Ravshan Komilovich

Men shunday rafiqam bo‘lishini xohlaymanki, u aynan nima deyishni bilsin. Ruhiy tushkunlikka tushganimda, adashganimda, hammasi ostun-ustun bo‘lib ketganda va halokat yoqasida turganimda... hammasini boy berishimizga oz qolganini his qilib uyg‘ongan paytimda... rafiqamning himoyasi, uning aytayotgan gaplari va men uchun qilayotgan duolari butun dunyo boshimga qulab tushayotgan bo‘lsa-da, hammasi yaxshi bo‘lishiga menga ishonch bersin.
Ba’zilari turmush qurishga rozi, lekin men yomon ahvolda bo‘lganimda nima deyishni ham bilishmaydi.
Bu ko‘ylagi, qomati, chiroyi, qiyinchilik paytida meni yaxshi his qildirmaydi, ochiq-sochiq kiyimi meni hozirgi qiyinchiliklardan olib chiqib ketolmaydi.
Turmush qurib ketaveramizda yaxshi joydan kelsa deyishadi, lekin o‘zlari aslida turmush nima ekanini ham bilishmaydi…
Suhbatdan.

Marketologga turmushga chiqma!
Marketologga turmushga chiqdingmi tamom, endi sen nafaqat odamga, balki uning hamma “proyektlariga” ham qo‘shilib teggan hisoblanasan.
Endi tinchgina ko‘chada yurish yo‘q: yo‘ldagi har bitta bannerni muhokama qilib, 'Dizayni rasvo ekan, targetni noto‘g‘ri sozlashibdi' deb asabingni yeydi. Kechasi bilan uxlamay, 'Kreativ o‘xshamayapti, охvat tushib ketdi' deb kompyuterga yopishib o‘tirishlariga ham ko‘nikasan.
Marketolog bilan yashash bu kutilmagan vaziyatlar degani. Bugun hamma narsa zo‘r, ertaga esa bozor o‘zgarib ketdi, hamma rejani oʻzgartiramiz deb kayfiyati tushib qolishi mumkin.
Ularning ishi soat 6 da tugamaydi. Ovqatlanib o‘tirgandayam kallasida idealar oʻylab oʻtiradi. Kechasi 12 da ham kompaniya egasi bilan suhbatlashib oʻtiradi.
Eng qizig‘i, u bilan do‘konga kirsang ham oddiy narsa sotib ololmaysan. Senga shunchaki chiroyli upakovka bo‘lib ko‘ringan narsani, u “Marketing yurishi” deb bir soat tushuntiradi.
Xullas, marketologga tegish bu shunchaki bir inson bilan yashash emas, balki uning bitmaydigan g‘oyalari, tahlillari va “qanaqa qilib hamma narsani sotish” haqidagi planlari bilan birga yashash degani.

Yaqinda ish boshlagan loyiha uchun suhbatda kelishuv qilish uchun tayyorlangan prizentatsiya.
Prizentatsiya 30% visual taraflama bo'shliqni yopiq uchun ko'rsatiladi, asosiy narsa prizentatsiya ketma-ketligi bo'yicha ko'proq gapirib tushuntirish kerak bo'ladi.
70% mijozni gapirtirasiz / 10% prizentatsiya ko'rsatasiz / 20% prizentatsiyasini tushuntirasiz...
Prizentatsiya iloji boricha sodda bo'lishi shart. Turli xildagi grafikalarsiz sodda ko'zga yoqimli bo'lishi kerak. Bo'lmasa chalg'itadi.

Perfectsionizimni jilovlash
1. Aynan nima xohlayotganingiz aniqlab oling. Referenslar ko'ring, o'zingiz uchun standartlar tayyorlab aynan o'sha standart bo'yicha ishlang. Ish davomida boshqa yangi idealarni test qilmang, faqat boshdagi standart bo'yicha ishlang.
2. Deadline. Qilinadigan ishingizga deadline qo'ying, qo'yilgan muddatgacha bajaring. Agar baja olamasangiz istalgan chiqqan natijaga rozi bo'ling.
3. Shu ketma-ketlikni qaytaravering to sizga baribir bo'lib qolguncha.

Oyposhxon ijtimoiy tarmoqlarga o'z videolarini yuklar ekan, ular ko'p ko'rilishi, followerlari oshishi, chatlarga odamlar yozishini xohlarkan. Yana yetmaganidek u bo'lajak turmush o'rtog'ini boy, aqlli, jismoniy baquvat bo'lishini xohlar ekan. Bilmaydiki uni xohlaydigan xislatlarga ega yigitga Oyposhxondek xarakterga, qadriyatga, energiyaga muomalaga ega qizlar yoqmaydi.
Marketingda talab-qiymat balansi degan tushuncha bor. Unga ko'ra siz qanday mijoz kutayotgan bo'lsangiz unga, u xohlaydigan taklifni berishingiz kerak.
Oyposhga o'xshamang, talabga yarasha qiymat bering. Talab qilish oson, ancha oson...
Keyinroq, qo'chqorbek haqida ham yozaman)

Biz kichik shaharda yashaymiz, odamlar bilan yaxshi muomalada bo'lavering. Bir aylanib ishingiz tushishi bor.

Mas’uliyat xis qilinmaydigan, boshqalarni vaqti qadrlanmaydigan, gapida turmaydigan jamoadoshlar boʻlgan istalgan loyihadan ket. Bu narsa bora-bora shaxsiy hayotingga ham kirib keladi va sen ham shunaqa bir tiyinga qimmat insonlardan biriga aylanasan…
Boshdan oʻtkan tabib ruknidan.

U alohida (o'zgacha) emas, shunchaki sen yolg'iz eding. Atrofingda boshqa variantlar bo'lmagani uchun uni birinchiga chiqarding. Sen o'zingdagi yagona tanlov uchun kelajakni rejalashtirding. Hayotingda yetishmovchilik bor edi, shuning uchun birgina qizni malikaga aylantirding. Keyin esa u ketdi va sening dunyong ostun-ustun bo'lib ketdi.
E’tiborni oʻzingga va hozir senda bor narsalarni yaxshilashga qarat, aks holda har bir uchratgan qizingga go'yo u sening oxirgi imkoniyatingdek munosabatda bo'lishda davom etaverasan.
Bu xuddi yosh boladan oʻyinchogʻini tortib olganda harxasha qilishidek gap.
Bir tanishim bilan suhbatdan parcha…

Marketolog oʻzi kim?
Bilmadim, hozirgi kunda bazi marketologlarni men iblisga (shaytonga) oʻxshatyapman. Bunga sabab esa Odam alayhissalomning shayton va’dalariga uchganligi va birinchi marketologni shaytonga qiyoslashlari.
Batafsil:
1. Sun’iy ehtiyoj yaratish.
Aslida insonga kerak bo‘lmagan buyumni "hayoting mazmuni", "siz bunga loyiqsiz" yoki "bu narsasiz siz zamondan orqada qolasiz" deb uqtirish. Bu xuddi Iblisning Odam atoga "bu mevasiz mangu qololmaysiz" deb aytgan yolg‘oniga juda o‘xshash.
2. "Chiroyli qadoqlangan" aldovlar
.
Mahsulotning kamchiliklarini yashirib, faqat yaltiroq tomonlarini ko‘rsatish. Reklamalarda baxtli oilalar, jilmaygan chehralar orqali insonlarga mahsulot emas, balki "sarob baxt" sotilmoqda. Iblis ham taqiqlangan mevani "baxt daraxti" deb tanishtirgan edi.
3. Zaif nuqtalardan foydalanish
.
Marketologlar inson psixologiyasidagi qo‘rquv, hasad va kibr kabi tuyg‘ularni yaxshi bilishadi. Ular:
• "Agar bizning kursda o‘qimasangiz, kambag‘al bo‘lib qolasiz" (Qo‘rquv).
• "Qo‘shningizda bor, sizda-chi?" (Hasad).
• "Faqat VIP insonlar uchun" (Kibr).
kabi usullar bilan insonni mantiqiy emas, balki hissiy (ko‘pincha noto‘g‘ri) qaror qabul qilishga undashadi.
4. Ma’lumotlar bilan manipulyatsiya qilish (Big Data)
.
Hozirgi marketologlar sizning nima haqida o‘ylayotganingizni, nima qidirayotganingizni bilishadi (telefonlarimiz orqali). Ular eng ojiz paytingizda oldingizdan keraksiz narsani chiqarib qo‘yishadi. Bu insonning ichki kechinmalarini kuzatib, unga vasvasa qilishning zamonaviy, raqamli ko‘rinishidir.
Xo‘sh, marketolog o‘zi aslida kim bo‘lishi kerak?
Aslida, professional va vijdonli marketolog, bu
ko‘prik
. Uning vazifasi:
1. Foydali mahsulot bilan unga ehtiyoji bor odamni bir-biriga uchrashtirish.
2. Mijozga to‘g‘ri tanlov qilishda yordam berish.
3. Bozordagi tartibni va raqobatni sog‘lom ushlab turish.
Lekin afsuski, "nima qilib bo‘lsa ham sotish" (conversion) ilinjida bo‘lganlar marketingni haqiqatdan ham "vasvasa san’ati"ga aylantirib qo‘yishdi.