_sakenkyzy_

Ізгілеріміз айтпақшы:
«”Енді не істер екем” деп көп ойлана берме. Көп истиғфар қыл. Өйткені ой-пікірмен ашылмайтын есіктер истиғфармен ашады».
Истиғфар – Алладан кешірім тілеу. Әстәғфируллаһ, әстәғфируллаһ, әстәғфируллаһ.

Қызым өте байқампаз. Бүгін бауырсақ пісірген едім, қатты болып қалыпты. Маған келіп: мама, маған бауырсақ онша ұнамады біртүрлі болып қалыпты дейді. Мен: аа,иә сәл қатты болып қалыпты дедім. Сөйтсем: мама, сен шыншылсың ғой дейді. Неге олай айттың десем: себебі сіз үнемі кекс пісірсеңіз де онша болмай қалса оны мойындайсыз, қәзір бауырсақтың да онша болмай қалғанын мойындап отырсыз дейді. Оскарблимент дейтінбеді
😅

Аллаға байланған жандардың адамдарға айтатын шағымы азаяды.
Имам Ибраһим әл-Һәрби (Алла рақымына бөлесін) былай деген:
Мен басымдағы қызу (ауру) жайлы анама да, қарындасыма да, жұбайыма да, қыздарыма да ешқашан шағымданған емеспін. Ер адам – өз мәселесін ішінде сақтап, оны отбасының мойнына артпайтын адам
📖
табақат әл ханабилә
https://t.me/bustan_al_arifin

Осы ибн Атойлләнің р.һ хикәм кітабы жайлы ғалымдар: “Егер намазда құраннан басқа нәрсе оқуға рұқсат болғанда Ибн Атойлляның сөздерін оқыр едік”- деп айтқан екен. Оқуға болады деген сөз емес, тек кітаптың дәрежесін мысалмен келтіргені.
🎧
бір подкасттан…

Аллаға жасаған дұғаң бір нәрсеге қол жеткізу ғана болмасын, өйткені ол - сені мен Алланың арасына қойылған тосқауыл болады.
Дұғаң – тек Алламен жасырын, сырлы әңгіме (мунаджа) болсын.
📖
китаб әл-хикам

Адамның сөзі, егер Алла оған сөйлеуге рұқсат берсе, нәзік жарыққа оранып көрінеді. Ал егер сөз жүрекке жетуге рұқсатсыз болса, ол жарықсыз, мәнсіз болып қалады. Сол үшін де бір шындықты екі адам айтып тұрса да, бірінің сөзі қабылданып, екіншісінікі кері қайтарылуы мүмкін.
✍🏻
Абу Абас Мурси р.һ
📖
әл-хикам

Құранды тез аяқтау керекпін деп оқысаң ләззаттан мақұрым қаласың, ал ләззат алып оқысаң, аяқтау керек болған бетке қалай жеткенді білмей қаласың.
*Амалдарды жаныңа міндеттесең қиналады, махаббатпен жасасаң тыныштық табады.
Бірақ кейде міндеттеу керек кездер болады. Себебі адам тұрақты емес. Бірде жалқау, бірде табанды.

وَذَٰلِكُمْ ظَنُّكُمُ ٱلَّذِى ظَنَنتُم بِرَبِّكُمْ أَرْدَىٰكُمْ فَأَصْبَحْتُم مِّنَ ٱلْخَٰسِرِينَ
Міне, Раббыларың жайлы ойлаған осы бір жаман ойларың сендерді біржолата құртып, құрдымға батырып тынды, сөйтіп зиянға ұшырағандардың қатарына қосылдыңдар.
(Фуссилат-23)

Алла құдси хадисте былай дейді: Құлым Мен жайлы қалай ойласа, сондаймын.
Ибн Хажар р.һ бұл хадиске түсіндірме жасап былай деген: “Яғни, құлым Мен туралы не ойласа соны істеуге Құдіреттімін” дегенді білдіреді. Сондықтан Раббың туралы жақсы ойда бол, істеріңді Оған тапсыр, Оған сен, Оған тәуекел ет.
“Әлемдердің Раббысы жайлы ойларың қалай?”
(соффат-87)

Сен әр таңды сансыз нығметтің ортасында қарсы аласың. Күнде көріп, үйреншікті болып кеткен игіліктерің – шын мәнінде саған берілген үлкен сый.
Бірақ бір сынақ келсе, сол үйреншікті нәрсенің өзі саған арман болып қалады.
Есіңде болсын:
күні бойы “қарапайым” деп ойлаған бір ғана нығметің
егер сенен алынып қалса,
онда сен бұрын қандай ұлы нығметтің ішінде жүргеніңді түсінер едің.
Мына сөзді оқыған боларсың: “Көзіңді он минутқа жұмып көр,
сонда көрудің қандай нығмет екенін ұғарсың”.
Расында, бұл – үлкен ғибрат.
Біз Алланың сыйы мен кеңшілігінің ішінде жүзіп жүрміз, бірақ шүкір етуге келгенде бейқамбыз…
✍🏻
Ахмад Иса Мағсарауи