-насиҳат қиляпманку деб ўзингизни алдаманг, аввало ўзингизга панд-насиҳат қилинг.
Гапларингизда охират, қалбингизда эса кибр тошмоқда.
Ҳаммани эҳсонга чақирасиз, ўзингиз эҳсон еб ётасиз, қарз ёмон дейсиз-да, қарзга ботиб кетгансиз, лекин бурнингизни осмонларга қадаб юрасиз. Ўзингизга айтинг, сиз кимсиз?
Илм олинг, амал қилинг, сўнг чақиринг. Пахтадай “оппоқ” қалбингизни ҳар куни тозалаб, ҳасад илонлари, кибр чаёнларидан поклаб туринг.
Мен ёмон бандангман, мен энг илмсиз, ҳар илм олганим сари жоҳиллигим ошиб бораётган оми қулингман.
Сенинг афву мағфиратингга муҳтожингман, деб ёлборинг.
Сизга ва бизга очилган тавба эшиклари юзимизга ёпилмасидан, Аллоҳ содиқ тавбани насиб этсин.
Тавба қилиш учун эса ҳаққа қалбингизни очиб беринг, кўзингизни Аллоҳ туширган Қуръон нури ила, қалбингизни Аллоҳ юборган Расулининг ўгитлари ила яшнатинг.
Унутманг, ҳар тонгда энг катта ғамингиз:
Қиёматда қаерга бораман, ҳисобим қандай бўлади, у ерда нима еб, нима кияман бўлсин.
Шундагина Аллоҳнинг содиқ қуллари сафида бўласиз, шайтон безаган йўлдаги ёлғончиликдан қутуласиз.
Ҳидоят Аллоҳдан…
https://t.me/Quron_vahadis

«Арбаъин» (40 ҳадис) дарслари ва уларга оид барча матнлар, ПДФ (PDF) манбалар фақат мана шу алоҳида илм каналимизга жойлаб борилади — муборак меросдан баҳраманд бўлиш учун ушбу ҳавола орқали сафимизга қўшилинг.
https://t.me/qirqhadis_ikkinuur

1-ҲАДИС
Амаллар ниятларга қараб эътибор қилинади.
0:02:18 Кириш
0:04:15 "Ҳуш келибсан, эй илм толиби.."
0:06:30
"Олимларнинг обидлардан фазли"
0:08:03 Илм толиби ҳамиша камтарликни қўлидан ушлаб юриши керак
0:10:20 "Кимга Аллоҳ яхшиликни ҳоҳласа, динни тушунадиган қилиб қўяди"
0:12:00 Илм ўрганишдаги қийинчиликларга сабр қилинг
0:15:50
Ҳидоятнинг икки тури
0:24:30 Илм толиби олдига учта асосий мақсадни қўяди
0:29:30 "Аср сураси" ҳақида
0:33:10
Ибн Қаййим
роҳимаҳуллоҳ сўзлари
0:34:15 Ҳокисор бўлинг!
0:37:40
Имом Нававий
роҳимаҳуллоҳнинг ҳаётлари
0:43:50
1-ҳадис
: "Амаллар ниятларга қараб эътибор қилинади"
0:45:30 Ҳадис ровийси
Умар разияллоҳу анҳу
ҳақида
0:46:33
Ният нима?
Амаллар қабул бўлиш шарти
https://t.me/Quron_vahadis

‼️
‼️
‼️
«40 ҳадис» дарслари узоқ танаффусдан сўнг қайта тикланмоқда!
〰
Бу фоний дунёнинг тинимсиз машғулотлари, нафс ва рўзғор ташвишлари қалб ойнасини ғубор билан қоплашга уринадиган бир вақтда, руҳни ваҳий нури билан суғориш ҳар бир мўмина учун нажот қалъасидир.
〰
Мана шу илоҳий шифо ва маърифат булоғидан симириш мақсадида, бугун биз янги бир хайрли мажлисга — Имом Нававий раҳимаҳуллоҳнинг дин устувор бўлган аҳком ва одобларни жамлаган
«Арбаъин» (40 ҳадис)
китобидан илк сабоғимизга асос солинади.
〰
Ушбу муборак илм мажлисимизнинг илк сабоғини Ислом биносининг учдан бири, балки мадори деб эътироф этилган, Мўминлар амири Умар ибн Хаттоб разияллоҳу анҳудан ривоят қилинган
«Ният» ҳадиси
билан бошлаймиз.
❤️
Аёл кишининг борлиғи, унинг оилавий ва ижтимоий ҳаётидаги ҳар бир ҳаракати аслида бир масъулият ва охират захирасидир. Ушбу улуғ ҳадис орқали биз кундалик одатий амалларимизни, фарзанд тарбиясидаги машаққатларимизни ва аёллик бурчларимизни гўзал бир иҳлос ва холис ният воситасида қандай қилиб юксак ибодат даражасига кўтаришни ўрганамиз.
〰
Бугунги илк дарс — фақатгина матн мутолааси эмас, балки қалбларимизни тафтиш қилиш, ниятларимизни Аллоҳнинг розилиги учун янгилаш (таждид қилиш) ва руҳий тарбиямизни юксалтириш фурсатидир.
🕋
Набий соллаллоҳу алайҳи ва салламнинг муборак мерослари вориси бўлиш, ушбу илм мажлисига ёғилажак сакина ва баракотлардан баҳраманд бўлиш мақсадида барчангизни гўзал бир тараддуд билан илк дарсга таклиф этамиз. Раҳмоннинг суюкли бандалари жам бўладиган ушбу файзли мажлисдан асло ғофил қолманг.
➡️
Китоб: Имом Нававий, «Арбаъин ан-Нававия»
➡️
Мавзу: 1-ҳадис — «Амаллар фақат ниятларга кўрадир...» (Янги дарснинг муқаддимаси)
➡️
Вақти: Душанба куни.
Ўзб : 20:00
Макка : 18:00
https://t.me/Quron_vahadis

Сен хақирсан У эса Буюк, сен ожизсан У эса Қодир,
сен фақирсан У эса Бой, сен махлуқсан У эса Холиқ, сен чўрисан У эса Парвардигор, сен мухтожсан У эса бехожат, сен сўровчи-тиланувчисан У эса аътолар эгаси Роббул аърши вас-самават, сен ўлувчисан У эса абадий Тирик Кўриб, Эшитиб турувчи, охирги хисоб-китоб кунигача сени бўйнингдаги арқонни бироз бўш қўйиб турган Махшар майдонини ягона Хукмдоридир.
Сувини ичаётиб эслагин, шукрини қилишинг вожиб!
Ризқини еб унутмагин, шукрини қилишинг шарт!
Бугун ерида турибсан, эртага ерининг тагига кирасан, сўнг Унинг рўпарасида турасан, таёрмисан?!
Қочиб қаёрга борасан, учиб осмонга чиқсанг ҳам осмонлар Уники,
ер тагига кирсанг ҳам ерлар Уники.
У кўрмайдиган Унинг ажал фариштаси топа олмайдиган жойни топишга уриниб кўрчи эй хақир банда.
Ожизлигингни тан олда Унга таслим бўл, шундагина Унинг афу мархамати ила нажот топасан.
Чўнтагингдаги пулинг, тагингдаги машинанг, яшаётган уйинг билан фахрланма, чунки уларни Эгаси бошқадир.
Еб-ичишинг билан кибрланма, қанча инсонлар ичаётган сувининг бир хўплами томоғига тиқилиб ўзини эплай олмай жон бераяпти, қанча инсонлар мақтаниб еган таомлари, ўлимига сабаб бўляпти, қанчани машинаси тобутига элтиб қўяпти, қанчаси саройларида ёниб ўляпти.
Сенга қайси ўлим ёзилганини билмай, мақтанишни қўй.
Қабрдаги саволга жавоб берасанми йўқми билмайсанку, мақтанишни қўй, китобингни қай қўлингга беришади билмайсанку мақтанишни қўй, Сиротдан ўтасанми ёки 70 йил Жаҳаннамга қулайсанми билмайсанку, мақтанишни қўй, махшарда Набийлар билан бўласанми ёки Аллоҳнинг душмани Абу Лаҳаб сафида турасанми билмайсанку, мақтанишни қўй, ўзингни ким эканлигингни, ожиз, фақир, хақир, заиф банда эканлигингни тан олгинда Роббул Аъламинга сажда қил, шоядки сени ёмонлар сафидан яхшилар қаторига қўшса.
https://t.me/Quron_vahadis

Воқеа сураси, 68-74 оятлар
أَفَرَأَيْتُمُ الْمَاءَ الَّذِي تَشْرَبُونَ ‎﴿٦٨﴾‏ أَأَنتُمْ أَنزَلْتُمُوهُ مِنَ الْمُزْنِ أَمْ نَحْنُ الْمُنزِلُونَ
Айтинглар-чи, сизлар ҳаёт кечириш учун ичаётган сувни булутдан ерга сизлар туширдингизми ёки сизларга раҳм қилиб Биз туширдикми?!
لَوْ نَشَاءُ جَعَلْنَاهُ أُجَاجًا فَلَوْلَا تَشْكُرُونَ
Агар истасак, бу сувни на ичишга ва на экин суғоришга ярайдиган ўта шўр қилиб қўйган бўлардик. Сизлар фойдаланашингиз учун чучук сувни тушириб берган Роббингизга шукр қилмайсизми?!
أَفَرَأَيْتُمُ النَّارَ الَّتِي تُورُونَ ‎﴿٧١﴾‏ أَأَنتُمْ أَنشَأْتُمْ شَجَرَتَهَا أَمْ نَحْنُ الْمُنشِئُونَ
Айтинглар-чи, сизлар ёқаётган оловнинг ўтинини – дарахтини сизлар пайдо қилдингизми ёки Биз пайдо қилганмизми?!
نَحْنُ جَعَلْنَاهَا تَذْكِرَةً وَمَتَاعًا لِّلْمُقْوِينَ
Ёқаётган оловингизни сизлар учун жаҳаннам оловини эслатувчи ва мусофирлар учун фойдали нарса қилдик.
فَسَبِّحْ بِاسْمِ رَبِّكَ الْعَظِيمِ
Буюк Роббингиз барча айбу нуқсонлардан поклигини эълон қилиб, Унга тасбеҳ айтинг.
Эй банда, тафаккур қилмайсанми? Чанқоғингни қондириш учун ичаётган сувни сенга ким яратиб қўйди? Уни шўр қилмади, уни лойқа қилмади, унинг таъмини нохуш, ҳидини бадбўй қилмади.
Уни сен банда учун нақадар покиза, мусаффо, гўзал кўринишда, роҳатбахш таъм билан яратиб берди. Шукр қилмайсанми?!
Ўша мусаффо сув билан ўзингни, чорва ҳайвонларингни ва ердан униб чиқувчи ризқингни суғорасан. Агар у шўр ёки зарарли нарсаларга тўла бўлганда, сен ҳам, сендаги бор нарсалар ҳам ҳалок бўлган бўлар эди. Шукр қилмайсанми?!
Қишда ёқиб жон сақлайдиган дарахтларни ким яратди? Шаҳарда уйингни иситаётган газни, машинага ёқилғи бўлган нефтни ким яратди?! Шукрини адо қилмайсанми?!
Яшил дарахт бироздан сўнг қуриган ўтинга айланиб ёнаётганига боққин, у сенга охиратнинг кучли алангасини ва унда гуноҳкор бандалар ўтинга айланиб ёнишини эслатади.
Сен ҳам бугун гуллаб турибсан, яқинда қуригач:
• Ёки оловга ўтин бўласан;
• Ёки жаннатда, ҳурул аъйнлар хизматингда, роҳатда бўласан.
Аллоҳнинг маҳлуқотларига ибрат кўзи билан боқмайсанми?
Устингдаги кийим матосини ердан ундириб чиқарган ким?! Танангда ишлаб турган аъзоларни юргизиб, тартиблаб, ҳар бирига хос вазифа бўлиб бериб, 60-70-80 йиллар ҳаракатга келтириб турган ким?! Шукр қилмайсанми?!
Бошингдаги мия томирларини, танангдаги капиллярларни ишга солган ким?! Сен нафас олаётган ҳавони тозалаб, нафас бераётган ким?! Шукр қилмайсанми?! Гуноҳдан тўхтамайсанми?! У Зот яратган нарсаларни Унга гуноҳ ишларга ишлатишдан қўрқмайсанми?!
Тилингни ғийбатдан, қалбингни ҳасаддан, аъзоларингни гуноҳдан пок қилиб яратган эмасмиди? Нега кирликка ботиб яшашни танлайсан, сен банда?
Нега Роббинг буюрган динни оғир деб биласан, эй банда? Ахир сенга тана, бош, оёқ, қўл, кўз, қулоқ, ризқ, уй-жой, мол-давлат, ёшлик, соғлиқ, офиятни ҳаммаси динга амал қилишинг учун берилганини унутдингми? Кўрмисан, эй банда, кармисан, сен банда?!
Бу қандай кўрлик, ҳавосидан нафас олиб, ризқини еб, сувини ичиб, У берган офиятда яшаб ҳам Уни танимай яшаб шундай ўлиб кетиш мумкинми?
Бутун аъзоларингни ибодат учун берган Аллоҳнинг ибодатидан ўзингни ва ўзгани тўсишга ҳаққинг борми, эй ҳақир банда?
Сен кимсан?
Роббинг ким?