Шаҳобиддин Одил

MO'MIN-
MUSULMONLARNING TONGDAGI ILK KALOMLARI–ZIKR,  SHUKUR, DUO VA SALOMDIR!
أَعُوذُ باللهِ مِنَ الشَّيطَانِ الرَّجِيمِ
A’uuzu billaahi minash-
shaytonir-rojiym!
بِسْمِ اللهِ الرَّحْمٰنِ الرَّحِيم
Bismillaahir-
Rohmaanir-Rohiym!
الحَمْدُ للهِ الذِي أحْيَانا بَعْدَ مَا أمَاتَنَا وإلَيْهِ النَشُور
«ALHAMDU LILLAAHILLAZIY AHYAANAA BA’DA MAA AMAATANAA VA ILAYHIN NUSHUUR.»
(Uyqudan turgan zahoti bir marta o‘qiladi.)
ٱلۡحَـمۡدُ للهِ رَبِّ ٱلۡعَـٰلَمِينَ
Alhamdulillaahi Robbil olamiyn!
أَشْهَدُ أَنْ لاَ إِلَهَ إِلاَّ اللهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ
Ashhadu an-laa ilaaha illallohu va ashhadu anna Muhammadun ’abduhu va rosuluhu!
Tongda iymon bilan uyg‘otganing uchun shukur, Allohim!
Bu ojiz qulingga yana bir kun hadya qilganing uchun Senga behad hamd-u sanolar bo‘lsin, yo Zal-Jaloli val Ikrom!
Allohim, yo Robbal olamiyn, har bir mo‘min bandangning bugungi kunini kechagi kunidan ko‘ra ham xayrli va barakali qilgin!
بِسْمِ اللهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ وَهُوَ السَّمِيعُ الْعَلِيمُ
«BISMILLAAHILLAZIY LAA YAZURRU MA’ASMIHI SHAY'UN FIL ARZI VA LAA FIS SAMAA'I VA HUVAS SAMI’UL ALIYM.»
(Yuz-qo‘lni yuvib bo‘lgandan keyin  uch marta o‘qiladi.)
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Robbanaa ’atinaa fid-dunyo hasanatan va fil-oxirati hasanatan va qinaa azoban-nor!
ٱلسَّلَامُ عَلَيْكُمْ وَرَحْمَةُاللهِ وَبَرَكَاتُهُ
Assalomu alaykum va rohmatullohi va barokatuhu!
Mana shu
⬆️
mo‘min-musulmonning tong ottirishidir. Ya’ni, tongimiz, kunimiz aynan shunday kalomlar bilan, duo va salomlar bilan boshlanishi kerak!
Uyg‘ondik, aniqrog‘i o‘limdan keyin qayta tirildik–alhamdulilloh!
Bizga yashash uchun yana bir kun hadya etildi–
alhamdulilloh!
Iymon bilan uyquga yotgandik, iymon bilan tong ottirish nasib etdi–alhamdulilloh!
O‘ldirganidan keyin qayta tiriltirgani uchun Robbimizga shukrona aytamiz.
Yana bir yangi kunni hadya etgani uchun shukrona aytamiz.
Iymonimizni salomat saqlagani uchun yana shukrona aytamiz!
Ya’ni, mo‘min-musulmon har tongni aynan ana shunday shukronalik bilan kutib oladi.
Yangi kundagi hayotini tongdanoq
ZIKR VA  DUOLAR
bilan, ya’ni ibodat bilan boshlaydi.
Zero,
biz uchun ma’lum bir kunlar, oylar va yillar emas, iymon bilan uyg‘onganimiz
har bir tongimiz,
ALLOHNING ZIKRI
bilan boshlangan
har bir kunimiz muborakdir,
gunohsiz o'tgan kunlarimiz esa chin bayramdir!
@Shahobiddin_Odil

#RUHIYAT
📝
BANDA...
Tepaga qarama ko'tarib boshing,
Ko'tarilgan boshlar ketar uzilib.
Pastga qarab asta to'kaver yoshing,
Haqiqatdan ko'ngling ketar buzilib...
Og'irdir chidamoq, tiriksan, ammo,
Ko'z ko'rgan har ne ham bo'lmas haqiqat.
Aqling borligining o'zi muammo,
Tashvishing shu boshni asramoq faqat...
Ammo, bosh-u ko'zning ne keragi bor,
Gar ko'kka bir bora boqa olmasang.
Umring shunday o'tar nochor-u abgor,
Qalbda iymon nurin yoqa olmasang...
Sen-ku, qul emassan, farqing yo'q quldan,
Mudom boshing egik, so'lg'in nigohing...
Qutulolmay aslo ko'rinmas g'uldan,
To'kib sololmaysan dildagi ohing...
Qadding bukilmaydi sajdalar uchun,
Lek qo'rqib egilar bir quldan, ajab...
Men senga achinib turibman nechun,
Har kimning qismati holiga qarab...
Dunyosevarlarning boshi egikdir,
Dunyoni sevganga asli dunyo tor.
Haqqa tik boqqanning qaddi ham tikdir,
Haqqni taniganning qalbida viqor.
Haqqa banda bo'lmoq eng oliy matlab,
Iymon bilan faqat qalb bo'lur obod.
Kufringdan voz kechib, o'tolsang hatlab,
Ruhing kishanlardan bo'lgaydir ozod.
Qaddingni tik tutib, artib ko'zyoshing,
Olamga boqarsan beg'am, bearmon.
Gar qilich kelsa ham rost turgay boshing,
Iymon nuri bilan porlagan zamon!
@Shahobiddin_Odil

📚
📖
📚
Инсоннинг энг катта хатоси–
умрнинг энг қадрли йилларини нотўғри инсонларга сарфлашидир...
Нотўғри одамлар фақат вақтингизни эмас, балки ишончингизни, севгингизни ва руҳингизни ҳам олиб қўяди.
Охир-оқибат эса, ортда фақат бир вайрона кўнгил қолади.
Хулоса ўзингиздан.
≈≈≈≈≈≈≈≈≈≈≈≈≈≈≈≈≈
📚
📖
📚
Insonning eng katta xatosi–umrning eng qadrli yillarini noto'g'ri insonlarga sarflashidir...
Noto'g'ri odamlar faqat vaqtingizni emas, balki ishonchingizni, sevgingizni va ruhingizni ham olib qo'yadi.
Oxir-oqibat esa, ortda faqat bir vayrona ko'ngil qoladi.
Xulosa o'zingizdan.
@Shahobiddin_Odil

#РУҲИЯТ
📝
БАНДА...
Тепага қарама кўтариб бошинг,
Кўтарилган бошлар кетар узилиб.
Пастга қараб аста тўкавер ёшинг,
Ҳақиқатдан кўнглинг кетар бузилиб...
Оғирдир чидамоқ, тириксан, аммо,
Кўз кўрган ҳар не ҳам бўлмас ҳақиқат.
Ақлинг борлигининг ўзи муаммо,
Ташвишинг шу бошни асрамоқ фақат...
Аммо, бош-у кўзнинг не кераги бор,
Гар кўкка бир бора боқа олмасанг.
Умринг шундай ўтар ночор-у абгор,
Қалбда иймон нурин ёқа олмасанг...
Сен-ку, қул эмассан, фарқинг йўқ қулдан,
Мудом бошинг эгик, сўлғин нигоҳинг...
Қутулолмай асло кўринмас ғулдан,
Тўкиб сололмайсан дилдаги оҳинг...
Қаддинг букилмайди саждалар учун,
Лек қўрқиб эгилар бир қулдан, ажаб...
Мен сенга ачиниб турибман нечун,
Ҳар кимнинг қисмати ҳолига қараб...
Дунёсеварларнинг боши эгикдир,
Дунёни севганга асли дунё тор.
Ҳаққа тик боққаннинг қадди ҳам тикдир,
Ҳаққни таниганнинг қалбида виқор.
Ҳаққа банда бўлмоқ энг олий матлаб,
Иймон билан фақат қалб бўлур обод.
Куфрингдан воз кечиб, ўтолсанг ҳатлаб,
Руҳинг кишанлардан бўлгайдир озод.
Қаддингни тик тутиб, артиб кўзёшинг,
Оламга боқарсан беғам, беармон.
Гар қилич келса ҳам рост тургай бошинг,
Иймон нури билан порлаган замон!
@Shahobiddin_Odil

ИСТИҒФОР ШИФОДИР
@Shahobiddin_Odil

📚
📖
📚
МЎМИН-МУСУЛМОНЛАРНИНГ ТОНГДАГИ ИЛК КАЛОМЛАРИ–ЗИКР,  ШУКУР, ДУО ВА САЛОМДИР!
أَعُوذُ باللهِ مِنَ الشَّيطَانِ الرَّجِيمِ
Аъуузу биллааҳи минаш-
шайтонир-рожийм!
بِسْمِ اللهِ الرَّحْمٰنِ الرَّحِيم
Бисмиллааҳир-Роҳмаанир-Роҳийм!
الحَمْدُ للهِ الذِي أحْيَانا بَعْدَ مَا أمَاتَنَا وإلَيْهِ النَشُور
«АЛҲАМДУ ЛИЛЛААҲИЛЛАЗИЙ АҲЙААНАА БАЪДА МАА АМААТАНАА ВА ИЛАЙҲИН НУШУУР.»
(Уйқудан турган заҳоти бир марта ўқилади.)
ٱلۡحَـمۡدُ للهِ رَبِّ ٱلۡعَـٰلَمِينَ
Алҳамдулиллааҳи Роббил оламийн!
أَشْهَدُ أَنْ لاَ إِلَهَ إِلاَّ اللهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ
Ашҳаду ан-лаа илааҳа иллаллоҳу ва ашҳаду анна Муҳаммадун ъабдуҳу ва росулуҳу!
Тонгда иймон билан уйғотганинг учун шукур, Аллоҳим!
Бу ожиз қулингга яна бир кун ҳадя қилганинг учун Сенга беҳад ҳамд-у санолар бўлсин, ё Зал-Жалоли вал Икром!
Аллоҳим, ё Роббал оламийн, ҳар бир мўмин бандангнинг бугунги кунини кечаги кунидан кўра ҳам хайрли ва баракали қилгин!
بِسْمِ اللهِ الَّذِي لَا يَضُرُّ مَعَ اسْمِهِ شَيْءٌ فِي الْأَرْضِ وَلَا فِي السَّمَاءِ وَهُوَ السَّمِيعُ الْعَلِيمُ
«БИСМИЛЛААҲИЛЛАЗИЙ ЛАА ЙАЗУРРУ МАЪАСМИҲИ ШАЙ'УН ФИЛ АРЗИ ВА ЛАА ФИС САМАА'И ВА ҲУВАС САМИЪУЛ АЛИЙМ.»
(Юз-қўлни ювиб бўлгандан кейин  уч марта ўқилади.)
رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ
Роббанаа ъатинаа фид-дунё ҳасанатан ва фил-охирати ҳасанатан ва қинаа азобан-нор!
ٱلسَّلَامُ عَلَيْكُمْ وَرَحْمَةُاللهِ وَبَرَكَاتُهُ
Ассалому алайкум ва роҳматуллоҳи ва барокатуҳу!
Мана шу
⬆️
мўмин-мусулмоннинг тонг оттиришидир. Яъни, тонгимиз, кунимиз айнан шундай каломлар билан, дуо ва саломлар билан бошланиши керак!
Уйғондик, аниқроғи ўлимдан кейин қайта тирилдик–
алҳамдулиллоҳ!
Бизга яшаш учун яна бир кун ҳадя этилди–
алҳамдулиллоҳ!
Иймон билан уйқуга ётгандик, тонгда яна иймон билан уйғониш насиб этди–алҳамдулиллоҳ!
Ўлдирганидан кейин қайта тирилтиргани учун Роббимизга шукрона айтамиз!
Яна бир янги кунни ҳадя этгани учун шукрона айтамиз!
Иймонимизни саломат сақлагани учун яна шукрона айтамиз!
Яъни,
чин мўмин-мусулмон ҳар тонгни айнан ана шундай шукроналик билан кутиб олади.
Янги кундаги
ҳаётини тонгданоқ
ЗИКР ВА  ДУОЛАР
билан, яъни ибодат билан бошлайди.
Зеро,
биз учун маълум бир кунлар, ойлар ва йиллар эмас, иймон билан уйғонганимиз
ҳар бир тонг,
АЛЛОҲНИНГ ЗИКРИ
билан бошланган ҳар бир кун муборакдир,
гуноҳсиз ўтган ҳар бир кунимиз байрамдир!
@Shahobiddin_Odil

ЭРТАГА–
ДУШАНБА
#СУННАТГА_ЭРГАШИБ
НАФЛ РЎЗА ТУТУВЧИЛАРГА ЭСЛАТМА
Абу Ҳурайра розияллоҳу анҳудан ривоят қилинади:
«Расулуллоҳ соллаллоҳу алайҳи васаллам дедилар:
«Амаллар ҳар душанба, пайшанба кунлари (Аллоҳга) кўрсатилади. Менинг амалим рўзадор бўлган ҳолимда кўрсатилишини яхши кўраман».
(Термизий ривояти)
Ушбу ҳадисга эргашиб, суннатга мувофиқ рўза тутмоқчи бўлганларга эслатиб ўтамиз:
Саҳарликни бомдод азонидан 15–20 минут олдинроқ тугатиш мақсадга мувофиқдир.
Ифторлик шом намози вақти кириши билан бошланади.
@Shahobiddin_Odil

#RUHIYAT
📝
ISTIG‘FOR
("Sayyidul istig‘for" duosidan ta’sirlanib yozildi)
Allohim! O‘zingsan Robbim Yagona,
Iloh yo‘q olamda Sendan begona.
Meni Sen yaratding, qulingman albat,
Faqat O‘zginangdan tilarman shafqat.
Qurbim yetganicha o‘tgan har onim,
Mahkam tutdim Senga
Ahdu paymonim.
Va’damda turibman, turgayman abad,
Bu ojiz qulingga O‘zing ber madad!
Bari qilmishlarim yomonligidan
Panohingga qochib borarman har dam.
Ne’matlaring cheksiz, quling gunohkor.
Ammoki, afvingdan umidim bisyor.
Mag‘firat qilmasang, holim xarobdir,
Ko‘rgan-kechirganim butkul sarobdir.
Kechir meni Robbim, etmagil bebaxt.
Faqat Sen qilursan afv-u mag‘firat.
Gunohim kechishga o‘zga kim ham bor?
Faqat Sen erursan G‘afur va G‘affor!
———
Al-G‘afur va al-G‘affor– Alloh taoloning ism-sifatlari:
G‘afur–katta-kichik har qanday gunohni kechiruvchi;
G‘affor–qayta-qayta kechiruvchi.
🕊
Shahobiddin Odil
✍
@Shahobiddin_Odil

#BIR_HADIS_SHARHI
📚
📖
📚
ISTIG'FORLARNING ENG ULUG'I
Shaddod ibn Avs roziyallohu anhudan rivoyat qilinadi:
Rasululloh sollallohu alayhi vasallam:
«Kim SAYYIDUL ISTIG'FOR:
اللهُمَّ أَنْتَ رَبِّي، لاَ إِلَهَ إِلاَّ أَنْتَ خَلَقْتَنِي، وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ وَأَبُوءُ بِذَنْبِي فَاغْفِرْ لِي فَإِنَّهُ لاَ يَغْفِرُ الذُّنُوبَ إِلاَّ أَنْتَ
«ALLOHUMMA ANTA ROBBIY LAA ILAAHA ILLA ANTA XOLAQTANIY VA ANA 'ABDUKA VA ANA 'ALA 'AHDIKA VA VA'DIKA MASTATO'TU A'UUZU BIKA MIN SHARRI MAA SONA'TU, ABUU LAKA BINI'MATIKA 'ALAYYA VA ABUU BIZAMBIY FAG'FIRLIY FAINNAHU LAA YAG'FIRUZ-ZUNUBA ILLA ANTA»ni kechki payt aytib, tong otgunicha vafot etsa, jannatga kiradi. Kim tongda aytib, shu kuni vafot etsa, unda ham, jannatga kiradi», dedilar".
Ma'nosi: “ALLOHIM, SEN ROBBIMSAN, SENDAN BOSHQA ILOH YO'Q. MENI XALQ QILDING VA MEN SENING QULINGMAN. MEN SENGA BERGAN VA'DAMDA VA SENGA BERGAN AHDIMDA QODIR BO'LGANIMCHA TURIBMAN. QILGAN NARSALARIMNING YOMONIDAN SENING NOMING BILAN PANOH TILAYMAN. MENGA ATO QILGAN NE'MATLARINGGA IQROR BO'LDIM. VA YANA GUNOHLARIMGA HAM IQROR BO'LDIM. MENING GUNOHLARIMNI KECHIR. CHUNKI, SENDAN BOSHQASI GUNOHLARNI KECHIRA OLMAYDI”.
(Imom Buxoriy rivoyati)
Nima uchun “SAYYIDUL ISTIG'FOR”
("Istig'forlarning ulug'i")
deyiladi?
-Allohim, Sen parvardigorimsan– RUBUBIYAT TAVHIDI.
-Sendan boshqa iloh yo'q– ULUHIYAT TAVHIDI.
-Meni xalq qilding va men Sening qulingman – UBUDIYAT TAVHIDI.
-Men Senga bergan va'damda va Senga bergan ahdimda qodir bo'lganimcha turibman – VAFO.
-Qilgan narsalarimning yomonidan Sening noming bilan panoh tilayman – ISTI'OZA, PANOH SO'RASH.
-Menga ato qilgan ne'matlaringga iqror bo'ldim – SHUKR QILISH.
-Va yana gunohlarimga ham iqror bo'ldim – E'TIROF, TAN' OLISH.
-Mening gunohlarimni kechir – TAZARRU', YOLVORISH.
-Chunki Sendan boshqasi gunohlarni kechira olmaydi – TAJARRUD, ALLOH TAOLONING O'ZINI AJRATIB XOSLASH.
Shuning uchun ham "SAYYIDUL ISTIG'FOR " – "ENG ULUG' ISTIG'FOR", deyiladi.
@Shahobiddin_Odil

#РУҲИЯТ
📝
ИСТИҒФОР
("Саййидул истиғфор"дан таъсирланиб ёзилди)
Аллоҳим! Ўзингсан Роббим Ягона,
Илоҳ йўқ оламда Сендан бегона.
Мени Сен яратдинг, қулингман албат,
Фақат Ўзгинангдан тиларман шафқат.
Қурбим етганича ўтган ҳар оним,
Маҳкам тутдим Сенга
Аҳду паймоним.
Ваъдамда турибман, тургайман абад,
Бу ожиз қулингга Ўзинг бер мадад!
Бари қилмишларим ёмонлигидан
Паноҳингга қочиб борарман ҳар дам.
Неъматларинг чексиз, қулинг гуноҳкор.
Аммоки, авфингдан умидим бисёр.
Мағфират қилмасанг, ҳолим харобдир,
Кўрган-кечирганим буткул саробдир.
Кечир мени Роббим, этмагил бебахт.
Фақат Сен қилурсан афв-у мағфират.
Гуноҳим кечишга ўзга ким ҳам бор?
Фақат Сен эрурсан Ғафур ва Ғаффор!
———
Ал-Ғафур ва ал-Ғаффор– Аллоҳ таолонинг исм-сифатлари:
Ғафур–катта-кичик ҳар қандай гуноҳни кечирувчи;
Ғаффор–қайта-қайта кечирувчи.
🕊
Шаҳобиддин Одил
✍
@Shahobiddin_Odil