ذيب_الوايلي
تبختري يانسايم نجد ليل وصباح
على خفوق هوى نجد الجميل جرحه
احتاج جدا لصوت بلال ولد رباح
ماني بمحتاج للمنشد ولا مسرحه
تريني القصه اللي تنتهي بالنجاح
رغم امتداد التعب والضربه المبرحه
حنا تلاميذ مدرست الحياه بكفاح
الحلم لاطال بالعزم القوي نطرحه
مابين هيبات حامين الضعن والمراح
ومابين قرمن يخلي الضايقات برحه
الله هو اللي جعلني من طيور الفلاح
والله هو اللي لياضاق الصدر يشرحه
لوكثر طعن السيوف وكثر ضرب الرماح
تـريحـي في ذا را اللي من نواك درحه
لا تضهرين الدموع وتضهرين السلاح
الـدمـعه مـصـرحه والـبندق مصرحه
والله يامن زعلك لسقيه موته ذحاح
انت اللذي لاحد يزعله وي فرحه
ندوب ابن معجب احضر واحتزم واشتمر
برسسلك لي دار بع (ن ) يحتمون الطرف
علـى حـديث الطــراز اخر مـديلٍ صفر
يعوي عوات الذياب الـيا انزوى في الملف
مــايـنـقـل الا رجـالـن يـعـصـبـون الغتر
قوم( ن )على طاري الفزعات فيهم شغف
عـليـه قـم يــانـدوبـي بعـد فـرض الفجر
صاحبك مصلف وانا اعرفك تحب الصلف
مـنصـاك راعـي الـبكار الفـارقـات الحمر
مـزاحـميات
🐪
🐪
راعـيها عـليها صرف
مـفرودها يـكرم به الـضيف صبح وعصر
ومن دونـها المـعبر الشباب يـاما صرف
علـط الـرقاب الطـوال جـلال فـج النحر
رمز القبيله 711 على عوج الرقاب انعطف
تـرعى مـن الرمـله الحمراء لـروس القهر
ان فرعت فــ اركه و إن سنـدت للقطف
تلقى جنباها راعـي الوقـفه صـبي الضفر
من روس ربعً لماجوب الضـيوف تحلف
حمـاي فـي ساعة الشـدات حسـك الوبر
عـبـدالـله مــسفـر اللـي للــشـدايد وقف
هيـف المفاريد لا جـاء الضيف تنحر نحر
وراعـي مٰواقيف يتـركـهـا الـصبي الهـطف
بـلـغـة منـي الســـلام عـداد وبـل المطر
من لسن شـاعر مـن بحـور الـجزاله غرف
يعجـبني الـراس الاكـوك لـمتلى بـالـسطر
ويعـجبني العـرف واللي فالـرجـال يـّعرف
ذيب الوايلي
لاطاب المسى ثم جات الابيات مثل الخيل
لاجت سرد ياتي ختمها عالي الجوده
تناولت مسباحن هديه من ابن شعيل
رجم به علي في مجلسن فايحن عوده
خذا يلتعب في كف يمناي طول الليل
وانا متجه للعاصمه فاهقن جوده
على الموتر اللي ماعلى جامته تضليل
حديث الطراز اليا قحص فاح باروده
وسرا الليل وانا والتفاكير حط وشيل
مضى العمر وايام المخاليق معدوده
يارجال لاتبخل ولا ينحني لك حيل
ترا الجيد تجود الاجاويد من جوده
عزوم الرجال تسوقها سوق للجميل
ومن ضاق صدره ف الجراهيد ممدوده
يعنز على الله ثم على الصفوه من الجيل
سنافي مضريها على العز والجوده
عسى راعي ابشر بالسعد مايجيه الويل
كريمن يقلط للرجاجيل مفروده
نحب الجميل ونعدل الحمل يوم يميل
وناقف ووقفات الرجاجيل مشهوده
لو يدرون ويش اللي مخبيه نهر النيل
تبان الحقيقه في مثلث براموده