🌴تجمّع الزهراء ع العاشورائي🌴

يا مهدي صاح بهالوضع ادركني
لمن وگع محسن امس ها يبني
وآنه صحتلك بالكسر وجروحي
و وگعت الباب بجمر موتني
من اجوا .. ما اگدر واندب علي
من اجوا .. هاي الوصيه امن الوصي
من اجوا .. ندبه الك يبني وهلي
يوليدي يا طلّاب شافي كسرتي
عصروني خلف الباب وآنه بغربتي
يوليدي يابو الثار صحت بدمعتي
يا مهدي ادركني
_
_
يا يمه ياليومج عذابي وغيبه
امن الندبه لليوم انفجع و امصيبه
ضلعي انكسر لضلعج امس بالعصره
ثارج على گلبي ويميني تجيبه
من وگع .. دمج نزف گلبي عمر
من وگع .. ابنج على تراب وجمر
من وگع .. ما تهده لجمات الكسر
معصوره خلف الباب مضروبه يمه
ضلعج تكسّر ليش يشكيلي دمه
مخلوسه خلف الباب يالزهره هظمه
يا مهدي ادركني
____
ليليه اشوفن رفستج يالزهره
واسمع نياحج والضلع و الكسره
وتلهبني نارج والجمر بضلوعي
وعيني اويه عينج من غربتي حمره
يا كوثري ... وبطولج اليجري دمه
يا كوثري .. ما كفت جروحي السمه
يا كوثري .. وطولج على تراب انرمه
يا يمه صحتي الغوث يا مهدي أبني
ويضربني ياهو الجان هذا الكسرني
هديتي يمه الحيل طولتي حزني
يا مهدي ادركني
___
ما طبگت عيوني وغفت مرتاحه
وحيدر اسمعنه يون ونياحة
من غسلج شاف الخدود الحمره
وضلعج صبح للمرتضى ذباحة
اطفه واشب ... ليليه يالزهره انكتل
اطفه واشب ... وگلبي جمر من الطفل
اطفه واشب ... وبعيني ممشاهه الهزل
يا يمه شفت حسين وكسرة دليله
وتشكيلج الحوراء باجر هزيله
راسه برمح مشيول يسبوله عيله
#محمد
فرج الحريشاوي

وداع الاخير
حسين اليصير
مو بيدي اعوفك بالدمع
ضلعي انكسر
خدي انسطر
ارد اشبگك و الچم ضلع
آخر نضر مني الك بدمعه وحزن هذا الاشد
يمه تضل بهذا الوضع وبعينك المنظر ركد
ما شبعت عيوني نضر منك تره يمه بعد
حسين يا يمه
_
اشتم النحر
گلبي انكسر
وباجر اجيك بكربله
دام الوكت
حضنك ردت
باجر عطش من لا هله
جم ليلة وتصبّح غريب بلاية أم بلا وطن
اتغطه بعباتي يالما الك عاري تضل باجر جفَن
من هسه وعيوني الك نزلن دمه اعليك انعمن
حسين يا يمه
_
باب وحرگ
يصيرن سحگ
ومسماري يتحول سهم
باجر اجيك
تفتحلي اديك
وتأشر الي صوب الخيم
دمعك دمه يصبح تره اهناك الضهر نص كربله
اهل القرى تمر وتصيح يم جثتك ياهم هله
من هسه الك روحي صفت ها يالولد متعلعله
حسين يا يمه
___
يمه الولد
مالك سند
وايدي احطهه اعله الضهر
يمك اجي
واشبع بجي
ميت ضمه ويمك نهر
خل اشبع بوجهك نضر واصفن عمر باجر تروح
وتغير ارسومك شمس خيل ورمح ودم الجروح
گلبي طلع من نضرتك وعينك حجت زينب تروح
حسين يا يمه
_
گلبي شجنه
و افگد ضنه
وبنتي تروح اعله الهزل
لذاك الدهر
ابجي بقهر
وانضر الك مانك عدل
بنص الحصيره و تنجمع طولك يصير باجر وذر
يالما الك اخت التضل يمك ولا تنعى بقهر
من لطمتي ضلوعي تطگ من لطمتي واجزع دهر
#محمد
فرج الحريشاوي

تلزم ضلعها والألم.  يعصر ضلعها
وعالحايط اتضل تنتجي.  ويهمل دمعها
ساهر جفنها.  وما يهده ونها
*
هاي الزهره وحالتها.  بيها اشسوت دنيتها
يا محنتها  ويا حيرتها.  متعوبه اهواي
شيطفي النار البيها. اشكد الباب امذيها
اتكوم وتعثر  والهم يكبر  ومشدوه الراي
شتظن المكسور ضلعه يعرف النوم
جرحه ما يشفه بسهوله الكلبه ملجوم
تلگه دمع عيونه ينزف مثل الغيوم
البسمار متندم بقه. وينحب عله الصار
والنار خاطرها انكسر.  من وصلت الدار
واشتد حزنها. ما يهده ونها
*
*
الفارك غالي ويتأمل. مثل الورده ايضل يذبل
تطلع روحه وتبدي جروحه. تكبر وياه
التشتاك بسرعه عيونه.  ليش بساع يعوفونه
يسهر ليله.  وينهد حيله.  ويضوگ الاه
نار نمرود اشوه من نار البعيدين
ونعمله اعله الحلم ما فارگ العين
احنه صح عدلين لاكن عشنه ميتين
الودع عزيز بدنيته.  لتظنه يرتاح
هذا اشوه مني طيحته. المن السمه طاح
دافع ثمنها.  وما يهده ونها
****
ليش الزهره ايضلموها.  وخلف الباب ايعصروها
والدم يجري. والكل يدري. بت المختار
محسن مات امن العصره.  وكسروها اضلوع الزهره
اهواي اتأذت وتون ضلت  من البسمار
بقوته ليش النذل يسطرها عالعين
والرفس باب النبي وگلها علي وين
وتشبه اضلوع الزجيه اضلوع الحسين
مجروح ابو اليمه ويون. ضل اعله مجروح
وحسين باجر ينسحك.  وتشوفه مذبوح
اتنوح اعله ابنها.  ما يهده ونها
*
يا ناس الفاگد امه. دمعه بيا عين ايظمه
من يذكرها. ايطلع صورها  وللام يشتاگ
روحه تصير بحجرتها. وبالبيت ايشم ريحتها
يتعنه الها. ويمه ايگلها. مابيه افراگ
جلمت اليمه حنينه وتسوه كلشي
والضيع امه  يضل بالگوه يمشي
يصيح مو بس راسي شيب حته رمشي
هنياله الي ايرد الهله  وامه تلاگيه
والماتت امه بيا ضمد  تكدر تداويه
شرد احجي عنها.  ما يهده ونها
*
والفارگ اغله احبابه. جم يمته ادگ ابابه
وتكله ارجع  نشف المدمع. لتروح بعيد
اليرسم عالكاع احلامه   تمسحها اتضل ايامه
وليل اهمومه. وكت النومه. دمعات ايريد
هاي دنيه واليسافر يرجع اشلون
اكو وادم صار فرگاهم بالعيون
وحشه واعزاز الكلب ماظن يردون
ورده وعمرها اثمنطعش. تبجي العمرها
حيدر دفنها بالگبر. واخفه گبرها
ازرگ متنها.  ما يهده ونها
*
*
تمت
تحسين الخفاجي

✨️
✨️
🏴
قصة القاسم
🏴
✨️
✨️
➖
➖
➖
➖
➖
➖
[[
💔
قصيدة للقاسم بن الإمام موسى بن جعفر عليهما السلام
💔
]] :
➖
➖
➖
➖
➖
➖
➖
➖
➖
➖
➖
✍️
قصة    القاسم    أمنين  ابديها
وجمرة  من كل  المصايب بيها
➖
➖
➖
➖
➖
➖
➖
➖
➖
➖
➖
✍️
قصة    القاسم    بدايتها  بألم
من بني العباس ما  صدگ سلم
يمشي گام بليل   والنيه   عزَم
وبالنهار      إرويحته    يخفيها
➖
➖
➖
➖
➖
➖
➖
➖
➖
➖
➖
✍️
چن   کلیم  الله خایف  من   خرَج
وهو ابن باب الحوائج   و  الحجج
يمشي بس مايدري   يايوم  الفرج
وسفرته    هاي     شوكت يگضيها
➖
➖
➖
➖
➖
➖
➖
➖
➖
➖
➖
✍️
بين  ما    هو      بغربته    مبتلي
لنه  يسمع طاري أبو الحمله علي
گال  هاي   الديره  تعرفهم   هلي
وأنوى    يوصل    للچبیر   البیها
➖
➖
➖
➖
➖
➖
➖
➖
➖
➖
➖
✍️
وصل ليه و ضيفه  وشاف  العجب
اعليه     سيماء   الاكابر     و الرُتب
كل  خبرني     اعله  اصلك  ياعرب
جاوبه     بالدمعه     بس   يجريها
➖
➖
➖
➖
➖
➖
➖
➖
➖
➖
➖
✍️
رد  يگله  عمي      يمك     حاجتي
رايد  آكل     انا   من    کد   یمنتي
ارد     اجيب   الماي حقق   غايتي
وربك     الزينه      بألف     يجزيها
➖
➖
➖
➖
➖
➖
➖
➖
➖
➖
➖
✍️
تردد    الشيخ     أبداية    طلبته
يشوفه يسطع نور  ترهب  هيبته
لچن    وافق  بيه   من    محبته
وراد   يعرف نفسه  شنهو  البيها
➖
➖
➖
➖
➖
➖
➖
➖
➖
➖
➖
✍️
يروح ابن    الكاظم   لشاطي النهر
يعاتب     الماي و دمع عينه   مطر
لیش ضامي  حسين محزوز النحر
وفرفحت   سکنه   و   لا    ترویها
➖
➖
➖
➖
➖
➖
➖
➖
➖
➖
➖
✍️
وقرر     أمعزبه      یزوجه    ابنیته
لأن    شاف    الخير   زاد    بجيته
فتره مرت   لن     نولدت   طفلته
وگامت    اولاد      العرب     تأذيها
➖
➖
➖
➖
➖
➖
➖
➖
➖
➖
➖
✍️
أنتي       بتمن    گامو    يعيرونها
وهي    بنت  المصطفى  يجهلونها
ترجع     لداره     و دمع    بعيونها
يگوم ‌  يحضنها ‌  وينوح   اعليها
➖
➖
➖
➖
➖
➖
➖
➖
➖
➖
➖
✍️
يگلها  أنتي من  المدينه   الغانمه
أنتي من  بيت الذي تحبه  السمه
انتي     علويه  و  امچ     فاطمة
الألله ‌يرضى  اعله الذي  يرضيها
➖
➖
➖
➖
➖
➖
➖
➖
➖
➖
➖
✍️
من  دره    الشيخ    بنسبهم  والأهل
وين اودي وجهي‌  صاح من  الخجل
گله  بيضه     الرايه   ياعمي    تضل
و لُمّي      بنتي    رايد          توديها
➖
➖
➖
➖
➖
➖
➖
➖
➖
➖
➖
✍️
من خذاها    الشيخ وانوه  لحجته
تمشي     گدامه  أعله  باب ودگته
صاحت ام القاسم   اشتم   ريحته
وماتت    و هالقصة    حد    تاليها
➖
➖
➖
➖
➖
➖
➖
➖
➖
➖
➖
✍️
خادم  القاسم الغريب
🏴
ع
🏴
جهاد البصیراوي

{{●●قصيدة رئيسية للقاسم عليه السلام●●}}
➖
➖
➖
➖
➖
➖
➖
➖
➖
➖
➖
✍️
لا يهمك أي مصاب وأي  بلاء
لقاسم الايمان إگصد  والعطاء
نوخ رچابك جواره ●● وبدمع إقرا الزياره
لقاسم الايمان إگصد والعطاء
➖
➖
➖
➖
➖
➖
➖
➖
➖
➖
➖
✍️
هذا من   عمه  الحسن  ماخذ كرم
هذا  الجداده   ولاة   اعله   النعم
النازله      ببيوتهم    نون   القلم
ولو مشه بالهيبه  چن هادي  الامم
حثو   اعله    زيارته   الاولياء
لقاسم الايمان اگصد   والعطاء
خلي عبراتك تجارى ●●  وبدمع اقرا الزياره
لقاسم الايمان اگصد والعطاء
➖
➖
➖
➖
➖
➖
➖
➖
➖
➖
➖
✍️
يروى ما مضمونه  عن قول الرضا
الثامن    الضامن  سليل  المرتضى
الزار اخوي    بغربته  وعنا  رضى
ينحسب زايرني والله     اليحفظه
تطوف املاك السمه بهذا الفناء
لقاسم الايمان اگصد  و العطاء
رابحه وياه التجاره●● وبدمع اقرا الزياره
لقاسم الايمان اگصد والعطاء
➖
➖
➖
➖
➖
➖
➖
➖
➖
➖
➖
✍️
هذا ابن  باب  الحوائج   والنعم
من ابن جعفر  اخذ   دين  وعلم
لا تخاف  من  البلاء  و لا   تهم
البابه اگصد وامشي  بهمه وعزم
قدم إباب الولي فرض الولاء
لقاسم الايمان اگصد والعطاء
واگعد بطرف المناره ●● وبدمع اقرا الزياره
لقاسم الايمان اگصد والعطاء
➖
➖
➖
➖
➖
➖
➖
➖
➖
➖
➖
✍️
للحوائج   قاضي  و  كل   الشدد
الموسى بن  جعفر  ابوه نعم‌  الولد
كالحسن  موصوف  يرووها   بسند
ما طرق  بابه   فقير ‌ و خالي  رد
منبع   الخيرات   إبن  الكرماء
لقاسم الايمان اگصد   والعطاء
إلتجي لكهف الحيارى ●●  وبدمع اقرا الزياره
لقاسم الايمان اگصد والعطاء
➖
➖
➖
➖
➖
➖
➖
➖
➖
➖
➖
✍️
اگصد‌   الباخمره   و  عيونك  تهل
وشوف  ابن موسى الغريب بيا نزل
گله  احلفك بالمشت   فوگ   الهزل
ادعي  خلي  المهدي   إعلينه  يهل
ياخذ بثار الگضو‌  في  كربلاء
لقاسم الايمان اگصد و العطاء
وللمشو بالبر اساری ●● وبدمع اقرا الزياره
لقاسم الايمان اگصد والعطاء
➖
➖
➖
➖
➖
➖
➖
➖
➖
➖
➖
✍️
يا بو صالح    گله  عجل  بالامر
القابض اعله الدين كالقابض جمر
ماكو يوم بلا   دمه   إعلينه يمر
بكل  زمان  حسين  واليه  الشمر
شيعتك يوميه  تنزف  شهداء
لقاسم الايمان  اگصد والعطاء
بنتظارك هالغيارى ●● وبدمع اقرا الزياره
للقاسم الايمان اگصد والعطاء
➖
➖
➖
➖
➖
➖
➖
➖
➖
➖
➖
✍️
🔸
يهدى ثوابها لروح الحاج المجاهد
🔸
خادم الحسين المرحوم(جعفر عبد الله سبتي )
والى أمواتكم جميعاً
🔸
مع الفاتحة والصلوات
🔸
●شاعرها●
●جهاد البصيراوي●

‏ الشاعرحسن لعيبي الحريشاوي
أداء  سيد رياض البطاط
بمناسبة وفاة القاسم  بن
الامام الكاظم عليه السلام
لوتريد هموم البكلبك تزول
وشاكي من غدر الزمان الظالم
ولو شكيّت من العلل لمن تزيد
ودوّرت الهن طبيب  وعالم
ولوتصير الدنيا بعيونك ظلام
وروحك وياها العذاب اتوالم
ولوشكيت البخت والحظ اليميل
ومانفع طيبك ابهاي  الوادم
ولوتريد من الله غفران الذنوب
وتطلب من الله النعيم الدايم
روح للحلّه وتعناّها ابعجل
نور تلكّه  من الامام الكاظم
اتعنّه يلزاير وعجّل بالامر
لبن موسى اقصد ضريح القاسم
الشاعر حسن لعيبي الحريشاوي

هوسات تأبينه لوفاة القاسم بن الإمام الكاظم عليهما السلام
ويلي علقاسم گضه عمره نحيب
بالنحيب العمر گضاه وغريب
والغريب صواب گلبه مايطيب
(شيطيب اجروحه الملچومه )
★★★★★
حيله بالغربه تضعضع  وانهدم
وعفيه روح المايفارگها الالم
چن على القاسم لفه البين وقسم
(ابلوعات الدنيا ايگضيها )
★★★★★
وين بعد الاهل وأحبابه يروح
ذبل عوده الچانت أنسامه تفوح
يشكي يم ياناس بأسراره ويبوح
(متروسه الگاع ابعدوانه )
الشاعر حسن لعيبي الحريشاوي

ادعي  بضريح الكرم.  من كون توصلَّه
يَمْه تزول العلل.      لاماتضل علَّه
كل معضله تنجلي من طيبته وفضله
يم طاهر اصل ونسب خير وكرم اصلَّه
ذاك الجفاه الزمن.   ماينجمع شمله
اصبح ابدار الغرب كل يوم إله رحلَّه
من جور اهل الظلم. مايقبل. الذلَّه
الناس مالت إله.    ولشيمته. وفعله
عَجَّل عليه القدر      مابالقدر. مهله
مدفون بأرض الغرب. محد دره من اهله
أگصد ضريحه بحزن   دمع الحزن هلَّه
العالي المناير  فخر. بيه تزدهي الحلَّه
الشاعر حسن لعيبي الحريشاوي

#قصائد_في_خدمة_الخطباء
#جمادى_الأولى١٤٤٨
#الليالي_الفاطمية
[قصيدة رباعية]
١/دمعٌ على خدَّي عليٍّ جارِ
وحسينُ يحضنُ زينبًا في الدارِ
حسنٌ يديرُ العين للمسمارِ
آهٍ لنار الفقدِ في الأحشاءِ
٢/ذي دارُ فاطمةٍ خلت من فاطمْ
فُقِدَ الحَنانُ وغابَ قلبٌ راحمْ
ذهبَت وما في الصّدرِ ضلعٌ سالمْ
فالصّدرُ مرضوضٌ من الزّهراءِ !
٣/ذهبَت وفوقَ مُتونِها آثارُ
والدّمعُ فوقَ خُدودِها أنهارُ
بالحقِّ غاضِبَةً على من جاروا
والروحُ متعبَةٌ من الإيذاءِ
٤/كسروا الضُّلوعَ وألّموا جَنْبَيها
بسياطهم مالوا على متنَيْها
بالنّارِ -وَيْلي- أحرقوا كفَّيْها
أيُّ المصائبِ تلكَ والارزاءِ!
٥/حسنٌ بكى من هولِ تلكَ البلوى
وحُسَينُ ناحَ لمُحسِنٍ إذ أهوى
ولزينبٍ نوحٌ أنينٌ شكوى
في كلّ ناحيةٍ من الأنحاءِ
#عظم_الله_اجوركم
◾️
فاطمة علي رزق
اسألكم الدعاء