لِلّٰهِ قَلَمِي.🇵🇸

كلام ربنا سكنٌ وسكينة، الحمد لله منزل الكتاب.
🌷

quran : مثاني – سورة الملك | مصحف حسن فلاتة

تراتيل – فما ظنكم برب العالمين | من سورة الصافات | د. محمد رفعت

كلام ربنا سكنٌ وسكينة، الحمد لله منزل الكتاب.
#سكن_ليلك_بالقرآن
.
🌷

اسمعوا قرآن وهدُّوا صوت الدوشة جواكم، الله المُدّبر.
#سكن_ليلك_بالقرآن
.
🌷

هتناموا بدون سكّن ليلك بالقرآن!
حتى عيب والله :)

دنيا يا صاحبي دنيا، مفيش شيء باقي، زعلت انهاردة، زعلت بكرا زايلة يا صاحبي زايلة ربك ينجينا ويسكن قلوبنا ويدفيها لحد ما نمشي منها :))

مؤخرًا بقى عندي فكرة غريبة أي حاجة بستخدمها بشكل متكرر بخلي ألوانها فاتحة وشوية تكون بتدي شعور بالحيوية، علشان كنت بتأثر بكل ما هو حزين وبقعد أدخل في المود بدون وعي مني لمجرد لو سمعت قصيدة حزينة أو شوفت بوست حد لكنه لمس حياتي بشكل أو بآخر بحزن وهاتك يا فقدان…

مؤخرًا بقى عندي فكرة غريبة أي حاجة بستخدمها بشكل متكرر بخلي ألوانها فاتحة وشوية تكون بتدي شعور بالحيوية،
علشان كنت بتأثر بكل ما هو حزين
وبقعد أدخل في المود بدون وعي مني لمجرد لو سمعت قصيدة حزينة أو شوفت بوست حد لكنه لمس حياتي بشكل أو بآخر بحزن وهاتك يا فقدان طاقة :))
استبشروا
الشيطان حسود بشكل !
مهمته " ليحزن الذين آمنوا " اعملوا أي حاجة تخرجكم برا دماغكم والتفكير الزائد والحزن
حاولوا تتصرفوا بوعي وتذكروا نفسكم بالهدوء والابتسامة، كل خمس دقايق
ورقة على اللاب
كلمة على الموبايل
ورقة على باب الأوضة
العادات الصغننة دي اللي بتبتني فينا
أي حد بيعمل محتوى حزين ببعد نهائي، بغادر وبمشي
لأن مش وقته أنا محتاجة أستعيد طاقتي، ومش هحط نفسي جنب النار وأقول مهتحرقش
"
متهيجش أحزانك"..

ازيك،
يهمني تكون بخير
محتاج ترضى وتتصالح مع فكرة إن في أحسن منك في كل حاجة واللي أنت شايفه أحسن في أحس منه، وإن الدنيا واسعة أوي أوي أوي.
في الأجمل، وفي الأعقل، وفي الأغنى،
وطبيعي جدًا تلاقي عند غيرك اللي مش عندك.
فمتمدش عينك، وهذّب نفسك.
شوف الجمال وقول: «ما شاء الله، جميل».
واعترف بجمال الناس عادي.
قول للجميل: «أنت جميل».
واللي لسانه معسول قوله: «كلامك حلو».
وادعي ربك يبارك لعباده، وتُرزق أنت كمان.
مع الوقت، الشعور ده جواك بيخف.
بس أوعى تقول: «ليه فلان عنده وأنا معنديش؟»
متحطش نفسك مكان الرب سبحانه وتعالى في تقسيم الأرزاق.
الله يعطي من يشاء كيفما شاء، وأنت ما عليك غير إنك ترضى، وتسعى، وتحاول تطلع بأحسن نتيجة من الموارد اللي ربنا رزقك بيها.
وفي وسط دائرة سعيك، كل شوية زوِّم على النِّعم اللي عندك علشان متحسش إنك معندكش.
كل شوية قول:
الحمد لله عندي بيت.
الحمد لله في رزق.
الحمد لله في أكل.
الحمد لله في هوا.
الحمد لله في مروحة.
الحمد لله في رجلين بتمشي.
الحمد لله في أصابع قادرة على الحركة.
الحمد لله في عقل.
الحمد لله في نت.
وهكذا...
لأنك لو فضلت تبص للي ناقصك، هتنسى قد إيه عندك.
وربنا يجعلنا دايمًا نتلمّس الجمال، ويرضّينا بما قسم لنا، ويرزقنا حسن استغلال الموارد اللي حطّها في إيدينا. :))
🌷