TSUE Sport club

🏆
“Yangi Oʻzbekiston Olimpiya choʻqqilari” universitet bosqichi yakunlandi!
Toshkent davlat iqtisodiyot universiteti talabalari oʻrtasida ommaviy sportni yangi bosqichga olib chiqish, yoshlarning jismoniy faolligini oshirish hamda xalqaro musobaqalarda yuqori natijalarga erishishlari uchun shart-sharoit yaratish maqsadida oʻtkazilgan sport musobaqalarining
Bahorgi mavsumi
bo'lib o'tdi!
Fakultetlararo boʻlib oʻtgan ushbu universitet bosqichida talabalar sportning quyidagi turlari boʻyicha oʻzaro bellashdilar:
🏀
Basketbol
🏸
Badminton
♟
Shaxmat
🤼‍♀️
Kurash
➡️
Murosasiz va shiddatli bahslarga boy boʻlgan ushbu musobaqalarda talaba-sportchilarimiz nafaqat gʻalaba uchun intilishdi, balki
doʻstlik, birdamlik va sport sogʻlik garovi
ekanligini yana bir bor amalda isbotlashdi!
Musobaqa yakunida yuqori mahorat koʻrsatib, gʻoliblikni qoʻlga kiritgan sportchilarimiz
diplom, sertifikat hamda qimmatbaho esdalik sovgʻalari
bilan munosib taqdirlandilar.
🤩
TSUE Sport Club
💬
Telegram
|
📷
Instagram

Olimpiya shaharchasida oʻtkazilgan “Yangi Oʻzbekiston talalalari olimpiadasi” sport musobaqalarining tantanali yopilish marosimidan yorqin lavhalar
Web-Sayt
|
Telegram
|
Facebook
|
Instagram
|
Youtube

“Yangi O‘zbekiston talabalari olimpiadasi yopilish marosimi davomida san’atkorlar ishtirokidagi konsert dasturi bo'lib o'tdi.
Tadbir yakunida “Yangi cho‘qqilar sari” qo‘shig‘i ijro etilib, “Yangi O‘zbekiston talabalari olimpiadasi”ning tantanali yopilish marosimiga yakun yasaldi.
Web-Sayt
|
Telegram
|
Facebook
|
Instagram
|
Youtube

“Yangi O‘zbekiston talabalari olimpiadasi” sport musobaqalarining yakuniy natijalariga ko‘ra, barcha toifadagi oliy ta’lim tashkilotlari o‘rtasidagi umumjamoa hisobida
Farg‘ona davlat universiteti
7 ta oltin, 6 ta kumush va 5 ta bronza, jami
18 ta medal bilan mutlaq g‘oliblikni qo‘lga kiritdi.
Ikkinchi o‘rinni
Urganch davlat universiteti
(7 ta oltin, 3 ta kumush va 3 ta bronza medal), uchinchi o‘rinni esa Qoraqalpoq davlat universiteti (4 ta oltin va 3 ta kumush medal) egalladi.
Sport faoliyati va jismoniy madaniyat ta’lim yo‘nalishi mavjud bo‘lmagan oliy ta’lim tashkilotlari o‘rtasida
Toshkent davlat iqtisodiyot universitetining
“TDIU” sport klubi 2 ta oltin va 1 ta kumush medal bilan birinchi o‘rinni qo‘lga kiritdi. Ikkinchi o‘rin
O‘zbekiston davlat jahon tillari universitetining
“O‘zDJTU” sport klubiga, uchinchi o‘rin esa
Jahon iqtisodiyoti va diplomatiya universitetining
“JIDU” sport klubiga nasib etdi.
Nodavlat va xorijiy oliy ta’lim tashkilotlari o‘rtasida ham bir qator nominatsiyalar bo‘yicha g‘oliblar aniqlandi. Jumladan, “Eng ko‘p medal jamg‘argan oliygoh” nominatsiyasi Toshkent shahridagi
Singapur menejmentni rivojlantirish institutiga
topshirildi. “Eng ko‘p sport turidan ishtirok etgan oliygoh” nominatsiyasiga “
Alfraganus University”
sazovor bo‘ldi. “Eng katta delegatsiya bilan ishtirok etgan oliygoh” nominatsiyasi esa
Oriental universitetiga
berildi.
Shuningdek, akademik litsey hamda kasbiy ta’lim muassasalari o‘quvchilari o‘rtasida
2025-yilning noyabr oyidan 2026-yil may oyigacha
o‘tkazilgan “Barkamol avlod” sport musobaqalarining Respublika final bosqichi g‘olib va sovrindorlarini taqdirlash marosimi bo‘lib o‘tdi.
Musobaqalar dzyudo, badminton, yengil atletika, erkin kurash, yunon-rum kurashi, belbog‘li kurash, shaxmat, shashka, voleybol, basketbol, stol tennisi, vorkout, stritbol, futbol va gandbol kabi jami
16 ta
sport turi bo‘yicha o‘tkazilgan. Yakuniy natijalarga ko‘ra 1-o‘rin — Toshkent shahri, 2-o‘rin – Xorazm viloyati hamda 3-o‘rin – Buxoro viloyati jamoalariga nasib etdi. Ushbu jamoalar maxsus diplom va qimmatbaho sovg‘alar bilan taqdirlandi.
Web-Sayt
|
Telegram
|
Facebook
|
Instagram
|
Youtube

“Yangi O‘zbekiston talabalari olimpiadasi” doirasida o‘tkazilgan sport musobaqalaridan yorqin lavhalar
Web-Sayt
|
Telegram
|
Facebook
|
Instagram
|
Youtube

#Live
Ayni daqiqalarda Toshkent shahridagi Olimpiya shaharchasida “
Yangi O‘zbekiston talabalari olimpiadasi” sport musobaqalarining tantanali yopilish marosimi
hamda “
Barkamol avlod–2025” sport musobaqalari Respublika final bosqichi g‘oliblarini taqdirlash tadbiri
bo’lib o’tmoqda.
Ta’kidlash joizki, O‘zbekiston Respublikasi Prezidenti tomonidan ilgari surilgan yoshlarni sportga keng jalb etish, sog‘lom turmush tarzini qaror toptirish hamda ularning bo‘sh vaqtini mazmunli tashkil etishga qaratilgan tashabbuslar ijrosi doirasida joriy yilning
4–9-iyun kunlari
Toshkent shahrida
“Yangi O‘zbekiston talabalari olimpiadasi” sport musobaqalarining respublika final bosqichi
yuqori saviyada tashkil etildi.
Musobaqalar
voleybol, gandbol, basketbol 3x3, futbol, stol tennisi, yengil atletika
hamda
suzish
sport turlari bo‘yicha o‘tkazildi. Bellashuvlar Olimpiya shaharchasi sport majmualari, O‘zbekiston davlat jismoniy tarbiya va sport universiteti sport inshootlari, Chirchiq davlat pedagogika universiteti sport majmuasi, Milliy futbol markazi hamda Mirzo Ulug‘bek tumanidagi 1-son sport maktabida tashkil etildi.
Respublikaning barcha hududlaridan tashrif buyurgan
2 368 nafar ishtirokchi
, jumladan
1 920 nafar sportchi
,
336 nafar murabbiy
hamda
112 nafar delegatsiya
a’zosi musobaqalarda ishtirok etdi.
Ishtirokchilarning yashashi, ovqatlanishi, transport-logistika xizmatlari va musobaqa jarayonlarini samarali tashkil etish bo‘yicha barcha zarur sharoitlar yaratildi.
Musobaqalar davomida sport bahslarining adolatli va shaffof o‘tishi ta’minlanib, talaba-sportchilar o‘zlarining jismoniy tayyorgarligi, mahorati va g‘alabaga bo‘lgan intilishlarini namoyon etdilar. Shu bilan birga, respublikaning turli hududlaridan tashrif buyurgan
79 ta oliy ta’lim muassasasi rektorlari va prorektorlari
ishtirokida talaba sportini rivojlantirish, sport infratuzilmasini takomillashtirish hamda yoshlarni ommaviy sportga keng jalb etish masalalariga bag‘ishlangan uchrashuv va seminarlar tashkil etildi.
Bir necha kun davom etgan qizg‘in va murosasiz bahslar yakuniga yetib, sport turlari bo‘yicha g‘olib hamda sovrindor jamoalar aniqlandi.
Web-Sayt
|
Telegram
|
Facebook
|
Instagram
|
Youtube

Stol tennisi bo‘yicha eng kuchlilar aniqlandi
"Yangi O‘zbekiston talabalari olimpiadasi" doirasida stol tennisi bo‘yicha qiziqarli va murosasiz kechgan musobaqalar o‘z nihoyasiga yetdi. Unda yurtimiz oliygohlarining iqtidorli talabalari shaxsiy yakkalik va aralash juftlik bahslarida o‘z mahoratlarini namoyish etishdi.
Musobaqa g‘olib va sovrindorlari:
Shaxsiy yakkalik (qizlar):
1-o‘rin: Diyora Toshpo‘latova (Toshkent davlat iqtisodiyot universiteti)
2-o‘rin: Shahrizoda Sharipova (Chirchiq davlat pedagogika universiteti)
3-o‘rin: Gulnoz Sheralieva (Urganch davlat universiteti)
3-o‘rin: Gulbahor Abdusalomova (Namangan davlat universiteti)
Shaxsiy yakkalik (o‘g‘il bolalar):
1-o‘rin: Muhammadaminxo‘ja Abdurasulov (Chirchiq davlat pedagogika universiteti)
2-o‘rin: Diyorbek Tohirmuhammadjonov (Qo‘qon davlat pedagogika instituti)
3-o‘rin: Dilshodbek Rajabov (Urganch davlat universiteti)
3-o‘rin: Sherzod Yo‘ldoshev (Nukus davlat pedagogika instituti)
Aralash juftlik:
1-o‘rin: Faridjon Jumakulov va Noila Nishonova (Urganch davlat universiteti)
2-o‘rin: Nizomiddin Ro‘ziboyev va Muhlisa Abdumannopova (Farg‘ona davlat universiteti)
3-o‘rin: Omadillo Ikramov va Mohira Abdullaeva (Andijon davlat pedagogika instituti)
3-o‘rin: Azizbek To‘ymurodov va Sevinch Azimjonova (Guliston davlat universiteti)
Barcha g‘olib va sovrindorlarni erishgan yutuqlari bilan muborakbod etamiz. Talaba-yoshlarimizga kelgusi faoliyatlari va sportdagi zafarlarida ulkan muvaffaqiyatlar tilaymiz!
Web-Sayt
|
Telegram
|
Facebook
|
Instagram
|
Youtube

#Xushxabar
⚡️
Toshkent davlat iqtisodiyot universiteti “Yangi O‘zbekiston talabalari olimpiadasi” sport musobaqalarida umumjamoa hisobida birinchi o‘rinni egalladi
Mamlakatimizda talaba-yoshlar o‘rtasida sog‘lom turmush tarzini targ‘ib qilish hamda ommaviy sportni yangi bosqichga olib chiqish maqsadida o‘tkazilgan
“Yangi O‘zbekiston talabalari olimpiadasi”
sport musobaqalarining tantanali yopilish va g‘oliblarni taqdirlash marosimi bo‘lib o‘tdi.
Quvonarlisi, ushbu nufuzli respublika musobaqalarida Toshkent davlat iqtisodiyot universiteti jamoasi va sportchi talabalari o‘zlarining yuqori salohiyatlarini namoyish etib, universitet sharafini munosib himoya qildilar va ulkan muvaffaqiyatlarni qo‘lga kiritdilar.
Xususan,
sport faoliyati va jismoniy madaniyat ta’lim yo‘nalishi
mavjud bo‘lmagan oliy ta’lim tashkilotlari o‘rtasida TDIU umumjamoa hisobida respublikada
1-o‘rinni egalladi
va
I darajali diplom
hamda
30 000 000 (o‘ttiz million) so‘mlik pul mukofoti
bilan taqdirlandi. Universitetimizning sport klubi jamoasi erkaklar o‘rtasidagi Basketbol 3x3 musobaqalarida respublika
final bosqichi g‘olibi deb topilib, I darajali diplomg
a sazovor bo‘ldi. Shuningdek, sportchilarimiz stol tennisi sport turi bo‘yicha umumjamoa hisobida respublika final bosqichining
faxrli 3-o‘rin
bilan taqdirlandilar.
G‘alaba ramzi bo‘lgan diplomlar, maxsus sertifikat va kubokni universitet rektori
To‘lqin Teshabayev
qabul qilib oldi.
“Yangi O‘zbekiston talabalari olimpiadasi”
sport musobaqalari  O‘zbekiston Respublikasi Sport vazirligi, Oliy ta’lim, fan va innovatsiyalar vazirligi, Milliy Olimpiya qo‘mitasi hamda O‘zbekiston talabalar sporti assotsiatsiyasi tomonidan yuqori saviyada tashkil etildi.
Universitetimiz nufuzini respublika miqyosida yuqori cho‘qqilarga olib chiqqan barcha sportchi talabalarimizni va g‘alabaga munosib hissa qo‘shgan TDIU sport klubi murabbiylarini ushbu yuksak muvaffaqiyat bilan muborakbod etamiz.
🇺🇿
TDIU Axborot xizmati
🚀
Toshkent davlat iqtisodiyot universiteti rasmiy telegram kanali:
@tsueuzofficial

#Sport
#TalabalarOlimpiadasi
“Yangi O‘zbekiston talabalari Olimpiadasi”: Respublika bosqichida TDIU talabalari yuksak natijalar qayd etdi
Batafsil saytda
TDIU Axborot xizmati
🚀
Toshkent davlat iqtisodiyot universiteti rasmiy telegram kanali:
@tsueuzofficial