Ta'limda nima gap?

❓
Talaba qanday hollarda oliy ta’lim muassasasidan chetlashtirilishi mumkin?
✅
JAVOB:
O‘zbekiston Respublikasi Vazirlar Mahkamasining
2025-yil 13-sentyabr 578-sonli
qaroriga
muvofiq
, talabalar quyidagi holatlarda o‘qishdan chetlashtirilishi mumkin.
➖
o‘z xohishiga
ko‘ra;
➖
o‘qishning boshqa ta’lim tashkilotiga
ko‘chirilishi munosabati
bilan;
➖
oliy ta’lim tashkilotlarining
ichki tartib-qoidalari
hamda
odob-axloq qoidalarini
buzgani uchun;
➖
bir semestr davomida darslarni
uzrli sabablarsiz 74 soatdan ortiq
qoldirgani uchun
(salomatligi sababli belgilangan shakldagi tibbiy ma’lumotnoma taqdim etilgan holat bundan mustasno)
;
➖
o‘qish uchun belgilangan to‘lov
o‘z vaqtida amalga oshirilmaganligi
uchun
(to‘lov-kontrakt bo‘yicha tahsil olayotganlar uchun taalluqli)
;
➖
talaba sud tomonidan
ozodlikdan mahrum etilganda
;
➖
sud qaroriga ko‘ra
kirish imtihonlarida belgilangan tartibni buzganligi aniqlanganda
(ushbu holatda talabalar safidan chetlashtirilganlar talabalar safiga qayta tiklanmaydi)
;
➖
talaba abituriyent sifatida oliy ta’lim tashkiloti qabul komissiyasiga taqdim etgan
(topshirgan)
hujjatlarining
qalbakiligi
yoki
belgilangan
talablarga javob bermasligi aniqlansa;
➖
vafot etganligi
sababli.
Ma’lumot o‘rnida
, harbiy xizmatni o‘tash, salomatligini tiklash, homiladorlik va tug‘ish, shuningdek, bolalarni parvarish qilish ta’tillari davrida hamda oilasining betob a’zosini
(otasi, onasi yoki ularning o‘rnini bosuvchi shaxslar, turmush o‘rtog‘i, farzandi)
parvarish qilish uchun talabaga belgilangan tartibda
akademik ta’til berilishi
mumkin.
@talimationuz
— TAʼLIM DOIMO MUHIM!

#eslatma
Toʻlov-kontrakt mablagʻlarini toʻlashni unutmang!
Davlat komissiyasining tegishli bayoni bilan
2025/2026-o‘quv yilida oliy ta’lim tashkilotlarining bakalavriat hamda magistratura talabalari
uchun to‘lovlarni amalga oshirish va talabalar safiga qabul qilishni rasmiylashtirishning
muddati 2026-yil 31-yanvarga qadar (shu kuni ham)
uzaytirilgan edi.
Unda:
➖
qabul parametri doirasida
o‘qishga tavsiya etilgan abituriyentlar bazaviy to‘lov-kontrakt shaklida bir yillik o‘qitish qiymatining
kamida 50 foizi miqdorida
;
➖
tabaqalashtirilgan to‘lov-kontrakt (super)
asosida o‘qish istagini bildirganlar, ular uchun belgilangan bir yillik o‘qitish qiymatining
kamida 50 foizi miqdoridagi
to‘lovlarni amalga oshirishi lozim.
Eslatma:
mazkur muddatni uzaytirish tartibi faqat
birinchi bosqichga
(bakalavriat va magistratura) qabul qilingan talabalar uchun amal qiladi. Ikkinchi va undan yuqori bosqich talabalari uchun ushbu tartib tatbiq etilmaydi.
@talimationuz
— TAʼLIM DOIMO MUHIM!

Milliy sertifikat imtihonlari uchun ruxsatnomalar e'lon qilindi
📚
Ona
(o‘zbek, qoraqalpoq, rus) tili va adabiyot fanlaridan
milliy sertifikat
imtihonlari
2026-yil 31-yanvar
(shanba),
1-2-fevral
(yakshanba, dushanba) va 7-8-fevral (shanba, yakshanba)
kunlari o‘tkaziladi.
📝
Test sinovlarida ishtirok etuvchi talabgorlar ruxsatnomani
my.gov.uz
veb-saytidagi
“Mening arizalarim”
bo‘limi orqali yuklab olishlari mumkin.
📍
Ruxsatnomada test sinovi o‘tkaziladigan
sana, vaqt
va
manzil
ko‘rsatilgan bo‘lib, talabgorlardan
belgilangan vaqtda
yetib kelishlari so‘raladi.
⏰
Test sinovi o‘tkaziladigan binolarga kirish:
1-smena: 07:00– 08:30
2-smena: 13:00 – 14:30
🪪
Talabgorlar
test sinovi o‘tkaziladigan binolarga
shaxsini tasdiqlovchi hujjat
(pasport yoki ID-karta)
asosida kiritiladi.
❗️
Belgilangan vaqtdan kechikkan talabgorlar: 1-smena uchun soat 08:30 dan, 2-smena uchun soat 14:30 dan keyin test sinoviga kiritilmaydi va ular uchun qo‘shimcha imtihon o‘tkazilmaydi.
@talimationuz
— TAʼLIM DOIMO MUHIM!

📣
Prezident davlat stipendiyasiga nomzodlar uchun navbatdagi imtihon sanasi belgilandi
🇺🇿
O‘zbekiston Respublikasi Vazirlar Mahkamasining “O‘zbekiston iqtidorli yoshlarini taqdirlash va moddiy rag‘batlantirish to‘g‘risida” 2008-yil 13-yanvardagi 226-son qarori hamda O‘zbekiston Respublikasi Oliy ta’lim, fan va innovatsiyalar vazirining 2025-yil 19-yanvardagi 10-275-son buyrug‘iga muvofiq, Bilim va malakalarni baholash agentligi tomonidan oliy ta’lim muassasalarining bakalavriat ta’lim yo‘nalishlari va magistratura bosqichi talabalari orasidan O‘zbekiston Respublikasi Prezidentining davlat stipendiyasiga nomzodlar uchun imtihonlar muntazam ravishda o‘tkazib kelinmoqda.
🗓
Nomzodlarning Axborot texnologiyalari, Xorijiy tillar va O‘zbekiston tarixi fanlari bo‘yicha bilim darajasini aniqlash uchun test sinovlari
2026-yil 27-yanvar kuni soat 09:00 da
Bilim va malakalarni baholash agentligi binosida o‘tkaziladi.
😎
Test sinovlarini yuqori saviyada o‘tkazish uchun talabgorlardan test sinovlari bo‘lib o‘tadigan hududga soat 27-yanvar kuni 08:30 dan kech qolmasdan shaxsini tasdiqlovchi hujjatlar (pasport yoki ID karta) bilan yetib kelishlari so‘raladi.
🏢
Manzil:
Toshkent shahri, Yunusobod tumani, Bog‘ishamol ko‘chasi 12-uy.
🗺
Geolokatsiya:
https://goo.gl/maps/kD9Jdsu3ePGX8fzW9
.
📌
Belgilangan vaqtdan kechikkan talabgorlar test sinoviga kiritilmaydi va qo‘shimcha imtihon o‘tkazilmaydi.
@talimationuz
— TAʼLIM DOIMO MUHIM!

🤩
Ixtisoslashtirilgan taʼlim muassasalari agentligi tizimidagi Ijod va ixtisoslashtirilgan maktablarning 2026/2027-oʻquv yili uchun qabul kvotalari tasdiqlandi.
Quyidagi havolalar orqali maktablar kvotalari bilan tanishib chiqishingiz mumkin:
🟢
Ixtisoslashtirilgan maktablar kvotasi
;
🟢
Ijod maktablari kvotasi
.
📆
Hujjatlar qabuli joriy yilning may-iyun oylarida amalga oshirilishi rejalashtirilmoqda
.
@talimationuz
— TAʼLIM DOIMO MUHIM!