Manfaat.uz Sófiqishloq jome masjidi

Фарзандлар беш хил бўлади:
1. Ота-онаси айтганидек иш тутмайди. Бундайлар ота-онага оқ бўлганлардир.
2. Ота-онаси айтганидек иш тутса ҳам, ўзи уни чин дилдан истаб қилмайди. Бундайлар савобдан маҳрумдирлар.
3. Ота-она айтганидек иш тутади, уларга нисбатан номаъқул муомала ҳам қилади. Масалан хўрсинади, «уф» дейди, миннат қилади. Булар гуноҳкорлардир.
4. Ота-онаси айтганларини чин дилдан бажаради. Бундайлар савоб ҳам олади. Аммо булар кам.
5. Ота-оналари истаётган нарсани ҳали айтиб улгурмасиданоқ сезиб бажарадилар. Булар ота-онага яхшилик қилувчилардир. Аммо бунақалар анқонинг уруғидек ниҳоятда ноёб.
Роббим, бизларни солиҳ фарзанд бўлишга муваффақ қил! Амиин!
https://t.me/sufiqishloqjomemasjidi

Абу Ҳурайра розияллоҳу анҳудан: Расулуллоҳ соллаллоҳу алайҳи васаллам айтдилар: «Пайғамбарлардан бир пайғамбарни чумоли чақиб олганида унинг буйруғи билан чумолилар диёрига ўт қўйиб юборилди. Шунда Аллоҳ таоло унга ваҳий қилдики: «Битта чумоли чақиб олгани учун тасбеҳ айтиб турадиган бутун бошли умматни қириб ташладингми?!»
(Муттафақун алайҳ)
Изоҳ: Уламолар ушбу ҳадиснинг шарҳида айтадилар: Ўша пайғамбарнинг шариатида чумолини ўлдириш ҳамда ўт билан куйдириш жоиз бўлган. Чунки, Аллоҳ таоло унга чумолини ўлдиргани учун ёки ўт билан куйдиргани учун эмас, балки битта чумолини ўрнига кўп чумолиларни ўлдиргани учун танбеҳ берди.
Бизнинг шариатимизда эса чумолиларни ўлдириш ва ҳайвонларни ўт билан куйдириш жоиз эмас. Албатта, бошқа ҳадисларда булардан бошқа ўлдириш мумкин бўлмаган ҳайвонот ва қушларнинг исми зикр қилинган. Шуни таъкидлаш лозимки, агар мазкур ҳайвонот ва қушлар инсонга зарар ёки озор берса, унинг озоридан сақланиш мақсадидагина ўлдириш мумкин бўлади.Чумолини хам
https://t.me/sufiqishloqjomemasjidi

Улкан хатар
Ҳасан Басрий Басрий роҳимаҳуллоҳ айтадилар: «Эй одамзод, сени юксалишга қўймайдиган икки юк ўртасида – кечасию кундузи қиладиган амалларинг хатари ўртасидасан, чунки шу амалларинг туфайли сени ё жаннат, ё дўзах кутиб турибди. Қиёматгача шундай синовдасан. Ана энди айт-чи, сендан ҳам хатари каттароқ кимдир борми?»
https://t.me/sufiqishloqjomemasjidi

Ишқ нима?
Жалолиддин Румий ҳазратларидан:
– Ишқ нима? – деб сўрашибди.
У зот:
– Менинг ўрнимда бўлсангиз биласиз, – дебди.
Яна ўша саволни сўрашибди.
Жалолиддин Румий ҳазратлари:
– Иродага эга чиқа олмасликдир, – деб жавоб берибди.
Яъни банда Аллоҳни яхши кўрса, У Зотнинг буйруқларига сўзсиз амал қилади, қайтариқларидан қайтади.
https://t.me/sufiqishloqjomemasjidi

Аёлларга насиҳат!
🌿
​​«Эй қизгинам! Агар аҳли фазл ва аҳли одобларга насиҳат керак бўлмаганида, сенга ҳам насиҳат қилмасдим. Лекин насиҳат – ғофилга эслатма, оқилга ёрдамдир.
Агар қиз бола ота-онасининг камбағаллиги сабаблигина эрга берилиши керак бўлганида, сен ҳеч қачон узатилмаган бўлар эдинг. Чунки отангнинг бойлиги, мартабаси етарлидир. Лекин Аллоҳ белгилаб берган ҳаёт қонунларига кўра, аёллар эркаклар учун ва аксинча, эркаклар аёллар учун яратилганлар.
Қизгинам! Энди сен ўзинг ўсган ҳаводан айрилдинг. Ўзинг яйраб-яшнаган ошёндан чиқдинг ва нотаниш жойга бориб, аввал ўзинг билмаган шерикка учрайсан. У энди сенинг хожанг, дўстинг ва маҳбубингдир.
Сен унга чўри бўлсанг, у сенга қул бўлади. Сен унга ер бўлсанг, у сенга осмон бўлади. Сен унинг учун қуйидаги ўн хислатни адо этсанг, оилада масъуд ва бахтиёр ҳаёт кечирасизлар:
1. Қаноат соҳибаси бўл, ундан ҳайиқиб тур. Эринг уйга нима кўтариб келса, хушфеъллик ва одоб-назокат билан қабул қилиб ол, ташаккур айт.
2. Эрингга ҳамиша итоатда бўл, амрларини яхшилаб тингла ва бажар.
3. Эрингнинг назари тушадиган жойларга эътибор қил. У сенда хунуклик кўрмасин. Уй ичи ва ҳовлини ниҳоятда озода ва тартибли тут.
4. Эрингнинг бурнига ҳушёр бўл. Димоғига сендан ёмон ҳид кирмасин, фақат хушбўйлик сезсин.
5. Овқатни вақтида тайёрла, асло кечиктирма. Эринг уйга келиши билан, дастурхон сол.
6. Унинг уйқу вақтини, уйғониш пайтини билиб ол. Чунки очлик ва уйқунинг бузилиши эркакларнинг ғазабини қўзғайди.
7. Хожангнинг моли ва ашёсига эътиборли бўл, исроф қилма, авайлаб асра! Чунки унинг мол-дунёси сеникидир.
8. Эрингнинг қариндоши ва яқинларини иззат-ҳурмат қил. Бу билан хожангни ҳурмат қилган бўласан.
9. Эрингнинг сирларини бошқаларга айтувчи бўлма, унинг ишончини йўқотасан.
10. Хожангнинг амрига осий бўлма, унинг динга тўғри келадиган барча буйруқларини адо қил. Шуни яхши билиб олки, хожанг хафа бўлганда хурсанд кўринишдан, у қувонган пайтда ғамгин бўлишдан ўзингни эҳтиёт қил!»
Амома бинти Ҳорис исмли аёл ўз қизининг келин бўлиб, куёвнинг уйига узатилишидан олдин саодатли оила асосларини баён қилувчи насиҳати.
“Бахтиёр оила” китоби.
https://t.me/sufiqishloqjomemasjidi

Ишқ нима?
Жалолиддин Румий ҳазратларидан:
– Ишқ нима? – деб сўрашибди.
У зот:
– Менинг ўрнимда бўлсангиз биласиз, – дебди.
Яна ўша саволни сўрашибди.
Жалолиддин Румий ҳазратлари:
– Иродага эга чиқа олмасликдир, – деб жавоб берибди.
Яъни банда Аллоҳни яхши кўрса, У Зотнинг буйруқларига сўзсиз амал қилади, қайтариқларидан қайтади.
https://t.me/sufiqishloqjomemasjidi

Умрингизни ортиқча бойлик орттириш учун сарфлаб юборманг! Бу дунёдан барибир ҳеч нарса олиб кета олмайсиз.
🌗
🌘
🌑
🌒
🌓
https://t.me/sufiqishloqjomemasjidi

📢
“Maromiylik” — to‘ylarda me’yor va odob!
Respublika Ma’naviyat va ma’rifat markazi, O‘zbekiston musulmonlari idorasi, Mahallalar uyushmasi, Oila va xotin-qizlar qo‘mitasi hamda “Nuroniy” jamg‘armasi dabdabali to‘ylar va boshqa oilaviy marosimlarni ixcham va me’yorda o‘tkazishga qaratilgan “Maromiylik” targ‘ibot kampaniyasini boshladi.
🗓
Kampaniya 90 kun davom etadi va bu vaqt mobaynida jamoatchilik o‘rtasida odob-axloq, tejamkorlik va maromga rioya qilish g‘oyalari keng targ‘ib etiladi.
✳️
Marom — bu me’yor, ortiqcha isrofsiz, odobli turmush tarzidir.

#Ҳикмат
Умар ибн Хаттоб розияллоҳу анҳу ҳикматлар
▪️
١٦.
قَالَ عُمَرُ بْنُ الْخَطَّابِ رَضِيَ اللهُ عَنْهُ:
🌿
أَصْلُ الرَّجُلِ عَقْلُهُ، وَحَسَبُهُ دِينُهُ، وَمُرُوءَتُهُ خُلُقُهُ.
Умар ибн Хаттоб розияллоҳу анҳу дедилар:
🌿
“Одамнинг асоси — унинг ақли; шарафи — дини; муруввати эса — ахлоқидадир.”
♻️
Дўстларингизга ҳам улашинг!!!
Muslimun.uz
https://t.me/sufiqishloqjomemasjidi

МАЗҲАБГА ЭРГАШИШ--ДИНИМИЗ ТАЛАБИ
«Қуръон ва суннат турганда уларга амал қилмай, яъни Аллоҳнинг ва унинг Пайғамбарининг айтганини қилмасдан, Абу Ҳанифанинг айтганини қиламизми?» дейишади. Шунингдек, улар мазҳаблар Пайғамбар (с.а.в.) вақтида бўлмаган, демак, бидъат нарса, шунинг учун унга амал қилиш керак эмас", дейдилар. Яна улар, "Мазҳаблар ихтилофга сабаб бўлади, шунинг учун уларни инкор қиламиз", дейишади ва ҳакозо. Ўз навбатида мазҳаб тарафдорлари ҳам мухолифларга қаттиқ зарба берадилар. Уларни турли айблар билан айблайдилар. Оқибатда орада келишмовчилик, уруш-жанжал чиқади. Ҳозирги пайтда ҳам шундай ҳолатлар учрайди. Аслини олганда, илмий қарашлар орқали бундай ихтилофларнинг олдини олса ёки уларга барҳам берса бўлади. Аввало, фиқҳий мазҳабга амал қилиш, Қуръон ва суннатни тарк қилиб, ўзимизга ўхшаш бир инсоннинг айтганига амал қилиш дегани эмас. Фиқҳий мазҳабларимиз раҳнамолари аҳли сунна вал жамоа ақидавий мазҳабининг кўзга кўринган алломаларидир. Улар ақида бобида ҳеч қандай хилоф иш килганлари йўқ, қилишлари мумкин ҳам эмас. Демак, шундай катта уламолар кишиларни Қуръон ва суннатга амал қилмай, ўзларининг фикрларига чорлашлари, умуман, мантиққа тўғри келмайди. Фиқҳий мазҳаб имомлари Қуръон ва суннатни кишиларга осонлик билан тушунтирган ва уларга амал қилиш йўлларини мусулмонларга ўзига хос услуб билан баён қилиб берган алломалардир. Улар ҳеч қачон ўзларига ортиқча илоҳийлаштириш ёки қандайдир устунликни талаб қилмаганлар. Балки, ўз меҳнатлари, илм, одоб ва тақволари билан мусулмонлар эҳтиромига сазовор бўлган зотлардир. Уламоларимиз, фиқҳий мазҳаб имомларини ва уларнинг ишларини қуйидаги мисол билан тушунтирадилар: бу дунёдан яхши яшаб, яхши ўтиш ҳудди тоғнинг чўққисига эсон-омон чиқишга ўхшайди. Қуръон ва суннат ўша чўққига чиқишни кўрсатадиган харита ва қўлланма. Мазҳаб имомлари эса ушбулардан фойдаланиб, чўққига чиқишнинг энг осон ва бехатар йўлини топиб, белги қўйиб, осонлаштириб қўйган кишилар. Фиқҳий мазҳабларни инкор қилувчилар эса ўша тоғнинг тагига келиб, харита ва қўлланмани олиб, ўзига янги йўл топиб, чўққига чиқишга ҳаракат қилаётган одамга ўхшайди. Илми, кучи, имконияти бўлса чўққига чиқиш эҳтимоли бор. Бўлмаса қулайди. Чўққига чиқишга ёрдам берадиган илм, куч ва имконият эса, камида мазҳаббоши имконига тенг ёки ундан кўпроқ бўлиши керак. Энди тушунарли бўлган бўлса керак. Мазҳаблар пайғамбар соллаллоҳу алайҳи васаллам вақтларида бўлмаган, деган эътироз ҳам шунга ўхшаш. Бу гапни ақийда, ибодат бобида айтса бўлади. Аммо услуб, тушуниш, баён қилиш бобида тўғри келмайди. У вақтда Қуръон китоб шаклида бўлмаган, барча Қуръонларни куйдирайлик дейилмайди-ку?! Шунингдек, тафсир, ҳадис каби илмлар, уларга тегишли китоблар ва яна кўп нарсалар бўлмаган.
Ихтилофларнинг олдинии олишдаги биринчи вазифа бу чуқур билим олиш ва доимо ихтилофлардан йироқ бўлиш ҳамда уларга тегишли маърифий томондан ҳимояланишдан иборат.
Одилхон Абдураҳманов
https://t.me/sufiqishloqjomemasjidi