قصائد شور مكتوبه
علي يبني
علي يبني
،،،،،،،،،،،،،،
انــه محـــــــد شلـع گلبي
غيــــر اخياتــــك يالأكبـر
كلهن يصيحـلي الحگــــه
علي شــــــو كلش تأخــر
مــن الخيــــم طلعن عليه
وحــده تركض وحده تعثر
شــرد اگلهن وانتـــه صاير
مدري الأكبـــر مدري الزغر
ياتعبنه بسك اگعـد ياتعبـنه
عذبتنه يبني كلش عذبتـنه
،،،،،،،،،،،،،،،،،،،،،،،،،،،،،،،،،،،،،،،،،،،،،،،
گلي بويـــــه البويه حلوه
منك مــــن اسمعها اطيب
شنهي صايــر تحچي گـوه
وي ابـــــوك المــو غريــب
يبني سولف خــل اسمعك
راح اموتــــن يالحبيــــب
كــــون اخــــم الدنيــه كله
مثــل الأكبــــر مااجيـــــب
فارگوني وينه وينه الفارگوني
لونسوني شنهي ملو لو نسوني
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يبنــي حتــــئ المايعرفــــك
مـــن يمر عليـــــنه يبچــــي
اغلئ واحـــــــد انتـــه عدي
واغلئ واحد گـــــوه يحچي
يبني چنــت امنيتي اشبگك
بس شبگــك موش هچــــي
يالأعز مــــــن روحي اعــزك
يبني گـــــوم اعليـــــه تچي
موكته الفرگه كلش مو وكته
ماردته بويه منـــــك ماردتها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انـــــــــه المحيـــــرني كلش
امــــك الكساعـــــــه تنشــد
جيـــــــــــــب اليقنعها يبني
بچلمت المايرضــــه يگعـــد
والله حيــــــــره حتار گلبي
ويـــــن اروح اويــــن اشرد
تركــــــد الدنيــــــه بكبــرها
وانه مــــو بالهون اركــــــــد
حل اريدن يبني منك حل اريدن
مايفيدن عيــوني ضلن مايفيدن
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
#اللهم_عجل_لوليك_الفرج
ضعن الهواشم بالغرب
هايم بقه بطف كربله
عيش المصيبه من گلب
لذاك الضعن والعايله
كل لحضه حيلك ينهدم
وبالدمعه ثوبك بلله
عيش اهمومك اوياه
ضعن الكله ويلاه
دمعك يسبگ ال اه ..... اه اعله المصايب
ضعن الكله ايتام
بالك تسمع اوهام
عيش بهمك اعوام ...... عالدخلو خرايب
ضعن حسين ألجاي بعياله
بلا ناصر ضل ولا كفاله
اهل العز وباتو صحاري
صعبه الجان بعزه ودلاله
.... اويلاه.......اويلاه...اويلاه
بالهيمه فرو يا گلب
شافوو حرگ يم الخيم
وشجم طفل شابع سحگ
من خيلهم محد سلم
عيش المصيبه من صدگ
ضعن العمايم بس حرم
شبت بالخيم نار
ركضو عالرمل حار
ضعنكم بالغرب صار ...... وتلمهم عقيله
ضعن حسين ياناس
بسنابك خيل ينداس
عمهم طاح عباس ....... والغربه كفيله
ابجي اعيون واهدمله حيلك
لا يبرد جرحك لو دليلك
لجل ايتام اضعون الهواشم
احرگ عينك لا تغفه ليلك
اويلاه....اويلاه.....اويلاه
ضلت غريبة ام الخدر
من چف دلال لچف سبي
هيم بمصابك وانكسر
الما الها فيي بس العبي
بكل لحظه زينب تنضرب
اليضربها چف الاجنبي
سوط البسبي جان
بمتنها مخلي نيشان
وليه وماكو خوان ..... واليحديها ذباح
تمشي وتدمع العين
عافت بالطف حسين
دربها بس الاونين ..... تسمع بس الاصياح
بنت الخير الچانت اميره
غربه الشام وعاشتها حيره
موت شما ذكروها غريبه
بلا حامي ضلت لا عشيره
اويلاه... اويلاه ....اويلاه
صعدن غريبات الهزل
بالغربه ماضلهن اخو
ضج يا گلب لأم الخدر
اليحديها ياوادم عدو
المن بعد باقي عدل
من تذكر أحضان الدفو
حيل ام الخدر مال
مشت مسبيه بحبال
ضعنها الكله اطفال ....... ياوادم مصيبه
المن رايد الحيل
الطم عالصدر حيل
بزينب تدفع الخيل .... افزع للغريبه
شيل مراكض خيل بمصابك
عن الحره وهيم بعذابك
بنت العفه اتنام بخرايب
فزز جرحك شگگ ثيابك
اويلاه.....اويلاه ....اويلاه
ميرزه ناجي الصيمري
✍️
#اللهم_عجل_لوليك_الفرج
((طاح الگمر))
يــــم النـــهر طاح الگمر وين امشي يانويه
يـــــم النــــهر گلبي عثر صاحـو عَلَي سبيه
خدر الحـرم نار الخيم سطرت جـفن رقيه
جيت ملهوفه وجيش وسيوفه
وآه بنــفاسي بظــــيم ملفوفه
راس متهشم وشفت چــفوفه
صحـت آنه عباس اضن ماسمعني
گــلب العشــــگ نار ليمك اخذني
ياخــــويه المصاب يعبــاس يهدني
ياخويه عباس ...
"""""""""""""""""""""""""""""""""""'''''''
من تيـهت رايه شفت بس انته ماشــفتني
بعينك سهم والأخره دم يــم النهر جــبتني
كونك عدل طاح الحمل وبچفك اكفلتني
نار بضلوعي ونـــــار بعيوني
گـوم ياخويه الجيش يردوني
ويـن ماأدري ويــن يـــودوني
عفت مصرع حســــين واجيت بدمعتي
عفــت نــار الخـيام تـــشب نار حـسرتي
والـعيـله ياخـــويّ يـصـيـحـون يـعـمــتي
ياخويه عباس ...
""""""""""""""""""""""""""""""""''''''''''''
ويلي خدر بس الجمر خـــويه الگمر نهيبه
نوبه ركض نوبه حجر وأگبالي چم مصيبه
هـا يلوليّ ردني الهلي آنــــه الگــبل حبيبه
آخ مـــايرحم الجـيش چواني
اووف يـاخويه بـــــنار حرگاني
ليش ماتـسمع صريخ صيواني
ها خويه عباس ترى الگـــوم ولتنه
خــويه والــعيـال يــگـولون جـبتنه
خــويــه والأيـــتـام يـونـون عـفـتنه
ياخويه عباس ...
"""""""""""""""""""""""""""""""""""'''''''
وين الدرب ظلمه الحـرب يافرحتّ الشمــاته
اسمع ضحك من العدو حسين أنسبت خواته
كلشي اسمعت كلـــشي شفت من سَلبو بناته
النوگ جابـوها اطـفال شدوها
وظيم لو تدري بيوم ضربـــوها
عيال محتــاره وآخ شتـمــــوها
سوط أعـــله المتون ميدرون أميره
ياخويه عباس وأنـه اختك الچبـيره
صارو يگـــــولون يــــزينـب الأسيره
ياخويه عباس ...
"""""""""""""""""""""""""""""""""""'''''''
فـــوگ الهزل ضـب الحبل صارت بعد سبونه
ليل أهدعش لهفتّ عطش سوط الغدر ولونه
يم النهر سار الضعن وعـــذرني من خــــذونه
ســوط بمــتوني وماي عطشانه
النوگ رگضوها وهــيچ حيـرانه
دمــوع تجـــاره بشوگ لهــفانه
وخواني عالـگاع والضـلوع هشيمه
عفــت الخــيم نـــار يكفال هضيمه
يــاخويه عباس على النـــوگ يتيمه
ياخويه عباس ...
عبد زينب
محمد الابراهيمي
#اللهم_عجل_لوليك_الفرج
غبار اظعونك ايگلك
رايح يابو الاكبر وين
كلشي مچلّب ابضعنك
ويريدك ترد يحسين
وهاي الگاع من تعثّـرك اتريد
تچلّب بيك حتى ترد بالظعون
وحتى الرّيح بذنك صوفر وصاح
رِد يحسين المن ماخذ ام عون
وين بكل هلك رايح .. وين بهل العوايل
باجر محّـد يعينك ..جذب لسن الرسايل
رِد ولكربله لتروح .. رد بيها المحامِل
➖
➖
➖
هذا انت وهذاك الموت
مسافة ديرة وچّم بير
يوم وليله وضعونك
توصل كربله وتحير
كل بير التعبره سولف اوياه
ونْشد مايه خل يحجيلك الماي
راح يگلك انت تموت عطشان
وانت بهاي جيتك للعطش جاي
كل خطوه بطريجك موت .. ولذبحك مسافه
رايح للذبح يحسين .. يا ندمه وسافه
وامك تابعه اضعونك .. وتون بحسافه
➖
➖
➖
وسهم عبدالله ضمّوله
رد بوليدك ولتروح
لشم رگبته يحسين
مو مالت سهم وجروح
ما شبعانه أمّـه من الدللول
خل يكبر عبد رد بيْه يالحسين
خل سكنه ورقيه يلعبن وياه
رايح بيه عبد يابو عبد وين
دمعته بطوله ضعنك راح .. وبمشيه يتهطر
وحِس كاروك عبدالله .. بكل ديره تطشّـر
وشمس الغربه تجوي الحيل .. يالحيلك تفطّر
➖
➖
➖
من باب المحنّه اوياك
اگلك رِد يبو الاكبر
وادري بروحتك مجبور
بس گلبي عليك احتر
ما تعرف خطيه الوادم هناك
وگواك الله باجر محّد يكول
وادم ما تحب تشوفك بخير
تحب تشوف ضعنك ساكن الچول
باجر كل هلك يحسين .. بالطّف اتسلّب
وغريبين اهلك يضلون .. وأم عون اتعذّب
وما بيهم حنين يكول .. كواج الله زينب
➖
➖
➖
تمت والحمدلله
✍️
حيدر عبدالله السعيدي
#اللهم_عجل_لوليك_الفرج
خَرَجَ الحُسينُ مِنَ المَدينةِ خائفِاً يترقَّبُ
كَخُروجِ مُوسَى خائِفًا يَتَكَـتّمُ
💔
..
أهلاً بالأجه امن أرض المدينة
أهلاً بالأجه بهاي الضعينة
أهلاً بالنزح من ذيچ الأوطان
وعساكم ماتعبتو بيوم يحنان
أهلاً يهل الگلوب الحنينة
سلام الله على الگاطعهه الادروب
وجه وجايب عياله
سلام الله على النازحهه الأوطان
هلا بآل الرساله
والكبر من هذني جايب أم عون
الوطن يسلب دلاله
گل ماتگرب أضعونك :: الناس الي يحبونك
عليك أتكض گلبها
مولاي الهلا تناطر :: نيران وعطش كافر
مو آمن دربها
0000000000 000000
يامن جايب وياك العشيره
وممشاكم ترس گاع الله غيره
مولاي الرسالة ألي قريتوها
بسهم عبدالله گعدو هاي كتبوها
وملگاكم خيم تترسها حيره
ظعن تبراه كفاله أمخليه الحمول
أبد مابيهه ميله
ظعن متعود علعيون عباس
أبأمان اينام ليله
بس هاي الليالي أتصير چتال
وبواچي عللعقيله
خيمكم من تنصبوها :: مشاعلهم يجهزوها
الحرگ ذاكَ المخيم
يالمدلل عفاف الله :: سهمهم يتنه عبدالله
وحضنك ينترس دم
0000000000 000000
يامحله أبسفركم ونتو تمشون
ونته وزينب وعباس تحچون
كل خطوه الشخص يشتاگ للثاني
وذا ضيعت تنده وين خواني
علي ياعمه گلهم لايبعدون
علي الأكبر يجي يم ناگة ام عون
ويگلهه عمه عونچ
شصاير يالحنينه وختلف حيل
وذبل ياعمه لونچ
تگله عمه گلبي العودك أشتاگ
وبچت ويگلها هونچ
روح الوالدك خله :: قبل لاتوصل التله
يجي اشتاگيت أله هواي
سوالف زينب هوايه :: أبمشيها تتبع الرايه
وتضل باجر بله أفياي
0000000000 000000
مداليلك يعزهن گلبك هواي
وعمهن وي مشيهن شايل الماي
ورقيه يارقيه أشگد معزتهه
فرق بين الخرابه وبين خيمتهه
ألتگول بمنامي تنام وياي
المتعوده علبوها أعيونها تنام
تنام وغربه يمهه
البصفك تجي ولو نامت تگوم
تغطيهه وتشمهه
الماترضه بزعلها مو فقط نوم
لا ميته بهظمهه
اوألك بالدار مهظومه :: غفت عالگعده والگومه
كل ساعه عله الباب
بسلامة أتعود تتدعيلك :: وعن الشوگ تشكيلك
وگلبها امحمل أعتاب
رسول رياض
#اللهم_عجل_لوليك_الفرج
آه. يالرضا
آه يالرضا
غربه وعطش نوح وبلا
آه يامصايب كربلا
طاح الحنين من المهر
وزينب تلم بالعايله
ديره ومامش صاحب بيها كلها تريد الثار
وين تروح وحتى الخيمه شبت بيها النار
بالطف يامولاي الضامن. صار الي ماصار
يم النهر نايم كفيل ام الخدر
ساعة هوت راية علي انشاف الستر
عالناگه باجر عمتك بطرة الفجر
*
آه يالرضا
ريت الجرى مر بحلم
بيت وفرغ من الزلم
ظلت يتامه بلا ابو
وجرف النهر ماخذله عم
شيحمله الليل بلا والي لاكافل لابيت
بين اغراب وعمتك صاحت. ياخويه احتاريت
جيت وياكم يل عفتوني. بلياكم رديت
صارت صدگ هاي آنه وحدي بكربلا
والنار وصلت يم حروف البسمله
صارت غريبه الچان اسمها مدلله
****
آه يالرضا
بت الرساله وي الغرب
وبالونه خلصته الدرب
ماينحمل حال اليسر
وين المره وين الحرب
هزله وگيد وآه ولوعه. ويهل دمع العين
نسوان ورضعان بهيمه. كلها اصيح حسين
ليل بلا عباس يدوهن. وين يروحن وين
اخت وتدوّر عن اخو وظلت تحن
يبنيله صيوان لضعنها وبي تچن
چاوينه صبحه طويل ياليل الحزن
****
آه يالرضا
راح الأمان وي الكفل
بين الغرب وبلا اهل
بت الهواشم ياعلي
لا من نشد لامن سأل
اصل الغربه بيوم الزهره طاحت عالتربان
بيت الهادي ورب القدره نزّل بي قرآن
والبيت العاشت بي فاطم جاسته النيران
بيت الرساله وشايل أسرار السمه
هاي الكرامه البي نبع من فاطمه
حنة الباب اتبدلت نار ودمه
**
آه. يالرضا
عمتك على ظهور الهزل
مهضومه والمدمع يهل
ماينحمل فگد الاخو
ويظل غريب الماله خل
بت الشيخ وعين الكافل وتيسرها اغراب
عالناگه وهودج ماعدها والجف صار حجاب
والنار الحرگت خيمتها جمرة ذاك الباب
مثل الزجيه تحيرت بت الشرف
الغربه صدت ليها والاسم انعرف
كل ساعه من درب اليسر محسوبه طف
علي طعمه البطاط
#اللهم_عجل_لوليك_الفرج
حبك بدايه بلا نهايه
بالروح الك دكيت رايه
معشوكي تبقه للمنايه
امامي حبيبي
انه ابدون اسمك اضيع
تمشي ابدمي انته فضيع
لترابك روحي ابيع
حسين
يامحله الحب وياك
روحي انسه وماانساك
بكلشي وياي انه الكاك
ياكلبي انته ودكته
الله رازقنه ابمخدمتك احله خدمه بالعمر
باجر اتحضره اليخدمك من ينزلونه ابكبر
صعبه الرمح صاير مكانك
والناس محتاجه الحنانك
انته الأمان انحب أمانك
امامي حبيبي
ياملجأ كل الناس
يا أحلى من الأحساس
انته وراس العباس
حسين
كلها ايامي عاشور
بالشريان انته ادور
يل دمك ضل ايفور
لمن ذبحو نحرك
انته أيه ونته رايه ونته كلشي بالوطن
وحنه غيرك ما عشكنه شما يمر بينه الزمن
الحافر يدوسك ياضوانه
ينشال ضلعك من مكانه
سلبو اهدومك ياغطانه
امامي حبيبي
علي سعيد
#اللهم_عجل_لوليك_الفرج