قصائد شور مكتوبه
حزن مولاي أمير المؤمنين بفراق مولاتنا فاطمة الزهرا وَلحَظات الدفن الأخيره روحي فداهما
أدفنتُ روحي في الثرى أم فاطمًا
ما كنْتُ أحسبُ أن أُوارِيَ وُردتي
رَحَلَت وما لي بعدَ فاطمُ صحبةٌ
هِي كلُ أصحابي وكلَ عشيرتي
ياعيّن قلبي ياعزيزةَ خَاطري
كيفَ المعيشُ بفقدكِ يا سلوتي
شلون اعيشن واكضي انه أيامي
وانة بچفوفي الدفنت احلامي
يم ترابچ حسره طاحت روحي
ما تطاوعني الرحيل اجدامي
رجعتّ من الدفن محتار
گوه أمشي اعلة رجيلة،،
شلون ارجع وشوف البيت
وانتي الزهره ما هية،،
خطواتي گظن بدموع
بعدچ حيل ما بية،،
واويلاه…هَذِي دموعُ الخاتمه
واويلاه…أنا علي يافاطمه
__
أمسَىٰ حديثُ الدمعِ
يَروي قِصتِي
حُزنِي يَطُولُ لفقدكِ يا زهرتي
كيفَ الهناءُ وفاطمٌ تحتَ الثّرى
لا خيرَ في عيشٍ، بغيرِ أنيستي
أخذَ التُّرابُ محاسنًا كانَت بها
تُفنَى الهُمُومُ ولِي تُجَلّي كُربتي
يا حياة التسوه هايه بدونچ
ألبيت يبچي كلة راد عيونچ
انه ابچي وزينبچ تنعالي
يُمه يالزهره التغيّر لونچ
نبچي عالدلال الراح
كل دمعه تصب حيره،،
بعمر اثمنطمش تجرح
موتچ سالفه چبيره،،
الورد ذابل على اغيابچ
فگدچ صعب تفسيره،،
واويلاه…هَذِي دموعُ الخاتمه
واويلاه…أنا علي يافاطمه
___
قلبي على نارِ الفراقِ مُسجَّرٌ
ما لي سِوى حُزني بِليلِ الوحشةِ..
قدّ بانَ تَعبي والأسىَ لا ينقضي
مثلَ الخَيالِ لقد غدت، يا لوعتِي
ما كان تقوىٰ للهواءِ تشمُّهُ
كانت لها من ضلعِها كم شهقةِ
ما تسولف كسره تحچي النضره
النسمه تاذيها التشمها الزهره
اعليها اباوع والدموع بعيني
بروحي احسّن من ألمها الكسره
الهوه ما تگدر تشمة
حتى الهوه يتعبها،،
يا كسر الضلع يكتل
خلف الباب وحدها،،
ذبلت والجروح هواي
كسر الضلع ماردها،،
واويلاه…هَذِي دموعُ الخاتمه
واويلاه…أنا علي يافاطمه
____
كانت تُنادي يا علي، ألمًا بها
هِيَ ضلعُها وأنا الدموعُ بكسرتي
يوماً فيوماً صارَ يذبلُ عُودُها
قَرُبَ الرحيلُ وبعدَها يا ضيعتي
بدأت تُفارِقُ لحظةً في لحظةٍ
وأنا أموتُ لِحُزنِها مَعَ دمعتِي
حيل تعبت كل جوارح روحي
هية روحي وصارت أهية جروحي
متت سكتة وگلبي فارگ نبظه
انه حيدر ما يبطل نووووحي
علي صاحتلي بس انه
كمت وطحت من صاحت،،
هالمره اختلف اسمي
مخنوگه وعلي نادت،،
گالتلي گَرب مووتي
وغُمضت عيني وماتت،،
واويلاه…هَذِي دموعُ الخاتمه
واويلاه…أنا علي يافاطمه
____
محسن الباوي
اللهم عجّل لوليك الفرج
راوية لحديثنا يبث في الناس و يشدد
في قلوب شيعتنا أفضل من ألف عابد.
الإمام الصادق {عليه السلام}
📚
:بحار الأنوار
لمن اجيتك سيدي
جابتني رحمة فاطمة
وخلتني انعى لمقتلك
وابجي لخيامك والضمة
ودارت على عيوني دمع
وحيلي عليك أتحزمة
يا حسين
بأذن الزهره اجيتك مو قراري
ويه امك اصيح و دمعي جاري
بس بأسمك تشب يحسين روحي
اشلونك بالشمس مذبوح عاري
صحره الگلب ردتك مطر وتخضر دموع
وانصب عزه ويا فاطمة اندبهه موجوع
واجزع على ذكرك عمر يالمالك ضلوع
اعليك الگلب يبن النبي والزهره مشلوع
يا ابا عبد الله
____
هسه اجيتك سيدي
خليني اخدم فاطمة
عندي علم مو أي شخص
يدخل عزاهه العالمة
و هي امس جابتني الك
وبگلبي نارك مظرمة
يا حسين
بكل مجلس تدخله يصير عاشر
وهسه الهه المجالس وانت حاضر
من تطلم عليهه اشلون يحسين
شنهو الضال من دوس الحوافر
لطمك عليمن سيدي يالطولك أثنين
وامك امس من الضرب محومره العين
لا تلطم اعليه الطم اسمحلي يحسين
مني وعد ولفاطمة افنيهه السنين
يا ابا عبد الله
_
خليني ابجي لغربتك
وانت الغريب امن الزغر
من حضنتك آخر حضن
وباست نحر بيك وصدر
وجنّازه ما صحت الك
من الحصيره اعله الگبر
يا حسين
اواسي الزهره امك والطم خدود
و اواسيك اعله امك و اتعب زنود
يما مدفون ثلث ايام عالگاع
يالأمك اجتك وانت ممدود
بذاك الضهر امك اجت وتصرخ يدفان
بيوم العزه لأمك تجي وترجعه الاحسان
وتلطم على كسر الضلع وتصيح عطشان
بكل لطمه يتناثر دمه منك يعريان
يا ابا عبد الله
_
عندي سؤال لحضرتك
ومنك جوابه لو يصح
من تنعى لأمك فاطمة
هَم تنعى من فوگ الرمح ؟
هَم باقي حيلك بالعزه
لو ماله حيل المنذبح
يا حسين
من تبجي عليمن گلي يا نار
نار خيام يا مولاي لو دار
بنار الدار تذكر محسن الطاح
وبنار خيام تذكر ركضت أزغار
طاح الاخو وامك مشت گتلوهه الاجناب
حط بيه جمره سيدي من عتبت الباب
چويني يالفوگك شمس وفراشك تراب
غربني يالضعنك رحل والحادي سلاّب
محمد فرج الحريشاوي
گـــــــــوم ياصاحـــب الـثـار الـثـارك
وأشـهَــر ابــوجـــــه الظـلــم بـتــارك
گــوم صيـح ابـعـآلـي صوتـك ونـتـفـض
مـاكــــو طـلاب الهـا غـيـــرك ينـتــهـض
يـآلـثــارات أهـلــــي نــادي ابــكـل أرض
مـآيـــــــرد الحـــــــگ ســـوا فـقـــــارك
گـــــــــوم ياصاحـــب الـثـار الـثـارك
"" "" "" "" "" "" "" "" "" "" "" "" ""
گـــوم يالتـسـبـگ فـقــط مـآ تـنــسـبـگ
وشـلــع أجــــذور الظـلـــم مـن العــرگ
أنـتــقــم بچـفـوفـك وشـگ كـل حـلـگ
أبـقـــتـل أمــــــــك وجـــــــدك شــارك
گـــــــــوم ياصاحـــب الـثـار الـثـارك
"" "" "" "" "" "" "" "" "" "" "" "" ""
هـذا يـومــك وأنـتَ مـاتـتــــوصّه أبــد
وعـمــــك العـبـاس من عـنــده الــمـدد
أذبــــح ألحـــــد صـيــحــت اللهُ أحــد
ولأخـضــر ويـآبــــس أحرگــه ابـنـارك
گـــــــــوم ياصاحـــب الـثـار الـثـارك
"" "" "" "" "" "" "" "" "" "" "" "" ""
بـيـدك الحــل والــربـــــط مــــن أولّــه
مـايـگـــوم الحــــگ عـــــلـيـه الأ هـلّــه
صـول يـآبـــــن عـلـي وبـــاء البـسملّــه
وخـلــــــي يــــدري الــمـادره بـخـبـارك
گـــــــــوم ياصاحـــب الـثـار الـثـارك
"" "" "" "" "" "" "" "" "" "" "" "" ""
صيـح طـلآب الهـــواشـم هّــــل وصـل
وخـل يـشـوفـون آل هـاشـــم بـالزعـل
أگـبـال كـل الدنـيــه لبـــسـهـم شـيّــــل
وبـــــرد اگــلـــــوب اهــلــك وأنـصـارك
گـــــــــوم ياصاحـــب الـثـار الـثـارك
"" "" "" "" "" "" "" "" "" "" "" "" ""
أنـهـض وعـــرج الهـواشـم خـل يـطــگ
وأصلّـب أهـل الغـدر وسحگهم سـحـگ
لاغرب يبقه وشمال ولاجنوب ولاشرگ
كـلــهـا تخــــضـع لأمــرك وتـســــــيارك
گـــــــــوم ياصاحـــب الـثـار الـثـارك
"" "" "" "" "" "" "" "" "" "" "" "" ""
أفــــزع ولاتـســــمـــع الـهــم كـل عـذر
وبـيـدك اعـلــى الخــد تـولآهـم سـطـر
بـيـن عـلـوهّ ونـصّـه حـطـهـم والكـسـر
كــــــــــون بـــيـهــم أبــــــد مـايــدآرك
گـــــــــوم ياصاحـــب الـثـار الـثـارك
"" "" "" "" "" "" "" "" "" "" "" "" ""
صــيـح هــذا الـيــوم يـوم المـحـكـمـة
الثــار جــــدي وثـــار أمــي فـاطـــمـة
وأصلّـب الجبتـيـن بيـن أرض وسـمـه
ورفـــــع الــرايـــــآت فــوگ أديـــارك
گـــــــــوم ياصاحـــب الـثـار الـثـارك
"" "" "" "" "" "" "" "" "" "" "" "" ""
عبد زينب
محمد مسلم الاسدي
لمولاي صاحب الزمان عليه السلام
أينَ استقر بيك الدهر
يا جرح لظنـونك عـبر
يـا آه كـسـرتـلـك ظهر
يا تالي ال اجروح
اينَ اسـتقر بيك العزا
يــا نــوح گلـبك جوّزه
يا سيـف كلبك يـوكزه
ويشعّب الروح
ويــلاه ويــلاه يــمـولاي عـــالــزهـــرة
انسطرت والعين بالجروح غدت حمرة
نـتــصـوّر احـنـا بـس انـت الـي اتشاهد
كل ليلة اجروح حرگ باب واشد عصرة
بنص النار ونادت يا يمة النار،، حركت ثوب
حكي تجيبة مربع من الاشرار،، ولمغصوب
ابن شويخ وتعرفها دوست دار،، يا مولاي
ما تشفى ال اجروح ..ولا يصلح جبر
الّا بـصـمـصـام..عــزيــز مـقــتـدر
______
__
ً
أين استقر بيك الدمع
بيا اه كلبك ينفجع
بدخان لو كسرة ضلع
مقروحة الجفون
أين استقر بيك الندة
هل جرحك ايصب وحدة
علنوح ياهو الساعدة
ويصب العيون
ويلاه ويلاه يمولاي على المحسن
ما شاف كماط ولا شاف ابو يدفن
امة ويخفيه كبرها وعلي صعبة
وبلا تشيع نعشهة أمر محزن
صرخة ونار وصطرة ومسمار وباب،، ومحسن طاح
وبلبيت موصة ولضلع انصاب،، وصوت نياح
بين السيف وجفه بس المحراب،، يا مولاي
ما يعلى النياح.. ولا يضهر كبر
الّا بـصـمـصـام..عــزيــز مـقــتـدر
______
__
اين استقر بيك الجرح
يا اه منك تنشرح
يا مسة تهده ويا صبح
يبن الزجية
بعيونك اتشوف الامر
التوحيد بالباب انعصر
وركن الديانات انكسر
كسرت منية
ويلاه ويلاه يمولاي يبو الغيرة
الناحلة بالباب خذتها اشد حيرة
توحيد الباري عصروه سكط دمه
ما فزعت ديرة عالستترت الديرة
ما رحموها وكسروا بنت المختار..وحمرة عين
مشبعه الجار وما فازع ليها الجار..لحد البين
يا مهدي لضلع امك اظهر بالثار..يا مولاي
ما يرجع الثار ولا ذاك السطر
الا بصمصام عزيز مقتدر
______
__
أين استقريت ولمن
عيونك عليمن لو بچن
علنار لو ضلع أم حسن
لو محُسن الطاح
تغورك عيونك بلدمة
ارجوزة احزان السمة
ايصيح اضربوهة فاطمة
وچلمة وإن صاح
ويلاه ويلاه يمولاي على جروحك
كل ما تندار تصد نار تشب روحك
ما عانك حيل ولا ليل غفت عينك
كل عمرك نوح متة ينكضي نوحك
يمتة تسلة فقارك ولجبتين،، ينصلبون
وتنادي يهل العالم ولصوبين،، يستمعون
بهاذي العصرة انكسرو من اهلي ثنين،، يا مولاي
ما تنشف دموع،، تضل طول العمر
الّا بـصـمـصـام..عــزيــز مـقــتـدر
______
__
اين استقر بيك الجزع
ويا فاجعة كلبك سمع
اهات فاطم من دفع
چف الضلم باب
لو من حرك باب الوحي
لو من صطر بنت النبي
لو من دخل دارة اجنبي
وشباه الاصحاب
ويلاه ويلاه يمولاي يال اتكابر
كسروا ضلع الي ماكاسرة خاطر
اتضم بالعين تخاف الولي ايصدها
وكبله امن الضيم عليها ضمي وشاجر
ثار امك بيدك يالماتهده بيوم..يابو الثار
تظهر يمتى وتصلبهم يالجيدوم..يالكرار
حيدر للساعة امن الوادم مظلوم..يامولاي
ما ترجع حگوك ويتجبر كسر
الا بصمصام عزيز مقتدر
______
__
بقلم خدام الزهراء
كرار رحمٰن
محمد جواد الخليفاوي
لقدوم مولاتنا الزهراء عليها السلام وهيه معصبة الرأس مكسورة الضلع مُحمرة العين لمجلس ولدها الحسين روحي لهما الفداء
التدور بالمجالس ناعي ينعه
ينعه اعللولد هلبت تسمعه
اليوم اتعنته ودم البواچي
عليها بابها القاتل يدفعه
للعزه .. أتعنت نحيلة هظم
ثگلو عليهه اللطم .. يافاطمة
للعزه .. تشكي وتون ع ولد
گلب الزچيه أنمرد .. يافاطمة
تلگوهه للباب ابدمع
وعينوها مكسورت ضلع
اليوم ابهظمهه أجت
اونهه فلا ينسمع
...................................
مولاتي أبدالچ نلطم أحنه
ونثغب علولد ونشد لطمنه
مولاتي أعلهونچ من تونين
ضلعچ ينلجم والله اتهضمنه
فاطمة .. جرحچ يتعب الگلب
وهذا قدومچ صعب .. يافاطمة
فاطمة .. باب ومشاعل جمر
ودخلو لدارچ قسر .. يافاطمة
دخلو عله الدار العلي
ويزمخ عليچ الناصبي
والله هظم يم الحسن
ونتي أميره وبت نبي
...................................
مولاتي أحنه عنچ خد نسطره
بعدهي عينچ امن السطره حمره
اللهي بفاطمة عجل لبو الثار
اضلوع أم الحسن للثار خضره
ناحله .. ومعصبه أبكل زمن
وملچومه تنعه أم حسن .. يافاطمة
ناحله .. ع لخد أجت لاطمه
ابهذا العزه فاطمة .. يافاطمة
أعظم رزية الفاطمة
لمبچيه أملاك السمه
اثمنطعش عام ابجرح
لسه عليه امحزمه
...................................
عليج اتمادت اچفوف السقيفه
ونتي فاطمة الحره العفيفه
دفعو بابج ودخلوها دارج
الناس المو شريفه ولانضيفه
ابكل وكت .. نحچيها سر وعلن
نلعنهم أبكل زمن .. يافاطمة
ابكل وكت .. حزنچ حزن سرمدي
وهظمج فلا ينخفي .. يافاطمة
مغصوبت الحق حسرتچ
ولابد ترفرف رايتچ
ثارج قريب وتنصلب
اعليد ابنچ الي قتلتچ
رسول رياض
#اللهم_عجل_لوليك_الفرج
((مشهد رواحي))
خلـــيني ازورن سيدي واتنفس انسامه
ماريدن اكثـر يازمن مـــو تكتل احلامه
مشهد رواحي وراحتي وياگلبي وايامه
المايدري لايجرحني
يلوم الگلب يذبحني .. يذبحني
المامنچوي بشـواگي
مايدري شنهو افراگي .. افراگي
چــايمته البّشاره
يـــاسيـدي أزياره .. واتوسلك
موروحي محتاره
بضمانك يالرضا ...
"""""""""""""""""""""""""""""""""""'''''''
هوه اليفارگله محـب لا ما يظـل حيله
يابو الجواد بشيمتك بس دمعي ياويله
يـــامشهدك ياسيــدي وگـلبي شسويله
گلبي اعله دربك ساير
ومحلاته اســمي الزاير .. الزاير
ميت جرح بــ أشواگك
عذبنــي والله أفراگك .. فراگك
يالعــــايش براسي
مو ضاگت انفاسي .. محتاملك
يا خالق احــساسي
بضمانك يالرضا ...
"""""""""""""""""""""""""""""""""""'''''''
يمته اعــــله بابك سيدي افرشهن جروحي
اخرس ورد بيه الحچي هيچ اصرخ بنوحي
لا مـــو بعد روحــــي گلت انته گبل روحي
ياروحي فدوه البابك
جــــنةّ عـدن بعتابك .. بعتابك
اقسملي بـس هالمره
وموتني بالحب نضره .. يانضره
انته الرضا الراضي
مستقــبلي وماضي .. آنه اسئلك
اغفــــرلي يالقاضي
بضمانك يالرضا ...
"""""""""""""""""""""""""""""""""""'''''''
يمته انعه بالحضره الك من الخيمه للتله
هــــوه الدمع يم حضرتكد لاعيني متمله
واذكـــــر عقيلتكم مشــت لحسين وتگله
خويه الخيم حرگوها
خويه الحرم سـلبوها .. سلبوها
مشدوها بس حاچيني
ويـــــــن الدرب دليني .. دليني
وشصاير بحـــالك
بالحضره واقرالك .. ليك وهلك
ودمـــوعي تبرالك
عبد زينب
محمد الابراهيمي
#اللهم_عجل_لوليك_الفرج