Tolibi ilmlarga eslatma

🔖
Imom Movardiy rahimahulloh aytdilar:
«Ilm har qanday lazzatning oʻrnini bosadi».
Kim ilmni chin dildan yaxshi koʻrsa, behuda narsalarga qiziqishi kamayadi.
🤲
Allohdan ilmni sizga sevdirishini soʻrang. Chunki ilm talab qilish — eng ulugʻ ibodatlardandir.
✍️
@toliblarga_nasihat

#eslang_eslating
Juma kunining sunnatlari:
1. G‘usl qilish
2. Poklanish
3. Hushbo‘ylanish
4. Pok va eng chiroyli kiyimlarni kiyish
5. Misvok ishlatish
6. Kahf surasini o‘qish yoki tafakkur, tadabbur qilib tinglash, ma‘nolarini o‘qish
7. Ixlos bilan ko‘p duo qilish
8. Rasululloh sollallohu alayhi va sallamga imkon qadar ko’p salovat aytish.
✍️
@toliblarga_nasihat
🎙️
@toliblarga_ovozli

#eslang_eslating
Juma kuni ko’p
salovat aytishning fazilati!
✍️
@toliblarga_nasihat
🎙️
@toliblarga_ovozli

Uyqu va musulmon kishi
Imom Ibn al-Qayyimning "Madarijus-Salikiyn" kitobidan olingan ushbu parcha juda chuqur maʼnoga ega.
​U zotning uyqu haqida aytgan gaplarining qisqacha mazmuni quyidagicha (bandlar va formatlash muallifga tegishli):
Beshinchi buzgʻunchi (qalbni buzuvchi amal) — bu koʻp uxlashdir. Chunki u qalbni oʻldiradi, tanni ogʻirlashtiradi, vaqtni zoye ketkazadi hamda gʻofillik va dangasalikni keltirib chiqaradi. Uyquning baʼzi turlari juda makruh boʻlsa, baʼzilari tana uchun mutlaqo foydasiz va zararlidir
".
​U zotning eng asosiy tavsiyalari:
● ​Eng foydali uyqu — unga boʻlgan ehtiyoj eng yuqori boʻlgan paytda kelgan uyqudir.
● ​U zot barvaqt yotishni va barvaqt turishni tavsiya qiladi. U zot: "
Tun boshida uxlash oxirida uxlashdan yaxshiroqdir, kun oʻrtasida (peshinda) uxlash esa kunning boshi yoki oxirida uxlashdan koʻra afzalroqdir",
degan.
● ​Quyosh botgandan keyin (Shom namozi vaqti) va Asrdan keyin uxlash unchalik foydali emas, aksincha, zararlidir. U zot aytadi: "
Ular (salaf solihlar) nazdidagi eng makruh uyqu turlaridan biri — Bomdod namozi bilan quyosh chiqishi oʻrtasidagi uyqudir, chunki bu juda qadrli vaqt. Bu vaqt Allohga oʻzini bagʻishlaganlar uchun ulugʻ manfaatlar davridir. Hatto ular tuni bilan ibodat qilib chiqqan boʻlsalar ham, quyosh chiqquncha bu vaqtda uxlashga yoʻl qoʻymasdilar. Chunki bu kunning boshlanishi boʻlib, unda rizqlar tushadi va taqsimlanadi, barakalar ato etiladi. Bu kunning boshi boʻlib, butun kunning qanday oʻtishi ana shu vaqtga bogʻliqdir, shuning uchun biror kishi majbur boʻlmasa, bu vaqtda uxlamasligi kerak
".
● ​Shomdan keyingi (quyosh botgandan keyin to shafq gʻoyib boʻlgunigacha boʻlgan) uyquga kelsak, u zot buni makruh degan va Paygʻambarimiz (sollallohu alayhi vasallam) buni yomon koʻrganlar.
● ​Uyqudan ataylab tiyilish va uni tark etish haqida u zot shunday deydi: "
Bu boshqa muammolarga, masalan, yomon kayfiyat, fikrlarning chigallashishi va toʻgʻri tushunish hamda ishlashga xalaqit beradigan darajadagi charchoqqa olib keladi. Shuningdek, bu insonni toʻgʻri fikrlashdan mahrum qiladigan va jismoniy zaiflashtiradigan koʻplab halokatli kasalliklarga sabab boʻlishi mumkin. Borliq muvozanat ustiga qurilgan, kimki moʻtadillikka (va me’yorga) amal qilsa, u barcha yaxshiliklarga erishibdi".
​Xulosa oʻrnida u zot shunday deydi:
​"
Xulosa qilib aytganda: sunnatga muvofiq, eng yaxshi va eng foydali uyqu — tunning birinchi yarmidagi hamda oxirgi oltidan bir qismidagi uyqudir. Shifokorlarning fikriga koʻra ham, bu eng ideal uyqudir.
✍️
@toliblarga_nasihat

Qanchadan-qancha musibatlar borki, inson ulardan qalbi siqilib qoladi,
holbuki, Allohning huzurida uning chiqish yo‘li bordir.
Ish haddan tashqari tanglashib, halqalari mahkam tortilgandek bo‘lganida esa birdan yechiladi.
Men esa uni hech qachon yechilmaydi, deb o‘ylagan edim.
Al-Shafi’i
✍️
@toliblarga_nasihat

Assalomu alaykum va rahmatullohi va barakotuh!
Muhtaram va aziz dindoshlar, qadrli ota-onalar, aka-uka va opa-singlilar!
Bu muborak kunlarda Alloh taolodan shu kunlarda qilayotgan barcha yaxshi amallarimiz, xossatan, takbir, duo va qurbonliklarimizni Oʻz dargohida husni maqbul aylashinishini soʻraymiz. Bu ulugʻ ayyom qalblarimizga taqvo, xonadonlarimizga qut-baraka va tinchlik olib kelsin.
Aziz birodarlar!
Musulmonlarning bayrami faqatgina shodlik va ziyoratlardan iborat emas, balki u islomiy birdamlik va hamjihatlik ramzidir. Bugun biz oʻz uylarimizda tinchlik-omonlikda bayram qilar ekanmiz, dunyoning turli chekkalarida, xususan, Falastin, Sharqiy Turkiston va boshqa mazlum oʻlkalarda qiyinchilik, zulm va urush olovi ichida qolayotgan musulmon birodarlarimizni qalban his qilamiz. Ularning dardi – bizning dardimiz, ularning qaygʻusi – bizning qaygʻumizdir.
Chindanam, Falastinda uzoq vaqtdan beri davom etayotgan qatliomlar, zulm va adolatsizliklar har bir moʻminning yuragini tirnaydi. Lekin musulmon kishi bunday sinovlar qarshisida aslo tushkunlikka tushmasligi lozim. Aksincha, bu voqealar bizni dinimizga yanada mustahkam bogʻlanishga, mazlumlar haqiga tinimsiz duo qilishga va qoʻlimizdan kelgan barcha moddiy va maʼnaviy yordamni ayamaslikka undashi kerak.
Yaratgan Egam ushbu muborak Hayit kunlari sharofati bilan butun dunyodagi mazlum va jabrdiyda birodarlarimizga tez fursatda nusrat, ofiyat va ozodlik ado etsin. Zolimlarning zulmini oʻzlariga qaytarsin. Islom ummatini aziz va birdam qilsin, yoshlarimizni har xil buzgʻunchi gʻoyalardan, iymon va axloqimizga putur yetkazuvchi ofatlardan Oʻzi asrasin.
Alloh taolo barchamizni din rivoji yoʻlida xolis xizmat qiladigan va ushbu yoʻlda sobitqadam boʻladigan bandalaridan qilsin.
Qurbon hayiti barchamizga muborak boʻlsin!
✍️
@toliblarga_nasihat

Ato Xurosoniy rahimahulloh dedi:
“Arafa oqshomida oʻzing yolgʻiz qolishga qodir boʻlsang, shunday qil”.
Arafa oqshomi bu Arafa kuni kechquruni, quyosh botishiga yaqin vaqt.
Arafa kuni esa Zulhijja oyining toʻqqizinchi kuni boʻlib, musulmonlar uchun eng ulugʻ kunlardan biri hisoblanadi. Bu kunda hojilar Arafotda turishadi, duo va zikr bilan mashgʻul boʻlishadi.
Biz ham shu vaqtni gʻanimat bilib, qoʻlimizdagi telefondan va odamlardan xoli qolib duo va zikr bilan oʻtkazaylik.
Arafa kunidagi duo vaqti peshin namozidan keyin to quyosh botguniga qadar davom etadi.
Alloh tavfiq bersin.
Alloh qabul qilsin.
✍️
@toliblarga_nasihat

Arafa kuni jannat nihoyatda yaqin boʻladi, jahannam esa juda uzoq. Shu kuni ham jahannamdan qutqaruvchi amal qila olmagan inson haqiqiy mahrumdir.
imom Muslim rivoyat qilgan hadisda Rosululloh sollallohu alayhi va sallam:
"Alloh taolo jahannamdan bandalarini eng koʻp ozod qiladigan kun arafa kunidir"
, dedilar.
Shayx Abdulaziz Torifiy
_
Alloh taolo barchalarimizni jaxannamdan ozod qiladigan bandalardan qilsin!
✍️
@toliblarga_nasihat

Ertaga
arafa...
Bu-uy tozalash kunimas!
Bu-ovqat tayyorlash kunimas!
Bu-ibodat kuni, duo kuni, Allohning fazli bilan jahannamdan ozod boʻlish kunidir!
Tana lazzatlarini qidirish hayvonlarning maqsadi.
Ibodatdan ajramaslik farishtalarning sifati.
Ibodat kunida oʻzingizni qaysi toifadan ekanligingizni bilasiz, uyalib qolmaylik…
U kunni uy tozalash, ovqat qilish bilan oʻtkazib yubormaslik uchun hamma ishlarni bugun qilib oling!
Ertani esa duo va ibodat bilan oʻtkazing!
Alloh muvaffaq qilsin!
✍️
@toliblarga_nasihat

Oʻn kunlik
Bu kunlar (Zulhijjaning oʻn kunligi) dunyoning eng afzal kunlaridir.
Yilning eng afzal kunlaridir. Gʻanimat bilish lozim boʻlgan bir fursat, imkoniyatdir.
Unda siz:
Roʻza tutishni koʻpaytiring,
namozni oʻz vaqtida ado etishga rioya qiling.
Sadaqa va tasbehni, Qurʼon tilovatini, tungi namozni hamda musulmonlarning qalbiga surur kiritish kabi amallarni koʻpaytiring.
Eng muhim narsalardan biri gunohlardan uzoq boʻlishdir. Mahrum boʻlganlardan emas, yutuqqa erishganlardan boʻling!
✍️
@toliblarga_nasihat