Temur Khatamov

iPhone Ultra va iPhone 18 Pro / Pro Max modellarining yangi maket tasvirlari
Max Tech kanali muallifi uchta yangi iPhone modeli, jumladan buklanadigan iPhone Ultra modelining batafsil maketlarini namoyish etdi.
Rasmdagi maketlarga ko‘ra, iPhone Ultra ochilgan holatda 5,5 mm, buklangan holatda esa 11 mm qalinlikka ega bo‘ladi. Biroq bu o‘lchamlarga katta hajmdagi kamera bloki kiritilmagan.
Buklanadigan iPhone modelining ichki displeyi 4:3 nisbatda bo‘ladi. Yopilgan holatda ekran diagonali 5,5 dyuymni, ochilganda esa 7,8 dyuymni tashkil etadi.
Bloger shuningdek buklanadigan iPhone maketini iPad mini bilan solishtirgan. Ma’lum bo‘lishicha, ultra yupqa ramkalar tufayli smartfonning ichki ekrani deyarli planshetnikiga teng.
iPhone 18 Pro va Pro Max modellarda Dynamic Island kichrayadi, korpus qalinligi esa o‘zgarmaydi, ammo kamera blokining balandligi ortadi. Bu kamera sensori kattalashganidan darak berishi mumkin.
Kutilishicha, iPhone Ultra hamda iPhone 18 Pro va Pro Max modellari sentabr oyida taqdim etiladi.

Sony Xperia 1 VIII modelining CAD-fayllarga asoslangan batafsil renderlari
Insayder OnLeaks smartfonning CAD-fayllarga asoslangan batafsil render tasvirlarini e’lon qildi.
Kutilganidek, eng sezilarli o‘zgarish — avvalgi modellardagi vertikal joylashgan kamera blokining o‘rniga kvadrat shakldagi kamera moduli bo‘ladi.
Bunday dizayn Sony kompaniyasining kattaroq o‘lchamdagi teleobyektiv sensordan foydalanishni rejalashtirayotgani bilan izohlanadi — bu esa ko‘proq joy talab qiladi.
Shuningdek, displeyning yuqori va pastki qismida seriyaga xos bo‘lgan qalin ramkalar saqlanib qolishi ham tasdiqlandi.
Sony Xperia 1 VIII smartfoni may oyida rasman taqdim etilishi kutilmoqda.

Mish-mish: uchta yangi Redmi smartfoni 10 000 mAh batareyaga ega bo‘lishi mumkin
Insayder Digital Chat Station ma’lumotlariga ko‘ra, ayni paytda uchta yangi Redmi smartfoni taqdimotga tayyorlanmoqda. Ularning batareya sig‘imi 10 000 mAh dan yuqori bo‘lishi va 100 W quvvatda tez zaryadlashni qo‘llab-quvvatlashi kutilmoqda.
Aniq modellarga oid ma’lumotlar hozircha yo‘q. Biroq foydalanuvchilar bu qurilmalar sifatida Redmi Note 17 Pro, Note 17 Pro Max hamda Turbo 6 Max bo‘lishi mumkinligini taxmin qilishmoqda.
Shuni ta’kidlash kerakki, bunday katta sig‘imli batareyalar faqat Xitoy bozori uchun mo‘ljallangan versiyalarda bo‘lishi mumkin. Global variantlar esa taxminan 9 000 mAh batareya bilan taqdim etilishi kutilmoqda.
Ma’lumotlarga qaraganda, Note 17 lineykasi joriy yil yozida — iyul yoki avgust oylarida rasman taqdim etiladi.

Apple iPhone bilan chuqur integratsiyaga ega displeysiz ko‘zoynak ustida ishlamoqda
Ular iPhone bilan uchinchi tomon brendlari ko‘zoynaklariga qaraganda ancha kuchli integratsiyani taklif qiladi. Shuningdek, sun’iy intellekt ham mavjud bo‘ladi.
Ko‘zoynak kameralar, mikrofonlar va sensorlar bilan jihozlanadi, ammo unda ekran bo‘lmaydi — xuddi Meta Ray-Ban kabi. Barcha boshqaruv ovoz orqali amalga oshiriladi. Mark Gurman (Bloomberg)
ma’lumotiga ko‘ra,
funksiyalar orasida ko‘zoynak kameralaridan olingan tasvirni tahlil qiluvchi sun’iy intellekt ham bor. Masalan, xarid ro‘yxatingizdagi mahsulotni do‘konda ko‘rib qolsangiz, ko‘zoynak uni olishni eslatadi. Xarita asosida tuzilgan yo‘nalish bo‘ylab yurayotgan bo‘lsangiz, ko‘zoynak yo‘lni “ko‘rib”, qayerda burilishni ko‘rsatadi.
Ko‘zoynak taxminan kuz faslida taqdim etilishi mumkin — bu investorlar va xaridorlar e’tiborini jalb qilish uchun qilinadi. Gurman fikricha, “wow-effekt” uchun iPhone 18 Pro va buklanadigan iPhone yetarli bo‘lmasligi mumkin, ko‘zoynak esa bu vazifani bajaradi. Shu bilan birga, Apple yil oxirigacha o‘z ko‘zoynaklarini kechiktirayotgan Google va boshqa raqobatchilardan oldinga chiqib ketadi.
Ko‘zoynaklardan tashqari, Apple boshqa taqiladigan qurilmalar ustida ham ishlamoqda: infraqizil kamerali AirPods (ular video yozmaydi, ammo sun’iy intellektga atrof-muhitni aniqlashda yordam beradi) hamda kamera va mikrofonga ega kulon. Agar prognozlar tasdiqlansa, Apple uchun bu yil juda agressiv bo‘ladi: MacBook Neo, xotira bozorida faol xaridlar va iPhone uchun maxsus ko‘zoynaklar.
Eng asosiysi — aqlli Siri nihoyat paydo bo‘lishi kerak, aks holda bu kabi taqiladigan gadjetlar Apple uchun kutilgan darajada ommalashmasligi mumkin.

Tim Kuk Apple rahbari lavozimini tark etish sababini aytdi
Katta yig‘ilishda Tim Kuk Apple xodimlariga aynan hozir ketishga qaror qilganini
tushuntirgan
va bir nechta omillar bir vaqtda to‘g‘ri kelganini aytgan:
• kompaniyaning moliyaviy holati to‘liq tartibda,
• yaqin kelajakdagi relizlar yo‘l xaritasi juda yaxshi ko‘rinmoqda,
• Jon Ternus boshqaruvchilik jihatidan yetilib bo‘lgan va endi rahbarlikni o‘z zimmasiga olishga tayyor.
Yoshi katta bo‘lishiga qaramay, Kuk o‘zini yaxshi his qilishini va sog‘liq uni majburlab nafaqaga chiqarmaguncha direktorlar kengashida yana uzoq vaqt qolishni rejalashtirayotganini ta’kidladi.
Investorlar Ternusga to‘liq ishonch bildirmoqda — Kuk ketishi haqidagi yangilikdan so‘ng Apple aksiyalari atigi 1,5% ga pasaydi, biroq bir muammo mavjud.
Bu yil Kuk 66 yoshga to‘ladi, uning atrofidagi yuqori darajadagi menejerlar ham undan uncha yosh emas: Apple texnik direktori Jonni Srouji 61 yoshda, yangi operatsion direktor Sabih Xon 59 yoshda, Kreyg Federigi 57 yoshda.
Ularning aksariyati yaqin bir necha yil ichida nafaqaga chiqishga tayyorlanmoqda (oldingi operatsion direktor Jeff Uilyams 62 yoshida nafaqaga chiqqan), yosh va iqtidorli ishlab chiquvchilar esa OpenAI yoki boshqa tashkilotlar tomonidan yuqoriroq maosh evaziga jalb qilinishi mumkin.
Bloomberg jurnalisti Mark Gurman
fikricha,
Ternus uchun eng katta sinov muhandislik yoki dizayn masalalari emas, balki kadrlar masalasi bo‘ladi.
Yangi CEO’ga xodimlar almashinuvini to‘xtatish va Tim Kuk jamoasining qarib borayotgan tarkibi o‘rniga yangi vitse-prezidentlar guruhini shakllantirish yo‘lini topish kerak bo‘ladi. Buning uchun uning ixtiyorida bir necha yil vaqt bor.

Bloomberg: Jon Ternus Stiv Jobs yondashuvini qaytaradi
Apple menejmenti Jon Ternusga katta umid bog‘lamoqda. Yangi CEO o‘zgarishlar uchun mandat oldi, uning asosiy vazifasi — Apple kompaniyasini innovatsiyalar bo‘yicha yetakchi maqomiga qaytarish. Uning missiyasi haqida Bloomberg jurnalisti Mark Gurman shunday
ta’rif beradi.
Nufuzli insayderning so‘zlariga ko‘ra, Tim Kuk dizaynerlar va muhandislar ishiga aralashmaslikka ongli ravishda harakat qilgan, mahsulot bo‘yicha qarorlarni esa vitse-prezidentlar qo‘mitasi orqali, jamoaviy tarzda qabul qilishni afzal ko‘rgan.
“Timning oldiga borib, ‘A’ yaxshimi yoki ‘B’ yaxshimi, deb so‘rasangiz, u hech birini tanlamaydi. (…) Ternus esa aksincha, darhol o‘z fikrini bildiradi. To‘g‘ri bo‘ladimi yoki yo‘q, lekin siz undan tayyor qaror bilan chiqasiz,” — deb Mark Gurmanga bergan intervyusida bir suhbatdosh aytgan.
Taxmin qilinishicha, MacBook Neo — ta’mirlash oson, sifatli va arzon model — Ternusning apparat (hardware) bo‘linmasida olib borgan siyosatining cho‘qqisi bo‘lgan va uning CEO lavozimiga kelishi bilan bunday qurilmalar yanada ko‘payadi.
Agar Gurman tasvirlayotgan manzara to‘g‘ri bo‘lsa, Ternus muhim mayda detallargа ko‘proq e’tibor qaratadi va bo‘lajak qurilmalarning texnik xususiyatlarini shaxsan nazorat qiladi. Bu jihatdan u Stiv Jobsga o‘xshash yondashuvni qaytarishi mumkin. Shuningdek, sun’iy intellekt davrida yangi Apple qanday bo‘lishi kerakligi haqida uning aniq tasavvuri bor.
O‘z qarashlarini Ternus, ehtimol, faqat 1-sentabrdan keyin ochib bera oladi — aynan o‘sha paytda Tim Kuk kompaniya direktorlar kengashiga o‘tib, dunyodagi eng nufuzli CEO lavozimini bo‘shatadi.

Minus bir: OnePlus global faoliyatini qisqartirmoqda
Buyuk Britaniya va Yevropadagi OnePlus ofislarida brendning asosiy menejerlari ishdan bo‘shatilgani haqida ketma-ket xabarlar tarqaldi. Ishdan bo‘shatilganlardan biri anonim tarzda ma’lum qilishicha, kompaniyani “Yevropa Ittifoqidagi deyarli butun jamoa” tark etgan, bu esa oddiy xodimlarning ham qisqartirilganini taxmin qilishga asos beradi.
OnePlus brendining Hindiston ofisi rahbari Robin Lyuning lavozimidan ketganidan so‘ng, bu holat brendning xalqaro bozordagi so‘nggi kunlariga o‘xshab ko‘rinmoqda. OnePlus tomonidan
rasmiy javob
ham berilgan, biroq u odatdagidek umumiy va aniq ma’lumotlardan xoli:
OnePlus Europe kompaniyasi o‘zining mintaqaviy rivojlanish strategiyasi va mahsulot strategiyasini qayta ko‘rib chiqmoqda. Barcha sotuvdan keyingi xizmatlar, dasturiy ta’minot yangilanishlari hamda barcha kafolat majburiyatlari to‘liq hajmda ta’minlanadi.

Apple kompaniyasida innovatsiyalar endi Apple Silicon “otasi” qo‘lida
Tim Kuk kompaniyaning bosh muhandisi Jonni Srujini ketishdan qaytara oldi va unga
Chief Hardware Officer
— Apple kompaniyasining texnik direktori lavozimini taklif qildi.
Sruji — chip va mikrosxemalar sohasining yetakchi mutaxassisi. U 2008-yilda Stiv Jobs jamoasiga qo‘shilib, iPhone 4 va iPad uchun mo‘ljallangan Apple A4 — kompaniyaning ilk o‘ziga tegishli chip (SoC) ustida ishlagan.
Aynan u M-seriyali chiplar ishlab chiqilishini boshqargan, bu esa MacBook’larni unumdorlik va energiya samaradorligi bo‘yicha butun bozordan oldinga olib chiqqan. Bundan tashqari, uning rahbarligi ostida Apple’ning ilk o‘ziga tegishli modemlari — C1 va N1 yaratilgan.
Endilikda Sruji barcha muhandislar shtatini, jumladan o‘zining eski elektronika bo‘yicha jamoasini hamda ilgari Ternusga bo‘ysungan bo‘linmalarni o‘z qo‘l ostiga birlashtiradi.
Mark Gurman
ma’lumotlariga ko‘ra,
Sruji allaqachon xodimlarni o‘zgarishlarga tayyorlanishga chaqirgan, endi Apple kompaniyasidagi barcha muhandislar beshta jamoaga bo‘linadi:
• apparat ta’minoti ishlab chiqish bo‘limi,
• Apple Silicon ishlab chiqish bo‘limi,
• ilg‘or texnologiyalar jamoasi,
• platforma arxitekturasi ishlab chiqish jamoasi,
• loyiha menejerlari bo‘linmasi.
So‘nggi bo‘limning vazifasi — yuqoridagi to‘rtta jamoa o‘rtasidagi aloqani ta’minlash va ularning ishini yagona tizimga birlashtirish.
Shu bilan birga, Ternusning apparat ta’minoti bo‘yicha katta vitse-prezident lavozimi bekor qilinmaydi. Uni boshqa, nisbatan quyi darajadagi vitse-prezident — ilgari Apple mahsulot lineykasining yaxlitligi uchun javobgar bo‘lgan Tom Marib egallaydi.

Bloomberg: Yaqinlashayotgan WWDC konferensiya logotipida Siri’ning yangi vizual uslubiga ishora mavjud
Mark Gurman ma’lumotlariga ko‘ra, Siri’ning yangi uslublaridan biri — WWDC 26 tizeridagi kabi yorqin nurlanish effekti bo‘lib, u assistent faollashtirilganda Dynamic Island’da “Search or Ask” maydoni bilan birga paydo bo‘ladi.
Shunga o‘xshash effekt boshqa promo materiallarda ham qo‘llangan. Masalan, Apple Park’dagi tadbir e’loniga oid tasvirda yorqin nur taratuvchi halqalar ko‘rinadi.
Bu vizual effekt galo uslubini eslatadi — ya’ni qorong‘i fon ustida ranglarning “tarqalib ketishi” va yorug‘likning ortiqcha kuchayishi natijasidagi buzilish. Bunday uslub allaqachon mobil fotografiyada, jumladan iPhone kameralarida ham qo‘llanadi.
Bu prognoz tasdiqlanadimi yoki yo‘q — 8-iyunda boshlanadigan konferensiyaning o‘zida ma’lum bo‘ladi.

“Orion” kemasi astronavti iPhone 17 Pro Max’da olingan videoni e’lon qildi
“Artemida-2” missiyasi astronavti Rid Uayzmen “Orion” kemasi Yerdan maksimal uzoqlikka — 252 756 mil (406 771 kilometr) masofaga yetgan paytda iPhone 17 Pro Max’da tasvirga olingan videoni ulashdi.
Videoda Yer Oy cheti ortiga asta-sekin g‘oyib bo‘lib borayotgani aks etgan.
Astronavt X ijtimoiy tarmog‘idagi postida shunday yozdi: “Bu xuddi Koinotdagi eng noodatiy joydan turib plyajdagi quyosh botishini tomosha qilayotgandek”.