ساجِدة

فجأة اليوم صار عندي خطة إني اقرأ من كل بلد أشهر رواية وأعمل لستة ولكن أعرف إني راح أترك الخطة من الدولة رقم ٤، مثل ما سبق وتركت جميع خططي ما أذكر أبدا إنّي أنجزت مهمّة بدون ما يكون على رأسي مسدس تقريبًا. لكن أعتقد إني راح أبدأ فيها على الأقل راح اقرأ ٤ روايات جديدة.

أبشركم رجعتها الوكالة وطلع عيب مصنعي، وراح يتم استبدال كافة نظام التكييف بالسيارة. نصيحة لا تهملوا أبدا أبدا الصيانة الدورية في الوكالة أو المراكز التابعة لها، واحتفظوا بالفواتير دائمًا، لأنهم يدورون الغلطة عشان يطلعوها من الضمان. لمّا شاف أموري سليمة قال انتي اشتريتيها من معرض مو من الوكالة وبالتالي هي خارج الضمان!! علمًا إني شريتها من الوكالة نفسها، بس قعد يحاول يقنعني إني شاريتها من معرض خارجي، لين قلت له سرقتها أنا ما شريتها شرايك؟! هالسيارة تابعة لك وأنت استوردتها بعيبها المصنعي طريقة شرائي ما تلغي مسؤوليتك، وبعد هواش وافقوا على الإصلاح.

سؤال للرجال، سيارتي فجأة مكيفها ما صار يبرد، لما وديتها للميكانيكي قال إن الثلاجة خربانة، وإصلاحها يكلّف أكثر من ٣٠٠٠، عمل اليد لوحده بـ١٥٠٠، هل هالسعر طبيعي ولا قاعدة أنسرق؟ (سيارتي نيسان كيكس)

مافي محفّز فعّال للقراءة مثل الزيارة الدوريّة للمكتبات، صحيح تفلّس ولكن "لولا المشقة ساد الناس كلهم .. الجود يفقر والإقدام قتّال"

مبارك عليكم الشهر
🌙

قبل أقل من ثلاث سنوات لمّا كنت ألبس غوايش الذهب، كان كثير من البنات يعتبرن إطلالتي قرويّة، الآن بعد تضاعف أسعار الذهب ووصوله لقمم تاريخيّة، أغلب البنات فجأة صارت الغوايش تعبجهنّ -سبحان الله- وكلّهنّ بالدوام يتنافسن على مين تلبس أكثر عدد من الغوايش!! هذا يعطيني معرفة إن الناس ما تلبس الشيء لأنه عاجبها، ولكن لأنّه يرفعهم لفئة إجتماعيّة أعلى. لو برادا أو غوتشي أو ديور قررت تبيع بالأسعار الحقيقيّة للمنتجات راح تفلِس، ولو إسوارة فان كِليف انباعت بقيمتها الحقيقيّة كذهب عيار ١٨ بتصميم عااادي جدًا محد راح يشتريها ولا أحد راح يلبسها وراح تختفي نسخ التقليد. باختصار الناس تشتري المنتج اللي يفرزهم ويشير لطبقتهم الإجتماعيّة.

مدري متى الروايات الشرقيّة راح تطلع من إطار خطاب الضحيّة وأسلوب شاهد على العصر وكأنها مجرّد تقرير عاطفي الهدف الوحيد منه استدرار عواطف القراء. لا نظرة فلسفيّة عميقة، ولا تأملات فكريّة ولا رؤى، بس شهود على الكوارث والمصائب! أدب روائي كسول ومخزي والله.

قبل فترة كنت أحاول أشرح لأختي إن فيه أشياء صغيرة أتمناها، ورغم صغرها تكون صعبة المنال أو مو أولوية وبالتّالي أأجلها لوقت لاحق وسبحان الله تتحقق بشكل ما يخطر على البال أبدًا. حاولت أشرح لها فكرتي لكنّها حسبتني أتكلّم عن الأمور الكبيرة مثل الوظيفة والسيارة والإستقلاليّة…

الحمدلله ماعندي أخوان أقسم بالله، الحمدلله أمس، والحمدلله اليوم، والحمدلله بكرة، والحمدلله إلى الأبد. الفجر اليوم كلمتني قريبتي إنّها بتروح مشوار معيّن، وسألتني عن أمر يخص مشوارها، وشرحت لها. أنا طلعت من البيت رحت الدوام، وقعت حضوري ارسلت ايميلات، طلعت من الدوام بعدها بساعة، رحت بيت أختي، أخذت بناتها لبيتنا، عشان أنا وإياها نروح مجمع الشرق لأن نبي كم قطعة قماش، طلعنا من السوق، ووصلتها بيتنا، ورجعت لدوامي على الساعة ١١ ونص، خلصت الدوام ورجعت البيت. وتذكرت قريبتي وأرسلت لها بشري إيش صار معاك. قالت أخوي رفض يوصلني
🤡

مشكلة العلاقة مع الآباء والأمهات إنك لمّا تكون صغير يقمعوك لأنك أضعف منهم ولا عندك مهرب. ولمّا تكبر ويشتد عودك يقمعوك برضو لأنهم يصيروا أضعف وإحساسك بالرحمة تجاههم يكون أكبر من أي إحساس آخر.