Transport universiteti | Rasmiy kanal
Toshkent davlat transport universiteti olimlari Yevropada temir yo‘llarni raqamlashtirish tajribasini o‘rganishmoqda
Toshkent davlat transport universiteti va “O‘zbekiston temir yo‘llari” AJ o‘rtasidagi ilm-fan hamda ishlab chiqarish integratsiyasi yangi bosqichga ko‘tarilmoqda. Xususan, 2026-yilning 20-aprel kuni ushbu ikki tashkilot vakillaridan iborat delegatsiyaning Germaniya, Avstriya va Sloveniya kabi Yevropaning transport salohiyati yuqori davlatlariga xizmat safari boshlandi. Mazkur tashrifdan ko‘zlangan asosiy maqsad transport tizimini raqamli transformatsiya qilish, ishlab chiqarish jarayonlarini avtomatlashtirish hamda intellektual texnologiyalarni joriy etish bo‘yicha ilg‘or xalqaro tajribani o‘rganishdan iboratdir. Ushbu xizmat safari nafaqat texnologik yangilanish, balki oliy ta’lim va ishlab chiqarish integratsiyasining yorqin namunasi hamdir.
Toshkent davlat transport universitetidan Kechki va masofaviy ta’lim o‘quv-uslubiy ishlari bo‘limi boshlig‘i, texnika fanlari doktori, professor M.A. Xadjimuxametova hamda “Avtomatika va telemexanika” kafedrasi mudiri, dotsent S.T. Boltaevlarning ishtirok etayotgani alohida ahamiyatga ega. Olimlarimizning bevosita jarayonlar ichida bo‘lishi zamonaviy muhandislik yechimlarini ilmiy asosda tahlil qilish va kelgusida ularni mamlakatimiz ta’lim tizimiga tatbiq etish imkonini beradi.
Dasturning ilk manzili sifatida Germaniyaning yirik temir yo‘l infratuzilma obyektlari tanlandi. Hozirda delegatsiya a’zolari saralash stansiyalarini intellektual boshqarish, dispetcherlik nazoratini to‘liq avtomatlashtirish hamda ekspluatatsiya faoliyatini raqamli modellashtirish bo‘yicha nemis tajribasini yaqindan o‘rganmoqdalar. Shuningdek, tashrif davomida infratuzilma monitoringi va harakat tarkibini diagnostika qilish kabi strategik yo‘nalishlarda zamonaviy yechimlar tahlil qilinishi rejalashtirilgan.
Universitet vakillarining ushbu safardagi faol ishtiroki temir yo‘l sohasi uchun yuqori malakali mutaxassislar tayyorlash sifatini yangi darajaga ko‘taradi. Safar davomida to‘plangan materiallar va o‘rganilgan innovatsion ishlanmalar o‘quv dasturlarini takomillashtirishga, talabalarga eng so‘nggi texnologik bilimlar berilishiga xizmat qiladi. Bu kabi xalqaro muloqotlar “O‘zbekiston temir yo‘llari” AJ tizimini modernizatsiya qilish va sohada ilmiy-tadqiqot ishlarini yanada jadallashtirishda muhim poydevor bo‘ladi.
Universitet rasmiy sahifalari:
TSTU.uz
|
Telegram
|
Instagram
|
Facebook
|
YouTube
|
News
📢
“Transport va yo‘l qurilish mashinalari muhandisligi” fan olimpiadasi o‘tkaziladi
Toshkent davlat transport universiteti barcha izlanuvchan va bilimga chanqoq talabalarni “
Transport va yo‘l qurilish mashinalari muhandisligi”
fan olimpiadasida ishtirok etishga taklif etadi.
Yo‘l qurilish mashinalaridan avtomobil yo‘llarini qurishda mexanizatsiyalashgan zamonaviy mashinalar komplektlarini keng qo‘llash va ularga o‘z vaqtida sifatli texnik xizmat ko‘rsatish soha mutaxassislariga bog‘liq. Siz ham o‘z yo‘nalishingizda yetuk mutaxassis bo‘lishni xohlaysizmi? Unda bu olimpiada aynan siz uchun.
📍
Olimpiada
23-aprel kuni soat 12:20 da 307-xonada
bo‘lib o‘tadi.
🗓
Ro‘yxatdan o‘tish muddati:
22-aprel, 23:59 gacha.
Roʻyxatdan oʻtish uchun link
Universitet rasmiy sahifalari:
TSTU.uz
|
Telegram
|
Instagram
|
Facebook
|
YouTube
|
News
Avtomobil yo‘llari muhandisligi fakulteti dotsenti Tohir Rajabiy ustozning 70 yillik yubileyi munosabati bilan tadbir boʻlib oʻtdi
Tadbir davomida Tohir Rajabiy ustozning ko‘p yillik ilmiy-pedagogik faoliyati,ilm-fan rivojiga qo‘shgan ulkan hissasi hamda yosh mutaxassislar tayyorlashdagi xizmatlari munosib e’tirof etildi.
Unda yetakchi olimlar, professor-o‘qituvchilar, shogirdlar va soha vakillari ishtirok etib, ustozga chuqur hurmat va samimiy tilaklarini izhor qilishdi.
Universitet rasmiy sahifalari:
TSTU.uz
|
Telegram
|
Instagram
|
Facebook
|
YouTube
|
News
Toshkent davlat transport universitetida “Temir yo‘l harakatlanuvchi tarkibi: muammolar, yechimlar, istiqbollar” mavzusidagi xalqaro ilmiy-texnik konferensiya o‘z faoliyatini boshladi
Universitet rasmiy sahifalari:
TSTU.uz
|
Telegram
|
Instagram
|
Facebook
|
YouTube
|
News
#Talabalik_bahori_2026
Toshkent davlat transport universitetida “Talabalik bahori - 2026” an’anaviy festivaliga start beriladi
📌
Festivalni Aviatsiya transporti muhandisligi fakulteti boshlab beradi. Anchadan buyon puxta tayyorgarlik ko‘rib kelayotgan jamoaga qiziqarli sahna asarlarida omad va zafarlar tilaymiz!
📆
21-aprel kuni
🕝
Soat 11:00 da
🗒
Asosiy bino, Faollar zalida
🎉
Barchangizni talaba-yoshlarning qiziqarli chiqishlarini tomosha qilishga chorlaymiz!
Universitet rasmiy sahifalari:
TSTU.uz
|
Telegram
|
Instagram
|
Facebook
|
YouTube
|
News
🇺🇿
🇨🇳
Toshkent davlat transport universitetida Xitoy delegatsiyasi bilan hamkorlik uchrashuvi bo‘lib o‘tdi
Toshkent davlat transport universitetida Xitoy Xalq Siyosiy Maslahatlashuv Kengashi Nankin shahar qo‘mitasi delegatsiyasi bilan hamkorlik uchrashuvi bo‘lib o‘tdi.
Uchrashuv davomida Xitoy tomoni tomonidan Nankin shahrining oliy ta’lim salohiyati haqida batafsil ma’lumot berildi. Xususan, shaharda 50 dan ortiq universitetlar faoliyat yuritayotgani, ular orasida innovatsiya, ilm-fan va sanoat bilan uzviy bog‘langan oliy ta’lim muassasalari yetakchi o‘rin tutishi ta’kidlandi. Shuningdek, Pekin, Guanchjou va boshqa yirik hududlarda tahsil olayotgan talabalar soni milliondan ortiq ekani, ularning aksariyatini mahalliy talabalar tashkil etishi, shu bilan birga 1000 nafardan ortiq o‘zbekistonlik talabalar ham Xitoyda ta’lim olayotgani qayd etildi. Shu munosabat bilan Xitoy tomoni tomonidan o‘zbekistonlik talabalarni Nankin shahridagi universitetlarga jalb etish bo‘yicha takliflar bildirildi.
Muloqot jarayonida transport sohasi hamkorligi alohida e’tibor markazida bo‘ldi. Transport vazirligi huzuridagi “Toshkent metropoliteni” DUK boshlig‘ining ilmiy-innovatsion rivojlantirish masalalari bo‘yicha o‘rinbosari – Toshkent davlat transport universiteti prorektori Suxrob Norkulov tomonidan temir yo‘l va shahar transporti yo‘nalishlarida amalga oshirilayotgan ishlar, mavjud loyihalar hamda istiqboldagi rejalar yuzasidan ma’lumot berildi. Tomonlar shahar jamoat transportini rivojlantirish, transport tizimini modernizatsiya qilish, logistika samaradorligini oshirish hamda zamonaviy texnologiyalarni joriy etish masalalari yuzasidan o‘zaro fikr almashdilar.
Uchrashuvda universitet tomonidan Xalqaro hamkorlik boshqarmasi boshlig‘i Xamroqul Mansurov hamda Xitoy bo‘yicha koordinator Dr. Melike Başbınar ham ishtirok etdi. Xitoy delegatsiyasi tarkibida esa Nankin shahar Xalq siyosiy maslahat kengashi rahbari o‘rinbosari Zheng Yong boshchiligida ta’lim, savdo, madaniyat va hududiy boshqaruv sohalari vakillari qatnashdilar.
Uchrashuv yakunida Xitoy tomoni tomonidan Toshkent davlat transport universiteti vakillari Nankin shahriga rasmiy tashrif bilan taklif etildi. Mazkur tashrif kelgusida qo‘shma ta’lim dasturlarini yo‘lga qo‘yish, ilmiy-tadqiqot faoliyatini kengaytirish hamda transport va infratuzilma yo‘nalishlarida amaliy hamkorlikni rivojlantirish uchun muhim zamin yaratishi ta’kidlandi.
Universitet rasmiy sahifalari:
TSTU.uz
|
Telegram
|
Instagram
|
Facebook
|
YouTube
|
News
Toshkent davlat transport universiteti olimlarining ishlanmalari “Baytqo‘rg‘on — Parkent” temir yo‘l uchastkasida joriy etildi
O‘zbekiston Respublikasi Prezidentining 2025-yil 27-yanvardagi
PQ-28-son
qarori bilan tasdiqlangan “Yo‘l xaritasi” ijrosini ta’minlash maqsadida, “O‘zbekiston temir yo‘llari” AJ tomonidan
“Baytqo‘rg‘on — Parkent”
(23,8 km) yangi temir yo‘l uchastkasi qurib bitkazildi va foydalanishga topshirildi.
Ushbu strategik loyihani amalga oshirish jarayonida ilm-fan va ishlab chiqarish integratsiyasiga alohida e’tibor qaratildi. Xususan,
Toshkent davlat transport universiteti
Elektrotexnika va kompyuter muhandisligi fakultetining “Avtomatika va telemexanika” kafedrasi olimlari o‘zlarining innovatsion ishlanmalarini mazkur obyektdagi jarayonlarga tatbiq etishdi.
Loyiha doirasida temir yo‘l infratuzilmasining xavfsizligi va samaradorligini oshirishga xizmat qiluvchi quyidagi tizimlar muvaffaqiyatli ishga tushirildi:
“ARM-ES-Istiqlol” tizimi:
Parkent stansiyasida zamonaviy raqamli texnologiyalarga asoslangan ushbu avtomatlashtirilgan boshqaruv tizimi o‘rnatildi.
“MPAB-Istiqlol” tizimi:
Baytqo‘rg‘on va Parkent stansiyalari oralig‘idagi peregonda kafedra professor-o‘qituvchilari tomonidan ishlab chiqilgan mikroprotsessorli yarim avtomatik blokirovka tizimi amaliyotga joriy etildi.
Ushbu tizimlar poyezdlar harakatini real vaqt rejimida nazorat qilish, signallashtirish va blokirovka qurilmalarining uzluksiz ishlashini ta’minlash imkonini beradi.
Yangi temir yo‘l uchastkasining ishga tushirilishi hududiy transport logistikasini optimallashtirish bilan birga, poyezdlar harakati xavfsizligini mutlaqo yangi bosqichga olib chiqadi.
Eng muhimi, mazkur hamkorlik
“vazirlik — korxona — ta’lim muassasasi”
integratsion modeli asosida oliy ta’limdagi ilmiy tadqiqotlar natijalarini real iqtisodiyot tarmoqlariga joriy etishning yorqin namunasi bo‘lib xizmat qiladi.
Universitet rasmiy sahifalari:
TSTU.uz
|
Telegram
|
Instagram
|
Facebook
|
YouTube
|
News
Toshkent davlat transport universitetida “Temir yo‘l harakatlanuvchi tarkibi: muammolar, yechimlar, istiqbollar” mavzusidagi xalqaro ilmiy-texnik konferensiya bo‘lib o‘tmoqda
Bugun Toshkent davlat transport universitetida “Temir yo‘l harakatlanuvchi tarkibi: muammolar, yechimlar, istiqbollar” mavzusidagi beshinchi xalqaro ilmiy-texnik konferensiya o‘z ishini boshladi.
Mazkur konferensiya transport tizimini modernizatsiya qilish, temir yo‘l sohasining texnik bazasini takomillashtirish hamda yuqori malakali kadrlar tayyorlashga qaratilgan dolzarb masalalarni muhokama qilish uchun muhim ilmiy platforma bo‘lib xizmat qilmoqda.
Tadbirning asosiy maqsadi harakatlanuvchi tarkibni loyihalash, ta’mirlash va modernizatsiya qilishdagi mavjud muammolarni chuqur tahlil qilish, innovatsion yechimlarni ishlab chiqish, temir yo‘llarda xavfsizlik va samaradorlikni oshirish, shuningdek, xalqaro hamkorlikni kengaytirishdan iborat.
Konferensiya doirasida quyidagi ustuvor yo‘nalishlar bo‘yicha muhokamalar olib borilmoqda:
➖
harakatlanuvchi tarkibni loyihalashda zamonaviy innovatsion texnologiyalar
➖
lokomotiv va vagon xo‘jaligini ekspluatatsiya qilish hamda ta’mirlash tizimi
➖
harakat xavfsizligini ta’minlashning intellektual yechimlari
➖
energiya tejamkorlik va ekologik barqarorlik masalalari
➖
xalqaro standartlarni joriy etish va texnik tartibga solish mexanizmlari
Konferensiyada mahalliy mutaxassislar bilan bir qatorda xorijiy davlatlarning yetakchi universitetlari, ilmiy-tadqiqot markazlari, ishlab chiqarish korxonalari vakillari hamda soha ekspertlari ishtirok etmoqda.
Mazkur ilmiy muloqot maydoni nazariya va amaliyotni uyg‘unlashtirgan holda temir yo‘l transporti sohasini rivojlantirishga xizmat qilmoqda.
Konferensiya yakunlari bo‘yicha sohani yanada rivojlantirishga qaratilgan aniq takliflar, strategik kelishuvlar va istiqbolli hamkorlik loyihalarini ishlab chiqish rejalashtirilgan.
Universitet rasmiy sahifalari:
TSTU.uz
|
Telegram
|
Instagram
|
Facebook
|
YouTube
|
News
Tayanch doktorantura va mustaqil izlanuvchanlik shakllari farqi nimada? Qaysi biri afzal?
Batafsil
#videolavhada
Universitet rasmiy sahifalari:
TSTU.uz
|
Telegram
|
Instagram
|
Facebook
|
YouTube
|
News
Gruziya aviatsiya universiteti bilan istiqbolli hamkorlik aloqalari yo‘lga qo‘yilmoqda
Bugungi globallashuv va transport kommunikatsiyalari jadal rivojlanayotgan sharoitda aviatsiya sohasi uchun yuqori malakali kadrlarni tayyorlash strategik ahamiyat kasb etmoqda. Mazkur yo‘nalishda xalqaro hamkorlik aloqalarini izchil kengaytirib borayotgan Toshkent davlat transport universiteti Gruziya aviatsiya universiteti (Georgian Aviation University) delegatsiyasi bilan hamkorlik uchrashuvi ikki davlat oliy ta’lim muassasalari o‘rtasidagi intellektual va texnologik ko‘prikni yanada mustahkamlash, zamonaviy muhandislik kadrlarini tayyorlashda kuchlarni birlashtirish masalalariga qaratildi.
Muloqot davomida asosiy e’tibor aviatsiya muhandisligi, elektrotexnika, avtomatika va telemexanika kabi transport sohasining drayver yo‘nalishlarida o‘zaro hamkorlikni rivojlantirishga qaratildi. Gruziya aviatsiya universiteti vitse rektori Davit Tepuandre hamda biznesni rivojlantirish menejeri Giorgi Chakhhashvili bilan kechgan muzokaralar davomida tomonlar zamonaviy mehnat bozori talablariga javob beradigan kadrlar tayyorlash maqsadida "2+2" va "3+1" formatidagi qo‘shma ta’lim dasturlarini joriy etish, o‘quv rejalarini xalqaro standartlar asosida muvofiqlashtirish bo‘yicha o‘zaro kelishuvga erishdilar. Shu bilan birga, professor-o‘qituvchilar uchun qisqa va uzoq muddatli akademik mobillik imkoniyatlarini yaratish, "Guest Lecture" formatida mehmon ma’ruzalarini tashkil etish hamda o‘zaro tajriba almashish tizimi belgilab olindi.
Hamkorlikning muhim bo‘g‘ini sifatida nafaqat nazariy bilimlar, balki ilmiy-tadqiqot va innovatsion loyihalarni birgalikda amalga oshirish, xalqaro grantlar va dasturlarda jamoaviy ishtirok etish masalalari ham atroflicha muhokama qilindi. Ayniqsa, ikki oliygohning laboratoriya va ilmiy bazalaridan birgalikda foydalanish imkoniyati tadqiqotchilar uchun yangi ufqlarni ochishi, aviatsiya va transport korxonalari bilan integratsiyani kuchaytirishi alohida ta’kidlandi. Uchrashuvda ta’lim sifatini oshirishning hal qiluvchi omili sifatida dual ta’lim elementlarini joriy qilish va talabalarning amaliyot hamda stajirovka imkoniyatlarini kengaytirish masalalariga urg‘u berildi. Mazkur tashrif va erishilgan kelishuvlar Toshkent davlat transport universiteti hamda Gruziya aviatsiya universiteti o‘rtasidagi professional aloqalarni mustahkamlab, kelajakda mintaqaviy transport tizimi uchun yuqori malakali mutaxassislar yetkazib berishga xizmat qiladi.
Universitet rasmiy sahifalari:
TSTU.uz
|
Telegram
|
Instagram
|
Facebook
|
YouTube
|
News