ProEducation | O'zbek tili
Savol:
O'qituvchi motivatsiya berishi kerakmi yoki aniq reja asosidagi formulami?
Bu savolni berishimning sababi fanga endigina qadam qo'yayotgan o'quvchiga "Sen uddalay olasan" kabi quloqqa yoqadigan gaplar aytish qanchalik to'g'riki, hali u fandan umuman xabari bo'lmagan bir paytda.
👍
Shu xususda ikki og'iz. Kechadan beri bafurja yozaman deb, boshqa ishlarga chalg'ib yozolmayapman. Qisqaroq bo'lsa ham yozib ketmasam, qolib ketadi.
Shaxsan men motivatsiyani evaz uchun beriladigan narsa deb hisoblayman. Ya'ni o'quvchi hech balo qilmasdan turib o'qituvchi tomonidan motivatsiya berilishiga haqli emas. Shu paytgacha hech bir harakatsiz atrofdagilardan ruhlantiruvchi gaplar eshitavergani sababli bolalar uchun ham bu oddiy safsata bo'lib tuyiladigan bo'lib qolgan, xususan, kattalar uchun ham.
Mehnat bilan erishgan har bir narsasi qadrli bo'ladi, agar motivatsiyaga ham mehnat bilan erishsa, hech kim uni tashqaridan qidirmaydi. O'z vaziyatimdan kelib chiqib tushuntirishga harakat qilaman:
Online kursga qabul qilingan yangi talabgorga birinchi darsdanoq ko'tarinki ruhdagi gaplar bilan, yorqin kelajakka umid uyg'otuvchi gaplar va yuqori natijalarni va'da qiluvchi yo'l kutib turganini aytib nutq so'zlasam, ishtirokchilar oldinda ularni faqatgina yorug' yo'l kutib turganiga ishonishadi va biror qiyinchilikka duch kelishsa, xayolida shakllanib qolgan utopik "yorug' yo'l"ni yo'qotib qo'yishadi. Shu qiyinchilikdan boshlab ularda umidsizlik, birinchi navbatda menga, keyin o'zlariga nisbatan ishonchsizlik paydo bo'ladi. Chunki men o'zimga qanchalik ishonmay, hamma har xil: o'zlashtirish darajasi hammada turlicha, kimdir bir mavzuni bir martada qabul qilsa, kimdir 2-3 martada. Online kurslarda esa ko'pinchi 2-3-imkoniyat berilmaydi. Darslar tezkor tashkil etilgani uchun o'tilgan mavzuga qaytilmaydi. Natija esa o'qituvchi tushuntira olmadi, o'quvchida esa ham o'ziga, ham o'qituvchiga ishonchsizlik paydo bo'ladi. Chunki o'qituvchi boshida hammasini "miyangizga quyib qo'yaman" qabilidagi va'dalarni bergandi.
Shu holatning aksini ko'rib chiqamiz: online kursning birinchi darsida ishtirokchilarga barchasiga qiyinchilik bilan erishilishi, mehnat qilmay "olmani o'gizga tushirib" bo'lmasligi aytib o'tilsa, ular butun kurs davomida qiyinchilikka tayyor turadi. Ruhiyati tushib ketib qolmaydimi bu holatda? Yo'q, inson mehnati natijasini ko'rib tursa, hech qachon ortga qadam tashlamaydi. Chunki hech kim yutqazishni xohlamaydi: "shuncha vaqtim, pulim ketdi, oxirigacha olib borib qo'yay" degan xayol bilan bo'lsa-da, harakatdan to'xtamaydi. Ikkinchidan, buni avvalroq
bir maqolada
yozgan edim, ya'ni jurnal yuritish. Ishtirokchi kurs boshida qanday holatda edi-yu, 1 haftada, 1 oyda, 2 oyda qanday natijaga erishganini yaqqol ko'rsatuvchi statistik jurnal yuritib borilsa, kurs davomidagi har bir harakati: darsga qatnashishi, vazifa bajarishi nazoratga olinsa, shuning o'zidan ishtirokchi ichki motivatsiyaga erishadi. O'qituvchi tomonidan beriladigan tashqi motivatsiya esa bir kun tugashi mumkin, lekin ishtirokchining ichki motivatsiya umuman tugamaydi.
Yuqoridagi savolga mening javobim: o'qituvchi o'quvchiga aniq reja asosidagi formula bersa, jarayondagi kichik yutuqlardan o'quvchi o'zini o'zi ruhlantirib boraveradi, ya'ni o'z ichki energiyasini uyg'otadi.
#maqola
✈️
Telegram
|
📷
Instagram
|
🖤
You Tube
*konferensiya sertifikati
Barchasi ichingdagi qo'rquvingni yengib olishdan boshlanadi. Seni to'xtatib turadi "o'sha".
Menda ham, ko'pchilik singari, omma oldida gapirish qo'rquvi bor edi. Universitetda kursdoshlarim oldida gapirish men uchun eng qiyini edi. Birinchi marta gapirganimdan so'ng bu yengib o'tildi.
Keyin umuman notanish auditoriya oldida nutq so'zlash qo'rquv bera boshladi. Maktabdagi ilk kunimda sinf oldidagi nutqim bilan bundan ham o'tdim.
So'nggi to'siq, mening nazdimda, xalqaro tajribada ingliz tilida seminar o'tkazish edi. Bundan ham o'tdim. Bir hamkasbim aytganidek, endi yo'l ochiq. Endi navbatdagi marralar uchun tayyorgarlik ko'rish kerak ))
Nima bo'lishidan qat'iy nazar - boshlang. Boshlamaguncha bilmaysiz - yiqilishingizni ham, yiqilmasdan tekis yurib keta olishingizni ham.
@rustamov_edu
📍
Baku | 2-kun
Konferensiyadan lavhalar
@rustamov_edu
👨🏻🏫
Seminardan
Kecha maktabda “Fanlararo bogʻlanishning ahamiyati va uning ta’limdagi oʻrni” mavzusida seminar tashkil qildim. Bu maktabimiz ta’lim dasturi - Xalqaro bakalauriat (International Baccalaureate) dasturining asosiy tamoyillaridan biri hisoblanadi.
Oʻquvchi maktabda oʻrganadigan bilimini real hayotda qoʻllay olishi uchun bir muammoni turli fan doirasida koʻrib chiqishi kerak. Buning uchun esa fan oʻqituvchilari bir oʻquv yilida bir marta fanlarning kesishmasini aniqlab, shu asosda umumiy boʻlim tashkil qilishi kerak (bu jarayon davlat maktablaridan farqli)
@rustamov_edu
Rivojlanishni his qilmaysiz, agar...
Qo'lsoatingizga biroz muddat termulmaguningizcha uning sekund millari harakatlanayotganini sezmaysiz. Zarur ish bilan yelib-yugurib yurgan vaqtda esa sizga u soatdek katta qadamlar bilan odimlayotgandek tuyiladi. Bizning o'rganish jarayonimiz ham xuddi soatdek gap.
Abituriyentmisiz yoki o'qituvchi, qanchadir muddatdan so'ng bo'ladigan imtihon uchun tayyorlanmoqdasiz. Xo'roz tongni uyg'otmasdan avval turib dars tayyorlaysiz, tun belbog'ini bog'lagan vaqtda, hammadan so'ng uyquga yotasiz. Tinmayapsiz. Quyosh sharqdan chiqishni unutib qo'ymagani kabi siz ham dars qilishni yodingizdan bir soniyaga ham chiqarmayapsiz. Lekin... Ushbu so'z sizning qilayotgan barcha harakatlaringiz behudaga ketayotganini isbotlashga urinadi. Sizni tosh qotishga, harakatlaringizga umidsiz boqishga majburlaydi. Qancha harakat qilmang, nazorat ishlari siz o'ylagandek natija bilan yakunlanmayapti. Tayyorgarlikni siz bilan teng boshlagan atrofdagilar esa, nazdingizda, sizdan olg'irroq chiqishdi. Miyangizni qay bir chetida "bu jarayon ularga shunchalik osonmi, faqat mendami qiyinchilik, shuncha harakatlarim bilan idealimdagi balni to'play olmayapman, qanday adolatsizlik" degan fikrlar avj ura boshladi. Aynan shu payt siz uchun o'zgarish nuqtasi hisoblanadi.
So'zim boshida bekorga soatni sizga eslatmadim. Muayyan vaqtni kutib, unga termulib, mabodo buzilib qolmaganmi, degan fikrlarga ham borasiz. Lekin ayni vaqtda uning murvatlari o'z ishini qilayotgan, soniyalar daqiqalarni, daqiqalar esa soatlarni tashkil etish bilan band. Ilm olish jarayoni ham shunday. Unga termulib, undan biror nima kutsangiz, xuddi buzilib qolgandek taassurot uyg'otadi. Sizni tushkunlikka tushiradi. Bu vaqtda esa soniya millari kabi harakatlaringiz asta-sekin sizni o'z maqsadingiz tomon eltmoqda. Ayni shu bo'lmag'ur "taassurotlaringiz" sabab harakatni to'xtatib qo'ysangiz, natijadan ham umidni uzavering.
Rivojlanish his etmaysiz, agar siz natijaga qarasangiz. O'rganish jarayonida muhimi - harakat. Shuni esdan chiqarmang, soniya daqiqani, daqiqa soatni to'yintiradi. Sizning harakatlaringiz ushbu jarayonning boshi bo'lsa, natija 60 daqiqalik o'lchov birligi. Bu o'lchovni to'ldirish uchun esa sizdan 3600 qadam kerak bo'ladi. Bo'lmag'ur "taassurotlaringiz" sabab maqsadga bir qadam qolgan hisobni yangidan boshlamang!
Javlonbek Rustamjonov
#maqola
ProEducation
– ta'limning pro versiyasi!
✈️
Telegram
|
📷
Instagram
|
🖤
You Tube
reklama
🎓
📚
Assalomu alaykum! Kanalimizga xush kelibsiz!
🌿
🟢
Ilmiy ishlaringizni sifatli va talab darajasida tayyorlashda yordam beramiz
📌
Xizmatlarimiz:
✅
Dissertatsiya
✅
Diplom ishi
✅
Kurs ishi
✅
Ilmiy maqola
✅
Referat
✅
Laboratoriya ishlari
✅
Prezentatsiyalar
📝
Matnlarni:
🔹
Uslubiy tahrirlash
🔹
Grammatik tekshirish
🔹
Havolalarni to‘g‘ri rasmiylashtirish
🔹
Ilmiy tilga moslashtirish
🔹
Talab darajasiga keltirish
⏰
Buyurtmalar 24/7 qabul qilinadi
📩
Murojaat uchun:
@MAQOLA_21_CHIQARISH
✨
Sifat • Mas’uliyat • Maxfiylik kafolatlanadi
Kanal:
https://t.me/Xalqaro_Mahalliy_MaqolaChiqarish
2025-yil avgust oyidan boshlab shug'ullanib kelmoqdamiz. Hozir murakkab mavzularda fikr ifodalay olish bosqichiga keldik (videoda migratsiya haqida gaplashmoqdamiz)
Videodagi shaxs ingliz elchixonasi xodimi, o'zbek tili noldan o'rgandi. Haftada 2 kun, 3 soatdan shug'ullandik, ammo o'zidagi harakat va qiziqish sabab hozirda o'zbek tilini B1 darajasida biladi.
Shu inson bilan ishlash davomida tushundimki, o'qituvchi sifatida qanchalik zo'r dastur tuzsangiz ham, tajribali bo'lsangiz ham, agar o'quvchining o'zi harakat qilmasa, barchasi bekor ekan. Hozirgi darajasida o'qituvchidan ko'ra o'zining harakati ko'proq. Chunki men vazifa bermasam ham, doimiy ravishda o'zbek segmentidagi barcha xabarlarni o'qiydi, telekenallarni tomosha qiladi, materiallar izlab o'z ustida ishlaydi.
Xursand qiladigan tomoni - dastlabki darslarimiz to'liq ingliz tilida bo'lgan bo'lsa, hozirda 70% holatda o'zbekcha gaplashamiz.
@rustamov_edu
Shuncha vaqt qayerga yo'q bo'lib qolganimni aytmoqchiman (bilaman sizlarga qiziq
😁
)
O'tgan vaqt mobaynida asosiy e'tiborimni repetitorlikdan olib, o'qituvchilikka qaratdim. Faoliyat yuritayotgan maktabimning ishlash dasturi an'anaviy maktablarimizdan farq qilgani uchun o'rganishim, o'zlashtirishim kerak bo'lgan jihatlar ko'p edi. Shu muddat ichida bor kuchim bilan o'zbek tilini xorijiy til sifatida o'qitish (o'zi umuman, tilni ikkinchi til sifatida o'qitish) yo'nalishida zarur bilimlarni egallashga harakat qildim. Va ...
21-fevral kuni Ozarbayjonning Boku shahrida bo'lib o'tadigan xalqaro konferensiyada seminar o'tkazish uchun ketmoqdaman. Bu, albatta, boshlanishi va yutuqlarim sekin-asta ko'zga ko'rinib boraveradi.
@rustamov_edu