81-MAKTAB | Rasmiy kanal

🏫
Farzandingiz 1-sinfga chiqadimi? Qabul jarayonlari bo‘yicha ota-onalar uchun muhim ma’lumot
➖
Har yili yoz oylari kelishi bilan farzandi
1-sinfga
chiqadigan ota-onalarni bir savol o‘ylantiradi:
“Hujjat topshirish uchun qachon maktabga borsam ekan? Uzun navbatlarda qanday turaman?”
Endilikda bu xavotirlarga o‘rin yo‘q!
🔰
So‘nggi yillarda ta’lim tizimidagi raqamlashtirish jarayonlari yildan-yilga kengayib bormoqda. Xususan,
1-sinfga elektron qabul jarayoni
o‘tgan o‘quv yilida
64 ta tuman va shaharda
amalga oshirilgan bo‘lsa, bu yil qamrov yanada kengaytirilib,
135 ta tuman va shaharlarda
ushbu tizim orqali qabul tashkil etilmoqda. Bu esa ota-onalar uchun ortiqcha ovoragarchiliklarni to‘liq bartaraf etadi. Kelgusi yillarda mazkur qulaylikni respublikamizning barcha tuman va shaharlarida ham joriy etish rejalashtirilgan.
Ushbu qulaylikdan qanday foydalanamiz?
➖
my.gov.uz
yoki
my.maktab.uz
elektron portallariga kirib,
ONE ID tizimi
yoki
telefon raqamingiz
orqali ro‘yxatdan o‘tasiz.
➖
Yashash manzilingiz va farzandingiz haqidagi ma’lumotlarni kiritib, so‘rovnoma to‘ldirasiz. Tizim avtomatik tarzda mikrohududingizga biriktirilgan maktabni belgilaydi. Sizdan faqat ta’lim tilini tanlash talab etiladi.
➖
Kiritilgan ma’lumotlarning to‘g‘riligini tasdiqlaysiz va
“Arizani yuborish”
tugmasini bosasiz.
Yuborilgan arizangiz
3 ish kuni
ichida o‘rganiladi. Shundan so‘ng elektron navbat orqali o‘zingizga qulay vaqtni tanlab, maktabga borishingiz mumkin. Qabul qilinganlik holati bo‘yicha
1 ish kuni
ichida telefoningizga
SMS-xabarnoma
keladi.
Jarayonning muhim jihatlariga e’tibor bering:
➖
Qabul muddatlari:
Arizalar
20-iyundan 1-avgustga qadar
faqat o'z mikrohududingiz bo‘yicha qabul qilinadi. Boshqa hududdagi maktablarga qabul esa
1-avgustdan so‘ng
(bo‘sh o‘rinlar mavjud bo‘lganda)
amalga oshiriladi.
➖
Yosh chegarasi:
Qonunchilikka muvofiq, bu yil 1-sinfga 2019-yil 31-dekabrga qadar tug‘ilgan, ya’ni yil davomida
7 yoshga to‘ladigan
bolalar qabul qilinadi.
➖
Til bilish darajasi:
Agar ta’lim boshqa tilda (masalan, rus tilida) olib boriladigan sinflarni tanlasangiz, bolaning shu tildagi boshlang‘ich so‘zlashuv ko‘nikmalari maktab qabul komissiyasi tomonidan suhbat asosida baholanadi. Agar bolada yetarli til ko‘nikmasi shakllanmagan bo‘lsa,
qabul rad etilishi mumkin.
Bu tartib O‘zbekiston Respublikasi Vazirlar Mahkamasining 2022-yil 1-iyundagi
295-son qarori bilan tasdiqlangan Ma’muriy reglamentni
ng 21-bandida qat’iy belgilab qo‘yilgan.
➖
Xizmat narxi:
Mazkur davlat xizmatidan foydalanish
mutlaqo bepul!
✉️
Telegram
📱
Instagram
🗳
Facebook

🔹
Xodimlarni muntazam sport bilan shug‘ullanishlari uchun yetarli shart-sharoit yaratish, ular o‘rtasida sog‘lom turmush tarzini keng targ‘ib qilish maqsadida vazirlikning
"Maktabgacha va maktab ta'limi vaziri kubogi musobaqasini tashkil etish va o'tkazish to'g'risida"
2026-yil 15-apreldagi 139-sonli buyrug'iga asosan Samarqand shahar 81-maktab xodimlari o'rtasida sport turlari bo'yicha
"Direktor kubogi"
musobaqalarini tashkil etish bo'yicha reja grafik ishlab chiqilgan
🔰
12-iyun kuni Samarqand shahar 81-maktabda “Direktor kubogi” sport musobaqasining ochilish marosimi bo'lib o'tdi hamda erkak o‘qituvchilar tomonidan mini futbol bo'yicha o'yinlarni boshlab berishdilar
📌
Grafik bo'yicha xodimlar o'rtasida har juma kuni sport musobaqalari o'tkazilishi rejalashtirilgan bo'lib, o'yinlardan mini fudbol, basketbol, volebol, stol tennisi, shaxmat va shashka o'yinlarida erkaklar va ayollar o'rtasida musobaqalar bo'lib o'tadi
📲
Bizni ijtimoiy tarmoqlarda kuzatib boring
🔎
🏞
Telegram
|
🏙
Facebook
📡
Web-sayt
|
🎞
YouTube

❓
1-sinfga onlayn qabul qanday amalga oshiriladi?
Samarqand viloyati Maktabgacha va maktab ta’limi boshqarmasi axborot xizmati
📱
Telegram
|
📱
Facebook
|
📱
YouTube
📱
Veb-sayt
📱
instagram

81-MAKTAB | Rasmiy kanal
pinned a photo

🚨
1-SINFGA QABUL BOSHLANMOQDA!
2026-2027-o‘quv yili uchun maktabga qabul jarayonlariga start berilmoqda.
🗓
Qabul qachondan?
20-iyundan
boshlab arizalar qabul qilinadi.
Bu yil respublika bo‘yicha
795 mingdan ortiq
bolani maktabga qabul qilish rejalashtirilgan.
👶
Kimlar qabul qilinadi?
2019-yil 1-yanvardan 31-dekabrga qadar
tug‘ilgan bolalar.
💻
Qabul bosqichlari:
1-bosqich:
Mikrohudud doirasida.
2-bosqich:
Maktablardagi bo‘sh o‘rinlarga qarab mikrohududdan tashqari.
⌨️
Arizani qanday topshirish kerak?
Hujjatlar mutlaqo onlayn shaklda, quyidagi platformalar orqali yuboriladi:
🔎
my.maktab.uz
🔎
my.gov.uz
(Yagona interaktiv davlat xizmatlari portali)
💡
Ota-onalar diqqatiga:
Arizalarni kechiktirmasdan, belgilangan muddatlarda topshirishni unutmang!
🟢
Bizni ijtimoiy tarmoqlarda kuzatib boring:
📱
Telegram|
📱
Facebook|
🌐
Web-sayt|
📱
You Tube|

81-MAKTAB | Rasmiy kanal
pinned a photo

⚡️
Samarqandlik yoshlar “Tashabbuslar marafoni”da birlashdi
❗️
“Yoshlar oyligi”
doirasida respublikamiz bo‘ylab davom etayotgan yirik loyiha —
“Tashabbuslar marafoni”
Samarqand viloyatida yuqori ko‘tarinki ruhda bo‘lib o‘tdi.
🔹
Ushbu tadbir doirasida Samarqand shahar 81-maktabning o'quvchilari ham faol ishtirok etdi.
🔰
Jumladan, maktabning iqtidorli o'quvchilaridan tashkil topgan
"Qayroqcha"
jamoasi a’zolari ham o'z chiqishlari bilan bir qator kuy va qo'shiqlar kuylashdi.
♻️
Yuqori sinf o'quvchilari esa marafon intiluvchan yoshlar uchun o‘zaro muloqot, tajriba almashish hamda shaxsiy rivojlanish maydoniga aylanfganligini his etishdilar
Jamoa rahbari: Ahmedova Nafisa Melikulovna
📲
Bizni ijtimoiy tarmoqlarda kuzatib boring
🔎
🏞
Telegram
|
🏙
Facebook
📡
Web-sayt
|
🎞
YouTube

#Сўраган_эдингиз
#Qabul_2026
❓
Bu yil farzandim 1-sinfga boradi. Uyimiz yaqinida ikkita yonma-yon maktab joylashgan. Men yashaydigan uy qaysi maktabga biriktirilganligini qanday bilsam bo‘ladi?
✅
Amaldagi tartibga muvofiq tuman, shahar hokimliklari qarori bilan maktablar uchun mikrohudud belgilanadi. Ya’ni, maktablarga yaqin hududlar (mahalla, ko‘cha, ko‘p qavatli uylar) o‘sha maktablarga biriktiriladi.
Shu o‘rinda, vazirlikning
my.maktab.uz
elektron portalida yashash manzili bo‘yicha biriktirilgan maktabni topish imkoniyati yaratilgan.
Buning uchun Siz, yashash manzilingiz bo‘yicha tegishli ma’lumotlarni kiritib, farzandingizni ta’lim olish tilini tanlab, "Qidirish" tugmasini bosishingiz yetarli.
❓
Men yaqinda yangi uyga ko‘chib o‘tib, Kadastr hujjatlarini yangilagan edim. Farzandimni maktabga joylashtirish uchun ariza berishda, yashash manzilim elektron tizimdan chiqmasa, kimga murojaat etsam bo‘ladi?
✅
Fuqarolarning yashash uylari bo‘yicha ma’lumotlar Kadastr organlarining elektron bazalaridan olinadi. Joriy yilgi qabul jarayonlarida Kadastr agentligi tomonidan har bir hudud uchun mas’ul xodim biriktirilmoqda.
Yuqoridagi holat yuzaga kelganda tuman kadastr idoralari yoki hududingizdagi Maktabgacha va maktab ta’limi bo‘limiga murojaat qilsangiz texnik yordam ko‘rsatiladi.
🌐
Eslatib o‘tamiz: 2026-2027-o‘quv yili uchun 1-sinfga qabul jarayonlari joriy yilning 20-iyunidan boshlanadi.